DOST İnklüziv İnkişaf və Yaradıcılıq Mərkəzi

04/12/2025

Sosial İnnovasiyalar Qovşağının sədri, Qazaxıstan Respublikasının Prezidenti yanında Milli Qurultayın üzvü Emin Əsgərovun rəhbərlik etdiyi nümayəndə heyəti Əmək və Əhalinin Sosial Müdafiəsi Nazirliyinin tabeliyindəki DOST İnklüziv İnkişaf və Yaradıcılıq Mərkəzi ilə tanış olub. 🤝

Azərbaycan Respublikasının Kiçik və Orta Biznesin İnkişafı Agentliyi (KOBİA) və Kiçik və Orta Biznes Subyektləri və Klublarının Assosiasiyasının (KOBSKA) dəvəti ilə ölkəmizdə səfərdə olan nümayəndə heyətinə Birinci vitse-prezident Mehriban Əliyevanın təşəbbüsü ilə yaradılmış Mərkəzin fəaliyyəti, həssas qruplardan olan şəxslərlə iş prosesi barədə məlumat verilib. 🧩✨

Mərkəzin direktoru Elnarə Ənsari həmin kateqoriyalardan olan vətəndaşların yaradıcılıq potensialının dəstəklənməsi və tanıdılması istiqamətində görülən işləri diqqətə çatdırıb. 🎨🌟 Mərkəzdə müxtəlif istiqamətlər üzrə peşə vərdişləri öyrədilməklə yanaşı, sosial-psixoloji və pedaqoji dəstək xidmətləri göstərildiyi də qeyd edilib. 🧠🤗

Qonaqlar müxtəlif yaradıcılıq studiyalarında hazırlanan sənət nümunələri və təlim prosesi ilə tanış olublar. 🖼️👀 İnklüziv Kamera Orkestri, eləcə də musiqi istiqaməti üzrə təlimlərə cəlb olunmuş təlimçi və benefisiarların çıxışları qonaqlarda xoş təəssürat yaradıb. 🎻🎶👏

Tanışlıq zamanı həssas kateqoriyalara aid vətəndaşların, xüsusilə əlilliyi olan şəxslərin məşğulluğunun təmin edilməsi, onların cəmiyyətə inteqrasiyası, bu sahədə qarşılıqlı təcrübə mübadiləsi və gələcəkdə birgə təşəbbüslərin gerçəkləşdirilməsi imkanları nəzərdən keçirilib. ♿🤝🌍

04/12/2025

🏸 Azərbaycan Badminton Federasiyası ilə əməkdaşlıq çərçivəsində, Yelo Bank-ın dəstəyi və ev sahibliyi ilə DOST İnklüziv İnkişaf və Yaradıcılıq Mərkəzinin benefisiarları üçün xüsusi badminton təlimləri təşkil olunub.
⭐ Mərkəzin Sosial pedaqoji inkişaf və sosial psixoloji dəstək departamentinin əməkdaşlarının müşayiəti ilə benefisiarlara badminton oyununun texnikası və qaydaları öyrədilir.
🎯Məqsəd həssas qruplardan olan şəxslərdə idmana maraq oyatmaq, onların fiziki və psixoloji inkişafına dəstək göstərməkdir.
✅ Məşqlər zamanı benefisiarlarda ünsiyyət, empatiya və komanda daxilində əməkdaşlıq bacarıqları, mütəmadi fiziki aktivlik vərdişi formalaşdırılır.

04/12/2025

03/12/2025

3 Dekabr – Beynəlxalq Əlilliyi olan Şəxslər Günü ilə əlaqədar Azərbaycan – Rəsmi Dövlət Qəzetində 📰 DOST İnklüziv İnkişaf və Yaradıcılıq Mərkəzinin təlimçisi, bədii oymaçı Asif Qasımovun uğur hekayəsi haqqında məqalə dərc olunub.

🔗
https://www.azerbaijan-news.az/az/posts/detail/taxtaya-ruh-verir-1764712526/37657

03/12/2025

✨ AzTV-nin "Telesəhər" proqramında canlı bağlantı:

🔹DOST İnklüziv İnkişaf və Yaradıcılıq Mərkəzinin direktor müavini Mətanət Məmmədova əlilliyi olan şəxslərin cəmiyyətə inteqrasiyası istiqamətində görülən işlərdən danışıb. ♿🤝

03/12/2025

İnsan bəzən ən çətin məqamda özünə yeni bir yol tapır. Bu yol onu uğura və zirvəyə aparır. 💫
Əlilliyi olan şəxslər arasında öz potensialını kəşf edib uğur hekayələrinin qəhrəmanlarına çevrilənlər də az deyil. DOST İnklüziv İnkişaf və Yaradıcılıq Mərkəzinin taxta üzərində bədii oyma sənəti üzrə təlimçisi Asif Qasımov onlardan biridir.
🎥 AZTV-nin reportajını təqdim edirik.

03/12/2025

📅 3 Dekabr – Beynəlxalq Əlilliyi olan Şəxslər Günü ilə əlaqədar Qarabağ “DOST Evi” şöbəsi tərəfindən ilk dəfə olaraq səyyar xidmət təşkil olunub.

🤝 Xidmət Ailə, Qadın və Uşaq Problemləri üzrə Dövlət Komitəsinin Ağdam Uşaq və Ailələrə Dəstək Mərkəzi ilə birgə təşkilatçılıq çərçivəsində 📍 Qarabağ Regional Mədəniyyət İdarəsinin Ağdam rayon Heydər Əliyev Mərkəzində həyata keçirilib.

🔹 Tədbirdə iştirak edən Ağdam Rayon İcra Hakimiyyətinin başçısı Vaqif Həsənov bölgədə inklüzivliyin təşviqi və əlilliyi olan şəxslərin cəmiyyətə inteqrasiyası üçün bu cür layihələrin davamlı keçirilməsinin vacib olduğunu vurğulayıb.

🔹 Layihə çərçivəsində Qarabağ “DOST Evi”nin fəaliyyəti və xidmət istiqamətləri barədə geniş təqdimatlar keçirilib.

🎨 Qarabağ “DOST Evi”nin təlimçiləri və əməkdaşları tərəfindən əlilliyi olan şəxslər üçün yaradıcılıq istiqamətləri üzrə master-klaslar, 👨‍👩‍👧 onların valideynləri və qəyyumları ilə maarifləndirici söhbətlər aparılıb.

🎯 Tədbirin təşkilində məqsəd şöbənin xidmət istiqamətləri ilə bağlı vətəndaşların məlumatlılığını artırmaq, əlilliyi olan şəxslərin sosial adaptasiyasına dəstək göstərməkdir.

03/12/2025

DOST İnklüziv İnkişaf və Yaradıcılıq Mərkəzi və filiallarında əlilliyi olan 235 şəxs xidmətlərdən yararlanır.

ℹ️ Mərkəzin əlilliyi olan iki gənc üzvü Prezident mükafatına layiq görülüb. Mərkəzdə yaradıcılıq təlimlərini uğurla başa vuran əlilliyi olan 10-dan çox gənc ali, orta ixtisas və peşə təhsili müəssisələrinə qəbul olunub.

➡️ https://sosial.gov.az/az/media/xeberler/dost-inkluziv-inkisaf-ve-yaradiciliq-merkezi-ve-filiallarinda-elilliyi-olan-235-sexs-xidmetlerden-yararlanir-8744