21/11/2025
Bu gün Respublika Kliniki Uroloji Xəstəxanasında “Xəbərdarlıq sistemləri və təhlükəsizlik qaydaları” mövzusunda maarifləndirici təlim, eləcə də açıq havada praktiki yanğınsöndürmə məşqi keçirilib.
Təlimdə xəstəxananın müxtəlif struktur bölmələrinin tibb personalı və işçi heyəti iştirak edib. Mülki müdafiənin qərargah rəisi Aysən Kərimova və əməyin mühafizəsi üzrə mühəndisi Afaq Qasımova tərəfindən xəstəxanada tətbiq olunan xəbərdarlıq sistemlərinin növləri, onların iş prinsipləri, fövqəladə hallar zamanı siqnal və elanların düzgün qəbulu və icrası, həmçinin təhlükəsizlik qaydalarına əməl olunmasının əhəmiyyəti barədə ətraflı məlumat verilib.
Təlimin praktiki hissəsi xəstəxananın açıq ərazisində təşkil olunub. İlkin yanğınsöndürmə vasitələrindən istifadə qaydaları (yanğınsöndürən balonların düzgün tutulması, işə salınması, alova yaxınlaşma məsafəsi və s.) iştirakçılara əyani şəkildə nümayiş etdirilib.
Sonda mövzu ətrafında müzakirələr aparılıb, əməkdaşların təklif və rəyləri dinlənilib.
