Respublika Neyrocərrahiyyə Xəstəxanası

21/09/2025

Sülh bəşəriyyət üçün gərəkli olan dəyərdir, əmin-amanlığa, dinc yanaşı yaşamağa çağırışdır. Sülh bütün vasitələrdən güclüdür.

21 Sentyabr -Beynəlxalq Sülh Günüdür. BMT-nin 1981-ci ildə qəbul etdiyi qərarla bütün dünyada sülhün, atəşkəsin və zorakılığa qarşı mübarizənin əhəmiyyətini vurğulamaq üçün qeyd olunur.

Bu günün əsas məqsədləri:

Zorakılığın qarşısını almaq: Bütün dünyada zorakılığın baş verməməsinə nail olmaq və atəşkəs elan etmək üçün bir gündür.

Sülhə nail olmaq: Xalqlar, millətlər və hətta ailələr sülhə nail olmaq kömək etmək üçün bir vasitədir.

Beynəlxalq Həmrəylik: Sülhə nail olmaq istəyən hər kəsin, yaşından, irqindən, milliyətindən və ya dinindən asılı olmayaraq, bu günə cəlb edilməsi təşviq edir.

Dünyamızda və ölkəmizdə sülhün, əmin-amanlığın daimi olmasını arzulayırıq!

21/09/2025

21 Sentyabr- Ümumdünya Alzheimer Xəstəliyi ilə bağlı Məlumatlandırma Günüdür.

Bu gün, dünya əhalisi arasında bu xəstəlik haqqında məlumatlılığı artırmag, onu
erkən diaqnoz qoymaq və inkişafını ləngitmək məqsədi daşıyr.

Xəstəlik ilk dəfə 1905-ci ildə alman psixiatoru Alois Alzheimer tərəfindən qeydə alındığı üçün onun adı ilə adlandırılmışdır.

Ağılın zəifləməsi, əvvəllər qazanılmış bilik və vərdişlərin itirilməsi, yenilərinin isə əldə edilməsinin mümkünsüzlüyü ilə xarakterizə olunan patoloji sindrom yəni demensiyanın geniş yayıldığı və müalicəsi mümkün olmayan neyrodegenerativ xəstəlikdir.

20/09/2025

Müstəqil ve suveren dövlətə sahib
olmaq, milli-mənəvi dəyərlərə, həmrəylik,
humanizm, ədalət və qanunun aliliyi prinsiplərinə
əsaslanan inkişaf etmiş cəmiyyət qurmaq yüzillər
boyu Azərbaycan xalqının ən böyük arzusu olub.

Vətən müharibəsində tarixi qəlabə ve 2023-cü il
sentyabrin 19-20-de həyata keçirilən uğurlu
antiterror əməliyyatı nəticəsində ölkəmizin ərazi
bütövlüyü və suverenliyi tam bərpa edilib,
Azərbaycan Konstitusiyasının hüquqi qüvvəsi
işğalın aradan qaldırıldığı bütün ərazilərdə bərqərar olunub.

Azərbaycan Respublikası Prezidentinin 2024-cü il
19 sentyabr tarixli 294 nömrəli Səreəncamına
esasən, sentyabrın 20-si Azerbaycan Respublikasında Dövlət Suverenliyi Günü elan
edilib.

Günün mübarək, Azərbaycan!

17/09/2025

17 Sentyabr - Ümumdünya Pasiyent Təhlükəsizliyi Günüdür.

Xəstələrin təhlükəsizliyi dedikdə, ilk növbədə onların operativ tibbi xidmət alması yada düşür. Pasiyentin xəstəxanaya müraciəti zamanı doğru yardım alması, qeydiyyatının çevik olması, növbə gözləmə zamanı komfort şəraitin yaradılması ilə yanaşı, həm də kənar faktorlar nəzərə alınmalıdır. Hər bir şəxs təhlükəsiz və keyfiyyətli tibbi xidmət almaq hüququna sahibdir.

Respublika Neyrocərrahiyyə Xəstəxanası olaraq pasiyent təhlükəsizliyi məsələsinə həssas yanaşır və keyfiyyətli tibbi xidməti hər bir vətəndaşımız üçün əlçatan etməyə çalışırıq.

16/09/2025

Respublika Neyrocərrahiyyə Xəstəxanasında təlim keçirilib.

Respublika Neyrocərrahiyyə Xəstəxanasının Xəstə Xidmətləri şöbəsinin müdiri Fəridə Mədətova pasiyentlərə xidmət keyfiyyətinin artırılması qaydaları, effektiv sorğu və rəy toplama metodları, şəxsi və peşəkar hüdudların təhlükəsizliyi, empatiya və hörmət, pasiyentlərə bərabərli və ədalətli yanaşma” mövzularında qeydiyyatçılara təlim keçib.

Təlimdə xəstəxanada fəaliyyət göstərən xəstə xidmətləri şöbəsinin qeydiyyatçıları və operatorları iştirak ediblər.

Sonda iştirakçıların sualları cavablandırılaraq, fikir mübadilələri aparılıb.

15/09/2025

Hər il sentyabrın 15-i Ümumdünya
Limfoma ilə Mübarizə Günü kimi qeyd olunur.

Limfoma - limfa və immun sistemini zədələyən ciddi
xəstəlikdir. O, limfa düyünləri, dalaq, sümük iliyi və
digər orqanlara təsir göstəre bilər.

Müasir tibbin imkanları göstərir ki, vaxtında
diaqnoz qoyulduqda və müalicəyə başlanıldıqda
xəstələrin əksəriyyəti sağala bilir. Bu səbəbdən
limfomanın ilkin əlamətlərini tanımaq, vaxtında
nəkimə müraciət etmək həyati əhəmiyyət daşıyır.

Unutmayaq ki, erkən diaqnoz sağlam gələcəyin
açarıdır.

15/09/2025

Təhsil hər bir fərdin və bütöv cəmiyyətin inkişafında əsas rol oynayan mühüm amillərdəndir. Təhsil yalnız bilik və bacarıqların əldə edilməsini təmin etməklə kifayətlənmir, eyni zamanda fərdin düşüncə tərzini, sosial münasibətlərini və ümumi həyat keyfiyyətini formalaşdırır.

Uşaqların və gənclərin keyfiyyətli təhsil alması və onalrın gələcəkdə doğru qərarlar verməsi daha sağlam cəmiyyətin formalaşması deməkdir. Bir sözlə, təhsil hər zaman əvəzsizdir.

Təhsil sağlam cəmiyyətin təməlidir!

13/09/2025

Hər il sentyabrın ikinci şənbe günü Ümumdünya ilk Tibbi Yardım Günü kimi qeyd olunur.

Yaşından ve peşəsindən asılı olmayaraq, hər kəsin
lk tibbi yardım qaydalarını öyrənməsi, cəmiyyətdə
bu sahədə məlumatlılığı artırmaq vacibdir.
Xüsusilə qəzalar, təbi fəlakətlər ve ya digər fövqəladə hallar zamanı ilk tibbi yardim göstərən şəxslərin rolu əvəzedilməzdir.

11/09/2025

Respublika Neyrocərrahiyyə Xəstəxanasının Fizioterapiya şöbəsinin müdiri Kamalə Talışınskaya 1966-cı ildə Bakı şəhərində anadan olub.

1989-cu ildə Azərbaycan Dövlət Tibb Universitetinin Müalicə işi fakültə bitirib.

1989-1990-cı illərdə M.Ə.Əfəndiyev adına 2 nömrəli Şəhər Klinik Xəstəxanasında Terapiya ixtisası üzrə 1 illik internatura kursunu bitirib.

1991-ci ildən Respublika Neyrocərrahiyyə Xəstəxanasında Müalicə bədən tərbiyəsi üzrə, 1995-2014-cü illərdə həkim-fizioterapevt vəzifəsində çalışıb.

2014-cü ildən etibarən fizioterapiya şöbəsinin müdiridir.

2023-cü ildə "Peşəkar və səmərəli fəaliyyətə görə" TƏBİB tərəfindən mükafatlandırılıb.

2024-cü ildə TƏBİB-in keçirtdiyi "Travmatik beyin zədələnmələri: multidisiplinar yanaşmanın üstünlükləri" adlı seminarda iştirak edib.

Əlavə mütəmadi olaraq, təkmilləşmə kurslarından müvəffəqiyyətlə keçərək, ixtisası üzrə seminarlarda iştirak edərək müxtəlif sertifikatlar əldə edib.

10/09/2025

10/09/2025

Anevrizma-qan damarlarının divarında lokallaşdırılmış anormal, zəif nöqtənin səbəb olduğu qabarcığa və ya şara bənzədilmiş xaricə qabarıqlıqdır.

Beyin Anevrizması Əlamətləri:
-şiddətli baş ağrıları;
-bulantı,qusma;
-görmə problemləri;
-başgicəllənmə, huşun itirilməsi;
-qıcolmalar.

Beyin anevrizmasının risk faktorları:
-siqaret, diabet;
-stres, genetik meyl;
-yüksək xolesterin səviyyəsi, yüksək qan təzyiqi və s.

Əgər anevrizmaya şübhə varsa, həkimlər aşağıdakı üsullardan istifadə edirlər:
-Angioqrafiya
-MRT (Maqnit Rezonans Tomoqrafiya)
-KT (Kompüter Tomoqrafiyası)
-Ultrasəs müayinəsi.

Müalicə yolları:
Anevrizmanın müalicəsi ölçüsünə, yerinə və xəstənin ümumi vəziyyətinə görə dəyişir.
Cərrahi müdaxilə:
-Klip qoyulması (Clipping): Açıq beyin cərrahiyyəsi ilə anevrizmanın kökünə metal klip qoyulur ki, qan axını dayanıb partlama riski azalsın.
-Endovaskulyar embolizasiya (Coiling): Damar içindən kateterlə girilərək anevrizmanın işi xususi materiallarla doldurulur, bu da onun qanla dolmasının qarşısını alır.

Respublika Neyrocərrahiyyə Xəstəxanası
Xudu Məmmədov küçəsi 4
Əlaqə: +994 12 3716001

08/09/2025

Türk Neyrocərrahiyyə Dərnəyi Neyrovaskulyar Cərrahiyyə və Cərrahi Neyroanatomiya Tədris və Təhsil Qrupları tərəfindən təşkil edilən Neyrovaskulyar Simpozium 2025-ci ilin 5-7 sentyabr tarixlərində Denizli, Pamukkale keçirilib.

Bu simpoziumda Azərbaycanı tibb müəssisəmizin həkim-neyrocərrahları Rövşən Bağırov, Rafael Bayramov və həkim-rezident Şəhriyar Səlimli təmsil edib.

Simpoziumun əsas mövzusu Arteriovenoz malformasiyalar, dural arteriovenoz fistulalar və kavernomalardır. Həkim-neyrocərrahlarımızın çıxışı böyük maraqla qarşılanıb.

Simpoziumun sonunda iştirakçılar sertfikatlarla təltif olunublar.