05/02/2026
Սիրելի գործընկերներ, բարեկամներ, հետևորդներ, պացիենտներ և բոլոր նրանք, ովքեր եղել են իմ մասնագիտական ճանապարհի մի մասը.
Այսօր ես փակում եմ մի կարևոր էջ իմ կյանքում, ավարտում եմ իմ գործունեությունը «Ռոյալ» կլինիկայում որպես բուժգծով տնօրեն , որտեղ աշխատել եմ ոչ թե ժամերով, այլ օր ու գիշեր, մեծ սիրով, հավատով և լիարժեք նվիրումով։
Այստեղ եմ թողնում իմ ժամանակը, իմ ուժը, իմ ապրումները, իմ հոգին։
Սա պարզապես աշխատանք չի եղել․ ամեն մի որոշում, ամեն մի աշխատանքային օր եղել է պատասխանատվության և հավատարմության արտահայտություն իմ մասնագիտության հանդեպ:
Իմ խորին շնորհակալությունն եմ հայտնում կլինիկայի տնօրինությանը՝ վստահության, գնահատանքի և այս պատասխանատու ուղին ինձ վստահելու համար։ Այդ վստահությունը եղել է մեծ պատիվ և միաժամանակ մեծ պարտավորություն, որը փորձել եմ արդարացնել ամեն օր՝ ազնվորեն ու ամբողջ սրտով:
Շնորհակալ եմ իմ գործընկերներին՝ համատեղ աշխատանքի, փոխադարձ հարգանքի, աջակցության և մարդկային ջերմ մթնոլորտի համար։
Եվ անսահման շնորհակալ եմ բոլոր պացիենտներին`վստահության, համբերության և այն լուռ շնորհակալ հայացքների համար, որոնք իմ աշխատանքի ամենամեծ պարգևն են եղել:
Աշխատանքը ավարտվեց,
բայց նվիրումը մնաց որպես արժեք և խաղաղություն՝ սրտում։
Այս օրը դարձավ լռությամբ ասված շնորհակալություն, արժանապատիվ հրաժեշտ
և հավատով բացվող նոր ճանապարհ։
#սիրումեմիմաշխատանքը 🤍
