TKS Medical Center

13/04/2022

13/04/2022

Nos kier recorda tur nos pashent nos orario:
Dialuna pa diabierna 8am-12.30pm y 1 pa 3pm.

Pa traha un cita mester jama:
• E mesun dia cu bo ta desea e cita
• 2908585
• Entre 7.30 am pa 10.30 am

Pa receta/verwijsbrief tambe por WhatsApp📱5636777
Of email 📧 praktijktks@hotmail.com

29/10/2021

Tur nos patientnan por jama nos pa busca di dje!

Campaña anual di vacunacion contra influenza a cuminsa y
DVG lo ta mas cerca di comunidad un bes mas

ORANJESTAD, Aruba – 29 di oktober 2021. Campaña anual di vacunacion contra Influenza a cuminsa y Departamento di Salud Publico ta haci un yamada na e gruponan di risico pa pasa busca nan vacuna completamente gratis na un di e localidadnan cu mas ta combiniente.

Bou di grupo di riesgo nos ta referi na personanan cu ta na risico pa desaroya complicacionnan grave manera bronkitis y pulmonia pa motibo di griep. E personanan aki ta e adulto mayor di 60 aña of mas y tambe personanan menor di 60 aña pero cu ta sufri di malesa cronico, malesa di nan sistema respiratorio y tambe personanan obeso, na estado of cu tin un sistema inmunologico abou door di malesanan manera cancer y HIV.

Pa por busca e vacuna di influenza na un di e siguiente localidadnan, e adultonan mayor di 60 aña mester presenta solamente cu su carnet di AZV valido. E grupo na risico bou di 60 aña mester presenta cu nan recept di doctor di cas y nan carnet di AZV.

Aki bou ta sigui un lista di e diferente dia y localidadnan unda nos enfermeronan lo bay ta aplicando e vacuna di influenza.

• Dia 01 y 02 di november na Centro di Bario Playa Pabou
entre 9or y 12or di mainta
• Dia 03 y 04 di november na Centro Curazon Santa Cruz
entre 9or y 12or di mainta
• Dia 05 y 08 di november na Centro di Bario Brazil
entre 9or y 12or di mainta
• Dia 09 y 10 di november na Centro di Bario Noord
entre 9or y 12or di mainta

Es cu no ta cay bou grupo di risico pero kier cumpra e vacuna, esaki NO ta posible na e postnan ariba menciona, pero si na seccion di Malesanan Infeccioso. Es cu kier cumpra vacuna mester haci un cita via number di telefon 5224239 of 522441. E vacuna tin un costo di fl 20,- cu por wordo paga unicamente electronico (swip) no ta permiti placa cash.
Pa mas informacion por tuma contacto cu seccion di Malesanan Infeccioso na 5224239 of 5224241 durante dia y orario di trabou cu ta di dialuna pa diabierna entre 7:45 -11:45 di mainta y 1:15- 4:15 di atardi.

FIN

29/10/2021

SERA CONOCI CU DR TJON KON SANG:

Dokter P.J.G. Tjon Kon Sang ta un dokter di cas arubiano di 39 aña di edad. Despues di a caba Colegio Arubano e la bai studia na Hulanda pa dokter.
Ela caba su estudio como dokter na 2006 y a specialisa den cuido medico di emergencia, SEH arts KNMG. E añanan despues el a haya hopi experiencia den e ramo aki trahando na Albert Schweitzer Ziekenhuis.
Su amor pa Aruba ta grandi y na aña 2017 el a dicidi di regresa pa dedica su mes na cuido medico di su isla stima y tambe a dicidi pa specialisa como dokter di cas.
Na maart 2021 Dokter P.J.G. Tjon Kon Sang a tuma praktijk over cu hopi enthusiasmo y pasion di Dr. Cayama como cu semper e tabata bon amigo di famia.
Dokter P.J.G. Tjon Kon Sang ta domina e idiomanan Hulandes, Papiamento, Ingles y Spaño.