https://www.facebook.com/111801133783042/

Ginekoloq Dr.Kemale Quliyeva, Agdam (2025)

20/04/2020

Hamiləlik zamanı arterial hipertenziya daha tez-tez bu hallarda inkişaf edir:
- Əgər hamiləlikdən əvvəl qadının arterial təzyiqi normadan artıq qalxırdısa.
- Əgər qadında hormonal pozulmalar, böyrək xəstəlikləri, böyrəküstü vəziləri, qalxanvari vəzi xəstəlikləri, şəkərli diabet varsa.
- Əgər qadının yaxın qohumları arasında hipertoniyadan əziyyət çəkənlər varsa.
- Qadının bədən çəkisi normadan artıqdırsa.
- Qadın hamiləlik zamanı həddən artıq çox işləyir, yorulur, streslərə məruz qalır.
Hamiləliyin əvvəlində qadınlarda arterial təziyiq əksər hallarda enir. Bu qanda proqesteronun artması ilə bağlıdır. Proqesteron əzələlərin və damarların tonusunu azaldır və bu səbəbdən təzyiq bir qədər düşür. Hamiləlikdən əvvəl arterial təzyiqi aşağı olan arıq qadınlarda digər qadınlarla müqayisədə təzyiq daha tez-tez enir. Bu zaman qadın halsızlıq, yuxululuq hiss edir, bəzi qadınlarda bayılmalar olur.
Həkimlər belə qadınlara yaxşı qidalanmaq, kifayət qədər yatmaq və dincəlmək, açıq havada gəzmək, bədən tərbiyəsi ilə məşğul olmaq tövsiyə edirlər. Səhərlər tünd çay və ya qəhvə içmək olar.
📲 (050) 332 49 76

18/04/2020

Hamiləlik testləri🔽
Uşağın təməlinin qoyulmasının artıq ilk günündən hamilə qadının qanında XQÇ (xorionik qonadotropin) səviyyəsi yüksəlir. Bir neçə həftə sonra isə qanda XQÇ səviyyəsi o qədər yüksəlir ki, həmin hormon artıq sidiklə ifraz edilməyə başlayır. Hamiləlik testləri sidikdə XQÇ miqdarını müəyyən edir və əgər o yüksəkdirsə test müsbət cavablı olur və qadına artıq onun hamilə olduğunu xəbər verir.
❗Ən effektiv test hansıdır?
Hamiləlik üçün testi seçən zaman həmişə onun qabının üzərində göstərilən həssaslığına diqqət yetirin. Hamiləliyin müəyyən edilməsi üzrə əksər müasir testlər əgər XQÇ səviyyəsi heç olmazsa 25 mİU/ml olduqda müsbət nəticə göstərirlər. Belə XQÇ səviyyəsi sidikdə menstruasiya gecikməsinin artıq birinci həftəsindən müşahidə edilə bilər.

QANDA HAMİLƏLİK TESTİ
HCG hamiləliyin varlığını göstərən və dəqiq informasiya verən dəyərləndirmədir. Çox kiçik hamiləliklərI belə bu qan analizi vasitəsi ilə təyin etmək mümkündür. Mayalanmadan 7-12 gün sonra qanda HCG səviyyəsi normal səviyyədən yüksək olur.
Hamilə olmayan bir qadında HCG səviyyəsi 0-5 mIU/ml dir.
Normal gedən bir hamiləlikdə HCG səviyyəsi 2 gündə 1.5 dəfə artmalıdır. Artım bu şəkildə deyilsə hamiləlikdə bir problem var deməkdir. Xüsüsən də uşaqlıqdan kənar hamiləliyin təyini zamanı bu artışlar çox vacibdir.
Ümumiyyətlə aybaşı gecikməsi zamanı test pozitiv və ya neqativ olsun ən düzgünü qısa zamanda həkiminizlə görüşməkdir.
📲 (050) 332 49 76

16/04/2020

Son illər qadınların kosmetik ginekoloji estetik əməliyyatlara tələbatı çoxalıb. Kosmetik ginekoloji əməliyyatlar ginekoloqlar tərəfindən həyata keçirilir. Daha çox edilən ginekoloji estetik əməliyyatlar isə aşağıdakılardır:🔽
▶️Labioplastika (ge***al orqan dodaqlarının kiçildilməsi)
▶️Böyük dodaqlardakı yumşaq hissələrin düzəldilməsi
▶️Vaginal cavanlaşma (va**nal rejuvenatian)
▶️Vaginal daraltma (lazerlə və ya cərrahi olaraq)
▶️Sidik torbasındaki sallanmaya müdaxilə
▶️Vulva depigrentasiyası (vulvadakı rəng tündləşmələrinin lazerlə müalicəsi)
▶️G nöqtəsinin inyeksiyası

Estetik ginekologiya hansı problemləri aradan qaldırır?🔽
🔹Yaşla bağlı yaranan problemləri və onun nəticələrini (məsələn böyük cinsiyyət dodaqlarının hipertrofiyası (onların ptozu – sallanması) həll edir;
🔹İntim nahiyyədə həcmin itməsini, assimetriyasını aradan qaldırır;
🔹Klimaks dövründə qadınlarda uşaqlıq yolunda yaranan quruluğu, qaşınmanı sağaldır;
🔹Cinsiyyət dodaqlarının strukturunu dəyişmək olur;
🔹Uşaqlıq yolunun girəcəyini (dəliyini) darlaşdırmaq olur;
🔹İntim nahiyyəni ağartmaq olur;

📲 (050) 332 49 76

08/04/2020

⏩Sağrı gəlişi, körpənin tərs gəlməsi
Bu vəziyyət normalda doğuş kanalına başı ilə girməli olan uşağın anormal olaraq bud və ya ayaqları ilə girməsidir. Yəni normalda ana bətnində uşağın başı aşağıda olması lazım olarkən dalı aşağıda isə bu sağrı gəlişi adlanır. Hamiləliyin ilk aylarında və orta aylarında tərs dayandığı görülən körpələr əksəriyyətlə son aya qədər dönürlər və düz mövqeyə gəlirlər. Sağrı inkişafı, doğuş zamanı yaxınlaşmış hamilələrin 3-4 %-inda müşahidə olunur.
❗Səbəbləri, risk faktorları:⬇
1.Yarımçıq doğulma (Normal hamiləlik müddəti ən az 9 ay 15 gün olmalıdır. Yəni normal hamiləlik 38 həftə ilə 42 həftə arasında sürür. Hamiləlik 37 həftədən əvvəl yekunlaşarsa doğulan körpəyə vaxtından qabaq doğulmuş uşaq adlanır.)
2.Plasenta previa, ana bətnindəki körpə (fetus) ilə hamilə arasında əlaqəni təmin edən və "uşağın cift hissəsi" olan plasentanın, körpə ilə doğuş kanalının arasında olması (yəni doğum kanalını kapaması) halıdır. Bu halda plasenta, uşağın aparıcı hissəsindən daha aşağıda yəni serviksin (rahim ağzının) qonşuluğundadır.
3.Oligohydramnion- dölyani mayenin az olması
4.Polihidramnios- dölyani mayenin çox olması
5. Miotonik distrofiya
6.Anadangəlmə anomaliyalar (Hidrosefaliya, anensefaliya)
7.Xromosom anomaliyalar (Trisomiya 21, 28, 13)
8. Əkiz, üçəm hamiləlik
9.Grand multiparite (5ten artıq doğum etmiş olmaq)
10.Daha əvvəl sağrı doğumu etmiş olmaq
11.Uşaqlıq anomaliyaları
12.Kiçik çanaq orqanlarının şişləri
__
📲 (050) 332 49 76

06/04/2020

⏩Vaginoplastika va**nanın (uşaqlıq yolunun) daralmasını və bərpa olunmasını təmin edən cərrahi əməliyyatdır. Əməliyyat zamanı artıq olan va**nal dəri çıxarılır, va**nanın ətrafında olan yumşaq toxuma və əzələlər bərpa olunur – nəticədə uşaqlıq yolu daraldılır.
🔹Doğum zamanı va**na və onun ətraf toxuması genişlənir. Doğumdan sonra va**na daha normal vəziyyətə qayıdır, lakin heç vaxt doğumdan əvvəlki vəziyyətə qayıtmır. Doğum sayları artdıqca va**nadakı genişlənmə daha da artır.
❗Vaginoplastika əməliyyatı anatomik quruluşundan, öndə sidik kisəsi, arxada düz bağırsaq ilə qonşu olan ciddi bir zonada aparıldığına görə va**nal cərrahiyyədə böyük təcrübəsi olan ginekoloq cərrah tərəfindən aparılmalıdır.

__
📲 (050) 332 49 76

02/04/2020

▶Bu dəfəki postumda sizə miomalar və qanaxmalar haqqında məlumat vermək istəyirəm.⬇

❗Miyomalar bəzən fibroid, leyomiyoma və ya fibromiyoma adlanır. Miyomalar qadın cinsiyyət orqanlarının ən çox rast gəlinən törəməsidir.
35 yaşdan sonra hər üç qadının birində, müayinə zamanı və ya USM ilə müəyyən olunan miyoma mövcud olur. Xəstələrin çoxunda uşaqlıqda birdən çox sayda mioma qeyd olunur, bəzən 50-dən çox sayda ola bilir.
Qadın hormonu olan estrogen miomaların böyüməsini artırır. Bu səbəbdən miomalar qadında menopauzaya qədər və hamiləlik zamanı 2-3 dəfə ölçüləri artır, menopauza dövründə isə kiçilməyə başlayır. Amma qadın menopauza dövründə hormonal preparat qəbul edirsə, bu kiçilmə olmur.
Miomaların yerləşməsinə görə bir neçə növü mövcuddur:
1. Subseroz- Uşaqlıq əzələsinin ən bayır hissəsində.Əksər hallarda heç bir
şikayətə səbəb olmurlar. Lakin çox böyüsələr, qasıqlarda ağrı, sıx sıx sidiyə
çıxma və qonşu organlara təzyiqə bağlı şikayətlərə səbəb ola bilərlər.
2. İntramural- Uşaqlıq əzələsnin içində yerləşirlər. Qanaxma , ağrı, düşük ,
ciftin vaxtından əvvəl ayrılmasına səbəb ola bilərlər.
3. Submukoz- Ən dərində, uşaqlıq boşluğunun içində yerləşib. Çox vaxtı ciddi
qanaxmaya səbəb olurlar. Submukoz miomalar, hamiləliyin meydana gəlməsi
və süni mayalanma üçün ciddi problem yaradırlar.
__
📲 (050) 332 49 76

01/04/2020

⏩İnkişafın ən erkən dövrlərində mayalanmış döl yumurtası iki (üç, dörd, beş) eyni hissəyə bölünə bilər. Bunların hər biri müstəqil səkildə böyüməyə başlayır. Belə əkizlərə bir yumurta əkizləri və ya monoziqot əkizlər deyirlər.

Onlar eyni cinsli, eyni qan qruplu, xarici görkəmcə və xasiyyətcə çox oxşar olurlar. Hətta çox vaxt eyni xəstəliklə eyni vaxtda xəstələnirlər.

Əgər yumurtalıqda eyni vaxtda bir neçə yumurta hüceyrəsi yetişərək müxtəlif spermatozoid tərəfindən mayalanarsa, uşaqlıq daxilində bir neçə embrion ola bilər. Belə əkizlər müxtəlif yumurta əkizləridir. Bu əkizlər bir-birindən müxtəlif vaxtlarda doğulmuş bacı-qardaş kimi fərqlənir, çünki genetik quruluşlarına görə onlar tamamilə müxtəlif adamlardır. Onlar həmçinin müxtəlif qan qrupuna, cinsə, xarici görkəmə və xasiyyətə malikdirlər.
__
📲 (050) 332 49 76

31/03/2020

🆘Mastopatiya - süd vəzisində olan xoşxassəli törəmələrdir. Mastopatiya zamanı süd vəzisində ölçüsü noxud böyüklüyündən başlayaraq, qoz böyüklüyünə qədər olan kiçik düyünlər əmələ gəlir.
⏩Mastopatiyanın ilk əsas səbəbi qadın orqanizmində hormonal tarazlığın pozulmasıdır.
⏩Mastopatiyanın əmələ gəlməsi üçün “şərait yaradan” faktorlardan biri qadın orqanizminin hormonal sisteminə kobub şəkildə müdaxilə olan abortlar (uşaqsalmalar) hesab edilir. İkinci belə faktor isə qadın cinsi üzvlərinin xəstəlikləridir.
⏩Mastopatiyanın əmələ gəlməsinə səbəb olan üçüncü əsas faktor isə sinir sistemində baş verən müxtəlif nevroloji pozğunluqlardır (streslər, daimi sinir gərginlikləri, depressiyalar).
⏩Piylənmə, spirtli içkilərin qəbul edilməsi, siqaret çəkilməsi, gecikmiş hamiləlik, şəkərli diabet, süd vəzilərinin müxtəlif travmatik təsirlərə (çox sıx alt paltarların geyilməsi nəticəsində əmələ gələn mikrotravmalar, zərbə, yıxılma, sıxılma və s.) məruz qalması və digər bu kimi faktorlar da mastopatiyanın əmələ gəlməsinə “kömək edən” səbəblərdir.
__
📲 (050) 332 49 76

31/03/2020

🆘Göbək ciyəsinin körpənin boynuna dolanması⬇
⏩Bu mövzu hamilələrin, sözün əsl mənasında, kabusuna çevrilib. USM-də, ya da dopplerdə qoyulan həmin diaqnozla analığa namizəd olanlar dərhal qorxuya düşür və ilk ağıllarına gələn fikir göbək ciyəsinin körpəni boğa bilmə ehtimalının olmasıdır. Amma narahatlığa əsas yoxdur! Göbək ciyəsinin elastikliyi körpəni sıxmaz və nəticədə boğulma da baş verə bilməz.

Bəs bu dolanma nədən baş verir?⬇
Dolanma 1 qat da ola bilər, 2-3 və daha çox da. O, təkcə uşağın boynuna deyil, əlinə, ayağına da dolana bilər. Sadəcə ən çox görülən hal boyuna dolanmadır. Bu prosesin qarşısını almaq və müalicə etmək mümkün deyil. Hər doğulan körpələrin 20-25%-də bu problem görülür. Hər 500 doğumdan birində isə bu dolanma 2 qat olur.
⏩Göbək dolanmasına bir səbəb yoxdur. Sadəcə 18-19-cu həftələrdə uşaqlıqdakı maye çox, körpənin ölçüsü isə balaca olduğundan o rahat hərəkət edir. Bu da dolanmaya səbəb olur. Digər səbəb kimi isə, onun ölçüsünün normadan uzun olmasıdır.
🆘Göbək ciyəsinin dolanmasının həm uşağa, həm də anaya nə kimi zərərləri var?
Adətən göbək ciyəsinin dolanması körpəyə heç bir zərər vermir. Amma uşaq böyüdükcə, aşağıya düşdükcə onun vasitəsilə qida axışı da azala bilər. Uşağın ürək döyüntüləri azalarsa, artıq təbii doğuş deyil, əməliyyat lazım gəlir.
Dolanma 1 deyil, 2-3 qatdırsa, eləcə də, göbək ciyəsi qısadırsa, bu zaman ana namizəd doğuşa yaxın ciddi nəzarətə götürülür. Çünki bu hallar doğuş zamanı körpədə tənəffüs problemi yarada, hətta həyatı təhlükəyə səbəb ola bilər. O zaman dərhal qadın əməliyyata aparılır. Amma bu, çox nadir hallarda baş verir.
__
📲 (050) 332 49 76

27/03/2020

Rektova**nal fistula.
Rektova**nal fistul doğuş və ya başqa bir səbəbdən düz bağırsaq və uşaqlıq yolu arasında yaranan əlaqəyə deyilir. Uşaqlıq yolundan qazın və nəcisin gəlməsi, uşaqlıq yolundan p*s iyli ifrazatın xaric olması, vaginit diaqnostik əlamətləridir. Aşağı rektova**nal fistullar və yuxarı rektova**nal fistullar olmaqla iki qrupabölünür.
__
📲 (050) 332 49 76

26/03/2020

Bu postumuzda sizə mənə ən çox verilən suallardan biri "Hamiləlik zamanı stomatoloqa getməliyəmmi?"🤔 Hamilə qadınların əksəriyyəti fikirləşir ki, bu dövrdə dişləri müalicə etmək "ziyanlıdır". Lakin bu çox səhv fikirdir. 🤦‍♀
Hamiləlik zamanı böyüyən uşağa çoxlu miqdarda kalsium mikroelementi tələb olunur. Bu kalsium uşağın skeletinin formalaşması üçün lazımdır. Hamiləlikdə dişlərin müalicəsinə yanaşma baxımından 3 dönəmə bölünür. Və hər dönəmin özünə uyğun həkim yanaşması və müalicə üsulları var
⏩ 0–3 aylıq dönem
Bu dönəm hamiləliğin ən hassas olduğu dönəmdir. Yalnız ağrıya səbəb olan və müdaxilə edilmədikdə anaya və uşağa zərər verəbiləcəy durumlarda diş həkiminə gedilməlidir
⏩3–6 aylıq dönem
Bu dönəm müalicə və ya hər hansı bir işləmlər edilməsi üçün ideal bir vaxtdır. Hamilə qadınlarımız bu fürsətdən istifadə edib rahatlıqla onları narahat edən ağız və diş problemlərini bu dönəmdə həll edə və yalnız hamilə qadınlarda ağız də diş sağlığı hakkında xüsusi bilgilərə sahib olan həkim mütəxəssis tərəfindən müayinə və müalicə oluna bilərlər
⏩6-9 aylık dönem
Bu dönəmdə uşaq ana qarnında olduqca böyümüşdür və doğum yaxınlaşmışdır. ilk 3 aylıq dönəmdəki kimi yalnız xüsusi hallarda həkimə müraciət oluna bilər

▶Dişlərin müalicəsi zamanı bir çox hallarda rentgenin istifadəsi tələb olunur. Hamilə qadınlar isə rentgendən çəkinir. Lakin hal hazırda stomatoloqalar müasir radivizioqraf apparatları istifadə edir ki, bu apparatlarda şüalanma dozası adi stomatoloji rentgnen apparatları ilə müqayisədə dəfələrlə azdır. Bundan əlavə rentgen müayinəsi zamanı hamilə qadınlar üçün xüsusi ehtiyat tədbirləri görülür - qarın hissəsi xüsusi qurğuşun lövhə ilə örtülür.
Hamiləlik zamanı dişlərin implantasiyası və ağardılması və heç bir estetik yanaşmalar həyata keçirilmir
__
📲 (050) 332 49 76

Ginekoloq Dr.Kemale Quliyeva

20/04/2020

18/04/2020

16/04/2020

08/04/2020

06/04/2020

02/04/2020

01/04/2020

31/03/2020

31/03/2020

27/03/2020

26/03/2020

Address

Telephone

Website

Alerts

Shortcuts

Share

Category