What are the opening hours?

Monday 10:00 - 18:00 Tuesday 10:00 - 18:00 Wednesday 10:00 - 18:00 Thursday 10:00 - 18:00 Friday 10:00 - 18:00

ABC Pharm, Şəfayyət Mehdiyev 136, 136A, Baku (2025)

03/03/2022

Hər il martın 3-ü Ümumdünya Səhiyyə Təşkilatı (ÜST) tərəfindən təsis edilmiş “Beynəlxalq Qulaq və Eşitmə Günü” kimi qeyd olunur.
Beynəlxalq Qulaq və Eşitmə Gününün keçirilməsində əsas məqsəd ölkənin tibbi və könüllü təşkilatları ilə birlikdə eşitmə problemləri barədə və onların həlli istiqamətində əhalini maarifləndirməkdir. ÜST ona üzv olan ölkələrə qulaq və eşitmə xəstəliklərinin müalicə və profilaktikası üzrə milli proqramların hazırlanması və həyata keçirilməsində hərtərəfli dəstək göstərməsinə hazırdır. Eşitmə qabiliyyətinin itirilməsi bu gün dünyada əlilliyin ən geniş yayılmış formalarından biridir. ÜST-nin hesablamalarına görə karlıq və eşitmə qabiliyyətinin pozulmasından təxminən 360 milyon insan əziyyət çəkir. Karlıq və ağıreşitmənin əsas səbəbləri genetik pozuntular, qulağın xroniki infeksiyaları zamanı yaranan ağırlaşmalar, bir sıra keçirilən xəstəliklər - qızılca, məxmərək, parotit, menengit və sairə, həmçinin, bəzi dərman preparatlarının təsiri və ətraf - mühitin ziyanlı faktorlarıdır. Həkimlərin mülahizələrinə görə karlığın və eşitmənin digər fəsadlarının yaranma səbəblərini aradan qaldırmaqla onların ağırlaşmasının qarşısını yarıya qədər azaltmaq olar. Qarşısı alınan tədbirlər sırasına əhalinin immunizasiyası, ana və körpə sağlamlığının mühafizəsi və əmək gigiyenasının təmin olunması daxildir. Xüsusilə, uşağın qulağına çirkli suyun daxil olmasının qarşısını almaq, uşağın qulaqlarına zərbə endirməmək və uşaqlara yad cisimləri qulaqlarına salmamağı öyrətmək tövsiyə olunur. Bu hallar baş verdikdə və hər hansı bir problemlər müşahidə olunduqda dərhal həkimə müraciət etmək lazımdır.

01/03/2022

Boz ayda qeyd edilən ikinci çərşənbə – Od çərşənbəsidir. Azərbaycanlıların qədim bayramlarından biri olan Novruz yaradılışın mərhələlərini əks etdirən dörd ünsür – su, od, yel və torpaqla bağlı mərasimlərin qeyd olunması ənənələrini özündə birləşdirir. İlin axır çərşənbələrindən ikincisi xalq arasında Üskü çərşənbə, Addı çərşənbə kimi tanınan Od çərşənbəsidir. Bu çərşənbə qədim insanların Günəşə, oda olan müqəddəs inamından irəli gəlir. Adət-ənənəyə görə, bu gün tonqal qalayıb, alovun üzərindən tullanmaqla daxildə olan bütün çirkabı və azar-bezarları yandırırlar.

26/02/2022

Xocalı soyqırımı

Erməni terrorçularının xalqımıza qarşı həyata keçirdikləri etnik təmizləmə və soyqırımı siyasəti nəticəsində törətdikləri qanlı cinayətlər, qətliamlar arasında Xocalı faciəsi xüsusi amansızlığına görə seçilir. Təkcə bir gecədə Xocalı şəhərinin yerlə-yeksan edilməsi, qadın, uşaq və qoca demədən 613 günahsız insanın məhz azərbaycanlı olduqlarına görə qətlə yetirilməsi bu qətliamın soyqırımı olduğunu təsdiqləyir.

Ancaq erməni silahlı dəstələri təkcə Xocalıda deyil, şəhərdən çıxmağa imkan tapmış dinc əhaliyə əsl soyqırımı cinayətini törətdilər. Bu qırğının nəticəsində 613 günahsız insan xüsusi amansızlıqla qətlə yetirilib. Onlardan 63-ü uşaq, 106-sı qadın, 70-i yaşlılar olub. 8 ailə tamamilə məhv edilib, 25 uşaq hər iki valideynini, 130 uşaq valideynlərindən birini itirib. Həmçinin 487 nəfər ağır yaralanıb, 1275 nəfər girov götürülüb. Faciədən sonra əsir götürülən azərbaycanlılar amansız işgəncələrə məruz qalıblar.

22/02/2022

22 fevral avtomobil yolları işçilərinin peşə bayramı
Peşə bayramı günü münasibətilə bütün avtomobil yol işçilərini təbrik edir, fəaliyyətlərində uğurlar arzulayırıq!

Prezident İlham Əliyevin 2008-ci il fevralın 20-də imzaladığı “Azərbaycan Respublikası avtomobil yol işçilərinin peşə bayramının təsis edilməsi haqqında” Sərəncamı ilə hər il bu tarix avtomobil yolları işçilərinin peşə bayramı kimi qeyd olunur. Artıq 14 ildir ki, peşə bayramını qeyd edən avtomobil yolları işçiləri ölkəmizdə gedən sosial-iqtisadi inkişafa dəstək olmaqla Azərbaycanda yol infrastrukturunun inkişafında mühüm rol oynayırlar.

22/02/2022

Su çərşənbəsi — Novruz bayramının ilk çərşənbəsi. Bu çərşənbəni "Yalançı", "Əzəl çərşənbə", "Sular Novruzu" da adlandırırlar. Su çərşənbəsində su və su mənbələri təzələnir, arxlar qaydaya salınır, su hövzələrində abadlıq işləri görülür, su ilə bağlı müxtəlif şənliklər keçirirlər.Su çərşənbəsi suya tapınma inamı ilə bağlıdır. Hələ gün doğmamışdan hamı su üstünə gedir, əl-üzünü yuyur, bir-birinin üzərinə su çiləyir, su üstündən atlanır, yaralıların yarasına su çiləyirlər. Xalqın inamına görə Su çərşənbəsi günü "təzə su"dan keçənlər, azarını, bezarını ona verənlər il boyu xəstəlikdən uzaq olarlar. Həmin gün su üstündə müxtəlif mərasimlər keçirilir, qədim türklərdə su tanrıları sayılan Aban və Yadanın şərəfinə nəğmələr oxunur. Su ilə bağlı inanclarda deyilir:

Süfrəyə su dağılması aydınlıqdır,
Su içən adamı qəfil vurmazlar,
Su içən adamı ilan çalmaz,
Lal axan sudan keçərkən suyum irəlilə deyərlər
Bir çox atalar sözündə də suyun müqəddəsliyi əks olunur:

Su olan yerdə dirilik olar,
Su ehsandır,
Su murdarlıq götürməz,
Suyu çirkləndirənin nəşini yumağa su tapılmaz.

10/02/2022

Tərkibində olan Nimesulid iltihab və ağrıya səbəb olan faktorları azaldaraq iltihabın və ağrının qarşısını alır. Əzələ vətər qabığının iltihabı, periartrit kimi yumşaq toxumaların revmatik xəstəlikləri ilə oynaq ətrafındakı toxuma iltihabı, bel və boyun ağrıları, qəzalar və ya idman xəsarətləri zamanı yaranan burxulma və burxulma nəticəsində yaranan iltihabı, şişkinliyi və ağrıları aradan qaldırmaq üçün istifadə olunur.

Hərəkət məhdudluğunu aradan qaldıran vasitə

02/02/2022

2 fevral Azərbaycan Gəncləri günüdür.
Əsası ümummilli lider Heydər Əliyev tərəfindən qoyulmuş dövlət gənclər siyasəti Azərbaycan gəncliyinin inkişafında dərin izlər buraxıb. Ulu öndərin 1997-ci il fevralın 2-də imzaladığı Fərmana əsasən, fevralın 2-si Azərbaycan Gəncləri Günü elan edilib.
Bu əlamətdar tarixi gün gənclərə həmişə böyük diqqət və qayğı ilə yanaşan, onların problemlərininin həlli istiqamətində həyata keçirilən tədbirlərə xüsusi önəm verən, bu siyasəti müasir müstəqil Azərbaycan dövlətinin fəaliyyətinin ən mühüm istiqamətlərindən biri kimi dəyərləndirilən ümummilli lider Heydər Əliyevin adı ilə bağlıdır.

01/02/2022

Tərkibində olan Nimesulid iltihab və ağrıya səbəb olan faktorları azaldaraq iltihabın və ağrının qarşısını alır. Əzələ vətər qabığının iltihabı, periartrit kimi yumşaq toxumaların revmatik xəstəlikləri ilə oynaq ətrafındakı toxuma iltihabı, bel və boyun ağrıları, qəzalar və ya idman xəsarətləri zamanı yaranan burxulma və burxulma nəticəsində yaranan iltihabı, şişkinliyi və ağrıları aradan qaldırmaq üçün istifadə olunur.

Hərəkət məhdudluğunu aradan qaldıran vasitə

27/01/2022

Allergenler orqanizmə dəri, qida və tənəffüs yolları vasitəsilə daxil olur. Allergiya selikli qişanın güclü qıcıqlanması, dəri səpkiləri, ümumi zəifliklə özünü biruzə verir. Allergiya orqanizmin hər hansı maddəyə qarşı yüksək həssaslığı, reaksiyasıdır. Allergik xəstəliklərə pollinoz, allergik rinit, bronxial astma, səpki və qaşınma ilə müşahidə olunan müxtəlif dermatozlar və s. aiddir.

25/01/2022

Travmadan sonra oynaq və bağların zədələnmələri, osteoparoz, yaşla əlaqəli oynaq ağrıları, onurğanın və oynaqların degenerativ-distroik xəstəlikləri və digər oynaq xəstəliklərinin müalicəsi üçün qəbulu nəzərdə tutulub.

25/01/2022

Hər il yanvar ayının sonuncu bazar günü "Ümumdünya Cüzam Xəstələrinə Yardım Günü" kimi qeyd edilir. Həmin gün bütün həyatını bu qorxunc xəstəliklə mübarizəyə həsr etmiş fransız yazıçısı və jurnalisti Raul Folleronun uzun illər göstərdiyi səylər nəticəsində 1953-cü ildə təsis edilib. Bu günün qeyd olunmasında məqsəd problemə yalnız tibb işçilərinin deyil, həm də geniş ictimaiyyətin, inzibati idarəetmə oqanlarının, ictimai təşkilatların, işgüzar dairələrin, xeyriyyəçiliklə məşğul olan fondların, dini icmaların və ayrı-ayrı şəxslərin diqqətini cəlb etməkdir.
Cüzam xəstəliyini ilk dəfə 1873-cü ildə norveçli həkim Herhard Hanzen aşkar edib. Onu bəzən lepra və ya prokaza, yaxud Hanzen xəstəliyi də adlandırırlar. Xəstəlik nəticəsində ən çox dəri, yuxarı tənəffüs yolları və periferik sinirlər zədələnir. Həmin toxumalarda xarakterik iltihab ocaqları - qranulomalar əmələ gəlir və onlara leproma deyilir.
Cüzam bəşəriyyətə məlum olan ən qədim xəstəliklərdən biridir. Onun haqqında bizim eradan əvvəl XV-X əsrlərə aid olan qədim yazılı abidələrdə rast gəlinir. Tibb elminin müasir uğurları sayəsində dünyada 14 milyon nəfər qorxunc xəstəlikdən xilas olub. Cəsarətlə söyləmək olar ki, dünyanın təxminən 100-ə yaxın ölkəsində cüzam xəstəliyi tamamilə yox dərəcəsindədir. Lakin Hindistan, İndoneziya, Banqladeş, Braziliya və Mərkəzi Afrikanın bəzi ölkələrində bu xəstəlik ciddi problem olaraq qalır.
Ölkəmizdə cüzam xəstələrinin sayı çox azdır və son illər ona rast gəlinmir. Həmin xəstəliyə tutulanlar Bakının Umbakı qəsəbəsi ərazisində yerləşən Respublika Cüzam Xəstəxanasında dövlət vəsaiti hesabına müalicə olunurlar.

24/01/2022

Şəkərli diabet xəstəliyinin tipləri hansılardır?
1. Tip 1 diabet və ya insulindən asılı olan diabet.
Əsasən 5-20 yaşlar arasında rast gəlinir. 1-ci tip diabetdə hər hansı bir səbəbdən mədəaltı vəzin insulin ifraz edən hüceyrələri məhv olur. Başqa sözlə desək, mədəaltı vəzi (pankreas) ya çox az insulin ifraz edir, ya da heç ifraz etmir. İnsulin olmasa, şəkər sərf oluna bilməz və qanda getdikcə artar. 1-ci tip diabetin əlamətləri kəskin başlayır. Bu tip xəstələrə xəstəliyin başlanğıcından etibarən mütləq insulin müalicəsi aparılmalıdır.
2. Tip 2 diabet və ya insulindən asılı olmayan diabet.
Əsasən 35 yaşından yuxarı, çox yağlı yeyən, artıq çəkili, az hərəkət edən insanlarda və əsasən ailəsində (qohumlarında) şəkər xəstəliyi olanlarda rast gəlinir. Daha çox yayılmış diabet tipidir. Bu xəstələrdə əsasən insulin normal ifraz olunur. Xəstəlik yeni başlayanda aktiv hərəkət, pəhriz və antidiabetik həblərlə müalicə edilir. Ancaq bir müddət sonra mədəaltı vəzin insulin ifraz edən hüceyrələrinin funksiyaları pozulur və insulin müalicəsinə başlamağa ehtiyac olur.
3. Hamiləlik diabeti və ya gestasional diabet.
Bu diabet ilk dəfə hamiləlik zamanı hormon dəyişikliklərinə bağlı meydana gələn diabetdir. Əvvəlcədən diabeti olub, sonra hamilə qalan qadınlar gestasional diabet xəstələri sayılmırlar. Bu tip diabet əsasən hamiləliyin 2-ci yarısından meydana çıxır və hamiləlikdən sonra qanda şəkər normallaşır. Bu cür xəstələrə antidiabetik həblərdən istifadə etmək olmaz. Lazım gələrsə, insulin terapiyasına başlanılır. Bu cür xəstələrin sonradan 2-ci tip diabetə tutulma riski 40-60%-dir. 24-28 həftəliyində bütün qadınlara oral glükoza toleranlıq testi aparılmalıdır. Risk qrupuna daxil olan hamilə qadınlara isə ilk müayinədə bu testi aparmaq lazımdır.

ABC Pharm

03/03/2022

01/03/2022

26/02/2022

22/02/2022

22/02/2022

10/02/2022

02/02/2022

01/02/2022

27/01/2022

25/01/2022

25/01/2022

24/01/2022

Address

Opening Hours

Telephone

Website

Alerts

Shortcuts

Share

Category

Monday	10:00 - 18:00
Tuesday	10:00 - 18:00
Wednesday	10:00 - 18:00
Thursday	10:00 - 18:00
Friday	10:00 - 18:00