27/11/2025
Diamars 11 di November, Stichting Hunto a sera su siman di accion contra bullying cu un evento dedica specialmente na educadornan, trahado social, y profecionalnan cu ta traha directo cu hoben.
E encuentro tabata e ultimo di tres eventonan grandi: “Breaking the Silence - Let's Stop Bullying” pa studiante di 5 diferente scol (3–7 November), un forum dedica pa mayornan (8 November), y awor e sesion profesional, cu mas di 350 persona registra.
Durante e sesion, Nurianne Arias, docente na Universidad di Aruba, tabata moderador, y Johnny Boekhoudt, Psycologo forensico y recherche di mucha y hoben, tabata e speaker principal.
Johnny a presenta un panorama cla riba e diferente forma nan cu bullying por tuma luga, tanto den scol como den bario y online. E la pone enfasis riba señalnan tempran cu profesionalnan por wak, y e importancia di interveni dibiaha pa evita cu e situacion ta bira mas serio.
Un panel diversifica cu Social Worker, Maestro, Psychologo, Polis di Bario y un studiante hoben a traha dialogo profundo riba con comunidad por crea espacio safe y sostene bienestar di nos hoben nan.
Durante tur 3 evento, nos a enfatisa e importancia di self-empowerment: regularmente nos mes ta bira nos propio bully, pues pa fortalece auto-confiansa, traha ariba empoderamento propio, y hasi inner self- check ta esencial pa combati bullying y otro reto den bida.
Stichting HUNTO ta satisfecho cu e exito di e evento y lo sigui trece tema importante manera aki na nos comunidad. Hunto, nos ta traha pa elimina tabu y fortalece bienestar mental.
Pa lesa mas click aki: https://hunto.aw/news-updates/stichting-hunto-ta-sera-e-siman-di-breaking-the-silence-lets-stop-bullying-cu-un-forum-pa-educadornan-y-sector-social/
