Dr.Abdullah Sherzai

22/02/2026

🧠 د مغزو یوولس پټ دښمنان!!
۱. الکول — د ذهني فعالیتونو کمولوونکی او د مغزو د حجرو وژونکی
۲. ډېر خوراک — مغز ته د وینې رسېدل کموي او تمرکز راټیټوي
۳. سګرټ او نور دخانیات — حافظه خرابوي او عصبي فعالیت کمزوری کوي
۴. دوامداره استرس — عصبي سیستم زیانمنوي
۵. ککړه هوا — مغز ته د کافي اکسیجن رسېدل کموي
۶. کم خوب — حافظه، تمرکز او پرېکړه کمزورې کوي
۷. ډېر بوره خوړل — د مغز کیمیاوي توازن ګډوډوي
۸. سهارنۍ نه خوړل — د انرژۍ کچه او ذهني فعالیت کموي
۹. له سر باندې پتو اچول او ویده کېدل — د خوب پر مهال اکسیجن کموي
۱۰. ذهني بې‌تحرکي — د ستونزو د حل توان او خلاقیت کموي
۱۱. د ناروغۍ پر مهال کار کول — پر بدن اضافي فشار راولي او د ښه کېدو بهیر ورو کوي
✨ د مغزو ساتنه د ژوند د کیفیت لپاره تر ټولو مهمه پانګونه ده.
که دا معلومات درته ګټور وو مهرباني وکړئ درسره شېر يې کړئ.
مننه!

07/02/2026

د ټوخلي کورنۍ درملنه 👇

07/02/2026

🫀 د بدن د غړو کمزوري ناڅاپي نه وي

د انسان د بدن غړي په یو وار نه کمزوري کېږي، بلکې دا یو خاموش او ورو بهیر دی چې وخت په وخت د بدن له دننه پیل کېږي. ډېری خلک هغه وخت متوجه شي چې ستونزه لا شدیده شوې وي.

🚶‍♂️ غلط ژوند طرز
بې‌وخته خواړه، کم خوب، ناسته ژوند او د حرکت نشتوالی د زړه، ځیګر، پښتورګو، معدې او اعصابو فعالیت ورو ورو کمزوری کوي. حرکت د وینې جریان ښه ساتي، او بې‌حرکتي د غړو کار خرابوي.

🥗 غذایي کمښت
د پروټین، اوسپنې، وېټامین D، وېټامین B12، مګنیزیم او زنک کموالی تر ټولو مخکې داخلي غړي اغېزمنوي. انسان له بهره روغ ښکاري، خو دننه بدن ستړی کېږي.

🧠 ذهني فشار او دوامداره فکر
تلپاتې تشویش د هورمونونو توازن ګډوډوي، چې اغېز یې پر زړه، معده، کولمو او پښتورګو پرېوځي. له همدې امله اندېښمن کسان د سینې درزا، بد‌هضمي او بدن درد لري.

💊 د درملو بې‌ځایه استعمال
درد کمونکي، انټي‌بیوټیک، د خوب ګولۍ او سټیروېډونه که له مشورې پرته وکارول شي، ځیګر او پښتورګي په پټه زیانمنوي.

💧 د اوبو کم څښل
د اوبو کموالی پښتورګي، مثانه، وینه او حتی دماغ زیانمنوي او زهرجن مواد په بدن کې پاتې کېږي.

😴 د خوب ستونزې
ناپوره خوب بدن ته د ترمیم فرصت نه ورکوي. زړه، دماغ او اعصابي سیستم تل په ستړیا کې وي.
👴 د عمر له زیاتېدو سره بې‌پامي
په عمر زیاتېدو سره بدن لا ډېرې پاملرنې ته اړتیا لري، خو که هماغه وخت بې‌غوري وشي، کمزوري چټکه کېږي.
⚠️ د بدن نښې مه هېروئ
پرله‌پسې ستړیا، سپک درد، سستي، بد‌هضمي، ساه لنډي او د زړه بې‌قراري د بدن مهم اشارې دي.
✅ که وخت پر وخت ښه خواړه، کافي خوب، ارام ذهن، مناسب حرکت او اعتدال غوره شي، نو بدن بیا پیاوړی کېدای شي. که نه، دا خاموشه کمزوري یوه ورځ په جدي ناروغۍ بدلېږي.

05/02/2026

داسې کړني په یوویشتمه پيړۍ کي د طبابت له نظره سوچ کفر دی😳
دا د 20 ورځو ماشوم دی د کلی یوې تعویذګري بوډۍ ښځي ددی په خاطر په پتری وهل چې بیکاره وینه یې لاړه شی وايې ددي سره د ماشوم د نس دردونه ارامیږی.
حال دا چې دا کار په لوی لاس ماشوم د شدید انتان سره مواجه کوی.
#جهالت

30/01/2026

🌿 اسپغول (Isabgol)؛ ګټه هم لري، زیان هم لري
اسپغول د فایبر ښه سرچینه ده او ډېر خلک یې د کولمو د ساتنې لپاره کاروي، خو بې‌ځایه او ډېر استعمال یې د ګټې پر ځای زیان رسولای شي ⚠️
🔹 که اسپغول هره ورځ او په زیاته اندازه وکارول شي، کولمې ورو ورو خپله طبیعي خوځښت کموي او د فایبر پر مرسته عادت کېږي.
🔹 وروسته چې اسپغول پرېښودل شي، کولمې سستې شي، قبض زیاتېږي او طبیعي اخراج ستونزمن کېږي.
🔹 که اسپغول له کافي اوبو پرته وخوړل شي، په کولمو کې پړسېږي او د ګاز، پړسوب او د نس د کش کېدو سبب ګرځي 💨
🔹 دا ستونزه په هغو کسانو کې زیاته وي چې هاضمه یې له مخکې کمزورې وي، یا بې‌ضرورته یې هره ورځ د دوا په څېر کاروي.
🟢 اسپغول چا ته ګټه لري؟
✔️ د لنډ مهال قبض
✔️ د سفر پر مهال د کولمو ستونزه
✔️ د فایبر کم‌خوړلو په صورت کې
🔴 چا ته احتیاط پکار دی؟
❌ د معدې کمزوري
❌ د کولمو التهاب
❌ شدید ګاز او پړسوب
❌ هغه کسان چې د کولمو حرکت یې له مخکې سست وي
🧠 د طب له نظره، اسپغول طبیعتاً سړه او لمده اغېزه لري؛ ډېر استعمال یې د کولمو طبیعي تودوخه کموي او حرکت یې لا ورو کوي.
✅ سمه طریقه:
– یوازې د اړتیا پر وخت
– ۱ تر ۲ کوچنۍ چمچې
– له نیم‌ګرمې اوبو یا مستو سره 🥛
– هره ورځ عادت مه جوړوئ
🥗 غوره دا ده چې د سبزیو، مېوو او پاکو اوبو استعمال زیات شي، څو کولمې پخپله کار وکړي. اسپغول دې مرسته وي، بدیل دې نه شي.

30/01/2026

سوځېدلي خواړه د سرطان خطر زیاتوي 👇

29/01/2026

یو تعداد وطنوال چی د ورمیږ د درد ستونزه لري
که چیری ټیټ سر موبایل ته ګوری، ۵ کیلو سر یې ورمیږ ته ۲۷ کیلو تمامېږي
احتیاط کوي
درنښت

23/12/2025

د هند په اندراګاندي روغتون کې د یوه ډاکتر او ناروغ شخړه پېښه شوې ده 🫣

20/09/2025

ساینسپوهانو موندلې چې د خوب کموالی د «امیلویډ بېتا» په نوم پروټین زیاتوي، چې د الزایمر ناروغۍ سره تړاو لري.

د دماغ «ګلیمفټیک سیستم» د خوب پر مهال د زهرجنو موادو د پاکولو ځانګړې لاره ده.

څېړنې ښيي چې آن د یوه شپه بې خوبۍ هم په حافظه پورې اړوند برخه کې دغه پروټین لوړوي.

د خوب ګډوډۍ لکه اپنیا او بې خوبۍ د ډیمینشیا خطر زیاتوي، خو د دې ناروغیو درملنه د دماغ د پاکولو وړتیا ښه کوي. لنډه دا چې ښه خوب د دماغ د ساتنې لپاره ډېر مهم دی.

10/09/2025

09/09/2025

#هټکي یا Hiccups
دا د معدې یوه عامه ناروغي ده،چې د معدې د عضلاتو د تشنج له امله رامنځته کیږي،چې په سبب یې د معدې حرکتونه پورته خواته ډیریږي،امکان لري چې دغه حرکتونه په یوه دقیقه کې د 50 څخه تر 60 پورې پورته شي.
#لاملونه:
-تیز خوراک کول
-ګرم شیان خوړل
-بې هضمي
-د معدې فعالیت کمزوري کیدل
-معده کې د ګیس جمع کیدل
-هغه خواړه خوړل چې ورو هضمیږي
-د معدې التهابي کیدل
د تشویش او عصبي ناروغیو له امله هم رامنځته کیداې شي
#درملنه:د هټکي يا سلګۍ د کنترول ساده لارې چارې
۱: خپل زنګنونه ۲دقیقې په ګېډه پسې نیول.
۲: په یوه کڅوړه کې څو ځل ساه اخېستل
۳:په خوله کې لیمو زبېښل.
۴: یوه کاشوغه بوره خوړل
#همداشان د درملو څخه لاندې دوا استمعالولای شئ
‏Tab:Trisil دوه ګولې د اړتیا په صورت کې
‏Tab:Librax درې وخته یوه یوه ګولې
‏Syp:Motilium دوه دوه قاشوقې درې وخته
معلومات درسره شیر کړئ ،د نورو معلوماتو لپاره پیج کې راسره ملګري شئ مننه

08/09/2025

#هغوی چې خفه دي ،دا لیکنه دي تر پایه ولولي.
#اینډاروفین زموږ په بدن کې د ورزش پر مهال ترشحېږي او له ورزش څخه پیدا شوي عضلاتي دردونه ټکوروي. همدارنګه نوموړی هورمون د ټوکو ټکالو د اورېدو پر مهال هم ترشحېږي. نو که غواړئ چې خوښ و اوسئ هره ورځ نیم سات ورزش وکړئ او په ورځ کې یو ځل د کوم مشهور کومیډین یوه نیمه ویډیو وګورئ. دا به ستاسو په بدن کې د اینډاورفین کچه لوړه وساتي او خوښ به یاست.
(اینډاروفین د بدن داخلي او طبیعي درد ضد هورمون دی چې د خارجي مورفین غوندې کار کوي. هغه کسان چې د مورفینو معتاد دي، د ورزش او د ژوند د سټایل په بدلولو کولای شي چې د بدن د اینډارفینو کچه لوړه کړي او پدې توګه د خارجي او مضرو مورفینو، داخلي، طبیعي او بې ضرره بدیل پیدا کړي. ژ)

#ډوپامین زموږ په بدن کې هغه مهال ترشحېږي چې موږ په ژوند کې خپلو وړو یا لویو موخو ته ورسېږو. نوې دنده، نوی موټر او نوی کور اخیستل ټول هغه عوامل دي چې د ډوپامین په ترشح کې مرسته کوي او موږ خوشحال ساتي. د کور میرمنې ځکه زیاتره مهال خپه وي چې دوی د خپلو کارونو په مقابل کې له سړیو څخه وړ ډاډ او داد نه ترلاسه کوي. نو که غواړئ چې خوښ و اوسئ د خپلو وړو او لویو موخو د تکمیل لپاره هڅې وکړئ او نورو ته هم د هغوی د کار و زیار په مقابل کې معنوي ډاډ او داد ورکړئ. دا کار به ستاسو د ډوپامین کچه لوړه وساتي او خوشحالي به مو ملګرې کړي.

#سیروټونین زموږ په بدن کې هله ترشحېږي چې د بل لپاره کوم کار وکړو. ځینې وخت زموږ هڅې زموږ لپاره هیڅ مادي ګټه نلري خو پوهېږو چې خلکو او ټولنې ته یې خیر رسي. دا بې بدیله هڅې چې صرف د نورو د خیر و رفاه لپاره کېږي، په انساني بدن کې د سیروټونین کچه لوړه ساتي او د یوه پټ وجداني سرور سبب کېږي. نو که خوشحالي غواړئ، صرف د ځان لپاره نه، بلکې د نورو لپاره هم ژوند وکړئ.

او بلاخره:

#اوکسي ټوسین په انساني بدن کې هغه وخت زیاتېږي چې انسان له کوم بل انسان سره نږدې شي. خپل ماشوم، خپله کورنۍ او یا کوم دوست په غېږ کې ونېسي او یو بل ته مینه ورکړي. نو که غواړئ چې خوښ و اوسئ له خپلو ماشومانو، کورنۍ او دوستانو سره مینه وکړئ او هغوی په غېږ کې ونېسئ."

#یادښت: د مزمنو دردونو او ډیپریشن پرمهال په بدن کې دغه هورمونونه کم وي. د ټولو نارکوټیکو دردضد او ډیپریشن ضد درملو د کار میکانیزم دا دی چې په بدن کې پورته ذکر شوي هورمونونه زیاتوي. خو د بدن فزیولوژیک قانون دا دی چې که موږ د هورمونونو تولید د خارجي منابعو لکه درملو پواسطه زیات کړو، نو داخلي او طبیعي تولید یې درېږي. له بلې خوا د نارکوټیکو او ډیپریشن ضد درملو زیات استعمال ګڼې نورې څنګزنې ستونزې را ولاړوي. نو پدې لحاظ د خوشحاله اوسېدو لپاره د درملو پر ځای ولې طبیعي او ډېرې ساده لارې چارې و نه لټوو؟ داسې لارې چارې چې بیخي اسانې او تر درملو سل چنده زیاتې اغیزناکې دي.