V.Y.Axundov adına Elmi-Tədqiqat Tibbi Profilaktika İnstitutu

20/09/2025

18/09/2025

Səhiyyə Nazirliyi V.Y. Axundov adına Elmi-Tədqiqat Tibbi Profilaktika İnstitutunda beynəlxalq əməkdaşlıq istiqamətində mühüm addım

17.09.2025-ci il tarixində Çin Milli İnsan Genomu Mərkəzinin nümayəndə heyəti – Kliniki Tibb Departamentinin direktoru Lin Shi və Bazarın Əməliyyat Departamentinin direktoru Zhihua Guo AR Səhiyyə Nazirliyi V.Y. Axundov adına Elmi-Tədqiqat Tibbi Profilaktika İnstitutuna elmi əməkdaşlıq məqsədi ilə ziyarət ediblər.

Ziyarətin əsas məqsədi genom tədqiqatları və hüceyrə terapiyaları sahəsində Çin və Azərbaycan arasında elmi əməkdaşlıq perspektivlərini müzakirə etmək, bilik və təcrübə mübadiləsi aparmaq olub.

Səfər çərçivəsində institutun direktoru, professor Adil Allahverdiyev ilə keçirilən görüş zamanı qarşılıqlı maraq doğuran istiqamətlər müzakirə olunub. Həmçinin AR Səhiyyə Nazirliyi V.Y. Axundov adına Elmi-Tədqiqat Tibbi Profilaktika İnstitutu ilə Çin Milli İnsan Genomu Mərkəzi arasında əməkdaşlıq memorandumu imzalanıb.

Bu memorandum gələcəkdə birgə elmi layihələrin həyata keçirilməsi, qarşılıqlı təcrübə mübadiləsi və innovativ tədqiqatların dəstəklənməsinə xidmət edəcək.

18/09/2025

Səhiyyə Nazirliyi V.Y. Axundov adına Elmi-Tədqiqat Tibbi Profilaktika İnstitutunda beynəlxalq əməkdaşlıq istiqamətində mühüm addım

17.09.2025-ci il tatixində Çin Milli İnsan Genomu Mərkəzinin nümayəndə heyəti – Kliniki Tibb Departamentinin direktoru Lin Shi və Bazarın Əməliyyat Departamentinin direktoru Zhihua Guo AR Səhiyyə Nazirliyi V.Y. Axundov adına Elmi-Tədqiqat Tibbi Profilaktika İnstitutuna elmi əməkdaşlıq məqsədi ilə ziyarət ediblər.

Ziyarətin əsas məqsədi genom tədqiqatları və hüceyrə terapiyaları sahəsində Çin və Azərbaycan arasında elmi əməkdaşlıq perspektivlərini müzakirə etmək, bilik və təcrübə mübadiləsi aparmaq olub.

Səfər çərçivəsində AR Səhiyyə Nazirliyi V.Y. Axundov adına Elmi-Tədqiqat Tibbi Profilaktika İnstitutu ilə Çin Milli İnsan Genomu Mərkəzi arasında əməkdaşlıq memorandumu imzalanıb. Bu memorandum gələcəkdə birgə elmi layihələrin həyata keçirilməsi, qarşılıqlı təcrübə mübadiləsi və innovativ tədqiqatların dəstəklənməsinə xidmət edəcək.

15/09/2025

Bilik Gününüz mübarək!

10/09/2025

02/09/2025

HÖRMƏTLİ HƏKİMLƏR!

Sizi böyük məmnuniyyətlə 3-4 oktyabr 2025-ci il tarixlərində keçiriləcək, I Beynəlxalq Parazitologiya Konfransına dəvət edirik!

Tədbir Azərbaycan Respublikası Səhiyyə Nazirliyi və TƏBİB-in dəstəyi, Səhiyyə Nazirliyi V.Y. Axundov adına Elmi-Tədqiqat Tibbi Profilaktika İnstitutunun təşkilatçılığı ilə keçiriləcək.

Konfransda ölkəmizin tanınmış mütəxəssisləri aktual parazitoloji problemlər, diaqnostika və müasir yanaşmalarla bağlı çıxış edəcəklər. Tədbir çərçivəsində parazitologiya sahəsində praktiki bacarıqları artırmağa yönəlmiş “workshop” da təşkil olunacaq.

Konfrans Səhiyyə Nazirliyi tərəfindən akkreditasiya olunacaq, və iştirak edən hər bir həkimə rəsmi sertifikat təqdim ediləcək.

Tədbirin proqramı:

3 oktyabr - Workshop

Məkan: Səhiyyə Nazirliyi V.Y. Axundov adına Elmi-Tədqiqat Tibbi Profilaktika İnstitutu

4 oktyabr - Konfrans

Məkan: Radisson Otel, Bakı

Konfransın rəsmi təşkilatçısı: Konora Events

Əlaqə və qeydiyyat üçün telefon: (099) 877 26 29

Bu elmi tədbirdə sizin də iştirakınız vacibdir! Gəlin birlikdə bilikləri paylaşaq, peşəkar bacarıqlarımızı artıraq və elmi əməkdaşlıq imkanlarını genişləndirək!

23/07/2025

02/07/2025

Səhiyyə Nazirliyi V.Y. Axundov adına Elmi-Tədqiqat Tibbi Profilaktika İnstitutunun əməkdaşlarının iştirakı ilə Bərdədə parazitar və infeksion xəstəliklərə dair seminar keçirilib

Səhiyyə Nazirliyi V.Y. Axundov adına Elmi-Tədqiqat Tibbi Profilaktika İnstitutunun əməkdaşları 2025-ci il üçün təsdiqlənmiş iş planına uyğun olaraq Bərdə şəhərinə ezam olunublar.

Ezamiyyət çərçivəsində Bərdə Rayon Mərkəzi Xəstəxanasında tibb işçiləri üçün elmi-praktik seminar keçirilib, aktual parazitar və infeksion xəstəliklər mövzusunda təqdimatlar olunub, yerli mütəxəssislərlə fikir və təcrübə mübadiləsi aparılıb. Seminar zamanı metodik tövsiyələr və praktik yanaşmalar iştirakçılarla bölüşülüb.

Tədbirin sonunda institutun direktoru, professor Adil Allahverdiyev və Məlahət Bağırovanın müəllifi olduğu “Leyşmaniozun epidemiologiyası, diaqnostikası, müalicəsi və profilaktikası” adlı kitab seminar iştirakçılarına təqdim olunub.

26/06/2025

Azərbaycanın Silahlı Qüvvələri xalqımızın rəşadət, şərəf və igidlik rəmzidir!

24/06/2025

Səhiyyə Nazirliyi V.Y. Axundov adına Elmi-Tədqiqat Tibbi Profilaktika İnstitutunda Elmi Şura iclası keçirilib

Səhiyyə Nazirliyi V.Y. Axundov adına Elmi-Tədqiqat Tibbi Profilaktika İnstitutunun növbəti Elmi Şura iclası baş tutub. İclasa Elmi Şuranın sədri, institutun direktoru, professor Adil Allahverdiyev sədrlik edib. O, gündəlikdə yer alan məsələləri iştirakçıların diqqətinə çatdıraraq iclasın məqsəd və əhəmiyyətindən bəhs edib.

İclas çərçivəsində institutun Tibbi parazitologiya və tropik xəstəliklər, immunologiya, epidemiologiya və gigiyena üzrə elmi şöbələrinin, həmçinin onlara tabe olan bölmələrin 2025-ci ilin birinci yarımilliyi üzrə elmi-təcrübi fəaliyyətlərinə dair hesabatları təqdim olunaraq müzakirə edilib.

Hesabatlarda cari ilin elmi-tədqiqat planına uyğun olaraq aparılan işlər, əməkdaşların elmi konfrans və təlimlərdə iştirakı, elmi cəmiyyətlərdə və ixtisaslaşmış şuralarda üzvlüyü, eləcə də kadr hazırlığı sahəsində görülən tədbirlər ətraflı şəkildə təqdim olunub.

Elmi Şura üzvləri tərəfindən hesabatlar müsbət qiymətləndirilib, gələcək fəaliyyət üçün tövsiyələr səsləndirilib.

17/06/2025

17/06/2025