Bakı Sağlamlıq Mərkəzi

06/11/2025

03/11/2025

28 oktyabr – 2 noyabr tarixlərində Antalyada şəhərində 51-ci Ulusal Hematologiya Konqresi keçirilib.

Sözügedən konqresdə Bakı Sağlamlıq Mərkəzinin Qan Bankı və Hematologiya şöbəsinin həkim-hematoloqu, Səhiyyə Nazirliyinin həkim eksperti Şəhla Şabanova “Use of Fedratinib in a patient with thrombocytopenia and severe anemia” adlı poster çıxışı ilə iştirak edib.

Poster təqdimatında trombositopeniya və ağır anemiya fonunda Fedratinib istifadəsinə dair klinik təcrübə paylaşılaraq hematologiya sahəsində müasir yanaşmaların tətbiqi vurğulanıb.
Bu iştirak elmi biliklərin beynəlxalq səviyyədə mübadiləsinə və sahə üzrə yeniliklərin paylaşılmasına mühüm töhfə verib.

Bakı Sağlamlıq, Öncə Sağlamlıq!
📞 950 / (+994) 3110222
📲 (+994) 51 229 70 70
📍Azadlıq prospekti, 112

31/10/2025

Azərbaycan musiqi sahəsində xüsusi yeri olan Elmira Allahverdi qızı Rəhimova Bakı Sağlamlıq Mərkəzində müalicə olunur.

84 yaşlı pasiyentimiz Elmira Rəhimovaya Mərkəzimizin terapiya şöbəsində nevroloq, endokrinoloq konsultasiyasi olunaraq, müvafiq müalicə üsulu təyin edilib.

Mərkəzimizin peşakar komandası tərəfindən stasionar şəraitdə müalicəsi aparılan pasiyentimizin vəziyyəti hal-hazırda yaxşıdır və yaxın günlərdə evə buraxılacaq.

Azərbaycan Respublikasının xalq artisti Elmira Rəhimovanın vəziyyəti ilə daima yaxından maraqlanan Bakı Sağlamlıq Mərkəzinin icraçı direktoru Asiman Həsənovun pasiyent ziyarətindən görüntüləri sizlərə təqdim edirik.

30/10/2025

Bakı Sağlamlıq Mərkəzində müalicə olunan korifey dirijor, professor Rauf Abdullayevin 88 yaşı tamam oldu.

28.10.2025 tarixində xalqımızın sevimli dirijoru, pasiyentimiz Rauf Canbaxış oğlu Abdullayev halsızlıq, yüksək şəkər və sağ bud çanaq nahiyəsində ağrı şikayətlərilə klinikaya daxil olmuşdur, Müvafiq klinik, laborator, instrumental müayinələr olunduqdan sonra travmatoloq, fizioterapevt konsultasiyaları olundu və müvafiq müalicə təyin edildi.

Mərkəzimizin baş həkim müavini, uzman terapevt Dr. Zakir Quliyev və komandamız tərəfindən stasionar şəraitdə müalicəsi aparılan Rauf Abdullayevin hal-hazırda vəziyyəti yaxşıdır və yaxın günlərdə evə buraxılacaq.

Rəhbər təyin olunduğu ilk gündən yaradıcılığı ilə Azərbaycan mədəniyyətinə böyük töhfələr verən sənətkarlarımıza daim qayğı ilə yanaşan Bakı Sağlamlıq Mərkəzinin İcraçı direktoru Dos. Dr. Asiman Həsənovun rəhbərliyi ilə 88 yaşına qədəm qoyan Rauf bəyin doğum gününü qeyd etdik. Bu münasibətilə tort kəsilib və Bakı Sağlamlıq Mərkəzi adından gül dəstəsi təqdim olunaraq, xatirə şəkli çəkdirilib.

Rauf bəy sağlamlığının bərpası, onların müalicə prosesində göstərdiyi xüsusi diqqət və qayğı üçün Asiman Həsənov başda olmaqla bütün Bakı Sağlamlıq Mərkəzi kollektivinə öz minnətdarlığını bildirdirib.

Azərbaycan Dövlət Simfonik Orkestrinin baş dirijoru , professor , Azərbaycan SSR Xalq Artisti , Azərbaycan SSR Dövlət Mükafatı, «İstiqlal» ordenli və beynəlxalq «Qızıl çinar» laureatı Rauf Abdullayev 20 ildən artıqdır ki, o, teatrın baş dirijoru kimi 30-a yaxın opera və balet tamaşasına dirijorluq edib. O, bir çox ölkələrdə məşhur kollektivlərlə çıxış edib. Onun repertuarına bir çox Qərbi Avropa, rus və Azərbaycan bəstəkarlarının əsərləri daxildir.

29/10/2025

Bugün rezident sayı 140 nəfərə yaxınlaşan Bakı Sağlamlıq Mərkəzinin İcraçı direktoru Dos. Dr. Asiman Həsənov rezidentura təhsilini başa vuran həkim-rezidentləri təltif etdi.

Tədbir Bakı Sağlamlıq Mərkəzinin rəhbərliyi ilə tibbi heyət arasında baş tutdu.

Hal-hazırda rezident sayı 140 nəfərə yaxınlaşan Bakı Sağlamlıq Mərkəzin də fəaliyyət göstərən həkim-rezidentlərdən 14 nəfər rezidentura təhsilini başa vuraraq, həkim adını qazanıb.

Mərkəzimizin İcraçı direktoru Dos. Dr. Asiman Həsənov rezidenturanı müvəffəqiyyətlə bitirərək “həkim-mütəxəssis” ali peşə-ixtisas dərəcəsi alan bütün həkimlərimizi ürəkdən təbrik edərək, müvəffəqiyyət arzu edib. Bakı Sağlamlıq Mərkəzi adından müəssisəmizin işlərində göstərdikləri səmərəli və üstün fəaliyyətlərinə görə plaketlər təqdim olunub.

Rezidentura təhsil pilləsinin yaradılmasının tələbələrin müstəqil praktikaya başlaması və seçdikləri ixtisası daha dərindən, elmi-tədqiqat səviyyəsində öyrənməsinə şərait yaratdığını bildirilib. Bu addım həm də ölkəmizin dünya tibb təhsil sisteminə və eləcə də müasir səhiyyə modelinə uyğun formalaşmasına gətirib çıxarır və Bakı Sağlamlıq Mərkəzi bu yolun inkişafı üçün davamlı addımlar atır.

Mərkəzimizdə fəaliyyət göstərən rezidentlərin inkişafına töhvə verən silsilə konfranslar, seminarlar keçirilir və burada əsas məqsəd həkim rezidentləri elmi tədqiqat fəalliyyətinə cəlb etmək, rezidentura təhsilinin keyfiyyətini artırmaqdır.

24/10/2025

Bakı Sağlamlıq Mərkəzinin Laboratoriya Şöbəsi 7/24 Xidmətinizdədir! 🔬🧪

Mərkəzimizin Laboratoriya şöbəsi müxtəlif növ müayinələrin aparılması üçün xüsusi olaraq təşkil edilmişdir. Burada ümumi kliniki, biokimyəvi, immunoloji, mikrobioloji, hormonal və digər analizlər yüksək dəqiqliklə və beynəlxalq standartlara uyğun şəkildə həyata keçirilir.

Laboratoriyamız müasir, beynəlxalq standartlara cavab verən yüksək texnologiyalı avadanlıqlarla təchiz olunub. Yaponiya, ABŞ və Almaniya kimi ölkələrin qabaqcıl şirkətlərinin istehsalı olan tam avtomatlaşdırılmış bu avadanlıqlar (Roche Cobas, Stago, Sysmex, BD) xəstəliklərin diaqnozu və müalicəsinin ən yüksək səviyyədə hərtərəfli araşdırılmasına imkan verir.
Tibbi personalımız müxtəlif sahələr üzrə yüksək ixtisaslı mütəxəssislərdən ibarətdir və hər müayinə üçün ayrıca hazırlanmış təlimatlar əsasında dəqiq analizlər aparılır.

Bakı Sağlamlıq, Öncə Sağlamlıq
📞*950 / (012) 311 02 22
📱(+994) 51 229 70 70
📍Azadlıq prospekti, 112

23/10/2025

TÜRKTIP2025 Kongresi – Gələcəyin səhiyyəsinə doğru mühüm addım

Bakı Sağlamlıq Mərkəzinin İcraçı direktoru Dos. Dr. Asiman Həsənov, TÜRKTIP2025 adlı beynəlxalq elmi-praktik kongresdə iştirak etmişdir. Bu mühüm tədbir, tibb sahəsində informasiya mübadiləsini və fənlərarası əməkdaşlığı gücləndirməyi hədəfləyən bir platforma kimi tarixə düşdü.
Kongre çərçivəsində Təcili Tibbi Yardım, Ailə Həkimliyi, Anesteziya və Reanimasiya, Pediatriya, Kardiologiya, Daxili Xəstəliklər və Cərrahiyyə sahələrində aktual mövzular müzakirə olunmuş, süni intellekt, robotik cərrahiyyə, tele-tibb və digər qabaqcıl texnologiyaların səhiyyədə tətbiqi ilə bağlı son yeniliklər təqdim edilmişdir.

🔬 Tədbir həmçinin etik və hüquqi yanaşmalar fonunda yerli səhiyyə sənayesinin beynəlxalq səviyyədə tanıdılmasına da töhfə vermişdir.

“Gələcək çox yaxındır” mövzusuyla keçirilən bu dəyərli kongredə qatılmaqla, mərkəzimizin rəhbərliyi səhiyyənin gələcək istiqamətlərinə töhfə verməyə davam edir.

21/10/2025

🔬 MRT və KT nədir? Nə üçün istifadə olunur?

Müasir tibbin ayrılmaz hissəsi olan görüntüləmə üsulları, bir çox xəstəliklərin vaxtında aşkarlanması və düzgün müalicə istiqamətinin müəyyən edilməsi üçün son dərəcə əhəmiyyətlidir.

MRT (Maqnit Rezonans Tomoqrafiya) – orqanizmin daxili yumşaq toxumalarının dəqiq görüntüsünü almağa imkan verən bir müayinə üsuludur. Maqnit dalğaları ilə işləyir, radiasiya istifadə olunmur. Xüsusilə beyin, onurğa, oynaqlar və daxili orqanların dəqiq görüntülərinin əldə edilməsində geniş tətbiq olunur.

KT – rentgen şüaları əsasında çalışan, bədənin sərt toxumalarının (sümük, ağciyər, qaraciyər və s.) strukturunu sürətli və detallı göstərən görüntüləmə metodudur. KT, xüsusilə təcili tibbi hallarda və travmalarda, daxili qanaxmaların aşkarlanmasında istifadə olunan radioloji diaqnostik üsuldur.

Hər iki müayinə üsulu tibbdə çox vacib yer tutur. Seçim müayinə məqsədinə, orqana, və xəstənin vəziyyətinə görə həkim tərəfindən edilir.

Bakı Sağlamlıq Mərkəzinin yüksək ixtisaslı həkim-radioloqları və müasir texnologiyalarla təchiz olunmuş Diaqnostik Radiologiya şöbəsi sağlamlığınızın keşiyindədir.

Bakı Sağlamlıq, Öncə Sağlamlıq
📞 950 / (012) 311 02 22
📱(+994) 51 229 70 70
📍Azadlıq prospekti, 112

20/10/2025

Süd vəzi xərçənginə qarşı maarifləndirmə ayı və “Dünya Menopauza Günü” münasibətilə qadın sağlamlığına həsr olunmuş sosial maarifləndirmə forumuna bütün xanımlarımızı dəvət edirik. Tədbir 29 oktyabr 2025-ci il tarixində Bakı Sağlamlıq Mərkəzində keçiriləcək. Peşəsindən və sosial statusundan asılı olmayaraq hər bir xanımı aramızda görməkdən böyük məmnunluq duyarıq. Sağlamlığınız haqqında məlumatlanmaq və dəstək mühitində olmaq üçün siz də bizə qoşulun. 💗

❕Xüsusi olaraq 35 yaşdan yuxarı iştirakçılara ödənişsiz mammoqrafiya müayinəsi üçün hədiyyə kuponları təqdim ediləcək.

📌Yerlər məhdud saydadır. Odur ki, qeydiyyatdan keçməyə tələsin.

🔗https://forms.gle/8yyCbRc3kTeEDfKT7

16/10/2025

16/10/2025

Süd Vəzi Müayinəsinə Aksiya!

Bakı Sağlamlıq Mərkəzi olaraq, süd vəzi xərçənginə qarşı maarifləndirmə və erkən diaqnostikaya dəstək məqsədilə Bakı Süd Vəzi Mərkəzinin peşəkar və təcrübəli həkim heyəti ilə xidmətinizdəyik. Süd vəzi xərçəngi qadınlarda ən çox rast gəlinən onkoloji xəstəliklərdən biridir, lakin vaxtında aşkar edildikdə müalicəsi mümkündür.

Bakı Süd Vəzi Mərkəzində oktyabr ayı boyunca iki fərqli müayinə paketini endirimli qiymətlərlə təqdim edirik:

165 AZN deyil, cəmi 99 AZN
✓ Həkim-mammoloq müayinəsi
✓ Mammoqrafiya müayinəsi
✓ Süd vəzi USM (ultrasəs müayinəsi)

85 AZN deyil, cəmi 51 AZN
✓ Həkim-mammoloq müayinəsi
✓ Süd vəzi USM (ultrasəs müayinəsi)

Unutmayın ki, hər bir qadın ildə ən azı bir dəfə süd vəzilərinin profilaktik müayinəsini etdirməlidir. Sağlamlığınıza biganə qalmayın, əziz xanımlar. Vaxtında qoyulan diaqnoz həyat qurtarır!

Aksiya yalnız oktyabr ayı ərzində keçərlidir!

Bakı Sağlamlıq, Öncə Sağlamlıq!
📞 950 / (012) 311 02 22
📱(+994) 51 229 70 70
📍Azadlıq prospekti, 112

14/10/2025

Beynəlxalq təcrübə mübadiləsi: Bakı Sağlamlıq Mərkəzinin həkim-infeksionisti Omanda keçirilən seminarda iştirak edib.

Ümumdünya Səhiyyə Təşkilatı və Oman Sultanlığının birgə texniki dəstəyi ilə Omanın paytaxtı Muskat şəhərində “Səhiyyə xidmətləri ilə bağlı infeksiyalara nəzarət” mövzusunda 28 sentyabr – 3 oktyabr tarixlərində beynəlxalq seminar keçirilmişdir. Qeyd olunan seminarda Səhiyyə Nazirliyi və Tibbi Ərazi Bölmələrini İdarəetmə Birliyinin məsul şəxsləri ilə yanaşı, Mərkəzimizin həkim-infeksionisti Ləman Qalimova da iştirak etmişdir.

Bu kimi beynəlxalq tədbirlər təcrübə və bilik mübadiləsini gücləndirərək ölkəmizdə tibbi xidmətlərin keyfiyyətinin yüksəldilməsinə töhfə verir.