Թիվ 1 Ուրոլոգիայի և Անդրոլոգիայի Կլինիկա

15/09/2025

Մի անտեսեք արյունամիզությունը
Արյունամիզությունը մեզում տեսանելի կամ ոչ տեսանելի արյան առկայությունն է։
Այն ունի բազմաթիվ պատճառներ ինչպիսիք են միզաքարային հիվանդությունը, սպեցիֆիկ և ոչ սպեցիֆիկ բորբոքային հիվանդությունները, միզային համակարգի վնասվածքները, մի շարք դեղորայքի ընդունումը, բարորակ և չարորակ ուռուցքային հիվանդությունները։
Հատկանշական է որ չարորակ ուռուցքների մեծ մասի միակ կլինիկական ախտանիշը կարող է լինել անցավ արյունամիզությունը։
Արյունամիզության ցանկացած էպիզոդ պահանջում է ուշադիր և մանրակրկիտ հետազոտում մասնագետի կողմից։
Արյունամիզության դեպքում պարադիր դիմեք բժշկի, հետազոտվեք և կանխարգելեք խնդրի խորացումը։ Տիգրան Աշոտի Օրդինյան 077-42-92-57
Առողջ եղեք։

02/09/2025

🧔 Վաղ հայտնաբերումը տղամարդու առողջության պահպանման կարևոր պայման

Շագանակագեղձի քաղցկեղը տղամարդկանց մոտ ամենատարածված չարորակ հիվանդություններից է։
Վաղ փուլերում այն սովորաբար ոչ մի ախտանիշ չունի, բայց հենց այդ փուլում է բուժումն ամենաարդյունավետը։

👨‍⚕️Ուրոլոգիայի կլինիկայի բժիշկ, Ուրոլոգիայի և անդրոլոգիայի ամբիոնի դասախոս Երվանդ Կիրակոսյանի փոխանցմամբ`
այդ իսկ պատճառով մեծ կարևորություն ունի սքրինինգը՝ վաղ հայտնաբերման նպատակով։

Այն խորհուրդ է տրվում․

🔹 50 տարեկանից բարձր բոլոր տղամարդկանց,
🔹 45 տարեկանից սկսած՝ եթե ընտանիքում եղել են շագանակագեղձի քաղցկեղի դեպքեր։

Սքրինինգը ներառում է․

✔️ Արյան քննություն (PSA մակարդակ),
✔️ Ուրոլոգի խորհրդատվություն և անհրաժեշտության դեպքում՝ լրացուցիչ հետազոտություններ։

✨ Վաղ հայտնաբերում = առողջության պահպանում և կյանքի որակի բարձրացում։

📍 Դիմեք մեզ՝ անցնելու ժամանակակից ու ապահով սկրինինգ, և եղեք վստահ ձեր առողջության նկատմամբ։

04/12/2024

🔊Ուրոլոգիայի կլինիկայի բժիշկ, Ուրոլոգիայի և անդրոլոգիայի ամբիոնի դասախոս Գարեգին Խաչատրյանն անդրադարձել է շագանակագեղձի քաղցկեղի դեպքերին՝ շեշտելով շագանակագեղձի տրանսռեկտալ բիոպսիայի կարևորությունը:

Աշխարհում տարեկան ախտորոշվում է շագանակագեղձի քաղցկեղի 1,4 միլիոն դեպք այն պարագայում, երբ տարեկան կատարվում է ավելի քան 3 միլիոն շագանակագեղձի բիոպսիա:

📎Շագանակագեղձի տրանսռեկտալ բիոպսիան կիրառվող գերակշռող մոտեցումն է, և ինֆեկցիոն բարդությունները կանխարգելելու նպատակով կիրառվում են հակաբիոտիկներ, ինչը մեծացնում է հակամանրէային դեղորայքի նկատմամբ կայունության ձեռքբերումը մանրէների կողմից:

🟠Շագանակագեղձի տրանսպերինեալ (շեքային) բիոպսիայի ժամանակ հակաբակտերիալ դեղորայքի օգտագործման կարիք չկա: Ախտորոշման ճշտման տեսանկյունից երկու մեթոդները ունեն հավասար ճշգրտություն: Սակայն բարդությունների առաջացման` մասնավորապես ինֆեկցիոն բարդությունների տեսանկյունից, տրանսպերինեալ բիոպսիան ունի զգալի առավելություն՝ ի տարբերություն տրանսռեկտալ բիոպսիայի:

Բացի այդ տվյալ մեթոդը հնարավորություն է տալիս ստանալու բիոպսիոն կտորներ՝ շագանակագեղձի տրանսռեկտալ բիոպսիայի համար անհասանելի զոնաներից:

👨‍⚕️Մասնագետի խոսքով՝ «Հերացի» հիվանդանոցային համալիրի ուրոլոգիական բաժանմունքում ներդրվել և լայնորեն կիրառվում է շագանակագեղձի տրանսպերինեալ բիոպսիան:

💉Միջամտությունը կարճատև է, հիմնականում չի պահանջում հոսպիտալիզացիա և հիվանդը նույն օրը դուրս է գրվում կլինիկայից՝ անցնելով բնականոն կյանքի:

☎️Հարցերի դեպքում կարող եք դիմել Թիվ 1 Ուրոլոգիայի և Անդրոլոգիայի Կլինիկա:

10/07/2024

Սիրելի Արմեն Աբգարի, «Հերացի» հիվանդանոցային համալիրի ուրոլոգիական կլինիկայի ողջ անձնակազմի անունից շնորհավորում ենք Ձեզ Ծննդյան օրվա կապակցությամբ: Անբասիր բժշկի, ուսուցչի և ղեկավարի վառ օրինակ, ով իր ազնիվ էությամբ, խորը գիտելիքներով, նվիրվածությամբ ու աշխատասիրությամբ հսկայական պատմություն է կերտել։ Ի սրտե մաղթում ենք Ձեզ և Ձեր ընտանիքին խաղաղություն, երջանկություն և առողջություն: Մաղթում ենք Ձեզ արդյունավետ գործունեություն և նորանոր ձեռքբերումներ Ձեր խիստ պատասխանատու և խրթին գործունեության մեջ։

07/04/2024

27/01/2024

21/12/2023

18/12/2023

Այսօր իր ծննդյան տարեդարձն է նշում մեր ուսուցիչը՝ «Հերացի»թիվ 1 հիվանդանոցային համալիրի տնօրեն, ԵՊԲՀ ուրոլոգիայի և անդրոլոգիայի ամբիոնի պրոֆեսոր Արեն Յուրիի Բաբլումյանը: Ուրոլոգիական կլինիկայի ողջ անձնակազմը սրտանց շնորհավորում է սիրելի ղեկավարի, ուսուցչի, պրոֆեսորի, բժշկի, մեծագույն մարդու տարեդարձը: Մաղթում ենք Ձեզ քաջառողջություն, սեր և երջանկություն, անսահման եռանդ, նորանոր հաջողություններ Ձեր դժվարին և պատասխանատու գործունեության մեջ: Շնորհակալ ենք, որ Դուք կաք, շնորհակալ ենք, որ միշտ մեր կողքին եք։ Բարի տարեդարձ։

10/07/2023

Այսօր ԵՊԲՀ ռեկտոր, ուրոլոգիայի և անդրոլոգիայի ամբիոնի վարիչ, պրոֆեսոր Արմեն Աբգարի Մուրադյանի տարեդարձն է: "Հերացի" թիվ 1 հիվանդանոցի ուրոլոգիայի և անդրոլոգիայի կլինիկայի ողջ անձնակազմը շնորհավորում է պրոֆեսոր Մուրադյանին, ցանկանում է քաջառողջություն, երջանկություն, նորանոր հաջողություններ իր բարդ և պատասխանատու գործունեության մեջ, անսահման ուժ ու եռանդ։
Շնորհակալ ենք, որ Դուք կաք, շնորհակալ ենք, որ միշտ մեր կողքին եք մարդկային լավագույն հատկանիշներով օժտված ղեկավար, բժիշկ, ուսուցիչ և ընկեր։

11/05/2023

«Հերացի» թիվ 1 հիվանդանոցային համալիրի ուրոլոգիական կլինիկայի ողջ անձնակազմը սրտանց շնորհավորում է կլինիկայի ղեկավար Մհեր Ջավախյանին 40 ամյակի կապակցությամբ: Սիրելի Մհեր Ռաֆայելի, մաղթում ենք Ձեզ անսահման երջանկություն, քաջառողջություն, իրական սեր, հաջողություն, բարգավաճում, ցանկությունների իրականացում։ Թող Ձեր կյանքի յուրաքանչյուր օրը լցված լինի դրական հույզերով և լավատեսությամբ, հետաքրքիր գաղափարներով և հաճելի հանդիպումներով:

25/03/2023

Ողջույն սիրելի հետևորդներ✋🏾❤️

☑️Մեր այսօրվա թեման շագանակագեղձի քաղցկեղն է։

👨🏻‍⚕Մեր հյուրն է Հերացի հիվանդանոցային համալիրի բժիշկ ուրոլգ Երվանդ Կիրակոսյանը է։

👩🏻Հարցազրույցը վարել է Ալինա Խաչատրյանը։
Լսեք այստեղ ⤵️
https://t.me/sssofysmu