Directie Volksgezondheid DVG ARUBA

Directie Volksgezondheid DVG ARUBA The Department of Public Health works to protect and promote the health and wellbeing of everyone living in Aruba

The Department of Public Health (DVG) is responsible for the general administration of public health in Aruba. The main focus is on prevention, protection, policy formulation and enforcement of the Health Laws and regulations. This function is anchored in the Health Law (Gezondheidsverordening). According to article 1 of this Health Law the Department of Public Health is responsible for the promotion of health in general and the implementation of the health regulations in regards to public health.

Cuanto sucu bo ta bebe❓Bo sa cu refresco ta contene hopi sucu (caloria) y ta contribui gran parti na aumento di peso, ob...
10/04/2026

Cuanto sucu bo ta bebe❓

Bo sa cu refresco ta contene hopi sucu (caloria) y ta contribui gran parti na aumento di peso, obesidad y diabetes?🩺

Door di bebe refresco cu no ta contene sucu bo por kita sed y refresca bo mes di mes forma cu un refresco regular of otro bebidanan cu ta contene sucu ta haci, pero den un forma mas 🏃saludabel y🏷️economico.

P’esey mes, cuminsa na 🔁CAMBIA BO SLOK y disfruta di e beneficionan cu bo ta busca manera kita bo sed y refresca den un forma mas saludabel y economico pa bo cartera, eleminando bebidanan cu hopi sucu manera refresco regular.

Spaar bo placa, spaar bo salud cu menos sucu, menos sed y mas refresca!




Awe riba Dia Mundial di Salud, haci di bo salud un prioridad🌟 Cambia bo habitonan awe pa un miho mañan! 🗓️✨Den bida, nos...
07/04/2026

Awe riba Dia Mundial di Salud, haci di bo salud un prioridad🌟
Cambia bo habitonan awe pa un miho mañan! 🗓️✨

Den bida, nos ta core tras di mil cos, pero nos ta lubida cu nos curpa ta e unico cas cu nos tin pa biba aden🏠🚶‍♂️
E aña aki pa Dia Mundial di Salud, nos kier recorda bo cu salud no ta solamente e ausencia di enfermedad, sino un balans den tur loke nos ta haci ⚖️🍎

Aki tin 6 pilar fundamental pa bo bienestar:

🧘‍♂️ Mente Sano Busca bo paz interior: Un mente releha ta e base pa un curpa saludabel🕊️🧠

🏃‍♀️ Actividad Fisico: Move mas y hidrata bo curpa. Movecion ta e mihor medicina pa bo bida👟💦

🥗 Dieta Balansa: Nutri bo curpa cu locual e mester. Scoge cuminda fresco y natural🥦🍓

🎨 Bienestar Emocional: Desconecta pa reconecta. Disfruta di bo musica of practica un hobby pa baha bo stress 🎶🧘

💧 Hidrata Bon: Laga awa ta bo prome opcion. Mantene bo sistema limpi y yen di energia 🚰⚡

😴 Drumi Bon: Descansa debidamente. Bon soño ta vital pa bo recuperacion fisico y mental 🌙🛌

Cua di e puntonan aki bo ta bay pone extra atencion na dje e siman aki? 🤔
Corda cu cada paso, pa mas chikito cu e por ta, ta conta pa un bida mas largo y feliz 👣❤️



Bo salud, nos prioridad!

Pa keda semper bon informa:
✅Like nos page Directie Volksgezondheid DVG Aruba
✅Follow nos riba Instagram directie_volksgezondheid_aruba
✅Check Aruba Health App
✅Subi nos website www.dvg.aw
✅Yama nos na 5224200
✅Mail nos na servicio@dvg.aw
✅Check nos WhatsApp Channel
✅Join nos WhatsApp Communities https://chat.whatsapp.com/F7uEhpf8tXoLf3q91HBr5G



Cuanto sucu bo ta bebe?🍹 Bo sa cu juice ta contene hopi sucu (caloria) y ta contribui gran parti na aumento di peso, ob...
07/04/2026

Cuanto sucu bo ta bebe?🍹

Bo sa cu juice ta contene hopi sucu (caloria) y ta contribui gran parti na aumento di peso, obesidad y diabetes?⚠️

Door di bebe awa💧 bo por kita sed y refresca bo mes di mes forma cu un juice of otro bebidanan cu ta contene sucu ta haci, pero den un forma mas 🏃saludabel y🏷️economico.

P’esey mes, cuminsa na 🔁CAMBIA BO SLOK y disfruta di e beneficionan cu bo ta busca manera kita bo sed y refresca, eleminando bebidanan cu hopi sucu manera juice🍊

Spaar bo placa, spaar bo salud cu menos sucu, menos sed y mas refresca🎭🪇




Awe ta Dia di Actividad Fisico 🏃‍♂️Beneficionan di Actividad Fisico 🌟🧬 Mehora bo salud genetico y celularEhercicio regul...
06/04/2026

Awe ta Dia di Actividad Fisico 🏃‍♂️

Beneficionan di Actividad Fisico 🌟

🧬 Mehora bo salud genetico y celular
Ehercicio regular ta yuda den e regeneracion di bo celulanan y ta fortalece bo sistema inmunologico, yudando bo curpa combati enfermedadnan mas efectivamente🛡️🦠

❤️ Fortalece bo curason
Actividad fisico ta mehora bo circulacion, ta yuda baha presion halto y ta reduci drasticamente e riesgo di enfermedadnan cardiovascular. Ehercicio ta yuda mantene bo curason fuerte y sano! 💪🩸

⚡ Aumenta bo nivel di energia
Manteniendo bo mes activo, bo ta mehora bo resistencia fisico y mental. E ta yuda bo sinti bo mes cu mas vitalidad y hopi mas enfoca durante bo dia🧠✨

⚖️ Controla bo peso y metabolismo
Ehercicio ta yuda bo curpa kima caloria y regula bo temperatura y metabolismo. Esaki ta e miho manera pa mantene un peso saludabel y balansa 🔥🥗

Ban move pa nos salud! 👟🙌



Bo salud, nos prioridad!

Pa keda semper bon informa:
✅Like nos page Directie Volksgezondheid DVG Aruba
✅Follow nos riba Instagram directie_volksgezondheid_aruba
✅Check Aruba Health App
✅Subi nos website www.dvg.aw
✅Yama nos na 5224200
✅Mail nos na servicio@dvg.aw
✅Check nos WhatsApp Channel
✅Join nos WhatsApp Communities https://chat.whatsapp.com/F7uEhpf8tXoLf3q91HBr5G



2 di April: Dia Mundial di Conscientisacion di Autismo 💙🌍Hopi biaha nos ta husga locual nos no ta comprende...Autismo no...
02/04/2026

2 di April: Dia Mundial di Conscientisacion di Autismo 💙🌍

Hopi biaha nos ta husga locual nos no ta comprende...
Autismo no ta un enfermedad, e ta simplemente un manera diferente di procesa mundo rond🧠✨
E aña aki, e mensahe ta cla: Menos huicio, mas apoyo! 🙌

Pa un mucha cu autismo, nos tur mester siña cu:

👂 Si e tapa su horea ora tin hopi disordo: No ta pasobra e ta exagera, sino cu e tin hipersensibilidad auditivo🔊🚫

🏃‍♂️ Si e purba pasa prome ora e ta den rij: No ta pasobra e ta un "fresco", ta pasobra e no sa con pa maneha un spera largo y e ta haya ansiedad⏳😰

🗣️ Si e ta papia semper di e mesun tema: No ta pasobra e ta un hende laf, ta pasobra e ta enfoca tur su interes y pasion riba un solo topico cu e ta stima🌟📚

Kico nos por haci? 🤔
Na luga di critica, ban ofrece comprension 🤝
Na luga di husga, ban duna un man 🖐️

Cada persona cu autismo tin talentonan unico y e derecho di wordo inclui y respeta den nos comunidad🧩🇦🇼
Ban habri nos curason y nos mente pa un mundo mas inclusivo ❤️🧠



Bo salud, nos prioridad!

Pa keda semper bon informa:
✅Like nos page Directie Volksgezondheid DVG Aruba
✅Follow nos riba Instagram directie_volksgezondheid_aruba
✅Check Aruba Health App
✅Subi nos website www.dvg.aw
✅Yama nos na 5224200
✅Mail nos na servicio@dvg.aw
✅Check nos WhatsApp Channel
✅Join nos WhatsApp Communities https://chat.whatsapp.com/F7uEhpf8tXoLf3q91HBr5G



April: Luna di Conscientisacion Contra Maltrato Infantil!No tur herida ta wordo mira di pafo 💔Maltrato di mucha no ta so...
01/04/2026

April: Luna di Conscientisacion Contra Maltrato Infantil!

No tur herida ta wordo mira di pafo 💔

Maltrato di mucha no ta solamente fisico, palabranan di desprecio, grito y indiferencia por laga cicatriznan profundo den e curason di un mucha y pa e resto di su bida.

Aki algun recomendacion:
❤️ Poder di palabra: Uza palabranan cu ta expresa amor y admiracion. Palabranan bruto ta marca bida di un mucha. Palabranan tin biaha tin mas forsa cu un golpi.
❤️ No dal nan: golpi ta genera agresividad y resistencia, purba comunica.
❤️ Scucha nan: e prome paso pa yuda nan ta kere den nan palabra. Habri porta pa dialogo.
❤️ Proteha nan: pa desaroya corectamente, un mucha mester di un ambiente na unda e ta sinti su mes safe y stima.
❤️ Denuncia: si bo sa di un situacion di abuso, no keda keto. Bo por ta e bos cu e chikitin aki mester.

Un mucha cu ta wordo stima y bon cuida awe, ta un adulto cu sa stima mañan y un adulto responsabel. Ban uni forsa pa stop maltrato infantil na Aruba!



Bo salud, nos prioridad!

Pa keda semper bon informa:
✅Like nos page Directie Volksgezondheid DVG Aruba
✅Follow nos riba Instagram directie_volksgezondheid_aruba
✅Check Aruba Health App
✅Subi nos website www.dvg.aw
✅Yama nos na 5224200
✅Mail nos na servicio@dvg.aw
✅Check nos WhatsApp Channel
✅Join nos WhatsApp Communities https://chat.whatsapp.com/F7uEhpf8tXoLf3q91HBr5G



April: Luna di Conscientisacion pa cu Stress! Manera nos sa, maneha stress ta esencial pa un bida saludabel. E luna aki ...
01/04/2026

April: Luna di Conscientisacion pa cu Stress!

Manera nos sa, maneha stress ta esencial pa un bida saludabel. E luna aki nos ta para keto riba con nos por cuida nos mes miho.

Aki tin puntonan clave pa yuda bo baha bo nivel di stress:
👉Controla bo mes ora cu bo sinti ansha: Busca maneranan pa keda calmo den momentonan dificil.
👉No tene temor pa pidi ayudo: Semper tin hende of profesionalnan cla pa scucha bo.
👉Enfoca riba awe; no den pasado, ni futuro: Keda den e presente pa evita preocupacion innecesario.
👉Cambia bo habitonan pa mas saludbel: Cambionan, tin biaha chikito, cu bo por haci den bo rutina por haci un gran diferencia.
👉Haci ehercicio frecuentemente: Movemento ta un di e miho remedi pa baha tension.
👉Cuida bo mes; bo salud y bo apariencia: Dedica tempo pa bo mes, tanto paden como pafo.
👉Hala rosea profundo, practica relahacion: Un rosea consciente por calma bo sistema nervioso mesora.
👉Tene un dieta bon balansa, nutri bon: Loke bo ta come ta afecta directamente con bo ta sinti.

E luna aki, ban pone nos bienestar na prome luga. Cuida bo mente ta mes importante cu cuida bo curpa!



Bo salud, nos prioridad!

Pa keda semper bon informa:
✅Like nos page Directie Volksgezondheid DVG Aruba
✅Follow nos riba Instagram directie_volksgezondheid_aruba
✅Check Aruba Health App
✅Subi nos website www.dvg.aw
✅Yama nos na 5224200
✅Mail nos na servicio@dvg.aw
✅Check nos WhatsApp Channel
✅Join nos WhatsApp Communities https://chat.whatsapp.com/F7uEhpf8tXoLf3q91HBr5G



April ta Luna di Conscientisacion pa Consumo di Alcohol!Meta di e luna aki ta pa siña tur hende e peligronan di bebe di ...
01/04/2026

April ta Luna di Conscientisacion pa Consumo di Alcohol!

Meta di e luna aki ta pa siña tur hende e peligronan di bebe di mas, fomenta un estilo di bida mas saludabel y promove apoyo y tratamento

👉Pakico esaki ta importante?
Abuso di alcohol ta un di e causanan principal di morto cu por wordo preveni, locual ta haci di esaki un problema serio pa salud publico, tanto na Aruba como na resto di mundo. Door di crea consciencia, nos ta yuda reduci e sentimento di berguensa, motiva hende pa busca ayudo y crea un ambiente pa logra recuperacion.

👉Consecuencianan di abuso di alcohol:
- Problemanan fisico: Cirosis di higra, enfermedadnan di curason, riesgo di cancer y daño na otro organonan.
- Problemanan mental y psicologico: Adiccion na alcohol por causa depresion, ansiedad, perdida di memoria y otro trastornonan mental.
- Problemanan social: E ta daña relacionnan familiar, ta conduci na perdida di trabou y problemanan financiero.
- Siguridad: E ta aumenta e riesgo di accidente y heridanan, como tambe e transmision di infeccionnan pa medio di s**o sin proteccion.
- Recuperacion: Abstencion di alcohol por rekeri un proceso largo di recuperacion di salud fisico y mental.
- Impacto general: E ta reduci e speransa di bida y por conduci na complicacionnan fatal

Comparti e informacion aki, educa bo mes y otronan, y boga pa crea ambientenan caminda por papia di e tema y por acoge, sin señala, esnan cu ta padece di alcoholismo.

Bo salud, nos prioridad!

Pa keda semper bon informa:
✅Like nos page Directie Volksgezondheid DVG Aruba
✅Follow nos riba Instagram directie_volksgezondheid_aruba
✅Check Aruba Health App
✅Subi nos website www.dvg.aw
✅Yama nos na 5224200
✅Mail nos na servicio@dvg.aw
✅Check nos WhatsApp Channel
✅Join nos WhatsApp Communities https://chat.whatsapp.com/F7uEhpf8tXoLf3q91HBr5G



Conmemoracion: Dia Mundial contra Cancer di Tripa 🌍💙Riba 31 di maart, nos ta para keto pa duna atencion na Dia Mundial c...
31/03/2026

Conmemoracion: Dia Mundial contra Cancer di Tripa 🌍💙

Riba 31 di maart, nos ta para keto pa duna atencion na Dia Mundial contra Cancer di Tripa, un di e tiponan di cancer mas comun y fatal rond mundo 🩺

Segun e datonan di mas recien, e malesa aki ta afecta tanto hende homber como hende muhe, specialmente esnan riba 45 aña 👥, aunke tin un aumento preocupante den adultonan mas jong 📈

E meta principal di e conmemoracion aki ta pa educa nos comunidad riba e importancia di un bida saludabel:
🍎 Cuida bo alimentacion: Limita consumo di carni procesa y aumenta fibra den bo dieta
🏃‍♂️ Mantene un bida activo: Haci ehercicio frecuentemente y cuida bo peso
🚫 Evita habitonan dañino: stop di huma y limita uzo di alcohol
Tur esaki ta yuda reduci e riesgonan serio di e malesa aki den nos tripa 🧬

E mensahe mas importante pa aña 2026 ta cu cancer di tripa ta prevenibel, tratabel y curabel si ta detect’e na tempo ⏳
Screening preventivo, manera un test di sanger den tripa of un colonoscopia, por identifica polipo prome cu nan bira cancer 🔍
Mas facil y mas lihe ainda ta un test di af cu Fundacion ABO ta haci pa medio di su programa CORESA ✅
No warda pa sinti sintoma manera dolor di barica persistente of cambio den bo custumbernan di bay baño ⚠️
Yama libremente na 📞 588 1212 of manda un mensahe na e WhatsApp 💬 594 5020.

Comparti e informacion aki y apoya esnan cu ta luchando contra e malesa aki, nos por yuda salba bida den nos comunidad 🤝

¡Deteccion tempran ta salva bida! ✨



Conoce y Reconoce e Sintomanan di Chikungunya y Keintura GeelDirectie Volksgezondheid (DVG) ta informa comunidad riba e ...
30/03/2026

Conoce y Reconoce e Sintomanan di Chikungunya y Keintura Geel

Directie Volksgezondheid (DVG) ta informa comunidad riba e importancia di conoce y reconoce e diferente sintomanan di malesanan transmiti pa sangura, manera Chikungunya y Keintura Geel, pa asina por tuma accion na tempo y preveni complicacionnan serio.

Mirando e situacion regional, unda e cantidad di casonan di Chikungunya y Keintura Geel ta mustra aumento den varios pais den region di Sur America, ta esencial pa comunidad di Aruba ta bon informa y alerta.

Chikungunya ta un malesa viral cu ta wordo transmiti pa picadura di un sangura infecta. E sintomanan mas comun ta:
🤕Keintura diripiente
🤕Dolor di cabes
🤕Dolor muscular
🤕Cansancio extremo
🤕Dolor fuerte den scarnirnan (articulacionnan / joints). Den hopi caso, e dolor den articulacion por dura simannan of hasta lunanan.
🤕Rash (mancha riba curpa)

Keintura Geel (Yellow Fever) ta un malesa viral mas serio cu tambe ta transmiti pa sangura. E sintomanan inicial por ta:
🤕Keintura
🤕Draaimento
🤕Nausea y sacamento
🤕Cansancio extremo
🤕Dolor di cabes
🤕Dolor muscular
🤕Perdida di apetito
Den algun caso, e malesa por bira mas grave y causa:
🤕Color geel den wowo y curpa (ictericia)
🤕Problema cu higra
🤕Sangramento interno

DVG ta enfatisa cu no tur sintoma lo ta mescos, pero tur sintoma sospechoso mester wordo tuma serio.

Kico bo mester haci si bo tin sintoma:
👉Busca atencion medico di inmediato
👉No automedica
👉Informa e dokter si bo a biaha recientemente
👉Descansa bon y sigui instruccion medico

Accion rapido no solamente ta proteha bo mes, pero tambe ta yuda preveni propagacion di e malesanan aki den comunidad.

DVG ta recorda cu e forma mas efectivo pa preveni e malesanan aki ta combatiendo e origen: e sangura.

‼Yamado pa accion:
Cada ciudadano tin un rol importante den proteccion di salud publico. Elimina tur lugar unda awa por keda para:
➡Basha awa di airco, drum y bakinan
➡Bolter awa di scoter di mata regularmente
➡Keda alerta pa cualkier acumulacion di awa rond di cas

DVG ta sigui vigila e situacion di cerca y lo continua informa comunidad di cualkier desaroyo relevante.

Bo salud, nos prioridad!

Pa keda semper bon informa:
✅Like nos page Directie Volksgezondheid DVG Aruba
✅Follow nos riba Instagram directie_volksgezondheid_aruba
✅Check Aruba Health App
✅Subi nos website www.dvg.aw
✅Yama nos na 5224200
✅Mail nos na servicio@dvg.aw
✅Check nos WhatsApp Channel
✅Join nos WhatsApp Communities https://chat.whatsapp.com/F7uEhpf8tXoLf3q91HBr5G



DVG cu yamada pa accion contra criadero di sangura!Directie Volksgezondheid (DVG) ta haci un yamada pa accion na tur ciu...
26/03/2026

DVG cu yamada pa accion contra criadero di sangura!

Directie Volksgezondheid (DVG) ta haci un yamada pa accion na tur ciudadano pa tuma responsabilidad inmediato den reduccion di criaderonan di sangura riba nos isla.

Investigacion, den barionan rond Aruba, ta mustra cu a pesar di esfuerso continuo di Seccion di GKMB, canando cas pa cas educando y conscientisando comunidad, ainda por haya hopi cas y localidad cu awa para of acumula innecesariamente.
Cada caminda cu awa ta keda para ta un potencial criadero di sangura y un riesgo directo pa bo famia y salud publico.

DVG ta enfatisa cu elimina awa para ta e paso mas urgente y efectivo pa corta e
cadena di reproduccion di sangura y reduci e cantidad di sangura adulto cu ta bula
rond.

Mirando e situacion regional, unda casonan di Chikungunya y Keintura Geel ta sigui
aumenta den paisnan cerca di nos, e nivel di alerta mester subi.
Aruba no ta exclui di e riesgo aki!
Ademas, DVG ta urgi comunidad pa conoce y reconoce e sintomanan di Chikungunya y Keintura Geel.
Si despues di biaha un persona presenta keintura, dolornan fuerte den curpa, dolor di cabes of otro señal sospechoso, mester busca atencion medico di inmediato y informa tocante su historia di biahe.

DVG ta resalta cu prevencion no por wordo posponi. Proteccion di salud publico ta
depende di accion inmediato di tur ciudadano: Kita tur awa para cerca di bo, tuma accion awe!

DVG ta sigui vigila e situacion di cerca y lo sigui informa comunidad di cualkier
desaroyo relevante. Seccion di GKMB ta spuit den bario unicamente den caso di
casonan positivo di malesa transmiti pa sangura. Core rond y spuit manera antes no ta responsabel y tampoco eficiente, como cu e no ta resolve e problema real cu ta cuminsa na e awa cu ta keda para innesesariamente.

Bo salud, nos prioridad!

Pa keda semper bon informa:
✅Like nos page Directie Volksgezondheid DVG Aruba
✅Follow nos riba Instagram directie_volksgezondheid_aruba
✅Check Aruba Health App
✅Subi nos website www.dvg.aw
✅Yama nos na 5224200
✅Mail nos na servicio@dvg.aw
✅Check nos WhatsApp Channel
✅Join nos WhatsApp Communities https://chat.whatsapp.com/F7uEhpf8tXoLf3q91HBr5G



Oportunidad pa trabou. Seccion GKMB di Directie Volksgezondheid DVG ta resorta bou responsabilidad di e minister encarga...
26/03/2026

Oportunidad pa trabou.

Seccion GKMB di Directie Volksgezondheid DVG ta resorta bou responsabilidad di e minister encarga cu Salud Publico. E servicio tin como tarea proteha salud di comunidad door di combati y monitor insectonan y otro plaga cu por transmiti malesa.

Ademas, GKMB ta haci inspeccionnan y ta tuma accion eficaz den situacionnan cu ta representa un menasa pa higiena general y cu consecuencia, pa salud publico…

Lesa mas aki:👇
https://hrportaal.drh.gov.aw/job/inspector-gkmb/?utm_source=mailpoet&utm_medium=email&utm_source_platform=mailpoet&utm_campaign=nieuwe-vacature-newsletterposttitle-885

Adres

Caya Ing. Roland Lacle # 4
Oranjestad

Openingstijden

Maandag 08:00 - 16:00
Dinsdag 08:00 - 16:00
Woensdag 08:00 - 16:00
Donderdag 08:00 - 16:00
Vrijdag 08:00 - 16:00

Website

Meldingen

Wees de eerste die het weet en laat ons u een e-mail sturen wanneer Directie Volksgezondheid DVG ARUBA nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.

Contact De Praktijk

Stuur een bericht naar Directie Volksgezondheid DVG ARUBA:

Snelkoppelingen

Delen

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram