05/09/2025
Nizami Tibb Mərkəzinin həkim-terapevti Fəxriyyə İsmayılova qaraciyər xəstəlikləri haqqında məlumat verib
Həkim bildirib ki, qaraciyər xəstəlikləri, piylənmə, hepatit (A, B, C), serroz (siroz), və qaraciyər şişləri kimi müxtəlif problemləri əhatə edir.
Əlamətlər arasında yorğunluq, iştahsızlıq, çəki itirmə, qarın nahiyəsində ağrı, ürəkbulanma, ayaqlarda şişkinlik, və nəcisdə, sidikdə rəng dəyişikliyi ola bilər. Bu simptomlar müşahidə olunduqda dərhal həkimə müraciət etmək vacibdir, çünki vaxtında diaqnoz və müalicə xəstəliyin gedişatını yüngülləşdirir.
Ən çox yayılan qaraciyər xəstəlikləri haqqında məlumat verən həkim bildirib ki;
Steatoz (yağlı qaraciyər xəstəliyi) qaraciyərdə piylərin yığılmasıdır. Bu, alkoqol qəbulu və ya piylənmə, pirokare xəstəliyinin nəticəsi ola bilər.
Hepatit qaraciyərin iltihabıdır, hansı ki, viruslar (Hepatit A, B, C) və ya zəhərli maddələr səbəbindən baş verə bilir.
Sirroz (serroz) qaraciyər toxumasının çapıq toxumasına çevrildiyi, struktunun pozulduğu və ölçüsünün böyüdüyü xəstəlikdir.
Qaraciyər şişləri, xoşxassəli (məsələn, hemangioma) və ya bədxassəli (xərçəng) şişlər qaraciyərin böyüməsinə səbəb ola bilər.
Qaraciyər xəstəliklərinin əlamətlərindən danışan Fəxriyyə İsmayılova aşağıdakıları əsas əlamətlər olaraq qeyd edib:
* Daimi yorğunluq və zəiflik hissi
* İştahsızlıq və çəki itirmə
* Qarın boşluğunun yuxarı sağ hissəsində ağrı və ya narahatlıq
* Ürəkbulanma və qusma
* Qəfil çəki itirmə
* Nəcisdə rəng dəyişikliyi (açıq rəng) və sidikdə tündləşmə
* Dəridə qaşınma (Pruritus)
* Ayaq və topuqlarda şişkinlik (ödəm)
* Asan qanaxma və göyərmə
Sonda isə həkim qeyd edib ki, bu əlamətlərdən hər hansı birini hiss edirsinizsə, dərhal həkimə müraciət etməyiniz vacibdir.
Vaxtında aşkarlanan qaraciyər xəstəlikləri müalicəyə daha yaxşı cavab verir.
