Հոգեկան առողջության պահպանման ազգային կենտրոն

13/11/2025

🔰 Առողջապահության նախարար Անահիտ Ավանեսյանը ներկայացրել է 2026 թվականի առողջապահական բյուջեի 3 հիմնական ուղղությունները:
Նախարարը մանրամասն անդրադարձել է առողջության ապահովագրության բարեփոխման` քաղաքական խոստման իրագործման կարևորությանը, փուլերի ներդրմանը:

13/11/2025

🏥 Տարեցտարի ընդլայնելով ապահովագրվածների շրջանակը` պետական պատվերից անցում կկատարենք ապահովագրության:
Ուստի, 2026թ.-ին պետպատվերը` որպես միջոցառում, դեռ արտահայտված է պետական բյուջեում:
Բոլոր այն քաղաքացիները, որոնք առաջին երկու տարիներին չեն ներառվի ապահովագրության համակարգում, բայց պետպավերի շահառու են, կշարունակեն օգտվել պետական պատվերի ծառայությունից` մինչ ապահովագրության ամբողջական ներդրումը:

13/11/2025

🤝 Առողջության առաջնային պահպանման ծառայություններ իրականացնող բժշկական կազմակերպություններում գրանցված 18 տարեկան և բարձր անձանց կանխարգելիչ այցի շրջանակում սիրտ-անոթային համակարգի հիվանդությունների և շաքարային դիաբետի սքրինինգ իրականացնելու նպատակով Կոռնիձորում համագործակցության հուշագիր է ստորագրվել «Հենար» հիմնադրամի հետ:
🏥 Ծրագիրը փորձարարական եղանակով կգործի Սյունիքի մարզի Սիսիանի բժշկական կենտրոնի սպասարկման տարածքում գտնվող Շաքիի և Ախլաթյանի, Խնձորեսկի ԱԱՊԿ-ի սպասարկման տարածքում գտնվող Կոռնիձորի և Հարթաշենի բնակավայրերում:
💬 «Բնակչության առողջության պահպանումը, հիվանդությունների վաղ հայտնաբերումը և կանխարգելումը, ինչպես նաև առողջության առաջնային պահպանման օղակում ոչ վարակիչ հիվանդությունների վաղ հայտնաբերումը, մատուցվող ծառայությունների մատչելիության ապահովումը շատ կարևոր են: Եվ, հաշվի առնելով սիրտ-անոթային հիվանդությունների, շաքարային դիաբետի տարածվածությունը, հաստատվել է առողջական այս խնդիրների վաղ հայտնաբերման սքրինինգային հետազոտությունների իրականացման ծրագիր, որն իրականացվելու է «Հենար» հիմնադրամի աջակցությամբ»,- նշել է առողջապահության նախարարի առաջին տեղակալ Լենա Նանուշյանը հուշագրի ստորագրման ժամանակ:
Սքրինինգային հետազոտությունը 2 փուլ ունի: Սկզբում հետազոտության բոլոր մասնակիցները հարցաթերթիկ են լրացնում, գրանցվում են նրանց անթրոպոմետրիկ ցուցանիշները (քաշը, հասակը), կատարվում է զարկերակային ճնշման չափում։ Արդյունքներից կախված, ըստ անհրաժեշտության, կարող են իրականացվել լրացուցիչ հետազոտություններ՝ արյան մեջ գլյուկոզի և լիպիդային պրոֆիլի որոշում, ինչի արդյունքում ռիսկային հիվանդներն ուղեգրվում են նեղ մասնագիտական բուժօգնություն ստանալու։ Ռիսկի գործոնների բացակայության պարագայում անձը սքրինինգին կրկին մասնակցում է երկու տարի անց։
Ծրագրի արդյունքները հնարավորություն կտան ապացուցողական բազա ստեղծել առողջության համընդհանուր ապահովագրության փաթեթում ներառված կանխարգելիչ այցն արդյունավետ իրականացնելու համար։

10/11/2025

10/11/2025

10/11/2025

🔰🏥ԱՆ Ինֆեկցիոն հիվանդությունների ազգային կենտրոնում բացվել է Անհետաձգելի բուժօգնության բաժանմունք:
Առողջապահության նախարար Անահիտ Ավանեսյանը ծանոթացել է նոր և վերազինված պայմաններին:
Բաժանմունքը նախատեսված է արագ բուժօգնություն, կարճատև հոսպիտալացում և տարբերակիչ ախտորոշում պահանջող իրավիճակների համար։
Նախարարը նոր բաժանմունքի բացումը համարել է կարևոր քայլ մայրաքաղաքի բնակչությանը որակյալ շտապ բուժօգնությամբ ապահովելու և համաճարակաբանական անվտանգության մակարդակը բարձրացնելու ուղղությամբ։
📊Անհետաձգելի բուժօգնության բաժանմունքը սպասարկում է պետական պատվերի շրջանակում՝ համապատասխան բժշկական ցուցումների դեպքում։
Նորաբաց բաժանմունքում կարող են սպասարկվել բոլոր տարիքային խմբերի անձինք։
🔬🧫Միջազգային ու տեղական բոլոր ժամանակակից չափանիշներին համապատասխան կահավորված բաժանմունքում հասանելի են նաև լաբորատոր և գործիքային ախտորոշման շուրջօրյա ծառայություններ։

10/11/2025

Նախորդ տարվա նույն ժամանակահատվածի համեմատ` պատվաստված քաղաքացիների թիվը գրեթե կրկնապատկվել է: Հիշեցնենք, որ շարժական կետերը կգործեն մինչև նոյեմբերի 28-ը:

Գրիպի դեմ պատվաստումների այս տարվա ցուցանիշները🔰

Փոքրիկ արձանագրում.

Նախ ավելի շուտ ենք սկսել գործընթացը:

Երկրորդ. քաղաքացիները շատ ավելի պատասխանատու են մոտենում իրենց առողջության պահպանմանը:

Սա նաև իրազեկման աշխատանքների, պատվաստումը հեշտացնելու և մոբիլ թիմերով քաղաքացիներին մոտեցնելու արդյունքն է:

Շնորհակալ ենք, որ արձագանքում եք և միասին ենք հանրային առողջությունը պահպանում:

Քանի որ պահանջարկը մեծ է, խնդրում ենք ռիսկի խմբերին ժամանակ չկորցնել և հնարավորինս արագ գալ պատվաստման:

Առողջ եղեք🤍

10/11/2025

🏥 Համընդհանուր ապահովագրությամբ ոչ բոլոր, բայց ամենակարևոր ու ամենահաճախ հանդիպող բուժծառայությունները կտրամադրվեն. թե կոնկրետ որոնք` պատասխանում է առողջապահության նախարար Անահիտ Ավանեսյանը:
🔗 Հարցազրույցի ամբողջական տարբերակը` https://www.youtube.com/watch?v=R9TZzBKbn2w

06/11/2025

🩸 Ընդլայնվել է արյան մեջ գլյուկոզի շարունակական մոնիթորինգի համակարգերով երեխաներին ապահովելու պետական ծրագիրը` շահառուների տարիքային շեմը հասցնելով մինչև 18 տարեկանը:

06/11/2025

ՄԱԿ-ի գրասենյակում կայացել է Հայաստանում կատարված Արևելյան Եվրոպայի և Կենտրոնական Ասիայի քաղաքներում սննդի միջավայրի վերաբերյալ FEEDcities նախագծի արդյունքների ներկայացումը, որն իրականացվել է ՀՀ ԱՆ Առողջապահության ազգային ինստիտուտի կողմից Առողջապահության համաշխարհային կազմակերպության (ԱՀԿ) աջակցությամբ։
Միջոցառմանը ներկա են գտնվել առողջապահության նախարարի առաջին տեղակալ Լենա Նանուշյանը, Հայաստանում ԱՀԿ ներկայացուցիչ Սիդարթա Դատտան, ՄԱԿ-ի գործակալություններից և շահագրգիռ կառույցներից ներկայացուցիչներ, տարբեր երկրների դեսպաններ։
🔹Ուսումնասիրությունը նպատակ ունի գնահատելու պատրաստի սննդի մեջ աղի, շաքարի և տրանսճարպերի պարունակությունը՝ Երևանում գործող արագ սննդի կետերում և սուպերմարկետներում։
📌Արդյունքները ցույց են տվել, որ թեև առանձին սննդատեսակներում այդ բաղադրիչների մակարդակները հիմնականում չեն գերազանցում ԱՀԿ-ի սահմանած չափաբաժինը, դրանց կուտակային օրական օգտագործումը կարող է հանգեցնել զգալի գերազանցման՝ հատկապես աղի և շաքարի պարագայում։
💬«Առողջ ապրելակերպի խթանումը կառավարության և նախարարության կարևոր առաջնահերթություններից է։ Այս ուղղությամբ մի շարք ծրագրեր են իրականացվում, այժմ մեր ուշադրության կենտրոնում է առողջ սնուցման մշակույթի զարգացումը: Ուրախ եմ, որ այս հետազոտության արդյունքները կօգնեն մեր քաղաքացիներին կատարել ավելի իրազեկ ընտրություն՝ հասկանալու, թե որ մթերքն է ցանկալի ներառել սննդակարգում, իսկ որը՝ սահմանափակել»,- նշել է Լենա Նանուշյանը` ընդգծելով պետական կառույցների միջև համագործակցության և քաղաքացիների իրազեկվածության բարձրացման կարևորությունը:
💬Սիդարթա Դատտան ընդգծել է, որ ԱՀԿ-ն պատրաստ է շարունակել համագործակցությունը առողջապահության նախարարության և այլ գործընկեր կառույցների հետ՝ ուղղված Հայաստանում տրանսճարպերի, աղի և շաքարի կարգավորման արդյունավետ քաղաքականության մշակմանը:
Հաշվի առնելով ուսումնասիրության արդյունքները՝ մասնակիցները ընդգծել են ապացույցների վրա հիմնված առողջ սնուցմանն ուղղված քաղաքականության մշակման կարևորությունը։

06/11/2025

04/11/2025

...