Ginekoloq Dr. Gunay Ahmadova

11/07/2019

Hamiləlikdə miqren. Ağrılar nə vaxt artır? Miqren hamiləlik vaxtı ortaya çıxan başağrılarının ən çox rast gəlinən səbəblərindən biridir. Miqrenin tip*k əlamətləri zonquldama şeklinde birtərəfli başağrısı, bulantı, qusma, işığa ve səslərə həssaslıqdır. Bəzi xəstələrdə tutma öncəsində görmədə dəyişikliklər, gücsüzlük kimi aura adlanan əlamətlər ola bilər. Migreni şiddətləndirən faktorlar:
Üzüntü, depressiya, stress, yorğunluq, həddən artıq qəhvə ve şokalad, çox işıqlı ve səsli yerlər, yuxusuzluq olaraq sayılabilər. Miqrendən əziyyət çəkirsinizsə mütləq istifadə etdiyiniz dərmanları hamiləlik zamanı ginekoloqunuza da göstərəsiniz. Miqren zamanı istifadə etdiyiniz dərmanlar hamiləlik vaxtı dəyişdirilə bilər.

04/07/2019

03/07/2019

Vaxtından əvvəl doğuş təhlükəsi. Kimlər risk altındadır?

Vaxtından əvvəl doğuş təhlükəsi hamiləliyin 37 həftəsindən önce servikal deyişiklik, requlyar uşaqlıq yığılmaları ile xarakterizə olunur.
Risk faktorları:
⭕️Əsas yeri əvvəlki hamiləliyin də vaxtından əvvəl doğuşla bitməsi tutur.
⭕️İnfeksiyalar: sidik çıxarıcı yolların infeksiyaları, pielonefrit, bakterial vaginoz, cinsi yolla yoluxan xəstəliklər, pnevmoniya, periodontal xəstəliklər, xorioamnionit.
⭕️Çoxdöllü hamiləliklər, polihidroamnion.
⭕️Qısa serviks( vaginal USM-le müəyyən olunur.
⭕️İkibuynuzlu uşaqlıq, uşaqlıq miomaları.
⭕️İkinci üçüncü trimestrdə vaginal qanamalar: cift gəlişləri, ciftin vaxtından əvvəl ayrılması
⭕️Digər: depressiya, stress.

30/05/2019

Qədəmlərin uğurlu olsun balaca☺️🙏🙏👶🏻

30/05/2019

UŞAQLIQ MİOMASI. MİOMA SONSUZLUQ YARADA BİLƏRMİ?
Uşaqlıq miomaları. Uşaqlığın çox rast gəlinən xoşxassəli şişlərindəndir. Maliqnizasiya (bəd xassəliyə çevrilmə) ehtimalı çox aşağı sayılır. Yerləşmələrinə görə submukoz( 50 % endometrial boşluğa doğru), intramural(miometrium daxilində), subseroz( 50 % uşaqlıq konturlarından kənara çıxır), servikal ola bilər. Endometrial boşluğun quruluşunu pozan submukoz düyünlər sonsuzluq yarada bilər. Miomanın çıxarılması hamilə qalma ehtimalını artırır. İntramural düyünlərin sonsuzluq yaratması təsdiq olunmayıb. Bele ki onların çıxarılması nəticəni dəyişmir. Subseroz düyünlər sonsuzluq yaratmır!

15/04/2019

GÖBƏK CİYƏSİNİN HƏQİQİ DÜYÜNLƏRİ
Dölün aktiv hərəkətləri səbəbindən əmələ gəlir. 1% hallarda rast gəlinir. Monoamniotik əkizlərdə daha çox görünür. Təəssüf ki ölü doğulma riskini artırır. Doğum zamanı bu ağırlaşma səbəbi ilə dölün ürək döyüntülərində anormallıq görülə bilər.

24/01/2019

🤱🏻Postpartum(dogumsonrası) birinci həftənin sonunda ifraz olunan südün normal həcmi 550 ml/gündür. 2-3 həftəyə qədər süd ifrazı 800ml/günə qədər artır. Süd ifrazının ən p*k həcmi 1,5-2,0 l/gündür. Əsasən, ana südü ilə qidalanan yenidoğulmuşlarda həyatın ilk həftəsində dogum çəkisinin 5-7% nin itirilməsi gözlənilir. Çəkinin itirilməsi 7% dən çox olduğu hallarda adekvat qidalanma təmin edilməlidir. Vaxtında doğulan körpələrin qlikogen depoları çox zaman başlanğıc təlabat üçün yetərli sayılır. Buna görə tibbi göstəriş olmadıqca əlavə qidalanmadan qaçmaq lazımdır. Sıx əmizdirmə və ananın yaxşı qidalanması süd deposunun da yaxşı olmasına kömək edir. Bundan əlavə bol maye qəbulu, stressdən uzaqlaşmaq, mümkün qədər yuxu rejiminə riayət də süd artımına müsbət təsir göstərəcək.🌹🌺

16/11/2018

Hamiləlikdə rutin qəbul olunan dərmanlar.
İlk 3 aylıqda rutin fol turşusunun qəbulu döldə inkişaf qüsurlarını əmələ gəlməsini azaldır, düzgün formalaşmasına yardımçı olur.
20ci həftədən sonra dəmir preparatlarının rutin qəbulu anada anemiyanın əmələ gəlmə riskini azaldır. Bu da hamiləliyin son dövründə, doğum zamanı yarana biləcək ağırlaşmaların qarşısını alır.

14/11/2018

HAMİLƏLİKDƏ QRİP. MÜALİCƏSİ, QORUNMA YOLLARI.
Payız qış aylarında artan yuxarı tənəffüs yolu infeksiyalarına yoluxmamaq üçün qapalı, cox insan toplandığı yerlerdə çox qalmayın. Avtobuslarda, metrolarda maskalardan istifadə edin. Açıq havada isti geyinərək çox qalın. Otağınızın havasını tez tez dəyişin. Əllərinizi tez tez sabunla yuyun. Qrip infeksiyası özünü yüksək temperatur, halsızlıq, baş ağrısı, əzələ ağrısı, burun tutulması, boğaz ağrısı, öskürək simptomları ilə göstərir. Bu zaman müalicə yataq istirahəti, bol maye qəbul etmək, otağın havasını tez tez dəyişmək, immuniteti yüksəltmək üçün C vitamini ilə zəngin qidalardan istifadə etmək lazımdır. Temperatur 38 dərəcədən çox olarsa həkiminizlə məsləhətləşərək paracetamol tərkibli dərmanlardan istifadə edə bilərsiz. ANTİBİOTİK QRİP İNFEKSİYASI VƏ DİGƏR VİRUS İNFEKSİYALARINDA İSTİFADƏ EDİLMİR. Təngnəfəslik simptomlara qoşularsa vaxt itirmədən həkimə müraciət edin!!!

05/10/2018

🤱🏻ANA SÜDÜ. ANA ÜÇÜN SÜDVERMƏNİN FAYDALARI. KÖRPƏNİZİN ƏVƏZEDİLMƏZ QİDASI.🤱🏼
👩🏻 ANALAR ÜÇÜN:
❗️Ana və körpə arasında qısa zamanda bağlılıq yaratması.
❗️Südvermə zamanı ifraz olunan oksitosinin uşaqlığın yığılmasını artıraraq doğumsonrası qanama ehtimalını azaldır, uşaqlığın involusiyasını artırır.
❗️Əmizdirmənin müddətindən asılı olaraq yumurtalıq və süd vəzi xərçəngi riskini azaldır.
❗️Osteoporozun əmələ gəlmə ehtimalını azaldır.
❗️Əlavə qida ilə qidalanmaqdan daha ucuz başa gəlir.
❗️Laktasiyaya bağlı amenoreya səbəbilə hamiləlikdən qoruyur.
👼🏻 KÖRPƏLƏR ÜÇÜN:
‼️ Bütün ehtiyacları qarşılayan mükəmməl qida olması.
‼️ Südün tərkibinin ehtiyaca görə dəyişməsi( məsələn, doğumdan sonra protein/minerallar, sonrakı zamanlarda isə su, yağ, laktozanın çox olması).
‼️ Moloziva adlanan ilk süddə yüksək miqdarda olan sekretor İgA'nın körpəyə passiv imuniteti keçirməyi.
‼️ Makrofaq və leykositlərin faqositozunu stimulə edərək hüceyrə imunitetini artırması.
‼️ Süddəki Bifidus faktorunun Laktobacillus bifidus'un proliferasiyasına səbəb olub, diareya yaradan patogen bakteriyaların proliferasiyasını önləməsi.
‼️ Bakterial meningit, bakteremiya, diareya, tənəffüs yolu infeksiyası, nekrotik enterokolit, otitis media, sidik yolu infeksiyaları, yarımçıq doğulmuşlarda sepsis ehtimalını azaldır.
‼️ ABŞ-da ana südü alan körpələrdə ölüm 21% azalmışdır.
‼️ Ekzemanın rastgəlmə tezliyini, şiddətini azaldır.