31/12/2025
Սիրելի գործընկերներ, հարգելի բուժաշխատողներ, սիրելի քաղաքացիներ,
Սրտանց շնորհավորում եմ ձեզ Ամանորի և Սուրբ Ծննդյան կապակցությամբ։
Տարին, որ ճանապարհում ենք, լի էր փորձություններով, պատասխանատու որոշումներով և անքուն օրերով, սակայն նաև՝ նվիրումով, մարդասիրությամբ և մասնագիտական հաղթանակներով։
Այս ճանապարհին մեր բուժաշխատողները պատվով իրականացրել են իրենց առաքելությունը՝ ծառայելով մարդուն, հասարակությանը և մեր պետությանը։ Ձեր նվիրված աշխատանքը ոչ միայն մասնագիտական պարտք է, այլև հայրենասիրության բարձրագույն դրսևորում։
Խորին երախտագիտություն եմ հայտնում Թալինի բժշկական կենտրոնի ողջ անձնակազմին՝ բժիշկներին, բուժքույրերին, կրտսեր և վարչական աշխատակիցներին, ովքեր իրենց գիտելիքով, փորձով ու մարդկային վերաբերմունքով ամեն օր կանգնած են մեր քաղաքացիների առողջության, իսկ այդպիսով՝ մեր երկրի ապագայի կողքին։
Թող գալիք 2026 թվականը բերի խաղաղություն և կայունություն մեր հայրենիքին, առողջություն ու բարօրություն մեր ժողովրդին։ Թող այն լինի համախմբվածության, փոխվստահության և զարգացման տարի։ Մաղթում եմ, որ յուրաքանչյուր ընտանիքում իշխի ջերմություն ու հավատ, իսկ մեր հիվանդանոցում՝ շարունակական առաջընթաց, ուժեղ թիմ և նոր ձեռքբերումներ՝ հանուն Հայաստանի առողջ ու ամուր ապագայի։
Շնորհավոր Ամանոր և Սուրբ Ծնունդ 🎄
Թող նոր տարին մեզ պարգևի ուժ՝ ծառայելու մեր ժողովրդին և հավատ՝ վաղվա Հայաստանի նկատմամբ։
