Yeni Klinika

01/12/2025

“CBC FM” radiosunda yayımlanan və Yeni Klinikanın əməkdaşı Eyyub Məmmədoğlunun təqdim etdiyi “Həkim vaxtı” verilişinin qonağı bu dəfə Yeni Klinikanın nəzdində fəaliyyət göstərən Yeni Robotik Reabilitasiya Mərkəzinin şöbə müdiri Aytən Ağalarova olub.

Həkim-fizioterapevt Aytən Ağalarova veriliş zamanı Mərkəzdə istifadəyə verilən yeni robotik reabilitasiya avadanlıqları, innovativ müalicə üsulları və multidisiplinar komanda ilə göstərilən xidmətlər haqqında geniş məlumat verib.

Verilişin tam buraxılışını buradan izləyə bilərsiniz:

Aparıcı: Eyyub MəmmədoğluQonaq: Fizioterapevt Aytən Ağalarova ...

28/11/2025

Ürək dayanması diaqnozu ilə Yeni Klinikanın Təcili və Təxirəsalınmaz Tibbi Yardım şöbəsinə gətirilən və həkimlərimizin 35 dəqiqə fasiləsiz həyata keçirdiyi kardio-pulmonar reanimasiya (KPR) nəticəsində yenidən həyata qaytarılan 43 yaşlı pasiyent İTV-yə müsahibə verib.

Müsahibədə həm pasiyent, həm də Yeni Klinikanın təcili və təxirəsalınmaz üzrə həkimləri – Rəsul Mehdiyev, Coşqun Piriyev və invaziv kardioloq Gülay Məmmədova həmin gün yaşananları, göstərilən operativ tibbi yardımın əhəmiyyətini və komanda işinin həyati önəmini bölüşüblər.

28/11/2025

“Qarabağ” Futbol Klubunun nümayəndələri Yeni Robotik Reabilitasiya Mərkəzini ziyarət ediblər

“Qarabağ” Futbol Klubunun nümayəndələri yeni istifadəyə verilən Yeni Robotik Reabilitasiya Mərkəzinə təşkil edilən infoturda iştirak edib.

Baş məşqçi Qurban Qurbanovun rəhbərlik etdiyi heyətin iştirakı ilə baş tutan infoturda TƏBİB-in İcraçı direktoru Vüqar Qurbanov, Yeni Klinikanın direktoru Barat Yusubov və Yeni Robotik Reabilitasiya Mərkəzinin rəhbəri Pərvin Əkbərov iştirak edib.

Mərkəzlə tanışlıq zamanı P.Əkbərov Mərkəzdə tətbiq olunan müasir reabilitasiya texnologiyaları, xüsusilə idman zədələrinin bərpası və idmançıların performans reabilitasiyası sahəsində istifadə olunan innovativ avadanlıqlar barədə geniş təqdimatla çıxış edib. O, mərkəzdə mövcud olan robotik sistemlərin, yüksək dəqiqlikli analiz cihazlarının və fərdi proqramlaşdırılmış reabilitasiya metodlarının idmançıların daha sürətli və effektiv bərpasına imkan yaratdığını xüsusi vurğulayıb.

Komanda üzvləri mərkəzin imkanları ilə yaxından tanış olaraq bir sıra avadanlıqları praktiki şəkildə sınaqdan keçiriblər. Onlar avadanlıqların funksionallığı, reabilitasiya prosesinə verdiyi üstünlüklər və idman performansının yaxşılaşdırılmasında rolu ilə bağlı mütəxəssislərdən ətraflı məlumat alıblar.

26/11/2025

Ürəyi dayanan pasiyent 35 dəqiqə sonra Yeni Klinikada həyata qaytarılıb

Ürək dayanması diaqnozu ilə Yeni Klinikanın Təcili və təxirəsalınmaz tibbi yardım şöbəsinə hospitalizasiya olunan 43 yaşlı pasiyent kardio-pulmonar (ürək-ağ ciyər) reanimasiya (KPR) tədbirlərindən sonra həyata qaytarılıb.

Müdaxilə Təcili yardım şöbəsinin həkimləri - Aysel Həsənova, Rəsul Mehdi, Coşqun Piriyev və həkim-rezident Anar Kərimxanov tərəfindən həyata keçirlib. Dərhal icra edilən kardio-pulmonar reanimasiya tədbirləri və operativ müdaxilələr nəticəsində pasiyentin ürək fəaliyyəti 35 dəqiqə sonra tam bərpa olunub.

Ətrafı müayinədən sonra pasiyentə miokardın ön divarının kəskin infarktı diaqnozu təyin olunaraq təcili angioqrafiya müayinəsinə cəlb olunub. Müdaxilə anestezioloq-reanimatoloq Xəyalə Eminovanın nəzarəti altında invaziv kardioloq Gülay Məmmədova tərəfindən uğurla icra edilən koronar angioplastika proseduru ilə tamamlanıb.

Vəziyyətinin ağırlığı nəzərə alınaraq, pasiyentin müalicəsi İntensiv terapiya və reanimasiya şöbəsində həkim İlahə Məcidova tərəfindən dinamik nəzarət altında davam etdirilib.

Sonrakı mərhələdə pasiyentin stasionar müalicəsi Kardiologiya şöbəsində həkim və rezident heyətinin müşahidəsi ilə davam etdirilib.

Görülən tədbirlər nəticəsində vəziyyəti qənaətbəxş qiymətləndirilən pasiyent ambulator müalicə üçün evə buraxılıb.

26/11/2025

TƏBİB-in dəstəyilə görkəmli alim və plastik–rekonstruktiv cərrah, elmə və təbabətə dəyərli töhfələr vermiş professor İbrahim Yıldırımın xatirəsinə həsr olunmuş anım tədbirinin videoxülasəsini təqdim edirik.

Qeyd edək ki, ötən həftə baş tutan tədbirdə Azərbaycan Respublikası Milli Məclisinin Səhiyyə Komitəsinin sədri Əhliman Əmiraslanov, TƏBİB-in İcraçı direktoru Vüqar Qurbanov, həmçinin tanınmış elm xadimləri, tibb mütəxəssisləri, ictimaiyyət nümayəndələri və professorun tələbələri iştirak ediblər.

24/11/2025

Yeni Klinikanın Yeni Robotik Reabilitasiya və Sümük İliyi Transplantasiyası mərkəzlərinə təşkil olunan mediaturdan videoxülasəni təqdim edirik

Xatırladaq ki, ötən həftə hər iki mərkəzin açılış mərasimində Heydər Əliyev Fondunun vitse-prezidenti Leyla Əliyeva, Bakı Media Mərkəzinin rəhbəri Arzu Əliyeva və Alena Əliyeva iştirak edib.

24/11/2025

TƏBİB və Yaponiyanın “Digital Knowledge” şirkətinin nümayəndələri arasında görüş keçirilib

Azərbaycanda səfərdə olan Yaponiyanın “Digital Knowledge” şirkətinin rəsmiləri TƏBİB nümayəndələri ilə görüşüb və qurumun tabeliyində olan bir sıra tibb müəssisələrinə baş çəkib.

TƏBİB keçirilən görüşdə “Digital Knowledge” şirkətinin Beynəlxalq İnkişaf Ofisinin rəis müavini Yoşihiro Giyoda, Xidmətlərin Təşviqi Şöbəsinin rəhbəri Masayuki Nohara, Qlobal İKT Təhsil Həllərinin İnkişafı Şöbəsinin əməkdaşı Nquyen Ti Tu Tao, Beynəlxalq Biznes Şöbəsinin rəhbəri Kendzi İçimura və digər nümayəndələr iştirak edib.

Görüşdə xəstəxana tibb bacılarının davamlı təhsil və peşə bacarıqlarının artırılması üçün innovativ elektron platformaların tətbiqi, eyni zamanda xəstə və yenidoğulmuşlara dair rəqəmsal sağlamlıq kartlarının hazırlanması, kağızsız tibbi idarəetmə sisteminə keçid, rəqəmsal tibbi xidmətlərin genişləndirilməsi və bu istiqamətdə gələcək əməkdaşlıq imkanları müzakirə olunub.

Daha sonra şirkət nümayəndələrinin iştirakı ilə TƏBİB-in tabeliyində olan bir sıra tibb müəssisələrinə ziyarət təşkil edilib. Qonaqlar xəstəxanalarda olan mövcud vəziyyətlə tanış olub, bir sıra istiqamətlərdə fikir mübadiləsi aparılıb və yeni əməkdaşlıq imkanları nəzərdən keçirilib.

24/11/2025

Yeni Klinikada xidmət keyfiyyətinin artırılması məqsədilə təkmilləşdirilmiş elektron növbə sisteminin tətbiqi üzərində işlər artıq başlanılıb. Yeni sistemin tətbiqi gələn ildən planlaşdırılır.

Bu barədə Klinikanın direktoru Barat Yusubov "AZTV" kanalına geniş müsahibə verib.

O, həm yenicə fəaliyyətə başlayan Yeni Robotik Reabilitasiya və Sümük İliyi Transplantasiya mərkəzləri, həm də yaxın zamanda istifadəyə veriləcək elektron növbə sistemi haqqında ətraflı məlumat təqdim edib.

24/11/2025

https://youtu.be/DgpHvALVAvY?si=CVA-1XbPSjpn2FJV

Aparıcı: Eyyub MəmmədoğluQonaq: Həkim dietoloq Gülnar Abdullayeva ...

24/11/2025

“CBC FM” radiosunda yayımlanan və Yeni Klinikanın əməkdaşı Eyyub Məmmədoğlunun təqdim etdiyi “Həkim vaxtı” verilişinin qonağı bu dəfə Yeni Klinikanın həkim-dietoloqu Gülnar Abdullayeva olub.

Buraxılışda xəstəliklərin diaqnostikası və müalicəsində dietologiyanın rolu, düzgün qidalanmanın sağlamlığa təsiri, eləcə də stasionar pasiyentlərin qidalanmasının hansı prinsiplərlə təşkil olunduğu müzakirə edilib.

Veriliş zamanı aşağıdakı mövzulara toxunulub:
🔹 Tibbdə dietologiyanın rolu nədən ibarətdir?
🔹 Düzgün qidalanma sağlamlığı nə dərəcədə təsir edə bilər?
🔹 Yeni Klinikanın stasionar bölməsində pasiyentlərin qidalanması hansı dietoloji qaydalara əsaslanır?
🔹 Klinikada qidalanma pasiyentlərin xəstəliklərinə görə dəyişirmi?

Müsahibəni tam şəkildə izləmək üçün linkə keçid edin:

https://youtu.be/DgpHvALVAvY?si=NFYGYuwZ6n9kghF_

Aparıcı: Eyyub MəmmədoğluQonaq: Həkim dietoloq Gülnar Abdullayeva ...

21/11/2025

TƏBİB-in İcraçı direktorunun müşaviri, Yeni Klinikanın direktor müavini və Yeni Robotik Reabilitasiya Mərkəzinin rəhbəri Pərvin Əkbərov, eləcə də mərkəzin mütəxəssisləri reportaj zamanı mərkəzin fəaliyyəti və istifadə olunan reabilitasiya avadanlıqları barədə ətraflı məlumat veriblər.

Bundan əlavə, Sümük İliyi Transplantasiya Mərkəzinin şöbə müdiri Sevil Cəlilova da mərkəzdə tətbiq olunan müasir xidmətlər və tibbi imkanlar haqqında geniş açıqlama təqdim edib.

Yeni Klinikada yaradılan bu iki mühüm mərkəz pasiyentlərə daha effektiv, təhlükəsiz və yüksək keyfiyyətli tibbi xidmət göstərilməsinə xidmət edir.