18/11/2025
Bu sindrom insanların gündəlik həyatında və münasibətlərində bəzən ciddi təsirlərə səbəb ola bilər:
Əslində, bu sindrom James Barrienin eyniadlı romanındakı qəhrəman Peter Panın adından götürülüb və cəmiyyət arasında bu adla tanınıb. Əsasən, yetkinlik yaşına çatmış şəxslərin uşaqsayağı davranışları və məsuliyyətlərinə qarşı laqeyd olmaları bu sindromun əsas göstəricilərindəndir.
Peter Pan sindromu olan şəxslərdə infantilizm – yəni uşaq təfəkkürlülük, yaşlarına və cinslərinə uyğun məsuliyyətləri dərk etməmək və onlardan imtina etmək müşahidə olunur. Belə insanlar tək yaşamaqdan qorxur, valideyn himayəsində qalmağa üstünlük verirlər.
Hansı yaş qruplarında daha çox rast gəlinir?
Adətən, ixtiyari diqqətin formalaşdığı, cinsi yetişkənliyin daha çox inkişaf etdiyi dövrdən – yəni 12-17 yaşdan etibarən bu hal sindrom kimi nəzərdən keçirilir. Bu, baş beynin diensefal pozuntuları nəticəsində yaranan infantilizm əlamətləridir.
Yetkinlik yaşına baxmayaraq, məsuliyyət hissini dərk etməmək bu sindromun əsas xüsusiyyətlərindən biridir. 12-17 yaş aralığında məsuliyyət hissinin zəifləməsi ilə yanaşı, cinsi rolların dərkində də qarışıqlıqlar baş verə bilər. 18-20 yaşlarında isə bu insanlar narsist və şovinist davranışlarla seçilməyə başlayırlar. 45 yaşdan sonra isə onlarda depressiv əhval-ruhiyyə müşahidə olunur və keçmiş gəncliklərini geri qaytarmaq arzusu güclənir.
Bu cür hallar müşahidə olunduqda, mütləq şəkildə nevroloji və psixoloji dəstək göstərilməlidir. Beləliklə, bu şəxslərdə genetik və irsi meyillər olsa belə, onlar öz yaşlarına və cinslərinə uyğun sosial rolları dərk edib uyğunlaşmağı öyrənə bilərlər. Peter Pan sindromuna əsasən oğlanlar arasında daha çox rast gəlinir, lakin qızlar arasında da müşahidə edilir.
📍Ünvan: Baku Medical Plaza (Babək pr, 92N )
Əlaqə:
📞 055-665 06 12
📱050-669 06 12
