06/12/2025
❗ İmmuniteti artıran 5 qızıl qayda
Qış aylarında temperaturun dəyişməsi, qapalı məkanlarda uzun müddət qalmaq və günəş şüalarının azalması immunitet sisteminin zəifləməsinə səbəb ola bilər. Bu isə qrip, soyuqdəymə və digər respirator infeksiyalara daha həssas olmağa gətirib çıxarır. Sağlamlığı qorumağın ən effektiv yolu isə immuniteti gücləndirən düzgün vərdişlərə diqqət etməkdir.
1️⃣ D vitaminini unutmayın
Qışda günəş şüaları azalır və orqanizmdə D vitamini səviyyəsi aşağı düşə bilər. Bu vitamin həm immunitet, həm də sümük sağlamlığı üçün vacibdir. Günəşli havalarda ən azı 15–20 dəqiqə açıq havada gəzinti lazımdır. Zəruri hallarda həkim məsləhəti ilə D vitamini əlavələri qəbul etmək olar.
2️⃣ C vitamini ilə zəngin qidalar qəbul edin
C vitamini antioksidant təsirə malikdir və orqanizmin müdafiə mexanizmini gücləndirir. Sitrus meyvələri (limon, portağal, naringi), kivi, brokoli, kərəviz və təzə tərəvəz və meyvələr qəbul edilməsi vacibdir.
3️⃣ Düzgün və balanslı qidalanma
İmmunitetin 70%-i bağırsaqlardan keçir. Buna görə düzgün qidalanma qışda daha vacibdir.
Qida rasionunda zülal mənbələri (balıq, yumurta, toyuq, paxlalılar), omeqa-3 yağ turşuları və mütləq şəkildə maye qəbulu (gündə minimum 1.5–2 litr su) olmalıdır.
4️⃣ Geyim
Soyuq hava bədən müqavimətini zəiflədə və xəstəlik riskini artıra bilər. Buna görə hava şəraitinə uyğun, üst üstə2-3 geyim seçmək, ayaqların, baş və boyun nahiyəsini isti saxlamaq və nəmlənmiş havalarda quru və rahat geyimlər geyinmək vacibdir.
5️⃣ Təmiz hava və hərəkət
Qapalı məkanlarda viruslar daha sürətlə yayılır. Buna görə gündəlik 30 dəqiqə gəzinti etmək, otaqları tez-tez havalandırmaq və yüngül fiziki aktivliklə məşğul olmaq immun sisteminə ən böyük dəstəyi verir.
❗ Nəzərinizdə olsun ki, güclü immunitet qış xəstəliklərinə qarşı ən təsirli müdafiədir. Sağlam qalmaq üçün kiçik vərdişlərə yiyələnin.
