Elmi-Tədqiqat Mamalıq və Ginekologiya İnstitutu

20/10/2025

Azərbaycan Respublikası Səhiyyə Nazirliyi Elmi-Tədqiqat Mamalıq və Ginekologiya İnstitutunda unudulmaz hadisə baş verib.
İnstitutun II Doğum şöbəsinin müdiri, həkim mama-ginekoloq Tənzilə Əliyevanın rəhbərliyi ilə 17 oktyabr tarixində 3250 qram çəkidə doğulan cinsi kişi olan sağlam körpə bu gün sevinc və fərəh dolu hisslərlə evə buraxılıb. Körpənin atası II Qarabağ müharibəsi iştirakçısı, Vətən uğrunda gedən döyüşlərdə göstərdiyi igidliyə görə beş fərqli medalla təltif olunmuş veteranımız Cəfərli Allahverdi Cəfər oğludur. Onun ailəsində bu doğum həm sevinc, həm də qürur dolu anlara çevrildi. Qəhrəman ata, həyat yoldaşına və övladına göstərilən diqqət və qayğıya görə İnstitutun kollektivinə dərin minnətdarlığını bildirib.
İnstitutun rəhbərliyi adından ailəni təbrik edir, körpəyə sağlam, xoşbəxt bir ömür arzulayırıq.

08/10/2025

06/10/2025

Əhalinin sağlamlığının qorunması və respirator xəstəliklərə yoluxma hallarının qarşısının alınması məqsədilə Səhiyyə Nazirliyi vətəndaşları mövsümi qripə qarşı peyvənd olunmağa çağırır.
https://sehiyye.gov.az/media/xeberler-ve-yenilikler/s-hiyy-nazirliyi-az-rbaycana-qrip-leyhin-vaksinl-r-g-tirib/

06/10/2025

4 oktyabr 2025-ci il tarixində Azərbaycan Respublikası Səhiyyə Nazirliyinin dəstəyi və Azərbaycan Pediatriya Cəmiyyətinin təşkilatçılığı ilə Şuşa şəhərində Regional Konfrans keçirilib. Tədbirdə Azərbaycan Respublikası Səhiyyə Nazirliyi Elmi-Tədqiqat Mamalıq və Ginekologiya İnstitutunun Yenidoğulmuşların reanimasiya və intensiv terapiyası şöbəsinin müdiri Rüstəm Hüseynov və İnstitutun əməkdaşları da iştirak ediblər. Konfrans çərçivəsində pediatriya sahəsində aktual mövzular, o cümlədən uşaqlarda immunizasiya, təcili halların idarə olunması, funksional həzm pozğunluqları və endokrinoloji məsələlər müzakirə olunub. Tədbir iştirakçılarına sertifikatlar təqdim olunub.

06/10/2025

Bu gün insan sağlamlığının keşiyində dayanan, həyatını başqalarının rifahına həsr edən bütün həkimlərin peşə bayramıdır.
Azərbaycan Respublikası Səhiyyə Nazirliyinin Elmi-Tədqiqat Mamalıq və Ginekologiya İnstitutunun kollektivi adından bütün həkimləri Beynəlxalq Həkimlər Günü münasibətilə ürəkdən təbrik edirik.
Peşənizə olan sədaqətiniz, fədakarlığınız və hər bir insanın sağlam gələcəyi naminə göstərdiyiniz əvəzsiz xidmətiniz üçün sizə təşəkkür edirik.
Sizə möhkəm can sağlığı, yeni uğurlar və pasiyentlərinizin sağlam gülümsəməsini görmək sevinci arzulayırıq!

03/10/2025

Bu gün Azərbaycan Respublikası Səhiyyə Nazirliyi Elmi-Tədqiqat Mamalıq və Ginekologiya İnstitutunda 36 ildən artıq həkim mama-ginekoloq kimi çalışmış Hacıyeva Tünzalə Həbib qızının son iş günüdür. Onun fədakar əməyi, yüzlərlə ailənin sevincinə çevrilmiş zəhməti bizim üçün hər zaman dəyərli qalacaq. Rəhbərlik adından ona fədakar xidmətlərinə görə təşəkkür edildi və səmimi şəkildə yola salındı.

01/10/2025

Azərbaycan Respublikası Səhiyyə Nazirliyi və “Tibbi Ərazi Bölmələrini İdarəetmə Birliyi” publik hüquqi şəxsin dəstəyi, Azərbaycan Respublikası Səhiyyə Nazirliyi Elmi-Tədqiqat Mamalıq və Ginekologiya İnstitutu, “Qadın Sağlamlığına Dəstək” İctimai Birliyi, Avropa Asiya Mamaginekoloqlar Dərnəyi və “Ginekologiya və Perinatologiyanın İnkişafına Dəstək” Assosiasiyasının təşkilatçılığı ilə 28-30 sentyabr 2025-ci il tarixlərində Bakıda “Mamalıq, ginekologiya və perinatologiyada mübahisəli məsələlər” mövzusunda elmi-praktik konfrans təşkil olunub.
Konfransın sədri – İnstitutun direktoru, t.e.d., prof. Cəmilə Qurbanova, həmçinin “Qadın Sağlamlığına Dəstək” ictimai birliyinin sədri, dos. dr. Xəyalə Təhməzinin rəhbərliyi ilə keçirilən tədbirdə yerli və xarici mütəxəssislərin iştirakı əsasında onkoginekologiya, sonsuzluq, uşaq ginekologiyası, neonatologiya, mamalıq və digər aktual sahələr üzrə 8 panel və 38 məruzə təqdim olunub. İnstitut əməkdaşları və beynəlxalq ekspertlərin peşəkar təcrübələrini bölüşdükləri tədbir çərçivəsində. “İnteqrativ təbabət”, “Mamalıq qanaxmalarına müasir yanaşma” və “Neonatal təxirəsalınmaz yardım” üzrə praktik kurslar təşkil edilib. Konfrans iştirakçıların elmi biliklərini və praktik bacarıqlarını artırmaqla yanaşı, qadın sağlamlığının qorunmasına yönəlmiş mühüm təşəbbüsləri də dəstəkləyib.

27/09/2025

27/09/2025

27/09/2025

27 Sentyabr - Anım Günü

26/09/2025

Bu gün Azərbaycan Respublikası Səhiyyə Nazirliyi Elmi-Tədqiqat Mamalıq və Ginekologiya İnstitutunda 27 Sentyabr – Anım Günü münasibətilə xüsusi tədbir keçirildi.

Tədbiri açan İnstitutun direktoru Cəmilə Qurbanova şəhidlərimizin əziz xatirəsini yad edərək, onların canı və qanı bahasına Azərbaycanın ərazi bütövlüyünün bərpa olunduğunu vurğuladı. O qeyd etdi ki, 27 Sentyabr xalqımızın yaddaşında qəhrəmanlıq, fədakarlıq və milli birlik günü kimi daim yaşayacaq.

ETMGİ-nin YAP təşkilatının sədri Ədalət Əliyev isə çıxışında Ali Baş Komandan İlham Əliyevin rəhbərliyi ilə qazanılan tarixi Zəfərin Azərbaycan dövlətçiliyində yeni bir səhifə açdığını qeyd etdi. O vurğuladı ki, Anım Günü həm də dövlətimizin gücünü və xalqımızın birliyini nümayiş etdirərək ölkəmizin sabitlik, inkişaf yolunu daha da möhkəmləndirdi.

İnsan resursları şöbəsinin müdiri Təranə Atakişiyeva çıxışında şəhid ailələrinə, qazilərə göstərilən dövlət qayğısından və İnstitutun əməkdaşlarının şəhid adına ucalmış qohumlarıdan danışdı. O bildirdi ki, hər bir vətəndaş şəhid ailələri və qazilərə göstərilən diqqəti gündəlik fəaliyyətində yaşatmalı və onların yanında olmalıdır.

Çıxış edən İnstitutun elmi katibi Aynurə Əmirova şəhidlərin əziz xatirəsinin daim uca tutulmasının və onların irsinin gələcək nəsillərə ötürülməsinin vacibliyini bildirdi.

Azərbaycan Respublikası Səhiyyə Nazirliyi Elmi-Tədqiqat Mamalıq və Ginekologiya İnstitutunun Konservativ Cərrahiyyə şöbəsinin müdiri Nəcibə Məhərrəmova isə şəhid ailələrinin göstərdiyi dözüm və mərdliyin hər kəs üçün örnək olduğunu qeyd etdi. O, şəhidlərimizin ruhunun daim xalqımızla birgə olduğunu vurğuladı.

Tədbir şəhidlərin xatirəsinə bir dəqiqəlik sükutla başlayıb, onların ruhuna dualar oxunmaqla yekunlaşıb.

26/09/2025

26 Sentyabr – Beynəlxalq Kontrasepsiya Günü
Bu gün bütün dünyada qadınların və kişilərin sağlam reproduktiv seçimlər etməsi, arzuolunmaz hamiləliklərin qarşısının alınması və ailə planlaşdırmasının əhəmiyyəti barədə maarifləndirici fəaliyyətlər həyata keçirilir.

Kontrasepsiya üsulları yalnız hamiləlikdən qorunmaq deyil, həm də qadınların sağlamlığını qorumaq, gələcək analıq planlarını düzgün qurmaq baxımından mühüm rol oynayır.

Maarifləndirmə hər bir fərdin məsuliyyətli qərarlar verməsinə və sağlam gələcəyin təmin olunmasına xidmət edir.

Azərbaycan Respublikası Səhiyyə Nazirliyi Elmi-Tədqiqat Mamalıq və Ginekologiya İnstitutu olaraq biz qadınların sağlam reproduktiv seçimlər etməsini dəstəkləyir, hər kəsi məlumatlı olmağa çağırırıq.