Gyumri Medical center

04/03/2026

Մարտի 12-ին Գյումրու բժշկական կենտրոնի մանկաբարձագինեկոլոգիական բաժանմունքում նախատեսվում է
Շենգավիթ ԲԿ-ի մանկաբարձագինեկոլոգիական ծառայության ղեկավար Ա. Սիրունյանի հերթական այցը։

Նախօրոք հերթագրվելու համար զանգահարել` 091055483։

03/03/2026

Գյումրու բժշկական կենտրոնի մանկաբարձագինեկոլոգիական բաժանմունքի մանկաբարձ-գինեկոլոգ Ալլա Հովհաննիսյանը և մանկաբարձ-գինեկոլոգ, ռեպրոդուկտոլոգ Արմինե Սարգսյանը
մասնակցել են «Սուրբ Գրիգոր Լուսավորիչ» բժշկական կենտրոնի սիմուլյացիոն կենտրոնի կազմակերպած մասնագիտական վերապատրաստման դասընթացներին։
Դասընթացներն անցկացվում են Հայաստանում եզակի սիմուլյացիոն կենտրոնում՝ գերժամանակակից սիմուլյացիոն պլատֆորմների և արհեստական բանականությամբ (AI) հագեցած սարքավորումների կիրառմամբ։

👨‍⚕️👩‍⚕️ Մասնակիցները հնարավորություն են ունեցել՝
🔹 կատարելագործել իրենց գործնական հմտությունները
🔹 աշխատել իրականին առավելագույնս մոտ կլինիկական սցենարներում
🔹 սովորել անվտանգ և վերահսկվող պայմաններում՝ առանց պացիենտի ռիսկի
Սիմուլյացիոն կենտրոնը նախատեսված է ինչպես կլինիկական օրդինատորների (ռեզիդենտների), այնպես էլ ավագ բուժաշխատողների համար։ Դասընթացները վարում են փորձառու մենթորներ՝ ապահովելով բարձր արդյունավետ ուսուցում։

❗️ Վերապատրաստման դասընթացները կրեդիտավորված են ՀՀ առողջապահության նախարարության կողմից։

02/03/2026

Գյումրու բժշկական կենտրոնի մանկաբարձագինեկոլոգիական բաժանմունքում փետրվար ամսին գրանցվել է 78 ծնունդ։

Շնորհավորում ենք բոլոր ընտանիքներին և մաղթում փոքրիկներին առողջ ու խաղաղ մանկություն 💙

25/02/2026

Տասնյակ թոշակառուների կյանքեր են փրկվել, մոտ քսան տոկոսով ավելացել է մեր ծառայությունում աշխատող բժիշկների վարձատրությունը․Առողջության համընդհանուր ապահավագրության արդյունքները Գյումրու ԲԿ-ում։

Արդեն երկու ամիս է հանրապետությունում Առողջության համընդհանուր ապահավագրությունը, ինչի արդյունքում ինչպես «Գյումրի ԲԿ»-ի Ինտերվենցիոն ծառայության ղեկավար ...

21/02/2026

Գյումրու ԲԿ կաթվածի և նյարդաբանական բաժանմունքի ղեկավար Ժորա Բաղդասարյանը ընդունվել է Բեռնի համալսարան։ Երկուս ու կես տարվա տևողությամբ այս եվրոպական մաստեր ծրագիրը ավարտվում է մագիստրոսական թեզի պաշտպանությամբ։ Կաթվածի հետդիպլոմային ուսուցման ոլորտում այս ծրագիրը լավագույններից է ոչ միայն Շվեյցարիայում, այլ նաև ամբողջ աշխարհում։

Սա հրաշալի հնարավորություն է Գյումրու բժշկական կենտրոնում եվրոպական լավագույն ստանդարտների շարունակական ներդրման համար։

Այս ձեռք բերումը կարևոր է ոչ միայն անհատական մակարդակում, այլ լուրջ քայլ է տարածաշրջանում կաթվածի բուժման արդյունավետության բարձրացման և հիվանդների համար առավել մրցունակ ու ժամանակակից բժշկական միջավայր ստեղծելու ուղղությամբ։

Այլ կերպ ասած՝ խոսքը միայն մագիստրոսի կոչման մասին չէ․ խոսքը Գյումրու ԲԿ-ում նյարդաբանական ծառայության որակական նոր փուլ մտնելու հնարավորության մասին է։

19/02/2026

МИР 24-ի անդրադարձը Գյումրու բժշկական կենտրոնի աշխատանքին

15/02/2026

Այսօր Գյումրու բժշկական կենտրոնի գործադիր տնօրեն Արմեն Իսահակյանի ծննդյան օրն է։

Ջերմորեն շնորհավորում ենք և մաղթում քաջառողջություն, անսպառ էներգիա ու նոր հաջողություններ։ Երախտագիտություն ենք հայտնում Գյումրու բժշկական կենտրոնի զարգացման և կայացման գործում ունեցած Ձեր նշանակալի ներդրման, նվիրված ու պատասխանատու աշխատանքի համար։

Թող Ձեր նախաձեռնություններն ու հետևողական աշխատանքը շարունակեն նպաստել կենտրոնի առաջընթացին և մարդկանց առողջության պահպանմանը։

Հարգանքով` Գյումրու բժշկական կենտրոնի աշխատակազմ

13/02/2026

Հղիության պլանավորման խորհրդատվություն, հղիների հսկողություն, անպտղության հաղթահարման ծրագրի իրագործում, արհեստական ընդհատումներ ու ծնելիության ցուցանիշ: Այս և այլ հարցերի մասին խոսել է Գյումրու ԲԿ մանկաբարձագինեկոլոգիական ծառայության ղեկավար Էդգար Սուքիասյանը

09/02/2026

Գյումրու բժշկական կենտրոնում գործում է մաշկաբանական կաբինետ 👨‍⚕️

Մաշկասեռավարակաբան Դավիթ Ղարագյոզյանի կողմից իրականացվում է մաշկային տարբեր հիվանդությունների ախտորոշում, խորհրդատվություն և բուժում։

Մատուցվող ծառայությունները՝
📌 Մաշկային հիվանդությունների բուժում (փսորիազ, էկզեմա, սեբորեային դերմատիտ, տարբեր դերմատիտներ)
📌 Սնկային հիվանդությունների ախտորոշում և թերապիա
📌 Ակնեի (կորյակային ցանի) և հետակնեի համալիր բուժում
📌 Վիրուսային մաշկաբորբերի բուժում
📌 Մաշկի, մազերի և եղունգների խնդիրների մասնագիտական հետազոտություն
📌 Պապիլոմաների և գորտնուկների անցավ հեռացում՝ հեղուկ ազոտի միջոցով

📅 Ընդունելություն՝ առայժմ միայն ուրբաթ օրերին
🕘 Ժամը՝ 09:00–16:00

Նոր ծառայությունը հնարավորություն է տալիս տեղում ստանալ մասնագիտական խորհրդատվություն և արդյունավետ բուժում։

03/02/2026

Հունվարին Գյումրու բժշկական կենտրոնի մանկաբարձագինեկոլոգիական բաժանմունքում լույս աշխարհ է եկել 99 նորածին 🥰

28/01/2026

Սիրելի՛ հայրենակիցներ,
հարգելի՛ զինվորներ և սպաներ,

Շնորհավորում եմ Ձեզ Հայաստանի Հանրապետության բանակի կազմավորման 34-րդ ամյակի առթիվ։

Հայկական բանակը մեր պետականության և անվտանգության կարևորագույն հենասյուներից է՝ ձևավորված հայրենասիրության, պատասխանատվության և ծառայության բարձր արժեքների վրա։

Այս օրը կարևոր եմ համարում նաև ընդգծել ռազմական բժիշկների և բուժանձնակազմի դերը, որոնք թե՛ խաղաղ, թե՛ մարտական պայմաններում ապահովում են զինծառայողների առողջությունն ու կյանքը՝ իրենց մասնագիտական պարտքը կատարելով մեծ պատասխանատվությամբ։

Գյումրու բժշկական կենտրոնի անունից շնորհակալություն եմ հայտնում զինված ուժերի բոլոր ներկայացուցիչներին՝ հայրենիքին ծառայելու համար։

Մաղթում եմ մեր բանակին խաղաղ ծառայություն, ուժեղ զինվորներ և անվտանգ ապագա մեր երկրին։

Փա՛ռք հայկական բանակին։

Արմեն Իսահակյան
Գյումրու բժշկական կենտրոնի
գործադիր տնօրեն

14/01/2026

Տեղեկացնում ենք, որ WhatsApp հարթակում Գյումրու բժշկական կենտրոնի գործադիր տնօրեն Արմեն Իսահակյանի անունից ստեղծվել է կեղծ էջ, որը որևէ առնչություն չունի նրա հետ։ Խնդրում ենք անտեսել այդ էջից ստացվող հաղորդագրությունները։ Կեղծ էջի միջոցով փորձ է արվում ներկայացնել, թե իբր փոխել է նրա հեռախոսահամարը՝ կեղծ տեղեկությունների տարածումն առավել համոզիչ դարձնելու նպատակով։ Տեղեկացնում ենք, որ կոնտակտային տվյալներում որևէ փոփոխություն չի եղել