Dr. Armen Ohanyan/ Վարակաբան Արմեն Օհանյան

07/11/2025

Բոլոր տարիքի անձանց համար։ 24/7 լաբորատորիա, գործիքային ախտորոշում։ Հասցեն Առնո Բաբաջանյան 21 ( Նավիգատորով 42)։

02/11/2025

Ինչու՞ անցնել այս անվճար հետազոտությունները

✅Վաղ փուլում հայտնաբերել հիվանդությունը, ինչը թույլ է տալիս
👉Իրականացնել լիարժեք բուժում կամ լիարժեք հսկողություն
👉Պաշտպանել ձեր հարազատներին, կանխելով նրանց վարակումը
👉Կանխել հետագա հաշմանդամությունը և թանկարժեք բուժումները
✅Հնարավորություն ստանալ անվճար բուժօգնություն, մասնավորապես
👉Պետական ծրագրերի շրջանակում հեպատիտ Ց-ի թանկարժեք դեղորայքով լիարժեք բուժումը հասանելի է ՀՀ քաղաքացիների համար 0 դրամով
👉ՄԻԱՎ-ի հսկողությունն ու դարձյալ թանկարժեք դեղորայքով բուժումը հասանելի է 0 դրամով
👉Հեպատիտ Բ-ի կանխարգելումն (պատվաստումը) ընտանիքի անդամների շրջանում հասանելի է 0 դրամով
💡 Եվ հիշեք ունեցած հիվանդություների մասին անտեղյակությունը չի ազատում անձին հիվանդության բարդություններից
#տեղեկացվածեսպաշտպանվածես

15/10/2025

Ձեռքերի լվացման համաշխարհային օր, պարզ քայլ, որ թողնում է մեծ հետևանք..

👏Հոկտեմբերի 15-ը Ձեռքերի լվացման համաշխարհային օրն է, որն առաջին անգամ անցկացվել է 2008 թվականին`ՄԱԿ-ի մանկական հիմնադրամի (ՅՈՒՆԻՍԵՖ) և Առողջապահության համաշխարհային կազմակերպության նախաձեռնությամբ: Օրվա նշանավորումը նպատակ ունի հանրության ուշադրությունը ևս մեկ անգամ սևեռել ձեռքերի լվացման պարզ, սակայն շատ կարևոր հիգիենիկ գործընթացի անհրաժեշտության վրա` որպես բազմաթիվ հիվանդությունների կանխարգելման հիմնական միջոց:🫧

💦Օրն այս տարի նշվում է «Դարձիր ձեռքերի լվացման հերոս» (Be a Handwashing Hero) կարգախոսով՝ կոչ անելով յուրաքանչյուրին դառնալ օրինակ սեփական ընտանիքում, աշխատավայրում կամ համայնքում՝ խթանելով ձեռքերի հիգիենայի մշակույթը։

Առողջապահության համաշխարհային կազմակերպության տվյալների համաձայն՝ ամբողջ աշխարհում տարեկան արձանագրվում է ներհիվանդանոցային վարակների 14 միլիոն դեպք, որոնց 4️⃣0️⃣-8️⃣0️⃣%-ը փոխանցվում է ձեռքերի միջոցով:

🧼🧴Օճառով և մաքուր ջրով ձեռքերը լվանալը շարունակում է մնալ ամենաարդյունավետ և մատչելի միջոցը վարակների կանխարգելման համար։ Այն կարող է նվազեցնել փորլուծություն առաջացնող հիվանդությունների ռիսկը մինչև 4️⃣0️⃣%-ով և շնչառական վարակները՝ շուրջ 2️⃣0️⃣%-ով։ Ձեռքերի ճիշտ լվացումը կանխում է նաև այնպիսի հիվանդությունների տարածումը, ինչպիսիք են COVID-19-ը, գրիպը և մաշկային վարակները։

💦Եվս մեկ անգամ հիշեցնում ենք ձեռքերի լվացման կանոնները՝ հիշեցնելով, որ անհրաժեշտ է այս պարզ գործողությունը դարձնել սովորություն:

10/10/2025

Վերհիշենք վարակների դերը հոգեկան առողջության մեջ...Այսօր նշվում է հոգեկան առողջության համաշխարային օրը։

Դեպրեսիա, պարանոյա, դեմենցիա, շիզոֆրենիա, երկբևեռ խանգարում, խուճապի նոպաներ, նյարդային անորեքսիա և օբսեսիվ-կոմպուլսիվ խանգարում․․․

💡Հիվանդությունների այս մեծ շարքի պատճառ կարող են լինել նաև ինֆեկցիոն հիվանդությունները, որոնք վնասում են ուղեղը:

👉Բացի վերոնշյալ խնդիրներրից` սովորաբար այլ գանգատներ ևս լինում են ինֆեկցիոն հիվանդություններին բնորոշ (ջերմություն, մկանացավեր, գլխացավ, պարանոցային մկանների լարվածություն, գոտկային ցավեր․․․) և բուն նյարդաբանական (տարատեսակ ցավեր, պարեզներ, պարալիչներ, ՄՌՏ փոփոխություններ)
☝️ Սակայն կարող են նաև բացակայել

✅Նշված խանգարումները վերաբերում են, մասնավորապես, նեյրոբորելիոզին՝ Լայմի հիվանդությանը, և նեյրոբրուցելոզին:

✅Վերջնական ախտորոշման համար, երբ գերակշռում են, կամ միայն առկա են հոգեկան ոլորտի խնդիրներ, հարկավոր է իրականացնել ողնուղեղային հեղուկի հետազոտություններ:

✅Այս ախտորոշումները շատ են բաց թողնվում, որն ապացուցվում է առանձին հետազոտություններով։ Պարզվում է, որ ոչ միայն կա նման բան, այլև հաճախությունն էլ ենթադրվողից բավականին շատ է։

✅Նեյրոբրուցելոզի վերաբերյալ տվյալները շատ ավելի սակավ են, քանի որ զարգացած երկրներում հիվանդությունը հազվադեպ է հանդիպում՝ ի տարբերություն մեր երկրի:

01/10/2025

18/09/2025

🗓️Սեպտեմբերի 18-ը որոշ երկրներում նշվում է որպես ՄԻԱՎ/ՁԻԱՀ-ի և ծերացման իրազեկման օր (HIV/AIDS and Aging Awareness Day):

Այս օրը առիթ է հիշեցնելու, որ բժշկության առաջընթացի շնորհիվ ՄԻԱՎ ունեցող անձինք այսօր ապրում են ավելի երկար և առողջ կյանքով։ 📈ԻՀԱԿ վիճակագրական տվյալների համաձայն` 2025 թվականի հունիսի վերջի դրությամբ Հայաստանում հակառետրովիրուսային (ՀՌՎ) բուժում է ստանում 4000-ից ավելի անձ, որոնցից 500-ից ավելին 6️⃣0️⃣ և ավելի բարձր տարիքի անձինք են:

❗️Միաժանանակ կարևոր է ընդգծելը, որ տարիքին զուգահեռ առաջանում են նոր մարտահրավերներ՝ և՛ բժշկական, և՛ սոցիալական։

👴👵Տարեց մարդիկ, որոնք ապրում են ՄԻԱՎ-ով, հաճախ բախվում են խարանին, մեկուսացմանը կամ առողջապահական ծառայություններին հասանելիության դժվարություններին։ Մեր ընդհանուր պատասխանատվությունն է ապահովել նրանց լիարժեք մասնակցությունը հանրային կյանքին։

Այս օրը հիշեցնում է, որ ՄԻԱՎ-ը միայն առողջապահական խնդիր չէ․ այն նաև մարդու իրավունքների և կարեկցանքի դաշտում է։ Մենք պետք է միասին բարձրացնենք իրազեկվածությունը և ստեղծենք այնպիսի միջավայր, որտեղ տարեց մարդիկ, որոնք ապրում են ՄԻԱՎ-ով, իրենց զգան անվտանգ, հարգված և գնահատված։

Օգտագործենք այս օրը՝ վերահաստատելու մեր հանձնառությունը`ապահովել խնամք՝ առանց խտրականության, տարածել գիտելիք՝ առանց վախի, և կառուցել այնպիսի հասարակություն, որտեղ տարիքը կամ ՄԻԱՎ-ի կարգավիճակը երբեք չեն սահմանափակի մարդու` լիարժեք ու արժանապատիվ կյանքի իրավունքը:

16/09/2025

Սնկային հիվանդությունների իրազեկման շաբաթ։

🫁Սնկային թոքաբորբերը կազմում են թոքաբորբերի շատ փոքր մասը (

01/09/2025

Շնորհավոր սեպտեմբերի 1!!!

Սիրելի աշակերտներ, ուսուցիչներ և ծնողներ, շնորհավորում եմ նոր ուսումնական տարվա մեկնարկի առիթով։ Մաղթում եմ առողջ, ստեղծագործ և անվտանգ տարի, միաժամանակ հիշեցում՝ աշնանային սեզոնին և դպրոցների մեկնարկին ինֆեկցիաների կանխարգելումը կարևոր է բոլորիս համար։ 📚✏️

Ահա կարճ ու գործնական խորհուրդներ, որոնք կօգնեն կանխարգելել վարակների տարածումը․

1️⃣🙌🏻Ձեռքերի հիգիենա՝ ամենաարդյունավետ սովորությունը

🔹Լվացեք ձեռքերը օճառով ու ջրով առնվազն 20 վայրկյան՝ հատկապես դպրոց մտնելիս, դպրոցից դուրս գալիս, ուտելուց առաջ, զուգարանից օգտվելուց հետո, հազալուց, փռշտալուց կամ տրանսպորտից օգտվելուց հետո։
🔹Ջուր, օճառ չլինելու դեպքում օգտագործեք ալկոհոլային հիմքով ախտահանիչներ՝ ≥60% ալկոհոլով։ Միևնույն ժամանակ մի՛ չարաշահեք ախտահանիչները, որպեսզի չառաջանա մաշկի չորություն, երբ հնարավոր է, նախընտրեք ձեռքերի լվացում։

2️⃣🪟Մաքուր օդ փակ միջավայրերում

🔹Դասասենյակներում և գրասենյակներում ապահովեք օդափոխություն՝ բաց պատուհաններ, դռներ։

3️⃣Հիվանդ լինելու, գանագտներ ունենալու, այդ թվում՝ մրսածության դեպքում
🔹մնացեք տանը, թույլ տվեք երեխային վերականգնվել և մի՛ տարեք դպրոց կիսահիվանդ վիճակում. սա պաշտպանում է մյուսներին և արագացնում է հիվանդի առողջացումը։

4️⃣🍲Սննդից թունավորումներից պաշտպանվելու արագ կանոններ (դրսում, դպրոցական ճաշարանում)

🔹Ընտրեք վստահելի վաճառողներ՝ տեսանելի մաքրությամբ, հոսող ջրով, սանիտարական պայմաններով։
🔹Նախընտրեք թարմ և լավ եփված տաք ուտեստներ, խուսափեք կիսախաշ/կիսահում սննդից։
🔹Սառը ու տաք սնունդը պահեք ճիշտ ջերմաստիճաններով և սնվելուց առաջ ձեռքերը լվացեք։

5️⃣Պատվաստումները ևս կարևոր են

🔹Թարմացրեք սեզոնային և տարիքային պատվաստումները (օր.՝ գրիպի պատվաստում սեզոնին ընդառաջ, ազգային օրացույցով նախատեսված պատվաստումներ)՝ երեխաներին պաշտպանելու ծանր ընթացքից և բացակայություններից։ Խորհրդատվության համար դիմեք ձեր ընտանեկան բժշկին։

6️⃣Դպրոցների համար կազմակերպչական պարզ քայլեր🏫

🔹Հիգիենիկ ռեժիմներ՝ դասաժամերի միջև ձեռքերի լվացման «պատուհաններ», հազի, փռշտոցի էթիկետի հիշեցումներ, հաճախ շփվող մակերեսների մաքրում, փակ տարածքների օդափոխման գրաֆիկ:

🏥Մենք՝ ԻՀԱԿ-ում, ձեր կողքին ենք՝ խորհրդատվությամբ և աջակցությամբ։ Թող այս տարին լինի առողջ ու հաջողված բոլորիս համար։

Արմեն Օհանյան
ԻՀԱԿ տնօրեն

30/08/2025

Հարգելի հետևորդներ, ուշ ուշ ենք շփվում ։))) ‼️Կարևոր ինֆորմացիա բոլորիդ համար (խնդրում եմ տարածել)։ Երևանում միակ անհետաձգելի բուժօգնության բաժանմունքը, որը սպասարկում է թե երեխաների թե մեծահասակների գործում է Ինֆեկցիոն հիվանդությունների ազգային կենտրոնում։ Այսինքն ընտանեկան հիվանդացության դեպքերում ԻՀԱԿ_ը միակ կենտրոնն է, որ կսպասարկի ողջ ընտանիքին։ Ե՞րբ դիմել ԻՀԱԿ (Առնո Բաբաջանյան 42)։ Սուր սկսված փորլուծություն, փսխումներ, ջերմության բարձրացում, դժվարաշնչություն, հազ, լիմֆատիկ հանգույցների մեծացում, ցանավորումներ` ուղեկցվող ջերմությամբ։ ‼️Հիշեցում հիվանդանոցային բուժօգնությունը և անհետաձգելի բուժօգնությունը` ցուցումների դեպքում իրականացվում է պետական պատվերի շրջանակներում, ամբուլատոր խորհրդատվությունները և ամբուլատոր բուժումները իրականացվում են վճարովի հիմունքներով։

12/07/2025

Այս անգամ ջրծաղիկի մասին ամենակարևորը
#տեղեկացվածպաշտպանված

ՏԵՂԵԿԱՑՎԱԾ🟰ՊԱՇՏՊԱՆՎԱԾ

🦠Այսօր շաբաթ է, ինչը նշանակում է, որ ներկայացնելու ենք հերթական իրազեկող նյութը: Այս անգամ կանդրադառնանք ջրծաղիկին: Այն խիստ վարակիչ հիվանդություն է, որն ԱՀԿ-ն դասակարգում է որպես կառավարելի հիվանդություն, քանի որ արդյունավետ պատվաստանյութի առկայությունը թույլ է տալիս նվազեցնել հիվանդացությունը և բարդությունները:

🏥Շարունակում ենք պատասխանել երեք գլխավոր հարցի՝

❓որքա՞ն է տևում հիվանդության գաղտնի շրջանը,
❓ե՞րբ է դառնում վարակիչ,
❓որքա՞ն ժամանակ է վարակիչ:

🔗Թե ինչպես է տարածվում հիվանդությունը, որոնք են ախտանշաններն ու ինչպես է կատարվում բուժումը, կարդա մեր պաշտոնական կայքում՝ https://shorturl.at/WSKcD

Սպասի՛ր հերթական նյութին հաջորդ շաբաթ։ Չմոռանաս բաժանորդագրվել մեր պաշտոնական էջին, որպեսզի ստանաս բացառապես վստահելի և ապացուցված բժշկական ինֆորմացիա՝ զերծ մնալով ապատեղեկատվությունից և միֆերից:

Մեր հասցեներն են՝

📍ստացիոնար կլինիկա՝ Մալաթիա Սեբաստիա՝ Բաբաջանյան 42
📍ամբուլատոր կլինիկա՝ Ավան՝ Աճառյան 2

📞Թեժ գիծ՝ 8424

#ԻՀԱԿ #ջրծաղիկ #վարակ

05/07/2025

Եղանակին համահունչ հերթական վարակի մասին։ Նկարում կարող եք գտնել շատ ամփոփ և կարևոր ինֆորմացիա։

ՏԵՂԵԿԱՑՎԱԾ🟰ՊԱՇՏՊԱՆՎԱԾ

🏥ԻՀԱԿ-ը շարունակում է անդրադառնալ ամենատարածված վարակներին՝ պատասխանելով երեք գլխավոր հարցի՝

❓որքա՞ն է տևում հիվանդության գաղտնի շրջանը,
❓ե՞րբ է դառնում վարակիչ,
❓որքա՞ն ժամանակ է վարակիչ:

🦠Այս անգամ՝ կոքսակի վիրուսի մասին․ այն ամբողջ աշխարհում տարածված վիրուսային վարակ է` առավել հաճախ հանդիպող մինչև 5 տարեկան երեխաների շրջանում, սակայն հանդիպում է նաև ավելի մեծ տարիքի երեխաների և մեծահասակների մոտ նույնպես:

🔗Թե ինչպես է տարածվում հիվանդությունը, որոնք են ախտանշաններն ու ինչպես է կատարվում բուժումը, կարդա մեր պաշտոնական կայքում՝ https://shorturl.at/48kuP

Սպասի՛ր հերթական նյութին հաջորդ շաբաթ։ Չմոռանաս բաժանորդագրվել մեր պաշտոնական էջին, որպեսզի ստանաս բացառապես վստահելի և ապացուցված բժշկական ինֆորմացիա՝ զերծ մնալով ապատեղեկատվությունից և միֆերից:

Մեր հասցեներն են՝

📍ստացիոնար կլինիկա՝ Մալաթիա Սեբաստիա՝ Բաբաջանյան 42
📍ամբուլատոր կլինիկա՝ Ավան՝ Աճառյան 2
📞Թեժ գիծ՝ 8424

#ԻՀԱԿ #էնտերովիրուս #կոքսակի #վարակ