24/10/2025
๐๐๐ ๐ฎ๐ ๐๐๐๐ฅ๐ญ๐ก: ๐๐ฎ๐ง๐ญ๐ ๐๐ซ๐๐๐จ ๐๐ข๐๐ ๐ง๐จ๐ฌ๐ญ๐ข๐๐ฌ ๐๐ฎ ๐๐๐ซ๐ฏ๐ข๐๐ข๐จ ๐๐ข ๐๐๐ ๐๐ฏ๐๐ง๐ฌ๐ ๐๐จ๐ง๐ญ๐ซ๐ ๐๐๐ง๐๐๐ซ ๐๐ข ๐๐๐๐ก๐จ ๐๐๐ฌ๐๐ ๐๐๐๐
Mientras cu Hulanda ta prepara pa introduci MRI den e programa nacional di deteccion di cancer di pecho, segun e rapport reciente di RIVM (Rijksinstituut voor Volksgezondheid en Milieu), ta ser considera cu MRI por ta un complemento importante, especialmente pa e ser fememino cu pecho mas denso. MRI ta usa campo magnetico na lugar di otro tipo di rayo, cual ta permiti un imagen di e pecho mas cla y detaya. E tecnologia aki ta particularmente util pa detecta tumor chikito cu kizas no ta visibel den mamografia tradicional.
Yagua Health ta orguyoso pa menciona cu Aruba ya a tuma es pasonan adelanta pa logra e meta aki den provee un tecnologia avansa na beneficio di e pashent. Na Punta Brabo Diagnostics, situa na Caya Punta Brabo 11A, un MRI di pecho ta disponibel ya desde juli 2023. E servicio aki ta percura pa deteccion mas tempran y mas preciso pa cu cualkier abnormalidad den e pecho, specialmente pa esnan cu pecho mas denso.
Den conformidad cu guia internacional, screening pa cancer di pecho generalmente ta cuminsa na edad di 40 aรฑa bay ariba, y na Yagua Health nos ta ofrece y recomenda e screening specifico aki na pashentnan cu pecho mas denso. Ta recorda cu mammografia ta keda e โGold Standardโ pa screening general contra cancer di pecho.
E servicio di MRI di pecho ta disponibel cu cita riba e mesun dia, sin lista di espera, y resultado den binti cuater ora, garantisando un cuido oportuno, eficiente, y confiabel na e comunidad local.
๐๐ฎ๐ฆ๐ ๐๐จ๐ญ๐
Nos ta ofrece MRI sin contrast cu ta diseรฑa pa complimenta, no pa remplasa mamografia of MRI di pecho cu contrast, cu ainda ta fundamental pa detecta cancer di pecho cu ta chikito y dificil pa mira.
๐๐๐๐จ๐ฆ๐๐ง๐๐๐๐ข๐จ๐ง ๐๐๐ข๐๐ข๐จ๐ง๐๐ฅ
Yagua Health ta enfatisa tambe riba e importancia di un Auto-Examinacion di Pecho (Self Breast Exam) mensual, como un paso simpel pero poderoso pa mantene un conocimiento propio di bo curpa y pa detecta cambionan tempran. Pa e ser femenino bou di 40 aรฑa, ta conseha pa cumpli cu un examinacion propio of un ultrasonido di pecho como metodo di prevencion, cual cu tambe ta disponibel bou di e capa di Yagua Health.
๐๐จ๐ฆ๐ฉ๐ซ๐จ๐ฆ๐ข๐ฌ๐จ ๐๐ฎ ๐๐ง๐ง๐จ๐ฏ๐๐๐ข๐จ๐ง ๐ฒ ๐๐จ๐ฅ๐๐๐จ๐ซ๐๐๐ข๐จ๐ง
Yagua Health ta habri pa colaboracion cu tur socio relevante, tanto den sector publico como priva. Cu enfoke riba innovacion y continuidad di diagnostico, tratamento y cuido accesibel pa tur miembro di nos comunidad.
Yagua Health a reafirma su posicion y apoyo pa promove diagnosticonan oportuno y na tempo. Cu alineacion na standard internacional den cuido di salud, e logronan aki ta demostra e compromiso continuo di Yagua Health cu innovacion, accesibilidad y deteccion tempran, reforsando e importancia di cuido preventivo pa e ser fememino na Aruba.
Pa mas informacion di nos servicio por tuma contacto na (+297) 5860448, WhatsApp (+297) 5975549, reception@urgentcare.aw, of bish*ta nos red pa mas informacion na www.urgentcare.aw.
Fuente:
RIVM โ Onderzoek naar inzet van MRI bij bevolkingsonderzoek borstkanker, 2024.
https://www.rivm.nl/borstkankerbevolkingsonderzoek
