16/10/2025
Plan di Mayor awor por scucha e kleuternan
tambe! 👶🏽💜
Na Plan di Mayor nos ta considera e mucha como un actor activo den e famia. Nos ta papia cu e mucha, no riba e mucha.
Nos intervencionnan pa mucha ta dirigi principalmente riba e bienestar di e mucha, fortaleciendo su voz y resistencia emocional, yudando nan pa amplia nan capacidad pa resolvé
problema.
Anteriormente, Plan di Mayor tabata scucha tur mucha entre 6 y 17 aña kende nan mayornan a acudi na Plan di Mayor pa mediacion.
Actualmente nos ta felis di anuncia cu nos lo por atende e mas chikitinan tambe. 🌈
Den e siman di 22 pa 26 di october 2025, Plan di Mayor a tene su di dos edicion di KIES training.
KIES ta nifica “Kinderen In Een Scheiding” — un programa diseña pa e Expertisecentrum Kind en Scheiding, comproba di ta efectivo, e ta forma parti di e database di intervencionnan efectivo di e Nederlands Jeugdinstituut.
Den september 2025, e Expertisecentrum Kind en Scheiding a regresa na Aruba, e biaha aki pa forma coaches pa e edadnan mas chikito: peuter (0–3 aña) y kleuter (4–6 aña), ademas di e grupo di mucha y hoben. Cu e training adicional aki, nos tin awor coaches prepara pa guia muchanan di 4–6 aña den e Plan di Kleuter, pa asina e mas chikitinan tambe por papia cu un KIES mediator.
Pa muchanan di 0–3 aña, Plan di Mayor ta guia e mayornan mes pa traha un jaarplan adapta na e fase di e mucha:
💛Embaraso: bish*ta na doctor, echo, y participacion di e otro mayor na e parto.
💛Baby: contacto continuo cu ambos mayor, mesora cu nan ta separa.
💛Toddler: ritmo, structura, y contacto cu tur dos famia.
💛Peuter: retrato di ambos mayor, momentonan di wissel, cuido y contacto.
Plan di Mayor ta hopi orguyoso y agradecido pa tur profesional cu a ricibi e formashon di KIES. E ta un paso mas pa sigui brinda ayudo y guia na muchanan cu ta pasa den situacionnan di separacion y divorcio.💜
“Na Plan di Mayor e mucha ta keda central, pasobra su bienestar ta nos prioridad.”
