14/11/2025
💙 Դիաբետի դպրոց․ սովորեցնում ենք պացիենտին ճանաչել ու կառավարել իր հիվանդությունը
📅 Ամեն տարի նոյեմբերի 14-ին աշխարհի ավելի քան 160 երկրներում նշվում է Դիաբետի միջազգային օրը։ Օրվա նպատակն է բարձրացնել հանրության իրազեկվածությունը, քանի որ
շաքարային դիաբետը համաշխարհային և ազգային հանրային առողջապահության ամենալուրջ մարտահրավերներից մեկն է։
🌍 Աշխարհում ավելի քան 540 միլիոն մարդ ապրում է շաքարային դիաբետով։
🇦🇲 Հայաստանում՝ ըստ առողջապահական տվյալների, յուրաքանչյուր 11-րդ մեծահասակն ունի դիաբետ։
💊 Շաքարային դիաբետը վերահսկելի է, և հնարավոր է խուսափել բարդություններից, եթե պացիենտը ճանաչում է իր հիվանդությունը։
«Սուրբ Գրիգոր Լուսավորիչ» ԲԿ-ում արդեն գործում է Դիաբետի դպրոցը։
Սա համատեղ ծրագիր է, որը իրականացվում է՝
🤝 ՀՀ Առողջապահության նախարարության,
👁 «Հայկական ակնաբուժության նախագիծ» բարեգործական հիմնադրամի և
🌐 Դիաբետի համաշխարհային հիմնադրամի համագործակցությամբ։
Առաջին մասնակիցները հաջողությամբ ավարտեցին դասընթացները, և ԲԿ-ի տնօրեն Նարեկ Զեյնալյանը նրանց հանձնեց հավաստագրեր։
Դպրոցը ստեղծվել է, որպեսզի դիաբետ ունեցող պացիենտները և նրանց ընտանիքները սովորեն ճանաչել և կառավարել հիվանդությունը՝ կանխելով բարդությունները և բարձրացնելով կյանքի որակը։
✨ Այստեղ դիաբետը ոչ թե վախեցնող ախտորոշում է, այլ՝ գիտելիքի, ինքնակառավարման և առողջ ապրելակերպի մշակույթ։
🦶 Ծրագրի շրջանակում ԲԿ-ում գործարկվելու է նաև Ոտնաթաթի բարդությունների կառավարման կենտրոն, որը լինելու է առաջիններից Հայաստանում։
💙 Մեր կենտրոնի համար սա պարզապես նոր նախաձեռնություն չէ․
սա մեր առաքելության շարունակությունն է՝ զարգացնել կանխարգելիչ բժշկությունը և կրթական մոտեցումները՝
պացիենտին դարձնելով իր առողջության ամենաակտիվ մասնակիցը։
🌟 Դիաբետի դպրոցը գիտելիքների, հույսի և վստահության նոր տարածք է մեր պացիենտների համար։
#ԴիաբետիՕր #ԴիաբետիԴպրոց #ՍուրբԳրիգորԼուսավորիչԲԿ
#ՍուրբԳրիգորԼուսավորիչ #Երևան #ՀայաստանԲժիշկ #ԲժշկականԿենտրոն #ԲազմապրոֆիլՀիվանդանոց
