Logomed Armenia

18/09/2025

Որ խնդիրների դեպքում պետք է դիմել լոգոպեդի

-Երբ երեխան չի ընկալում իրեն ուղղված խոսքը, չի կատարում հրահանգները (ծնողները հաճախ այն դիտարկում են կամակորության դրսևորում)
-Երբ երեխան չի արտաբերում բառեր (1-2 տարեկան), չունի որոշակի բառապաշար (մամա, պապա, տատիկ, պապիկ, տուր, ջուր և այլն)
Երբ երեխան (3 տարեկան) չունի կապակցված խոսք, դժվարանում է միտքը ձևակերպել
-Երբ անձն ունի կակազություն
Երբ երեխայի մոտ առկա է կարծր, կամ փափուկ քիմքի ճեղքվածքներ (մինչվիրահատական և հետվիրահատական շրջանում)
-Երբ երեխայի խոսքն ունի ռնգային երանգ
-Երբ երեխան ունի հաղորդակցման դժվարություններ
-Երբ երեխան ունի կլման ակտի հետ կապված խնդիրներ
Երբ առկա է ձայնի տարաբնույթ խանգարումներ՝ պայմանավորված տարբեր պատճառներով
-Երբ առկա է ձևավորված խոսքի կորուստ՝ պայմանավորված տարբեր պատճառներով
-Երբ առկա է խնդիր գրավոր գրելիս կամ ընթերցանության գործընթացում
-Երբ տուժած է հնչյունային արտաբերությոնը։
#լոգոմեդարմենիա

15/09/2025

27/08/2025

ՍԻՐԵԼԻ ՄԱՅՐԻԿՆԵՐ՝ լոգոպեդը երեխայի հնչյունների դրման ժամանակ խաղեր չի խաղում և մոտորիկա չի զարգացնում ։Այդ ժամանակ լոգոպեդը պետք է աշխատի լեզվի հետ՝ լեզուն դնելով այն դիրքում ,որը համապատասխանում է տվյալ հնչյունին, շրթունքներին և սովորեցնի երեխային ճիշտ շնչել։Եթե երեխայի բերանի խոռոչում անատոմիկան խնդիրներ չկան և երեխան նորմալ է զարգանում ,ապա լոգոպեդը պետք է հնչյունները դնի 10-15օրվա ընթացաում։Հնչյունները 3-5 և ավելի ամիսների ընթացքում չի դրվում։Լոգոպեդը պետք պատասխանատվություն կրի և երեխային ճանապարհի լիարժեք և սահուն խոսքով։Ասեմ, որ հնչյուններ չունենալու կամ այլ հնչյուններով փոխարինելու ժառանգական ֆակտորը բացակայում է։Վերջում ավելացնեմ ,մի հիասթափվե՛ք եթե դիմել եք լոգոպեդի օգնությանը և արդյունքը եղել է չնչին կամ անարդյունք ,ուրեմն դիմել եք ոչ լիարժեք մասնագետի։
#լոգոմեդարմենիա #

23/08/2025

Մանուկների համար հեքիաթը կարող է լինել հոգեթերապիա

Ծնողներիը երեխաների դաստիարակությունը պետէք է ուղղեն գիտակցության զարգացման, ճանաչողական և կամային գործընթացների վրա: Բայց թե՛ մեծահասակների, թե՛ փոքրահասակների ներքին աշխարհում կա ենթագիտակցություն, հուզմունքներ ու զգացմունքներ` ներքին աշխարհի այն մասը, որ հաճախ դառնում է նյարդային ճգնաժամերի, դեպրեսիաների և անքնության պատճառ նույնիսկ մեծահասակների մոտ:

Ներթափանցելով հեքիաթային աշխարհ` երեխան թափանցում է սեփական հոգու խորքերը և հեքիաթի միջոցով սկսում է կարգավորել այն:

Մինչև գրառվելը, հեքիաթը միլիոնավոր անգամ պատմվել է, և անէական բաները կորել են, մնացել է միայն ամենագլխավորը, ինչը դարձրել է հեքիաթը մարդկային իմաստության գոհար: Երեխաները շնչավորում են բնության երևույթները, կենդանիներին և բույսերին, այս պատճառով հեշտությամբ են հասկանում հեքիաթների լեզուն: Հեքիաթի հերոսները պարզ և տիպիկ են, հեքիաթում միշտ բարին հաղթում է չարին, բարոյական հասկացությունները փոխանցվում են հասկանալի կերպով:

Երեխան կարող է լսել հեքիաթը սկավառակով, դիտել հեռուստատեսությամբ, բայց ամենալավ տարբերակը երեխային նայելով պատմելն է, նրա հարցերին պատասխանելը: Այս կերպ կարող եք նկատել, թե անձնային աճի որ աստիճանը չի կարողանում երեխան հաղթահարել: Այդ դեպքում կարող եք պատմել համապատասխան հեքիաթ կամ նրա ամենասիրելի հեքիաթը։Չմոռանանք ,որ փոքրիկները հեքիաթ սիրում են լսել նաև քնելուց:
#լոգոմեդարմենիա

22/08/2025

Ի՞նչն է հանդիսանում երեխաների լեզվական խնդիրների պատճառ և ինչպե՞ս հաղթահարել դրանք.

Յուրաքանչյուր ծնողի անհանգստացնում է իր երեխայի լեզվական խնդիրները, դրանց պատճառներն ու հետևանքները:

Առաջացման պատճառները կարող են շատ տարբեր լինել: Կարևոր է նաև ժառանգական գործոնը: Սակայն մեծ դեր ունի նաև հոգեբանական, ընտանեկան անբարենպաստ պայմանները, ծնողների վարած ապրելակերպը (ծխախոտի, ալկոհոլի կիրառում), այն ինչ կարող է վնաս հասցնել երեխային: Երեխան դեռ չծնված ժամանակ և ռիսկային գոտում է, քանի որ կնոջ ոչ ճիշտ ապրելակերպը կարող է բացասաբար ազդեցություն ունենալ:

-Արդյո՞ք երեխայի սեռը կարևորվում է այստեղ:

Ըստ վիճակագրության` տղաների մոտ ավելի շատ է, քան աղջիկների: Քանի որ խոսքի կենտրոնը գտնվում է ձախ կիսագնդում, իսկ աղջիկների մոտ ձախ կիսագունդը շուտ է զարգանում, այդ պատճառով, տղաների մոտ լեզվական խնդիրներն ավելի շատ է նկատվում, քան աղջիկների: Լեզվական խնդիրների առաջացման պատճառներից է նաև ծնողների վերաբերմունքը, այսինքն նրանք չեն հետևում նորմային: Պահանջվում է մեծ ուշադրություն ծնողի կողմից: Խոսքի զարգացումը կատարվում է նմանակման միջոցով: Երեխան ինչպես լսում է, այնպես էլ արտաբերում է:

-Ե՞րբ է կազմավորվում երեխայի խոսքը:

Խոսքի զարգացումը գալիս է շատ փոքր ժամանակից, երբ ասում են «գղգղանք», որը սկսվում է 3 ամսականից: «Գղգղանքը» խոսքի զարգացման նշույլ է հանդիսանում: Մյուս շրջանը թոթովանքի շրջանն է, երբ երեխան որոշակի ձայնարկությունն է արտաբերում: 1 տարեկանից արդեն կարևորվում է ձայնի ինտոնացիան, որի միջոցով երեխան փորձում է շփվել, իսկ շփման միջոցով ձևավորվում է խոսքը: 2-3 տարեկանում արդեն կարևորվում է խաղը, որի միջոցով ավելի է զարգանում խոսքը: Մինչև 3 տարեկան երեխան որոշակի խոսքի զարգացման փուլեր է անցնում, իսկ 3 տարեկանից հետո երեխան պետք է ճիշտ նախադասություն կազմելով խոսի:

-Երեխայի խոսքի զարգացման վրա ի՞նչ ազդեցություն կարող է թողնել տեխնիկան:

Իհարկե տեխնիկան իր բացասական ազդեցությունը թողնում է: Դրա համար անհրաժեշտ է որոշակի ռեժիմ մշակել, որպեսզի չարաշահում չլինի: Տեխնիկայի միջոցով ևս ինֆորմացիան հնարավոր է վերցնել: Չնայած տեխնիկան հիմնականում լարվածություն է առաջացնում, որը կարող է հանգեցնել կակազության, իսկ կակազությունն առաջանում է նյարդային համակարգի խանգարման պատճառով:

-Ի՞նչ մեթոդներ կան, որոնց միջոցով հնարավոր է շտկել երեխաների խոսքը:

Անհրաժեշտ է որոշակի ժամանակ տրամադրել երեխաներին: Գունավոր նկարներով գրքեր գնել և զբաղվել երեխաների հետ: Եթե երեխան ինչ-որ հարց է տալիս ծնողին, ապա ծնողը չպետք է անտեսի, այլ պատասխանի երեխային: Երեխաները փոքր տարիքում շատ հետաքրքրասեր են: Եվ անհրաժեշտ է ճիշտ խոսքով ներկայացնել երեխային:

-Որքա՞ն ժամանակ է անհրաժեշտ խոսքը շտկելու համար:

Քանի որ առհասարակ խոսքային խնդիրները շատ տարբեր են, ուստի պետք է տարբեր մեթոդներ և մոտեցումներ կիրառել: Խանգարումը կարող է լինել անատոմիական և ֆունկցիոնալ: Անատոմիականը, երբ հնարավոր է ծնոտի հետ խնդիրներ ունենալու ժամանակ առաջանա խոսքի խնդիր: Այդ պարագայում լոգոպեդի միջոցով հնարավոր է խոսքը շտկել: Ֆունկցիոնալի պարագայում խնդիրը գլխի կենտրոնի հետ է: Այստեղ խնդիրն ու աշխատանքն ավելի լուրջ են: Եթե կա հնչունային խնդիր, ապա պետք է հասկանալ, թե քանի հնչյուն է երեխայի մոտ տուժած: Այդ պարագայում հնարավոր է 1-2 ամսվա ընթացքում խնդրին լուծում տալ:

Խորհուրդ ծնողներին

«Ամենակարևորը լսել երեխային և ընդունել այնպիսին, ինչպիսին նա կա: Եթե մենք ունեցել ենք երեխա, ապա որոշակի պարտավորություններ ունենք և պետք է ժամանակ տրամադրենք երեխաներին: Տալ ինֆորմացիա, որն իր տարիքին համահունչ է: Շատ սխալ է երեխաներին 3 տարեկանից սկսած օտար լեզուներ սովորեցնել: Մինչև 3 տարեկանը պետք է աշխատել 1 լեզվի վրա:4-5տարեկանում երբ արդեն կա լիարժեք խոսք, նոր կարելի է այլ լեզուներ սովորել։
#լոգոմեդարմենիա

21/08/2025

Ինչու է հապաղում երեխայի խոսքը

Վերջին տասնամյակներում խոսքի զարգացման հապաղումը հանդիպում է յուրաքանչյուր չորրորդ երեխայի մոտ: Ծնողը, երբ նկատում է խոսքի ուշացում, պետք է դիմի համալիր ախտորոշման, որն իր մեջ պարտադիր ներառում է նյարդաբանի, հոգեբանի, լոգոպեդի ախտորոշումը: Խոսքի զարգացման հապաղման պատճառները տարաբնույթ են՝ նյարդային համակարգի, լսողության, մտածողության խանգարումներ, ներարգանդային զարգացման ընթացքում անբարենպաստ ազդեցությունները, վաղաժամ ծննդաբերություն, ասֆիքսիա, ժառանգականության գործոն, մանկավարժական բաձևիթողի վիճակ, հաճախ պայմանավորված է նաև հոգեշարժողական ոլորտի զարգացմամբ, այսինքն, երբ է երեխան պահել գլուխը, նստել, քայլել:

Եթե երեխան 1,5 տարեկանում չի արձագանքում իր անվանն և շրջապատող առարկաների անվանն, ապա 2 տարեկանում չի փորձի կրկնել բառերը, իսկ եթե 2,5 տարեկանում չի ասում բառակապակցություններ, 3 տարեկանում պարզ նախադասություններ, ապա այստեղ անհանգստանալու կարիք կա:

Երեխայի խոսքի զարգացման հապաղումն առավել շատ հանդիպում է այն ընտանիքներում, որտեղ ծնողները հաճախակի վիճում են կամ ունեն հոգեբանական խնդիրներ և միանշանակ առկա է հուզական անլիարժեքություն: Այս ամենն անմիջականորեն իր անդրադարձն է ունենում երեխայի հոգեկանի և խոսքի զարգացման գործընթացի վրա, այդ իսկ պատճառով առաջարկում եմ մի քանի մոտեցումներ, որոնք կօգնեն ծնողին որոշ չափով կանխել երեխայի խոսքի զարգացման հապաղումը:

Երեխայի մոտ պետք է զարգացնել ոչ միայն բառերի անվանումները, այլև նրանց նշանակությունը։Երեխային պետք չէ ծանրաբեռնել ինֆորմացիայով, քանի որ այդ դեպքում կարող է խառնել և արդյունքում ոչինչ չհիշել, իսկ վատթարագույն դեպքում կարող է նորի հանդեպ հետաքրքրության ցանկություն չառաջանա։Ինֆորմացիայի մտապահման համար սկզբնական շրջանում պետք է խոսել այն առարկաների, գործողությունների, երևույթների և իրավիճակների մասին, որոնց հետ նա մշտապես բախվում է։Երեխայի մոտ պետք է ձևավորել առարկայական բառապաշար, որն իր մեջ ներառում է մարմնի մասեր, կահույք, միրգ և բանջարեղեն, կենդանիներ, բայական բառապաշար՝ նստել, գնալ, վազել, մաքրել, կարդալ։

Խոսքի զարգացմանն օգնում են խաղալիքները, գտեք ժամանակ խաղալու ձեր աղջիկների հետ տիկնիկներով, իսկ տղաների հետ՝ զինվորներով և հետևեք, թե ինչ է երեխան խոսում խաղալիքի հետ և դուք կիմանաք ձեր արտահայտությունների, ինտոնացիայի, ժեստերի, խոսելաձևի մասին, քանի որ երեխայի խաղում այն անմիջապես դրսևորվում է։

Կազմակերպեք երեխայի համար շփում այլ երեխաների հետ։ Սկզբնական շրջանում երեխան կուսումնասիրի, թե ինչպես են խաղում մնացած երեխաները, իսկ հետո արդեն կընդգրկվի գործընթացի մեջ։Երեխաների համար կարդացեք հեքիաթներ, անկախ ամեն ինչից՝ իրենք ձեզ լսում են, և երբեք մի հուսահատվեք, այդ ամենը կվերադարձնեն ձեզ:
#լոգոմեդարմենիա

16/08/2025

Հրեա հոգեբանի հետաքրքիր խորհուրդները երեխաների դաստիարակության մասին

1. Լինելով դժբախտ մարդիկ` Դուք ոչ մի կերպ չեք կարող այնպես կառուցել հարաբերությունները երեխայի հետ, որպեսզի նա երջանիկ լինի: Իսկ եթե ծնողները երջանիկ են, ապա հատուկ ոչինչ անել պետք չէ:

2. Հետևել նրան, որպեսզի երեխան լինի հագնված և կուշտ, դա հոգատարություն է, այլ ոչ թե դաստիարակություն: Ցավոք սրտի, շատ ծնողներ վստահ են, որ հոգատարությունը բավարար է:

3. Ինչպես Դուք շփվում եք երեխայի հետ նրա մանկության ժամանակ, այնպես էլ նա կվերաբերվի Ձեզ` Ձեր ծերության ժամանակ:

4. Պատժել երեխային կարելի է, նույնիսկ երբեմն անհրաժեշտ: Բայց պետք է հստակ բաժանել երեխային և նրա արարքը:

Օրինակ, Դուք նախօրոք պայմանավորվում եք, որ մինչև Ձեր աշխատանքից գալը նա կանի դասերը, կսնվի և կհավաքի իր ետևից: Եվ ահա Դուք գալիս եք տուն և տեսնում եք, որ երեխան Ձեր ասածները չի կատարել և խաղում է պլանշետով:

Այդ պահին, կարևորը հանգիստ մնալն է: Առանց որևէ ագրեսիայի մոտեցեք երեխային, ժպտացեք, գրկեք և ասացեք. «Ես քեզ շատ եմ սիրում, բայց դու մեկ շաբաթ չես ստանա պլանշետը»: Իսկ գոռալ, վիրավորել և նեղանալ պետք չէ:

5. Գրպանի մանր գումար երեխան պետք է ունենա արդեն 6 տարեկանից: Ոչ մեծ, բայց կանոնավոր տրվող գումար, որ ինքն անձամբ պետք է տնօրինի: Եվ շատ կարևոր է, որ փողը չդառնա մանիպուլյացիայի գործիք:

6. Պետք չէ երեխաների տեղը ապրել նրանց կյանքը, որոշել, թե ինչ նրանք անեն և ինչ չանեն, լուծել նրանց պրոբլեմներն իերնց փոխարեն, ճնշել նրանց ամբիցիաներով, սպասումներով, ցուցումներով: Դուք չէ որ կծերանաք, իսկ նրանք ինչպես ապրեն հետո:

7. Ամբողջ աշխարհում համալսարանում սովորելու են գնում միայն ամենախելացիները և ամենահարուստները: Մյուսներն աշխատում են, փորձում են գտնել իրենց և գումար աշխատել` բարձրագույն կրթություն ստանալու համար: Իսկ մեզ մոտ ի՞նչ է կատարվում:

8. Ես դեմ եմ մշտական խիստ հսկողությանը: Երեխան պետք է վստահ լինի, որ ընտանիքում իրեն սիրում են, հարգում են և վստահում են:

9. Դաստիարակել չի նշանակում բացատրել, թե ինչպես է պետք ապրել: Դա չի աշխատում: Երեխաները հասունանում են ըստ անալոգիայի: Ինչ է կարելի, իսկ ինչը չի կարելի, ինչպես է պետք, և ինչպես պետք չէ ինչ-որ բան անել` երեխաները հասկանում են ոչ թե ծնողների խոսքերից, այլ բացառապես նրանց գործողություններից:

10. Երեխաների հետ պետք է խոսել կյանքից ընդհանրապես, այլ ոչ այն մասին, թե ինչպես է պետք ապրել:

11. Երեխայի հետ խոսակցության ժամանակ մի քննադատեք նրան, մի կպեք նրա անձին, դուրս մի եկեք նրա արարքի անալիզի շրջանակներից: Խոսեք ոչ թե նրա, այլ Ձեր մասին: Ոչ թե «դու վատն ես», այլ «ես կարծում եմ, դու վատ ես վարվել»:

12. Երեխան պետք է զգա, որ ծնողները բարի, բայց ուժեղ մարդիկ են, որոնք կարող են իրեն պաշտպանել, կարող են իրեն ինչ-որ բանում մերժել, բայց միշտ գործում են իր շահերից ելնելով և գլխավորը, որ շատ են իրեն սիրում:

#լոգոմեդարմենիա #

10/08/2025

Խոսքի պահանջմունքը երեխայի մոտ դպրոց ընդունվելուն պես մեծանում է: Նրա խոսքը դառնում է ոչ միայն ուսուցչի, այլ նաև ամբողջ դասարանի ուշադրության առարկա: Եվ բոլոր առկա թերությունները անմիջապես նկատվում են և ուղղվում: Երեխան առաջին անգամ սկսում է սովորել լեզուն, ինչպես առարկա: Քերականական կանոնները, որոնցից նա մինչ այդ օգտվում էր զուտ գործնականում, դառնում են հատուկ ուսումնասիրության առարկան: Երեխային բացատրում են, թե ինչու է հարկավոր խոսել և գրել այսպես, և ոչ թե այնպես: Դպրոցում առաջին անգամ տրվում է խոսքի էլեմենտների վերլուծությունը, խոսքային տեքստը բաժանվում է նախադասությունների, բառերի, վանկերի, հնչյունների, տառերի, տրվում է այդ էլեմենտներից յուրաքանչյուրի բացատրությունը:
Վերլուծելով 6-7 տ. Հասակում երեխաների խոսակցական խոսքին բառային կազմը ` Ա.Վ. Զախարովան առանձնացրել է երեխաների խոսքում առավել օգտագործվող բառերը ` գոյականներ (մայրիկ, տղա , մարդիկ) , ածականներ (փոքր, մեծ , վատ , մանկական ) , բայեր ( գնալ , խոսել , ասել) : Երեխաների բառապաշարում գոյականների մեջ գերազանցում ենմարդկանց նշող բառերը : Երեխայի խոսքում հաճախակի հանդիպում են լայն նշանակությամբ ածականներ (մեծ , փոքր , վատ ) , հատկանիշներ ամենագործածական սեմանտիկական խմբերից ` չափ (մեծ-փոքր) , գնահատում (լավ-վատ) , թույլ կոնկրետությամբ բառեր (տարբեր , ընդհանուր) : Չափի նշանակությամբ ածականների սեմանտիկական դաշտի կառուցվածքի առանձնահատկությունը դրա անհամաչափությունն է ` «մեծ» նշանակությամբ ածականները ավելի լայնորեն են տարածված քան «փոքր» նշանակությամբ ածականները :
6-7 տ. երեխաների խոսքը վերլուծելիս հայտնաբերվում են գույնը նշող առավել 40 ածականներ : Երեխաների խոսքում այս խմբի ածականները ավելի տարածված են , քան մեծահասակների խոսքում : Այս տարիքի երեխաների խոսքում առավել ներկայացված են հետևյալ ածականները ` սև , կարմիր , սպիտակ , կապույտ : Այս երեխաների բառապաշարը ուսումնասիրելիս նկատվում է նաև բացասական գնահատականի գերազանցում դրական գնահատականի նկատմամբ :
Ընդունվելով դպրոց երեխան առաջին անգամ ծանոթանում է իր համար նոր ` գրավոր խոսքի ձևին: Այս խոսքը ձևավորվում և զարգանում է բանավոր խոսքի հիման վրա, որի թերությունները բերում են գրավոր խոսքի ոչ գրագիտությանը: Դպրոցական շրջանը շարունակվում է բառային պաշարի հարստացմամբ ու կուտակմամբ, աճում է նրա որակական բաղադրությունը, կոնկրետացվում և ընդլայնվում է արդեն առկա բառերի իմաստը: Ընթերցանության տիրապետումը իրենից ներկայացնում է բարդ հոգեբանական գործընթաց: Երեխայի մոտ այս ամենը ընթանում է խոսքային նյութի կուտակման հիման վրա:
Հոգեբանական տեսանկյունից գրավոր խոսքը հանդիսանում է ավելի դժվար, ավելի վերացական և աբստրակտ: Երեխայի համար գրավոր խոսքի տիրապետումը իրենից ներկայացնում է զգալիորեն ավելի մեծ դժվարություններ, քան բանավոր խոսքի տիրապետումը:
Սիրելի մայրիկներ մինչ դպրոց գնալը օգնեք՝ Ձեր երեխային ճիշտ արտասանի հնչյունները,խոսի պարզ և հստակ
Ամենակարևորը խոսելու ընթացքում ունենա ճիշտ շնչառություն,որը կնպաստի սահուն խոսքի ձևավորմանը։
#լոգոմեդարմենիա