28/11/2025
Hörmətli və dəyərli izləyicilərimiz!
Health and Science İnitiatives və Health and Science Events-in birgə təşkilatçılığı, Citomed Klinikasının təşkilati dəstəyi ilə “OKSİDATİV STRESS MƏKTƏBİ. I MODUL” mövzusunda əyani formatda elmi-praktiki seminar keçirilmişdir.
Açılışı Citomed klinikasının rəhbəri Dr Elnurə Quliyeva etdi və həm funksional təbabətin həmçinin klinikanln imkanlarından geniş məlumat verdi.
Seminarın moderatoru və məruzəçi qismində Dr. Mərziyyə Məmmədova (Citomed Klinikasının nevroloqu, Əziz Əliyev adına ADHTİ-nin Nevrologiya və Klinik Neyrofizologiya kafedrasının assistenti, Səhiyyə Nazirliyinin mütəxəssis-eksperti) və PhD Elmar Babayev (kliniki əczaçı, toksikologiya və biokimya üzrə mütəxəssis, İngiltərə Kral Əczaçılar Birliyinin üzvü, pharmclub idarə heyətinin üzvü) çıxış etmişdirlər.
Eləcə də məruzəçi qismində Dr. Gülsüm Hüseynova (pediatr, SCOPE sertifikatlı piylənmənin idarə edilməsi üzrə mütəxəssis, diyetoloq, preventiv tibb həkimi), Dr. Nərmin Novruzova (qastroenteroloq, SCOPE sertifikatlı piylənmənin müalicəsi üzrə mütəxəssis, DNT dietoloq) və Dr. Səbinə Əhmədova (həkim-mikrobioloq, laborator mütəxəssis, Citomed Klinikası) təqdimatları ilə çıxış etmişlər.
Tədbir çərçivəsində antioksidant sistemlərin fəaliyyəti, oksidativ stressin biomexanizmləri, hüceyrə ölümü və xroniki iltihab, oksidləşmənin klinik praktikada (insult, demensiya, neyrodegenerasiya, ateroskleroz, sarkopeniya) tətbiqi, laborator biomarkerlər, qidaların fitokimyəvi tərkibi və yaşa görə çəki idarəetməsi kimi mövzular geniş şəkildə müzakirə olunmuşdur. Məruzələr pasientlərin klinik halları, qidalanma nümunələri, müasir terapevtik yanaşmalar və təcrübədən nümunələrlə zənginləşdirilmişdir.
Seminarda 90a yaxın müxtəlif ixtisaslı həkimlər və mütəxəssislər iştirak etmişdir.
Seminardan görüntüləri sizlərlə bölüşürük.
