Humanum

07/04/2026

🧩 Hyrja e lirë- vendet e rezervuara 📲 Shkruani në 0692501637 për regjistrime

🎨Si mund të bëhet arti një urë komunikimi për fëmijët dhe individët në spektrin e autizmit?

🌈Në këtë workshop me Lektoret dhe do të eksplorojmë fuqinë e terapisë së artit si një mjet krijues dhe thellësisht shprehës për të ndihmuar fëmijët me autizëm në:
✨ zhvillimin emocional
✨ përmirësimin e komunikimit
✨ rritjen e vetë-shprehjes
✨ ndërtimin e lidhjeve më të sigurta

Përmes teknikave konkrete, duke nisur që nga veçoritë e vizatimeve të fëmijëve me autizëm e deri tek bashkëndarja e përvojës klinike, pjesëmarrësit do të mësojnë si të përdorin artin (teknikat ekspresive) praktikisht në procesin e ndërhyrjes dhe trajtimit.

🧠 I përshtatshëm për psikologë, terapistë prindër, edukatorë dhe këdo që dëshiron të kuptojë më thellë sesi terapia e artit ndihmon botën e autizmit.

📍 Bashkohu me ne për të zbuluar se si kreativiteti mund të bëhet një formë shërimi.

02/04/2026

🪁 Takiwātanga, që përkthehet "në kohën dhe vendin e vet", term nga gjuhëtari dhe studiuesi māori Keri Opai, fjalë që e përcakton autizmin shumë ndryshe nga perspektiva e zakontë perëndimore, duke e parë si një mënyrë unike e të parit të botës dhe jetës.

01/04/2026

Ju ftojmë në një trajnim profesional shumë praktik e të dobishëm:

🧩 "Çrregullimet e spektrit të autizmit; vlerësimi psikologjik, instrumentet dhe hartimi i raportit"- për psikologë, punonjës socialë, terapistë ABA, zhvillimi, mësues ndihmës, studentë e për këdo tjetër që kërkon të mësojë më shumë për temën.
🗓 Dt 18 Prill, e shtunë 🕚 Ora 10.00
📑 Lektore MSc Adela Kalluçi & Amarilda Garuli
📍 Në Studion e Psikologjisë Humanum në Tiranë dhe online në zoom

💌 Pjesëmarrësit pajisen me certifikatë, instrumentet dhe leksioni i trajnimit.
📲 Për info dhe regjistrime 0692501637

🖇 Çrregullimet e spektrit të autizmit hasen gjithmonë e më shpesh në praktikën klinike.
Për këtë arsye është shumë e rëndësishme të bëhet një vlerësim korrekt ku të shihen vështirësitë dhe potenciali i fëmijës; ku vlerësimi është hapi i parë i ndërhyrjes.

🌐 Trajnimi pajis pjesëmarrësit me instrumentet vlerësuese për të identifikuar nevojat zhvillimore të fëmijës.

🔖Trajnimi përfshin vlerësimin psikologjik, hap pas hapi, konkretisht:
1. Intervista me prindërit
2. Vëzhgimi klinik
3. 3 Instrumente vlerësimi
4. Hartimi i raportit përfundimtar

31/03/2026

🎯Disa teknika projektive terapie arti, të përshtatshme për çdo moshë, për të kuptuar emocionet e forta përgjatë situatave të ndryshme jetësore; perceptimin e stresit, mekanizmat mbrojtës, frikën, pasigurinë, vetrregullimin emocional 🖍

1️⃣ "Vizato një far, një varkë, një stuhi
2️⃣ "Vizato një pemë gjatë një stuhie"
3️⃣ "Vizato një person në shi"

29/03/2026

Shërbime psikologjike

26/03/2026

❤️‍🩹 Kjo është ajo që del në pah shpeshherë në terapi kur pacientët flasin për dhimbjet e tyre nga fëmijëria e hershme, kur kanë ndjerë PAMUNDËSINË PËR TË KËRKUAR NDIHMË, apo për ta marrë këtë ndihmë. Nuk është problemi vetëm tek dhimbja, por kush ishte aty me ta për t'i mbështetur?

⚠️ Kjo nënkupton jo thjesht që dhimbja dëmton, por që mungesa e një të rrituri që ta ndajë dhe ta përmbajë atë dhimbje është ajo që e kthen përvojën në traumë.

1️⃣. Dhimbja është e pashmangshme, por vetmia në dhimbje është traumatike
Çdo fëmijë përjeton frikë, trishtim, refuzim apo humbje. Këto janë pjesë normale të rritjes. Por kur fëmija nuk ka dikë që ta kuptojë, ta dëgjojë apo ta qetësojë, ai mbetet vetëm përballë emocioneve që nuk di t’i menaxhojë.

2️⃣. Fëmija nuk ka ende kapacitet për vetë-rregullim emocional
Truri i fëmijës është në zhvillim. Ai ka nevojë për një të rritur që të “rregullojë” emocionet bashkë me të (co-regulation). Kur kjo mungon, ndjenja bëhet e tepërt dhe e frikshme.

3️⃣. Mesazhi i brendshëm që krijohet
Kur askush nuk përgjigjet ndaj dhimbjes së tij, fëmija mund të përkthejë përvojën si:

“Askush nuk është aty për mua”

“Ndjenjat e mia janë shumë ose të gabuara”

“Duhet t’i mbaj brenda”

Këto besime mund të mbeten edhe në moshë të rritur.

4️⃣. Trauma si “izolim emocional”
Sipas Maté, trauma nuk është vetëm ajo që ndodh, por ajo që ndodh brenda nesh si pasojë e mungesës së lidhjes. Pra, thelbi është shkëputja: nga të tjerët dhe nga vetja.

5️⃣. Çfarë do të thotë kjo në praktikë
Një fëmijë që qan dhe dikush i thotë “mos qaj” mund të ndihet më i vetëm sesa një fëmijë që qan dhe dikush i thotë:
“E di që të dhemb, jam këtu me ty.”

18/03/2026

📲 Për info dhe regjistrime kontaktoni në nr 0692126362

🍃Trajnim profesional- VLERËSIMI DHE NDËRHYRJA KLINIKE NË PROCESIN E ZISË

👩‍🏫 Lektore: Msc. Krisalda Sauli
Të dielen 29 Mars, online, ora 10:00

Procesi i zisë sipas qasjeve/teorive, shqetësimet dhe çrregullimet e lidhura me procesin e zisë, instrumentet e vlerësimit, teknika të ndërhyrjes në raste shkolle, komuniteti dhe në raste klinike.

16/03/2026

Shërbime psikologjike

04/03/2026

1️⃣ Frymëmarrja 4-7-8
Merr frymë për 4 sekonda, mbaje për 7 sekonda dhe nxirre ngadalë për 8 sekonda.
Ngadalësimi i frymëmarrjes qetëson sistemin nervor dhe rrahjet e zemrës duke ndihmuar në ankthin akut.

2️⃣Teknika 5-4-3-2-1
Emërto 5 gjëra që sheh, 4 që dëgjon, 3 që prek, 2 aroma që percepton dhe 1 shije.
Është një ushtrim grounding (tokëzimi) i cili çon vëmendjen në çastin aktual duke ndërprerë ciklin e mendimeve ripërtypëse ankthioze.

3️⃣Shkruaj 3 mendime dhe pastaj gris fletën
Jashtëzimi apo materializimi i mendimeve, çliron mendjen. Grisja simbolikisht ndihmon për të lënë të ikë atë që s'të duhet.

Këto janë teknika të thjeshta por praktike që ndihmojnë konkretisht në uljen e ankthit, e sigurisht nuk zëvendësojnë konsultën apo orientimin profesional të një terapisti.

🍃 Nëse ndjen se ke nevojë, mos hezito të kërkosh ndihmë.

04/03/2026

Igresa S Duka

Shërbime psikologjike

02/03/2026

Shërbime psikologjike