MHS Mental Health Service

15/09/2025

Այսօր մեր շատ սիրելի երկու աշխատակիցների ծննդյան օրն է։

Փոխտնօրեն Հռիփսիմե Բադալյանը մեր անտեսանելի հերոսն է։ Իր գրագիտության, կազմակերպվածության ու նվիրվածության շնորհիվ է նա ապահովում կենտրոնի անխափան աշխատանքը, ու մենք երբեմն բարձրաձայն, իսկ մտքում ամեն օր շնորհակալ ենք իրեն այս կարևոր աշխատանքի համար։

Հոգեբան Մարիա Հովսեփյանը մեր նոր սերնդի ներկայացուցիչներից է, ով կարճ ժամանակում արդեն լիովին ընտելացել է մեր այսքան խառը ու տագնապահարույց մասնագիտության մեջ և վստահաբար առաջ է շարժվում։

Շնորհավորում ենք, ցանկանում ամուր առողջություն, նոր հաջողություններ ու բազմաթիվ երջանիկ օրեր 💚💜🥂🎂🎉

10/09/2025

📌Այսօր սուիցիդների կանխարգելման միջազգային օրն է

🤍Ու այսօր ուզում ենք հիշեցնել բոլորին, թե ինչքան կարևոր է լսել ձեր մտերիմներին։ Ու ինչքան կարևոր է ունենալ ձեր մտերիմների վստահությունը, որպեսզի իրենք հավատան, որ դուք կարող եք իրենց լսել։

👩🏻‍⚕️Իսկ տեսանյությում մեր մանկական հոգեբույժ, հոգեթերապևտ Սոֆի Գարաքյանը խոսում է սուիցիդի և ինքնավնասումների մասին երեխաների ու դեռահասների մոտ։

Մանկական և դեռահասների հոգեբույժ, հոգեթերապևտ Սոֆի Գարաքյանը՝ սուիցիդի և ինքնավնասումների մասին։

03/09/2025

Մեր հոգեբան հոգեթերապևտ Մարիա Հովսեփյանը պատմում է մասնագիտություն գալու իր ճանապարհի և մոտեցումների մասին

Ծանոթացեք MHS-ի նոր մասնագետներին։ Հոգեբան, հոգեթերապևտ Մարիա Հովսեփյանը՝ հասուն տարիքում մասնագիտական կտրուկ փոփոխություն կատարելու մասին։

27/08/2025

Քանի որ մենք դեմ ենք սեքսիզմին, այդ պատճառով չենք ընդգծի, որ Վահրամը ձեր կողմից այդքան երկար սպասված տղամարդ հոգեբանն է։

Փոխարենը ասենք, որ Վահրամը երկար սպասված հմուտ, գրագետ, առաջադեմ, բազմակողմանի և մասնագիտության նվիրյալ հոգեբաններից մեկն է։

Ծանոթացեք MHS-ի նոր մասնագետներին։ Հոգեբան հոգեթերապևտ Վահրամ Ղազարյանը պատմում է, թե ինչպես են սերը դեպի բժշկությունը և փիլիսոփայությունը բերել նրան դեպի հո...

25/08/2025

Մի քիչ լսենք Իրինայի մասին, որ դիմելիս ավելի վստահ դիմենք։

Ծանոթացեք MHS-ի նոր մասնագետներին։ Հոգեբան Իրինա Բարթիկյանը պատմում է ՈւՊՀՀ-ի հետ աշխատանքի, ինչպես նաև հոգեբանության և ալտերնատիվ ռոքի կապի մասին։

15/08/2025

Ծանոթանանք Քրիստինա Գաբրիելյանի հետ, ով աշխատում է էքսիզտենցիալ հոգեթրերապիայի շրջանակներում։

Ծանոթացեք MHS-ի նոր մասնագետներին։ Հհոգեբան, հոգեթերապևտ Քրիստինա Գաբրիելյանը պատմում է, թե ինչպես է որոշել փոխել մասնագիտությունը և ինչու է ընտրել այն ուղղո...

12/08/2025

Շարունակում ենք ներկայացնել մեր նոր մասնագետներին, հիմա արդեն հարցազրույցների օգնությամբ։

Արդյունավետ հոգեթերապիայի կարևորագույն երաշխիքներից մեկն է թերապևտի անձը։ Հենց դրա համար փորձել ենք պատրաստել այնպիսի տեսանյութեր, որոնք թույլ կտան տպավորություն կազմել ոչ միայն մասնագիտական, այլ նաև անձնային հատակնիշների և արժեքների մասին։

Ծանոթացեք MHS-ի նոր մասնագետներին։ Հոգեբան հոգեթերապևտ Կարինե Խուդավերդյանը պատմում է, թե ինչպես է եկել մասնագիտություն և ինչ է անում ինքնախնամքի համար։

06/08/2025

Երեկ մեր հոգեբան հոգեթերապևտ Տաթևիկ Համբարյանի ծննդյան օրն էր։

Տաթևը, առաջին հերթին աշխատելով զույգերի հետ, մշտապես ձգտում է իր շուրջ տեսնել և կառուցել ներդաշնակություն։ Իր հաստատուն բարությամբ, նրբանկատությամբ ու հետաքրքրասիրությամբ, Տաթևը ունի ուրույն տեղ մեր կենտրոնի շարքերում, հաճախ օգնելով խնդիրները և դրանց լուծումները տեսնել անսպասելի տեսանկյուններից։

Շնորհավոր, ցանկանում ենք նոր հաջողություններ ու բազում հետաքրքիր տպավորություններ 🥳🍰🥂

30/07/2025

Շարունակում ենք շարունակել

‼️Իրինա Բարթիկյանը հոգեբան-հոգեթերապևտ է, ով հիմնականում աշխատում է կոգնիտիվ-վարքաբանական ուղղվածությամբ։ Իրինան աշխատում է տագնապների, դեպրեսիայի, հետտրավմատիկ սթրեսային խանգարման, ADHD-ի և այլ հոգեկան վիճակների հետ։

💚Իրինային շատերը ճանաչում ու սիրում են որպես մեր կենտրոնի կոորդինատոր։ Լինելով կլինիկական հոգեբան, վերջին երկու տարվա ընթացքում նա շարունակաբար ավելացրել է իր գիտելիքները և արդեն սկսել է աշխատել այցելուների հետ։

👩‍🎓Ավարտել է Հայ-ռուսական համալսարանի հոգեբանության ֆակուլտետը և շարունակաբար անցնում է վերապատրաստումներ՝ նպատակ ունենալով կատարելագործել իր մասնագիտական կարողությունները և ապահովել ավելի արդյունավետ աջակցություն իր այցելուներին։

🛡 Իրինան նաև կարևոր կազմակերպչական աշխատանք է տանում Հոգեկան առողջության հայկական ասոցիացիայում, համակարգելով ընթացիկ ծրագրերը։

🎭Սիրում է թատրոն, բաց չի թողնում ոչ մի հետաքրքիր ներկայացում։

Աշխատում է հայերեն և ռուսերեն լեզուներով, առկա և առցանց։ Մեկ սեսիայի արժեքը՝ 10 000 դրամ։ Ավելի մանրամասն կարող եք ծանոթանալ մեր կայքում՝ https://www.mhs.am/hy/team/irina-bartikyan

Գրանցվելոը համար՝ զանգահարեք 099 117975։

28/07/2025

Այսօր ներկայացնում ենք ևս մեկ նորեկ հոգեբան՝ Կարինե Խուդավերդյանին։

‼️ Կարինե Խուդավերդյանը կլինիկական հոգեբան-հոգեթերապևտ է, ով աշխատում է կոգնիտիվ-վարքաբանական ուղղվածությամբ։ Նա աշխատում է տագնապային խանգարումների, անձնային աճի, միջանձնային հարաբերություններում առաջացող դժվարությունների և կորստի հետ կապված հոգեկան ապրումների հետ։ Նա ավարտել է Հայ-Ռուսական (Սլավոնական) համալսարանի հոգեբանության ֆակուլտետի բակալավրիատը։ Ներկայումս մագիստրոսական կրթությունը շարունակում է ՀՀ ԳԱԱ գիտակրթական միջազգային կենտրոնում՝ կլինիկական հոգեբանություն և հոգեթերապիա մասնագիտացմամբ։ Բացի այդ, շարունակում է կրթությունը վերապատրաստումներով և որակավորման դասընթացներով՝ ներկայումս անցնում է կոգնիտիվ-վարքաբանական հոգեթերապիայի վերապատրաստում։

🎨 Կարինեն հավատում է, որ գիտահեն հոգեբանության ուժն ու ապահով, վստահելի միջավայրում ձևավորվող թերապևտ-այցելու հարաբերությունն են այն առանցքը, որտեղից սկիզբ է առնում իրական փոփոխությունը՝ դեպի ավելի առողջ ու ներդաշնակ կյանք։ Իր կյանքի անբաժան մասն է համարում արվեստը՝ իր բոլոր արտահայտման ձևերով։ Սիրում է կարդալ և երբեմն ստեղծագործել, զբաղվում է յուղաներկով նկարչությամբ, խաղացել է թատրոնում և շարունակում է սիրել թատրոնն ու կինոն։

🖊 Աշխատում է հայերեն, անգլերեն և ռուսերեն լեզուներով, առկա և առցանց։ Մեկ սեսիայի արժեքը՝ 10 000 դրամ։ Ավելի մանրամասն կարող եք ծանոթանալ մեր կայքում՝ https://www.mhs.am/hy/team/karine-khudaverdyan

☎️ Գրանցվելոը համար՝ զանգահարեք 099 117975։

25/07/2025

Այսօր մեր շատ սիրելի, նույնիսկ թանկագին հոգեբան հոգեթերապևտ Անի Բուդաղյանի ծննդյան օրն է։

Արդեն մի քանի տարի է, ինչ Անին մեր ողջ անձնակազմի համար հանդիսանում է պրոֆեսիոնալիզմի ու բարեխղճության (ու համեստության) անգերազանցելի չափանիշ։ Անհագ հետաքրքրասիրությամբ, միշտ նորը փնտրող, միշտ կասկածող, հարցեր տվող ու պատասխաններ պահանջող, Անին այն մարդկանցից է, որ իրենք իրենց համար աննկատ փոխում են իրենց կողքիններին։

Շնորհավորում ենք, թող այդ մասնագիտական քաղցը միշտ առաջ տանի, կյանքն էլ լինի խաղաղ ու երջանիկ։ 🥂🎂

25/07/2025

Շարունակում ենք ծանոթացնել մեր նոր մասնագետների հետ։

‼️Վահրամ Ղազարյանը կլինիկական հոգեբան է, ում հիմնական ուղղվածությունը կոգնիտիվ-վարքաբանական թերապիան է։ Աշխատում է այնպիսի խնդիրների հետ, ինչպիսիք են դեպրեսիան, տագնապը, ֆոբիաները, հետտրավմատիկ սթրեսային խանգարումը, սննդային վարքի խանգարումները, ինքնագնահատականի, ինքնաընկալման, ինչպես նաև սոցիալական ադապտացիայի և աշխատունակության խնդիրները։

🌡Նախքան մտնելը հոգեբանության ոլորտ, սովորել է Երևանի պետական հենակետային բժշկական քոլեջում, ունի բուժեղբող որակավորում։ Սովորել է Երևանի պետական համալսարանում, շարունակում է զարգացնել մասնագիտական հմտությունները, անցնելով վերապատրաստումներ։ Սիրում է կարդալ, լսել երաժշտություն և նվագել կիթառ։

📎Աշխատում է հայերեն լեզվով, առկա և առցանց։ Մեկ սեսիայի արժեքը՝ 10 000 դրամ։ Գրանցվելու համար՝ զանգահարեք 099 117975։