What are the opening hours?

Wednesday 10:00 - 17:00 Thursday 10:00 - 17:00 Friday 10:00 - 17:00 Saturday 10:00 - 17:00 Sunday 10:00 - 17:00

Cemile Rahimli, Caspian Business Center, Cəfər Cabbarlı 40, Baku (2026)

26/03/2026

Bəzi şeylərin kədərli olmaması kədərli olardı… 💭

Çünki müəyyən yaşantılar qarşısında kədərlənmək insanın öz emosional reallığı ilə təmasda olduğunu göstərir 🧠💙

Sevdiyindən ayrıldıqda 💔, dəyər verdiyin bir şeyi itirdikdə 🕊 və ya mənəvi cəhətdən sarsıdıcı bir hadisə ilə üzləşdikdə kədərin yaranması tamamilə təbiidir 🌧

Bu hisslər insanın bağ qurmaq 🤝, yaşantılarını mənalandırmaq 🔍 və dəyər vermək qabiliyyətinin təzahürüdür ✨

Belə anlarda heç bir emosional reaksiya olmaması isə bəzən daxili uzaqlaşmanın və ya emosional bloklanmanın əlaməti ola bilər ⚠️

Çünki emosiyalar yaşantının psixoloji emalında əsas rol oynayır 🧩

Kədər də bu prosesdə itki və ya dəyişimin fərqinə varmağa imkan yaradır 🌿

Bu səbəbdən məsələ kədərin özündən çox, onun hansı kontekstdə yaranıb-yaranmamasıdır 🧭

Bəzi hallarda kədərlənmək psixoloji sağlamlığın göstəricisidir 💡, kədərin ümumiyyətlə hiss olunmaması isə diqqət yetirilməli bir vəziyyətə işarə edə bilər 🚨

12/03/2026

Müharibə xəbərləri içində mental sağlamlığı qorumaq eqoistlik deyil. 🕊

Müharibə xəbərləri ilə dolu bir dövrdə insanın öz mental sağlamlığını qorumağa çalışması bəzən yanlış başa düşülür.

Bəzi insanlar bunu laqeydlik və ya baş verənlərə biganə qalmaq kimi yozurlar.

Halbuki insan psixikasının davamlı olaraq travmatik xəbərlərə məruz qalmasının bir həddi var. 🧠

Beyin təhlükə məlumatlarını uzun müddət emal etdikdə, stress sistemi fasiləsiz aktiv qalır. ⚠️

Bu isə təşviş, emosional yorğunluq və psixoloji tükənmə yarada bilər. 😔

Belə vəziyyətdə xəbərlərlə məsafə qoymaq reallıqdan qaçmaq deyil, psixoloji özünümühafizədir. 🛡

İnsan öz daxili sabitliyini qoruduqda, hadisələri daha sağlam və ayıq şəkildə qiymətləndirə bilir. 🌿

Psixoloji olaraq dağılmış insan nə empatiyanı davam etdirə bilir, nə də başqalarına dəstək ola bilir.

Bu səbəbdən müharibə xəbərləri içində mental sağlamlığı qorumaq eqoistlik deyil, məsuliyyətli bir özünümühafizə davranışıdır. 🤍

10/03/2026

“Doğru insan” münasibətin başında yox, içində formalaşır 🤍

Münasibətlərdə “doğru insan” ideyası çox vaxt romantik bir təsəvvür kimi təqdim olunur. ✨

Halbuki real münasibətlərdə insanlar bir-biri üçün əvvəlcədən hazır şəkildə mövcud olmur.

İnsanlar münasibətin içində qarşılıqlı ünsiyyət vasitəsilə bir-birinə uyğunlaşmağa başlayırlar. 🤝

Zaman keçdikcə tərəflər bir-birinin emosional reallığını və həssas nöqtələrini daha yaxşı anlayır. 💬

Bu anlayış münasibətin daha sabit və təhlükəsiz olmasına zəmin yaradır. 🧩

Belə bir proses isə uyğunlaşma, öyrənmə və bəzən də fərdi dəyişiklik tələb edir. 🌱

Bu səbəbdən münasibətlərdə “doğru insan” sabit və dəyişməz xüsusiyyət kimi mövcud olmur.

Daha çox iki insanın münasibət içində bir-biri üçün necə formalaşdığı ilə bağlı olur.

Nəticədə insanlar münasibətin gedişində bir-biri üçün daha uyğun və daha təhlükəsiz tərəfə çevrilə bilirlər. 💞

07/03/2026

DƏHP-li insanlar niyə stresssiz işi bitirməkdə çətinlik çəkir? 🧠

Diqqət Əksikliyi və Hiperaktivlik Pozuntusu (DƏHP) olan insanlar çox vaxt stress və ya təzyiq olmadan işi tamamlamaqda çətinlik yaşayırlar.

Bu vəziyyət motivasiya çatışmazlığından deyil, beynin icraedici funksiyalarının işləmə xüsusiyyətlərindən qaynaqlanır. 🧩

DƏHP zamanı dopamin sistemi fərqli işlədiyi üçün diqqət və motivasiya daha çox güclü stimul olduqda aktivləşir. ⚡️

Son tarix yaxınlaşdıqda və ya təzyiq artdıqda dopamin səviyyəsi müvəqqəti olaraq yüksəlir və beyin fəaliyyətə daha asan fokuslana bilir. ⏳

Bu səbəbdən bir çox DƏHP-li insan deadline yaxınlaşanda birdən-birə yüksək məhsuldarlıq göstərə bilir. 🚀

Digər tərəfdən, DƏHP-li beyin “vacibdir” ilə “təcildir” anlayışlarını ayırmaqda çətinlik çəkə bilər.

Bir iş vacib olsa belə, əgər təcili görünmürsə, beyin onu aktivləşdirməkdə gecikir.

Planlama, işə başlama və diqqəti davam etdirmə kimi icraedici funksiyalar zəif işlədikdə, təzyiq müvəqqəti olaraq bu sistemi hərəkətə gətirir.

Bu səbəbdən stress altında işləmək seçim deyil, beynin motivasiya və diqqət sisteminin necə aktivləşdiyi ilə bağlı bir xüsusiyyətdir.

05/03/2026

EDA Terapiya sizi “Psixoterapiya və Elm” mövzusunda keçiriləcək canlı vebinara dəvət edir!

Bu vebinar, psixoterapiyanın elmi əsaslarını, sübut əsaslı yanaşmaların əhəmiyyətini və klinik praktikada elmi düşüncə modelinin rolunu anlamaq üçün sizə dəyərli biliklər qazandıracaq.

📌 Təlimçi: Prof. Dr. Hakan Türkçapar – Ankara Sosial Elmlər Universitetinin Psixologiya bölməsinin müdiri, Koqnitiv Davranışçı Psixoterapiyalar Dərnəyinin sədriturkcapar

🧠 Psixoterapiya və elm arasındakı əlaqə nədir?

Müasir psixoterapiya yalnız nəzəriyyəyə deyil, empirik tədqiqatlara və sübut əsaslı metodologiyaya dayanır. Elmi əsaslı yanaşma terapevtik müdaxilələrin effektivliyini artırır, klinik qərarverməni sistemləşdirir və pasiyent üçün daha etibarlı nəticələr yaradır. Bu vebinarda psixoterapiyada elmi düşüncənin rolu və praktik tətbiq imkanları müzakirə olunacaq.

📅 Təlim Tarixi: 16 Mart 2026 (Bazar ertəsi)
⏰ Saat: 16:45–17:30
💻 Platforma: Zoom

👥 Kimlər iştirak edə bilər?

✅ Psixologiya, Psixiatriya və Təhsildə Psixoloji Xidmət ixtisasları üzrə məzunlar
✅ Bu ixtisaslar üzrə bütün kurs tələbələri

📜 Təlimin sonunda:

📌 Təlimi uğurla tamamlayan iştirakçılara, təlimçi tərəfindən imzalanmış və QR kod ilə onlayn təsdiqlənən elektron sertifikat təqdim ediləcək.

💰 Ödəniş:

💵 Psixoloqlar üçün: 20 AZN
💵 Psixologiya ixtisası üzrə tələbələr üçün: 5 AZN

📩 Qeydiyyat və ətraflı məlumat üçün bizimlə əlaqə saxlaya bilər və ya edaterapiya.com/telim-qeydiyyat ünvanından qeydiyyatdan keçə bilərsiniz.

Əlaqə: 050 748 05 50

⚠ Xahiş edirik, məlumat almaq üçün rəyə “+” qoymayın – bu formada biz sizə heç bir məlumat göndərə bilməyəcəyik. Daha ətraflı məlumat üçün birbaşa bizimlə əlaqə saxlayın.

03/03/2026

Valideynlərdən biri istismarçı, digəri “normal” ola bilməz ⚖️

Bir ailədə valideynlərdən biri istismarçı davranırsa, digərinin sadəcə “normal” qalması mümkün deyil.

Çünki uşaq üçün təhlükə yalnız istismar edən şəxsdən deyil, onu dayandırmayan sistemdən yaranır. 🚫

Belə vəziyyətdə passiv qalan valideyn faktiki olaraq qoruyucu rolunu yerinə yetirməmiş olur.

Uşaq isə bunu çox vaxt belə oxuyur: mənim təhlükəsizliyim üçün heç kim məsuliyyət daşımır. 💔

Bu təcrübə uşağın dünyanı və münasibətləri necə anladığını dərindən formalaşdırır.

İstismar bir tərəfdən gələndə, digər tərəfin susması uşağın psixoloji məkanını daha da tənha edir. 🕳

O zaman problem təkcə istismarçı davranış deyil, qoruyucu reaksiyanın olmamasıdır.

Sağlam valideyn mövqeyi yalnız “p*s olmamaq” deyil, uşağı aktiv şəkildə qorumaqdır. 🛡

Əgər biri istismarçıdırsa və digəri müdaxilə etmirsə, uşaq üçün sistem bütövlükdə təhlükəsiz olmur.

26/02/2026

Psixoloqum dedi ki: 🧠✨

Psixoterapiya ala bilməyənlər üçün izləyicilərimiz 🗣📲 öz psixoterapiya təcrübələrində onlarda fərqindəlik yaratmış cümlələri bölüşüb.

İnsanlara qarşı öz sərhədlərinizi qorumağa başladığınızda sözsüz ki, bir çoxu sizi 🚪❗️ həyatlarından çıxardacaq.

Valideynlərinizin p*s insan olmaması, onları yaxşı valideyn etmir. 👨‍👩‍👧‍👦⚖️

Sevilmək üçün "necəsə" olmalı deyilik. ❤️🚫🌱

Fikirlərinizin anlaşılması sadəcə sizin ifadə etmə şəklinizdən yox, qarşı tərəfin başa düşmə qabiliyyəti və istəyindən də asılıdır. 💬👂🧩

Duyğularımızın və ya düşüncələrimizin dəyişməsi bizi riyakar biri etmir. 💭🔄🫀

Yaşadığımız neqativ hadisələr qədər, yaşaya bilmədiyimiz gözəl şeylər də mental sağlamlığımıza təsir edir. 🌧🌈🧠

Hər şeyi idarə edə biləcək gücümüz yoxdur. 🚫💪⚖️

Bir insanın yaxşı bir insan olması onu həyatımızda saxlamaq üçün yetərli səbəb deyil. 🧑‍🤝‍🧑🚫🛑

24/02/2026

🧠 Özünüzü təcrid etmək sağalmaq demək deyil.

İnsanlar emosional zədələnmə yaşadıqları zaman sosial mühitlərdən uzaqlaşmanı çox vaxt sağalma kimi qəbul edirlər.

Sosial əlaqələrdən uzaq durmaq qısa müddətdə stimulların azalmasına, daxili gərginliyin isə müvəqqəti səngiməsinə gətirib çıxarır.

Bu keçici rahatlıq beyin tərəfindən təhlükənin azalması kimi qəbul edilir.

Beləliklə, insan özünü qoruduğunu düşünərək əlaqələri məhdudlaşdırır və bunu işlək bir strategiya kimi görür. 🛡

Amma sosial geri çəkilmə emosional emal prosesini dayandırdığı üçün yaşantının bütövləşməsi baş vermir.

Bu baş vermədikdə təcrübə öyrənilmiş qaçınma davranışına çevrilir və daxili sabitlik deyil, izolyasiya güclənir.

Proses davam etdikcə insan təkliyin sakitlik yaratdığını deyil, sadəcə stimulların azalması ilə yaranan yüngüllüyü sağalma kimi dəyərləndirir.

Əslində mental cəhətdən sağalmaq mənalandırma və uyğunlaşma üzərində qurulan dinamik bir prosesdir. 🌱

Bu səbəbdən izolyasiya qısa müddətdə qoruyucu rol oynasa da, uzunmüddətli baxışda sağalmanın yerini tutmur və onu gecikdirir.

22/02/2026

‼️ Bir çoxumuzun yetkinlik illərimizdə iz qoyan travmalarla dolu bir keçmişi var. 2017-ci ildə dünya miqyasında aparılan bir araşdırma hər 8 böyükdən birinin uşaqlıqda cinsi istismara məruz qaldığını və hər 4 nəfərdən birinin fiziki zorakılığa məruz qaldığını göstərdi. Başqa sözlə, uşaqlıq travmaları düşündüyümüz qədər nadir deyil və bu travmalar yetkin həyatımıza bir çox fərqli şəkildə təsir edə bilər.

Ancaq bu travmaların izlərinin qalıcı olması zəruri deyil.

Doğru insanların düzgün dəstəyi ilə sağalmaq mümkündür.

⬇️

Travmatik bir uşaqlıq dövrü keçirmiş insanlara çətin gələn və əslində kiçik olmayan “kiçik şeylər”

🟣 Öz ehtiyaclarını ifadə etmək

Çünki başqaları tərəfindən görülüb-eşidilməyə alışmayıblar.

🔵 "Səni sevirəm" demək

Qarşı tərəfə duyulan güvən və ümid ehtiva edən sözlər olduğu üçün bu sözləri demək onlara çətin ola bilir.

🟢 Heç kəs tərəfindən sözü kəsilmədən özlərini ifadə etməyə icazə verilməsi

Uzun müddətdir bu şəkildə dinlənilmədikləri üçün bu, onlara çox əhəmiyyətli gəlir və üzərlərindəki təsiri hələ də davam edir.

🟡 "Yox" demək

Manipulativ bir ailədə böyüdüyünüz zaman öz ehtiyaclarınızı ön plana qoymaq sizdə günahkarlıq duyğusu yaratdığı üçün.

🟠 Qucaqlamaq və ya hətta əl-ələ tutmaq kimi hər hansı fiziki şəfqət...

Toxunulmamış bir uşaq olduqları (və ya sadəcə cəzalandırılacaqları zaman toxunulduqları) üçün bu onları narahat edir.

🔴 Başqalarının onlara "Səninlə fəxr edirəm" deməsi

Uşaq vaxtı bu təqdiri və ya təsdiqlənməni ala bilmədikləri üçün hələ də əməklərinin görülməsini çox istəyən bir yanları var.

19/02/2026

Pedofiliya nə dünya, nə də cəmiyyətimiz üçün yeni bir problemdir. ⚠️

Çünki uzun müddət bu mövzu açıq müzakirə olunmadığı üçün görünən səviyyəyə çıxmayıb.

Bu barədə danışılmadıqca hadisələr ayrı-ayrı faktlar kimi qəbul edilib, problemin ümumi miqyası isə diqqətdən kənarda qalıb. 🧩

Epstein mövzusu da çox vaxt bir neçə şəxsin vəhşiliyi kimi şərh olunur.

Belə yanaşma isə problemin cəmiyyət daxilində daha geniş yayılan tərəfini kölgədə saxlayır. 🌫

Çünki cəmiyyətdə pedofiliya meyli olan şəxslərin sayı təxmin ediləndən daha çoxdur.

Mövzu gizli qaldıqca və nadir hadisə kimi təqdim edildikcə, bu reallıq dərk olunmur. ❗️

Bu dərk formalaşmadıqca isə uşaqların qorunması istiqamətində davamlı sosial həssaslıq yaranmır. 🛡

Uşaqların cinsi istismarı Azərbaycanda da ciddi bir problemdir. 🚸

13/02/2026

Cinsi İstismar Yaşamış Şəxslərdə Rast Gəlinən Zehni Xətalar 🧠

Cinsi istismar təcrübəsindən sonra düşüncə sistemində yaranan dəyişikliklər çox vaxt hadisənin özündən deyil, onun zehində necə izah edilməsindən qaynaqlanır. 🔍

İnsan yaşananları anlamağa çalışarkən bu izah forması psixoloji reallığın əsasını təşkil etməyə başlayır. 🧩

Bu mənalandırma prosesi travma zamanı yaranan qorxu, gücsüzlük və nəzarət itkisi hissləri üzərində qurulduğu üçün zehni xətalar tədricən qoruyucu mexanizmə çevrilir. 🛡

Beyin təhlükəni idarə etmək məqsədilə daha sərt və mütləq nəticələr çıxarmağa meyllənir. ⚠️

Özünü günahlandırma
Ən çox rast gəlinən zehni xətalardan biri özünü günahlandırmadır. Bu halda şəxs baş verənləri təsadüfi bir hadisə kimi deyil, öz davranışlarının qaçılmaz nəticəsi kimi dəyərləndirir. ⚖️

Təhlükənin ümumiləşdirilməsi
Bəzi hallarda tək bir travmatik təcrübə bütün insanlara və münasibətlərə şamil edilir. Dünya daha təhlükəli, münasibətlər isə potensial risk mənbəyi kimi qavranılmağa başlayır. 🌍

Nəzarət illüziyası
Travmadan sonra nəzarət illüziyası formalaşa bilər. Şəxs gələcəkdə oxşar hadisələrin yalnız daimi ayıqlıq və həddindən artıq ehtiyatla qarşısının alına biləcəyinə inanır. 👁

Qütbləşmiş düşüncə tərzi
Düşüncədə “ya hamısı, ya heç nə” formasında qütbləşmə yarana bilər. İnsan özünü ya tam gücsüz, ya da baş verənlərə görə həddindən artıq məsuliyyət daşıyan biri kimi görür. ⚫️⚪️

Bu zehni xətalar ilkin mərhələdə psixoloji ağrını azaltdığı təəssüratını yaratsa da, zamanla emosional tənzimləməni və təhlükəsizlik hissini zəiflədir. 💭

11/02/2026

Ümumdünya Səhiyyə Təşkilatı piylənmənin müalicəsində birinci davranış terapiyalarını tövsiyə edir. 🌍

Piylənmə təkcə bədən çəkisi ilə bağlı məsələ deyil, uzun zaman ərzində formalaşan davranış sistemlərinin nəticəsidir. 🧠

Bu səbəbdən Ümumdünya Səhiyyə Təşkilatı müdaxiləyə nəticədən yox, onu yaradan gündəlik seçimlərdən başlamağı daha məqsədəuyğun hesab edir. 🔄

Davranış terapiyaları insana nə yeməli olduğunu deməkdən çox, müəyyən seçimlərin niyə təkrarlandığını anlamağa yönəlir. 🔍

Bu yanaşma qısa müddətli nəzarət üsullarından fərqli olaraq, davamlı dəyişiklik üçün daxili ardıcıllıq yaradır. ⚖️

Çünki qida ilə bağlı davranışlar çox vaxt emosional tənzimləmə, vərdişlər və mühit amilləri ilə sıx əlaqəlidir. 🧩

Davranış terapiyaları bu əlaqələri görünən hala gətirir və avtomatik reaksiyaların tədricən dəyişməsinə imkan yaradır. 🌱

Beləliklə dəyişiklik iradə gücünə deyil, daha işlək davranış sistemlərinin qurulmasına söykənir. 🛠

Bu sistemlər formalaşdıqca, çəkidə baş verən dəyişiklik əlavə nəticə kimi üzə çıxır. 📉

Elə buna görə də davranışa yönəlmiş müdaxilə piylənmənin uzunmüddətli idarəsində əsas başlanğıc nöqtəsi kimi qəbul edilir. 🎯

Cemile Rahimli

26/03/2026

12/03/2026

10/03/2026

07/03/2026

05/03/2026

03/03/2026

26/02/2026

24/02/2026

22/02/2026

19/02/2026

13/02/2026

11/02/2026

Address

Opening Hours

Telephone

Website

Alerts

Contact The Practice

Shortcuts

Share

Category

Wednesday	10:00 - 17:00
Thursday	10:00 - 17:00
Friday	10:00 - 17:00
Saturday	10:00 - 17:00
Sunday	10:00 - 17:00