Stomatoloq Metanet Kirtanir

21/02/2019

Diş itirilmişsə, nə etmək olar?
Öz sağlam dişlərimiz implantdan daha yaxşıdır. Amma diş itirilmişsə nə etmək olar?
Belə vəziyyətdə yalnız peşəkar stomatoloqa müraciət etmək lazımdır. Ənənəvi çıxmayan körpüyəbənzər protezlər dayaq üçün dişlərə söykənir. Bu zaman körpüyəbənzər protezə söykənmiş (birləşdirilmiş) dişlər çeynəmə aktı zamanı iki qat yüklənməyə məruz qalır ki, bu da sonda onların da itirilməsinə gətirib çıxarır. Daha bir p*s hal odur ki, körpüyəbənzər protezləri hazılamaq üçün sağlam dişləri yonmaq lazım gəlir.
Əgər hətta körpüyəbənzər protezlər belə düzəltmək mümkün deyilsə, dişlər tamamilə itirilibsə implantasiya qaçılmazdır .
İmplant itirilmiş dişi tamamilə bərpa edir. Bu halda hər bir diş və implant sərbəst şəkildə çeynəmədə iştirak edir. Yəni heç bir dişə iki qat yüklənmə düşmür (körpüyəbənzər protezdən fərqli olaraq). İmplantasiya vaxtı istifadə edilən materiallar yüksək antiseptik xüsusiyyətə malikdir və ən sürətli sağalmaya imkan yaradır. Dişlərin implantasiyasında titandan istifadə edirlər Titan bioinert materialdır. Bu o deməkdir ki , immun sistem implantları “görmür” və bu üzdən titana allergik reaksiya qeyri mümkündür. Dişlərin vaxtında keyfiyyətli implantasiyası –bu tamlığın zəmanəti və dişlərin sağlamlığıdır.
İmplantasiya əsasən iki mərhələdə aparılır:
Əvvəlcə süni kök qoyulur və yalnız bir neçə aydan sonra tac hissəsi hazırlanir.
Dişlərin implantasiyası yeni metoddur və son 40 ildə həyata keçməyə başlamışdır. Dişlərin implantasiyasının dəyəri əməliyyatın əla nəticələrinə tamamilə uyğundur.

20/02/2019

Estetik stomatologiya dedikdə nə başa düşülür?
Keramik əlavələr;
Metallokeramika;
Əlvan metalların tətbiqi ilə olan keramika;
Sirkon əsaslı metalsız keramika;
CAD-CAM texnologiyası ilə hazırlanmış keramika;
Bədii bərpa;
Estetik vinirlər;
Mikroprotezləşdirmə;
Ortodontiya;
Dişlərin ağardılması.

19/02/2019

Əgər dişlərdəki ərp təmizlənməzsə...
Fırça və ya diş sapı ilə dişlərin təmizlənməsi zamanı diş ətinin qızarması, şişi, qıcıqlanması və qanaması diş əti (qinqivit) iltihabının erkən, geniş yayılmış mərhələsinin yaranmasının birinci əlamətləridir. Diş əti dişlərdə iltihaba səbəb olan bakterial ərp səbəbindən öz sağlam çəhrayı rəngini itirir, qırmızı və qıcıqlanmış olur. Əgər diş ətində iltihab və qıcıqlanma varsa, onlar diş fırçası ilə və ya sapla təmizlənmə zamanı asanlıqla qanamağa başlayırlar.
Diş ətinin iltihabının ən yayılmış səbəbi ağız boşluğunun qeyri-müntəzəm gigiyenasıdır. Bu ona gətirib çıxara bilər ki, qida qalıqları və bakteriyalar diş və diş əti arasında sahəni doldurur və diş ərpi yaradırlar. Əgər diş əti xəttində formalaşan bu ərp dişlərin müntəzəm təmizlənməsi vasitəsi ilə təmizlənməsə, o bərkiyə və diş daşına çevrilə bilər ki, bunu yalnız stomatoloji alətlərin köməyi ilə təmizləmək mümkün olacaq. Əgər periodontit kimi məşhur olan diş əti iltihabına daha gec mərhələdə məhəl qoyulmasa, xəstəlik çənə sümüyünə toxuna bilər.

18/02/2019

Yanlış vərdişlər diş itkisinə səbəb olur
Yaş artdıqca dişlərdəki problemlərin sayı daha çox olur. Belə ki, 60 və yuxarı yaşlı insanlarda çəkilmiş diş sayı 23 faizdir, 65 və yuxarı yaşlı insanlarda total dişsizlik 67 faiz təşkil edir. Ümumiyyətlə, bəzi yanlış vərdişlərimiz diş əti xəstəlikləri, diş çürükləri və diş itkisinə səbəb olur.
1. Dişlərdən alət kimi istifadə etmək
2. Dırnaq yemək, qələm dişləmək
3. Həddən artıq şəkərli və işlənmiş qidalar yemək
4. Spirtli içkilər
5. Həddən artıq çay və qəhvə içmək
6. Siqaret və tütün məhsulları
7. Diş sıxmaq və ya qıcamaq.

Send a message to learn more

17/02/2019

Dişin qorunması üçün müalicə üsulu

16/02/2019

Müntəzəm olaraq stomatoloqun qəbuluna getməyi unutmayın
Əgər sizin diş ətiniz qanayır və iltihablıdırsa, sizin sadəcə ağız boşluğunun gigiyenasına daha çox diqqət ayırmağa başlayaraq, bakterial infeksiyanın yayılmasını erkən mərhələdə dayandıra biləcəyiniz vaxt müddəti mövcuddur. Bununla əlaqədar olaraq qinqivitə ciddi yanaşmaq və onunla mübarizə aparmaq lazımdır. Əks təqdirdə o böyüklərdə dişlərin itməsinin əsas səbəbi olan diş əti iltihabının daha ağır formasına (periodontitə) keçəcək. Gündə iki dəfə ağızınızı yaxalayın, dişləri yumşaq tüklü və ya elektrik diş fırçası ilə təmizləyin və gündə bir dəfə diş sapından istifadə edin.
Həmçinin diş ərpinin və diş daşının təmizlənməsi üçün müntəzəm olaraq stomatoloqun qəbuluna getməyi unutmayın.

15/02/2019

P*s estetik görünüşə səbəb olan amillər
Yaş artdıqca dişlərdəki problemlərin sayı daha çox olur. Bəzi yanlış vərdişlərimiz diş əti xəstəlikləri, diş çürükləri və diş itkisinə səbəb olur. Diş çürükləri və diş əti xəstəlikləri soyuqdəymədən sonra ən çox rast gəlinən xəstəliklər arasında 2-ci yerdədir. Ağız gigiyenasının aşağı səviyyədə olması və sağlam olmayan dişlər p*s estetik görünüşlə yanaşı, çeynəmə çətinliyinə və həzm problemlərinə səbəb olur.
Üstəlik diabet, ürək xəstəlikləri və ağız içi xərçənglər kimi bir çox qarşısı alına biləcək xəstəliyin meydana gəlməsinə də zəmin hazırlayır. Bir çox səbəblərdən isə diş çəkdirmək halları gündən-günə artır.

14/02/2019

Hər həkim düzgün diş yona bilmir
Diş probleminin 90 faizini diş qapaqları təşkil edir. Bunun səbəbi isə həkimlərin düzgün olmayan müalicə üsullarıdır. Dişlərdə qanama, qızartı ilə həkimə müraciət edən pasientlərə müalicə kursu təyin edilir. Həkim müxtəlif diş məcunu, dərman, iynələrlə diş ətini müalicə etməyə çalışır. 6 aylıq effekt alınır, qızartı, qanama keçir. Lakin sonra yenə həmin problemlər başlayır. Bunun səbəbi qapaqlardır. Qapaqlar düzgün hazırlanmır.
Qapaqların xüsusi hazırlanma xüsusiyyəti var. Qapaq ilk növbədə diş üzərində düzgün oturmalıdır. Dişin isə qapaq üçün yonulması prosesi çox mühüm məqamdır. Diş problemləri ilə müraciət edən xəstələrin əksəriyyətində bu qaydalara riayət edilmir. Nəticədə diş əti xəstəlikləri yaranır. Hazırda 10 xəstənin 8-də bu diş əti xəstəliyi var.
Digər mühüm məqam isə dişlərin yonulmasıdır: Çox zaman prosesə diş-texniki müdaxilə edir, əlcəyi geyinmir, diş yonan aləti alır əlinə, başlayır dişləri yonmağa. Bu, icazə verilməyən haldır. Çünki texnik həkim deyil. Pasientlər də bunu normal qarşılayır. Elə bilirlər ki, belə də olmalıdır. Nəticədə isə problemlər yaranır. Bu formada qapağın hazırlanması düzgün deyil. Metal və ya digər hər hansı konstruksiya hazırlandığı zaman dişlər düzgün yonularsa, birbaşa dişin üzərinə çox rahat yerləşəcək. Sadəcə olaraq diş yonulma qaydalarını bilmək və onu həyata keçirmək lazımdır. Hər həkim düzgün diş yona bilmir.

13/02/2019

Süni diş
İmplant dişi əvəz edən titandioksid adlı materialdan hazırlanan süni dişdir. Diş çəkilməsinə göstərişi olan hər bir adam implant qoydura bilər. Diş çəkilən kimi dərhal implant edilir. Bu 4-5 dəqiqə ərzində olan bir prosesdir.

12/02/2019

Ağız boşluğundakı infeksiyalar
Ağız boşluğunda 500 növdə bakteriya var və ən təmiz halda bu bakteriyalar 100 milyon olur. Bu bizim ağzımızın mikroflorasıdır. Bunu tənzimləmək üçün ağızda xüsusi fermentlər olur. Hər hansı zədələnmə, xəstəlik və bu kimi hallarda, o fermentlər aktiv hala gəlir və imkan yaratmır ki, bakteriyalar ağız boşluğuna ziyan vursun. Ümumiyyətlə, ağızda olan bu bakteriayaların çoxluğunu belə izah etmək olar ki, bədənimizin hər hansı bir yerini çərtib ora ağzımızda olan tüpürcəkdən bir damcı vursaq, həmin yerdə çox ciddi iltihablaşma olacaq. Çünki ora çoxlu miqdarda bakteriya ötürmüş olacağıq. Bu səbəbdən ağızda infeksiyalaşma riski çox olmur. Bəzən deyirlər ki, dişi müalicə edəndə, kiminsə ağız boşluğuna infeksiya yoluxub. Onsuz da ağız boşluğunda kifayət qədər infeksiya var. Kənardan hər hansı müdaxiləylə yoluxma riski çox aşağıdır.