Իզմիրլյան բժշկական կենտրոն Izmirlian Medical Center

09/10/2025

«Իզմիրլյան» ԲԿ-ի Պլաստիկ և էսթետիվ վիրաբուժության բաժանմունքի բժիշկները մասնակցել են «Պլաստիկ վիրաբուժության բարդությունները» միջազգային կոնգրեսին։

Քննարկվել են պլաստիկ վիրաբուժության ոլորտում առաջացող բարդությունները, դրանց կանխարգելման և հաղթահարման ժամանակակից մեթոդները, ներկայացվել են նորագույն հետազոտություններն ու կլինիկական փորձը։

Ոլորտի լավագույն պրոֆեսիոնալները կիսվել են իրենց գիտելիքներով և իրական դեպքերի փորձով՝ նպաստելով մասնագիտական հմտությունների զարգացմանը և միջազգային համագործակցության խորացմանը։

08/10/2025

Միզաքարային հիվանդությունը քրոնիկ հիվանդություն է, որի ժամանակ երիկամներում, միզածորանում, միզապարկում մեզի մեջ լուծված աղերը բյուրեղանում են, ձևավորվում են միզային քարեր և միզածորաններով տեղաշարժվում են դեպի միզապարկ և միզուկ։

Միզաքարային հիվանդության ախտանշանների, առաջացման պատճառների ու բուժման եղանակների մասին է խոսել Իզմիրլյան ԲԿ-ի ուրոլոգ Համլետ Դվոյանը։

Հետևեք մեզ սոցցանցերում՝ Facebook https://www.facebook.com/abcmedia.amInstagram https://www.instagram.com/abcmedia.amTikTok https://www.tiktok.com/....

06/10/2025

Իզմիրլյան ԲԿ-ի Ուրոլոգիական բաժանմունքը 20 տարեկան է: Ստեղծվել է 2005թ.-ին պրոֆեսոր Արթուր Գրաբսկիի և փոքր խումբ համախոհների ջանքերով, դառնալով Հայաստանում լազերային ուրոլոգիայի առաջամարտիկը:

Ուրոլոգիան բժշկության մեջ առաջինը միացավ նվազ ինվազիվ, այսինքն՝ առանց կտրվածքի քիչ տրավմատիկ վիրահատություններին, նախ՝ լապարասկոպիայի, հետագայում՝ ռոբոտային տեխնոլոգիաների շնորհիվ։

Այսօր արդեն Իզմիրլյան ԲԿ-ում գործում է միզային քարերի բուժման գերազանցության կենտրոն՝ STORZ Medical և Quanta System նորագույն սարքավորումներով, իսկ ուրոլոգիական բաժանմունքն ապահովում է արդիական, մարդակենտրոն բուժօգնություն՝ եվրոպական և համաշխարհային չափանիշներին համապատասխան։

03/10/2025

Իզմիրլյան ԲԿ-ում հանդիսավորությամբ նշվեց Ուրոլոգիական բաժանմունքի կազմավորման 20-ամյակը

02/10/2025

Հոկտեմբերի 2-ը Ուրոլոգների համաշխարհային
օրն է։

Ուրոլոգիան բժշկության այն ճյուղն է, որն առաջինը միացավ նվազ ինվազիվ, այսինքն՝ առանց կտրվածքի քիչ տրավմատիկ վիրահատություններին, նախ՝ լապարասկոպիայի, հետագայում՝ ռոբոտային տեխնոլոգիաների շնորհիվ։

Իզմիրլյան ԲԿ-ի Ուրոլոգիական բաժանմունքը ստեղծվել է 2005թ.-ին պրոֆեսոր Արթուր Գրաբսկիի և մի խումբ համախոհների ջանքերով։ Այն նպատակ ուներ ապահովել արդիական, մարդակենտրոն ուրոլոգիական բուժօգնություն՝ Եվրոպական և համաշխարհային չափանիշներին համապատասխան։

Այս տարիներին բաժանմունքը եղել է Հայաստանում լազերային ուրոլոգիայի առաջամարտիկը՝ իրականացնելով մի շարք նորարարություններ՝ առաջին անգամ կիրառվել են հոլմիումային և թուլիումային լազերներ։ Միզային քարերի և շագանակագեղձի ուռուցքների հեռացման համար ներդրվել են նվազ ինվազիվ միջամտությունների ժամանակակից ձևաչափեր՝ մինիպերկուտան, ռետրոգրադ ներերիկամային և կոմբինացված վիրահատություններ։
Բացվել է միզային քարերի բուժման գերազանցությոն կենտրոն՝ STORZ Medical և Quanta System նորագույն սարքավորումներով։

Իզմիրլյան ԲԿ-ի Ուրոլոգիական բաժանմունքը ԵՊԲՀ Ուրոլոգիայի և Անդրոլոգիայի ամբիոնի պաշտոնական բազան է։ Այստեղ կրթություն են ստանում ուսանողներ, երիտասարդ բժիշկներ, իրականացվում են գիտահետազոտական աշխատանքներ, կազմակերպվում են վերապատրաստումներ և միջազգային սիմպոզիումներ։

Այս գործում մեծ դեր են ունեցել նաև սփյուռքի բարերարներն ու գործընկերները, հատկապես՝ դոկտոր Կարո Դերձակյանը, Գարի Կոզենը, որոնց նախաձեռնությամբ Հայաստան են բերվել առաջին լազերային համակարգերը:

Իզմիրլյան ԲԿ-ի Ուրոլոգիական բաժանմունքի վարիչ, պրոֆեսոր Արթուր Գրաբսկու գլխավորությամբ, շնորհավորում ենք բոլոր ուրոլոգներին մասնագիտական տոնի կապակցությամբ, մաղթում ենք նրանց մեծ ձեռքբերումներ ու նորանոր հաջողություններ։

30/09/2025

Այսօր «Իզմիրլյան» ԲԿ-ի Կոնսուլտացիոն ախտորոշիչ բաժանմունքի թերապևտ, գաստրոէնտերոլոգ Դոնարա Էլոյանի ծննդյան տարեդարձն է։

Բոլորի կողմից անչափ սիրված, բարի, հոգատար ու նրբանկատ Դոնարա Իվանովնա, արդեն 5 տասնամյակից ավելի Դուք կարողանում եք կապ հաստատել հիվանդի զգացմունքների և հույզերի հետ, իսկ ձեր ջերմությունն ու հոգատարությունը մարդկանց վստահության և ապահովության զգացում են հաղորդում։

«Իզմիրլյան» ԲԿ-ի տնօրինությունն ու անձնակազմը սրտանց շնորհավորում են սիրելի բժշկուհուն, մաղթում նրան քաջառողջություն, երկար տարիների կյանք, բազում առողջացած ու գոհ բուժառուներ։

29/09/2025

Սեպտեմբերի 29-ը Սրտի համաշխարհային օրն է:
Տոնն առաջին անգամ նշվել է 1999 թվականին՝ Սրտի համաշխարհային ֆեդերացիայի նախաձեռնությամբ:

2011 թվականից ի վեր տոնը նշվում է սեպտեմբերի 29-ին և նպատակ ունի բարձրացնել հանրային իրազեկվածությունը սրտանոթային հիվանդությունների և դրանց կանխարգելման վերաբերյալ:

Սրտային անբավարարության մասին պատմում է Իզմիրլյան ԲԿ-ի սրտաբան Նաիրա Թովմասյանը։

25/09/2025

Իզմիրլյան ԲԿ-ի էնդոկրինոլոգ Սյուզաննա Ղարաքեշիշյանը սեպտեմբերի 15-ից 19-ը Վիեննայում մասնակցել է Շաքարային դիաբետի վերաբերյալ EASD 61-րդ տարեկան համաժողովին, որը շաքարային դիաբետի վերաբերյալ աշխարհի ամենամեծ համաժողովներից է և ներգրավում է հազարավոր պատվիրակների:

Գիտական ծրագիրը ներառում էր հարյուրավոր հոդվածներ և քննարկումներ, որոնք լուսաբանում էին շաքարային դիաբետի հիմնարար և կլինիկական հետազոտությունների վերջին արդյունքները:
Համաժողովի մասնակիցներին ընձեռվեց փորձի փոխանակման, երկխոսության, քննարկման, աշխարհի տարբեր երկրներից գործընկերների հետ փոխգործակցության և ցանցային կապերի հաստատման եզակի հնարավորություն։

23/09/2025

Իզմիրլյան ԲԿ-ի Էնդոսկոպիկ ծառայությունը վերանորոգվել ու վերազինվել է նոր սերնդի սարքավորումներով և այսուհետ գործելու է որպես բաժանմունք։

Էնդոսկոպիկ բաժանմունքում կատարվում են գաստրոսկոպիա, կոլոնոսկոպիա, պոլիպէկտոմիա և և տարբեր աստիճանի բարդության էնդոսկոպիկ բուժական միջամտություններ։

Էնդոսկոպիկ բաժանմունքը ներկայացնում է բաժանմունքի վարիչ Տիգրան Ավետիսյանը։

22/09/2025

Կոնքի օրգանների պրոլապսը վիճակ է, որի ժամանակ կոնքի օրգանները իրենց սովորական դիրքից տեղաշարժվում են ներքև: Սա սովորաբար տեղի է ունենում, երբ թուլանում են կոնքի մկանները: Պրոլապսի առաջացման այլ պատճառների, ախտանշանների ու բուժման եղանակների մասին պատմում է Իզմիրլյան ԲԿ-ի ուրոլոգ Գոռ Շադյանը։

21/09/2025

🇦🇲Մեր սիրելի, ազա՜տ և անկա՜խ Հայաստան♥️

16/09/2025

Իզմիրլյան ԲԿ-ի օրթոպեդ- վնասվածքաբաններ Ալբերտ Համբարձումյանն ու Արամազդ Սահակյանը Կազանում մասնակցել են արթրոսկոպիկ վիրահատությունների գործնական դասընթացին։

Դասընթացը հնարավորություն է տվել տիրապետելու ծնկան հոդի բուժման նորարարական տեխնոլոգիաներին, ծանոթանալու առաջային խաչաձև կապանի պլաստիկ վիրահատության համար անհրաժեշտ հիմնական գործիքներին։

Մեր բժիշկները շարունակում են կատարելագործվել ու հարստանալ մասնագիտական գիտելիքներով։