Psikoterapia Pozitive Transkulturore

Çfarë është Psikoterapia Pozitive

• Psikoterapia Pozitive është një qasje e re në psikoterapinë humaniste dhe e bazuar në konceptin psikodinamik. Dr. Nossrat Peseschkian dhe aplikohet në mbi 33 vende të botës.
• Psikoterapia Pozitive zhvillon konceptin humanist të njeriut duke marrë parasysh aspektet transkulturore të njeriut në zgjidhjen e konflikteve.
• “Pozitive” vjen nga gjuha latine "positum" që do të thotë "e tërë, e dhënë, aktuale" dhe nuk do të thotë se çdo gjë duhet të shikohet pozitivisht, por qasja ndaj problemit duhet shikuar nga të gjitha format, aspektet dhe qëndrimet, duke marrë parasysh edhe burimet e kapacitetet e dhëna, përveç problemeve dhe shqetësimeve
• Qëllimi kryesor në Psikoterapinë Pozitive është zhvillimi dhe aplikimi sistematik i metodologjisë së strukturuar mbi cilësinë e jetës.
• Psikoterapia Pozitive është afatshkurtër, ku trajtimi kryhet më shkurt se në qasjet e tjera psikoanalitike.
• Çrregullimet dhe konfliktet nuk janë vetëm faktografike, por njeriu në të njëjtën kohë zotëron kapacitete për t’i përballuar ato.
• Psikoterapia Pozitive vërteton se njeriu posedon dy lloj kapacitetesh
- kapacitetin për të dashur (dhe për t'u dashur)
- kapacitetin për të njohur (dhe pëiçr t'u njohur)
• Në Psikoterapinë Pozitive klienti dhe pacienti mësojnë dhe arrijnë që të ndryshojnë rolin e tyre nga pacient në terapist për veten dhe partnerin apo pjesëtarët e tjerë të përfshirë në procesin terapeutik.
• Psikoterapia pozitive ofron mundësinë e koncepteve themelore në trajtimin e të gjitha sëmundjeve dhe konflikteve. Kjo qasje përfshin konceptet në të cilat mund të përdoren metodat e ndryshme të shkollave dhe drejtimeve të shumta psikoterapeutike. Psikoterapia Pozitive ka tri aspekte në qasjen e vet:
1. Krijimi i balancë-modelit
3. Pesë hapat terapeutikë në Psikoterapinë Pozitive

Parimet në Psikoterapinë Pozitive:
1. Parimi i shpresës
2. Parimi i ekuilibrit (balancës)
3. Parimi i konsultimit

Konceptet themelore të Psikoterapisë Pozitive:
1. Koncepti pozitiv në psikoterapi - aspekti transkulturor
2. Koncepti i përmbajtjes dhe dinamikës së konfliktit - metakomunikimi
3. Pesë nivelet integrale në Psikoterapinë Pozitive - metateoria

Balancë-modeli në psikoterapinë pozitive përbëhet prej katër aspekteve, të cilat janë fusha të veprimtarisë, por edhe të arratisjes së pavetëdijshme në raste konfliktesh e crregullimesh:
1. Trupi/shëndeti
2. Arritja/puna
3. Kontakti/raportet
4. Fantazia/e ardhmja

Trajtimi në Psikoterapinë Pozitive ka pesë hapa integralë:
1. Vëzhgimi/distancimi
2. Inventarizimi
3. Inkurajimi situacional
4. Verbalizimi
5. Zgjerimi i synimeve

Psikoterapia Pozitive në vetvete ka metoda dhe teknika me të cilat mund te trajtohen çrregullime dhe sëmundje të ndryshme që kanë origjinë dhe manifestim psikologjik.
• Tregimet, anekdodat, përrallat, mendimet e njerëzve të famshëm dhe citatet nga burimet e ndryshme, përdoren gjithashtu si mjete ndihmëse efektive në Psikoterapinë Pozitive. Për më shumë mbi Psikoterapinë Pozitive dhe veprimtarinë ndërkombëtare në këtë fushë të psikoterapisë, mund të vizitohet www.positum.org.