FEPOH

31/03/2026

NOBO NOBO NOBO ❗️

Bo ta cansa di bla bla bla sin fin? Bo tin mester di trankilidad ON demand? Bo no kier pa hende cansa bo curpa despues di un dia largo? Nos tin bo cubri! Pasa cerca nos pa busca bo spouse mute 3000. Cantidad ta limita! 🧘‍♂️

30/03/2026

Werkbezoek FEPOH 2/3 🇦🇼🇳🇱

Fepoh su team ta sumamente agradecido p'e oportunidad di por a bish*ta diferente organisacionnan na Hulanda cu ta traha na bienestar di personanan di tur edad cu ta sordo, tin perdida di oido of cu un TOS (taalontwikkelingsstoornis). 🦻🏻🗣👄

Danki na Kentalis cu a ricibi Fepoh man habri y cu a yuda nos sigui specialisa nos mes den area di TOS. 🙌🏻

Pronto nos lo duna mas informacion di e sigiente pasonan pa Aruba. ⏳️👣

24/03/2026

Werkbezoek FEPOH 1/3 🇦🇼🇳🇱

Fepoh su team ta sumamente agradecido p'e oportunidad di por a bish*ta diferente organisacionnan na Hulanda cu ta traha na bienestar di personanan di tur edad cu ta sordo, tin perdida di oido of cu un TOS (taalontwikkelingsstoornis). 🦻🏻🗣👄

Danki na Kentalis, Gebarencentrum, Pento, Utrecht Medisch Centrum y Wilhelmina Kinderziekenhuis pa ricibi nos man habri. 🙌🏻

E meta principal ta pa FEPOH sigui specialisa su mes riba tereno di TOS pa por brinda e miho guia aki na Aruba.

Pronto nos lo duna mas informacion di e sigiente pasonan pa Aruba. ⏳️👣

23/03/2026

18 di maart 🇦🇼 Recap

Danki pa e oportunidad pa tabata presente na e 'Tree planting event' 🌿🌱
Fepoh a haya e honor pa combersa cu nos Mahestad 👑 tocante tur e trabaonan cu Fepoh ta ehecuta diariamente pa cu nos muchanan, hoben y adultonan cu deficiencia di oido y habla 🫶🏼🦻🏻.

08/03/2026

Masha pabien na tur nos coleganan femenino riba nan dia! 💕 Cada un di boso ta haci un diferencia y nos ta sumamente agradecido cu boso ta forma parti di nos team! ✨️💪🏼

06/03/2026

Fepoh su Logopedista Kristel, Ta un persona hopi profecional cu hopi dedicacion, pasion y perseverancia pa cu su trabao.

Ta duna guia cu hopi expertisio y profecionalismo tanto na mucha y adulto. Tambe ta sostene y guia mayornan pa cu e desaroyo di nan yiu.
Asina por tin un bon comunicacion pa cu desaroyo di e habla.

Den Fepoh su team multidisciplinario pa mucha y adulto Sordo of cu diferente perdida di oido, y mucha cu TOS Kristel ta un persona indispensable pa e team di profecionalnan di Fepoh.

Felicitacionnan cordial pa cu Dia di Logopedia Kristel Vis- van Nes!❤️💪👏👏🎉🎉

03/03/2026

Awe ta Dia Mundial di Oido! 👂🏼🦻🏻
Tema di e aña aki ta "From communities to Classrooms: Hearing Care for all Children"

Nos muchanan tin derecho di haya tur guia y sosten cu nan mester. Aceso na zonido y habla ta un meta hopi importante. Nos team di dept. di enseñansa ta traha riba nan derecho y ta conseha scolnan tocante por ehempel:

🪑 Unda e mucha mester sinta den klas?
👩🏻‍🏫 Con pa comunica mas efectivo?
🎤 Uzo di microfoon (fm-systems) den klas.
📝 Ayudo cu adaptacion di toetsafname.

Riba portret por wak dos di nos muchanan na scol cu nos coleganan cla pa yuda! Pabien riba tur boso dia! ✨️🎊

03/03/2026

03/03/2026

✨️

𝐃𝐢𝐚 𝐌𝐮𝐧𝐝𝐢𝐚𝐥 𝐝𝐢 𝐎𝐢𝐝𝐨 𝟐𝟎𝟐𝟔

E aña aki, e tema ta enfoca riba importancia di proteccion y cuido di oido den comunidad.

Salud di oido ta esencial den tur fase di bida, desde e prome añanan di bida, te na adolescencia, bida adulto y edad avansa.

Oido sano ta fundamental pa comunicacion, educacion, trabou y participacion den sociedad.

Perdida di oido no semper ta visibel, pero su impacto por ta grandi. Prevencion y deteccion tempran ta pasonan importante pa proteha nos bienestar.

Cuida bo oido awe, pa proteha bo calidad di bida mañan.

28/02/2026

FEPOH y FAVI Fundacion Arubano di esnan Visualmente Incapacita cla pa educa nos muchanan. 👁👂🏼

Biblionef Nederland

27/02/2026

T**a nos mañan na Reading Festival! 📚 🎧