What are the opening hours?

Monday 09:00 - 18:00 Tuesday 09:00 - 18:00 Wednesday 09:00 - 18:00 Thursday 09:00 - 18:00 Friday 09:00 - 18:00

World Health Organization Azerbaijan, 3, UN 50th Anniversary Street, Baku (2025)

28/11/2025

Azərbaycan Uşaqlıq Boynu Xərçəngindən Azad Gələcəyə Bir Addım Daha Yaxın!
“Uşaqlıq Boynu Xərçəngindən Azad Gələcəyə Doğru: Tədqiqatdan Tətbiqə” adlı milli seminarda səhiyyə mütəxəssisləri, dövlət rəsmiləri və təhsil işçiləri bir araya gələrək uşaqlıq boynu xərçənginin qarşısını almaqda təsdiqlənmiş vasitə olan HPV peyvəndini müzakirə etdi.
Səhiyyə Nazirliyinin İctimai Səhiyyə və İslahatlar Mərkəzi və Ümumdünya Səhiyyə Təşkilatı (ÜST) tərəfindən təşkil edilən seminarda Azərbaycanda uşaqlıq boynu xərçəngi üzrə cari vəziyyət və HPV peyvəndi ilə bağlı ÜST-nin son tövsiyələri təqdim edildi.
Tədbirin əsas məqamlarından biri kimi, HPV peyvəndi barədə tibb işçiləri, valideynlər və icma liderlərinin bilik və təsəvvürlərini öyrənmək məqsədilə keçirilmiş formativ tədqiqatın nəticələrinin təqdimatı oldu. Nəticələr göstərdi ki, tədqiqat iştirakçıları HPV peyvəndinə qarşı yüksək maraq və müsbət münasibət nümayiş etdirirlər, eyni zamanda peyvəndin təhlükəsizliyi və effektivliyi barədə bütün qruplarda məlumat və maarifləndirmənin artırılmasının vacibliyi vurğulandı.
Seminar iştirakçıları HPV peyvəndinin ölkə üzrə tətbiqi üçün hərtərəfli planın hazırlanması üzrə müzakirələrdə fəal iştirak etdilər.
Bu tədbir Azərbaycan Respublikasının uşaqlıq boynu xərçəngini aradan qaldırmaq və ÜST-nin Uşaqlıq Boynu Xərçənginin Eliminasiyası üzrə Qlobal Strategiyası və Avropa İmmunizasiya Gündəliyi 2030 ilə uyğunlaşmaq öhdəliyini əks etdirir.
Gəlin birlikdə qadınlar və cəmiyyət üçün daha sağlam bir gələcək quraq!

27/11/2025

🎉 Azərbaycanda Köməkçi Məhsullara Əlçatanlığın Gücləndirilməsi

ÜST Azərbaycan, Səhiyyə Nazirliyi, TƏBİB və Azərbaycan Respublikasının Əmək və Əhalinin Sosial Müdafiəsi Nazirliyi ilə birgə, ATscale – Qlobal Köməkçi Texnologiyalar Tərəfdaşlığının dəstəyi ilə Şamaxıda köməkçi texnologiyalar üzrə ilkin səhiyyə xidmətində çalışan həkim və tibb bacıları üçün təlimlərin üçüncü mərhələsini uğurla tamamlayıb.

Dörd gün davam edən təlimlərdə, 157,000 nəfərə xidmət göstərən rayon və ətrafdakı 11 kənddən 18 ilkin səhiyyə müəssisəsini təmsil edən 20 həkim və tibb bacısı iştirak edib. Bu müəssisələrə ailə sağlamlığı mərkəzləri, kənd həkim məntəqələri və kənd tibb məntəqələri daxildir.

Təlimlər ÜST-nin Learning on TAP rəqəmsal öyrənmə platforması vasitəsilə həyata keçirilən Köməkçi Texnologiyalar üzrə kurs (artıq tam şəkildə Azərbaycan dilində mövcuddur 👉 https://www.gate-tap.org/course-list/assistive-technology/) və sadə köməkçi məhsullarla praktiki məşğələlərdən ibarət olub.

İştirakçılar köməkçi texnologiyalara ehtiyacın müəyyənləşdirilməsi, ilkin dəstəyin göstərilməsi və uyğun məhsul və xidmətlərə yönləndirilmə sahəsində bilik və bacarıqlarını gücləndiriblər. Bu təşəbbüs, köməkçi texnologiyalara çıxışın hər kəs üçün təmin edilməsində ilkin səhiyyə səviyyəsində atılmış mühüm addımdır.

26/11/2025

ÜST, Səhiyyə Nazirliyi, TƏBİB, Əmək və Əhalinin Sosial Müdafiəsi Nazirliyi və ATscale-ın dəstəyi ilə Learning on TAP rəqəmsal platformasından istifadə edərək rayonlar və ətraf kəndlərdə ilkin səhiyyə xidmətlərində həkim və tibb bacılarının bacarıqlarını praktiki təlimlərlə gücləndirməyə davam edir. Nəzəri bilikləri iştirakçılar real situasiyalarda, nümayişlərdə və bacarıq yönümlü məşqlərdə tətbiq edirlər. Qrup işi zamanı iştirakçılar aşağıdakı bacarıqları təcrübədən keçirirlər:

✔️ İstifadəçilərin funksional ehtiyaclarının qiymətləndirilməsi
✔️ Müvafiq köməkçi məhsulların seçilməsi
✔️ Köməkçi məhsulların təhlükəsiz şəkildə tənzimlənməsi və uyğunlaşdırılması
✔️ İstifadəçilər və baxıcıları ilə effektiv ünsiyyət
✔️ İzləmə və texniki xidmət planlaması

Bu təlimlər “hər kəs üçün inklüziv və əlçatan səhiyyə xidmətləri” prinsipi əsasında keçirilir.

25/11/2025

Bərdədə Köməkçi Məhsullar üzrə Təlimlərin 2-ci Günü: Bilikdən Təcrübəyə!

Təlimlərin ikinci günündə Bərdə rayonu və ətrafdakı 11 kənddən 18 ilkin səhiyyə müəssisəsindən 20 həkim və tibb bacısı nəzəriyyədən praktiki məşğələlərə keçdilər. Təlim iştirakçıları mentorların müşayiəti ilə qrup işi və rol oyunları zamanı hərəkətlilik vasitələrinə olan ehtiyacların qiymətləndirilməsini 🦽🩼🦵 praktiki şəkildə tətbiq etdilər.

Bu praktiki sessiyalar ehtiyacların vaxtında aşkarlanması və insanların uyğun köməkçi məhsul və xidmətlərə istiqamətləndirilməsi üçün ilkin səhiyyə işçilərinin potensialını gücləndirərək səhiyyə xidmətlərini daha inklüziv və əlçatan edir.
Səhiyyə Nazirliyi, TƏBİB, Əmək və Əhalinin Sosial Müdafiəsi Nazirliyi və ATscale-ın dəstəyi ilə Azərbaycanda daha güclü və inklüziv köməkçi texnologiya sisteminin qurulmasına doğru irəliləməyə davam edirik.

25/11/2025

Dünən Bakıda keçirilən seminarda tibb işçiləri üçün hazırlanan “Peyvəndləmə barədə himayədarlar və pasiyentlərlə ünsiyyət” adlı təlim modulunun qiymətləndirmə tədqiqatının nəticələrini təqdim edilib.

Səhiyyə mütəxəssislərini və təhsil işçilərini bir araya gəldiyi tədbirdə Azərbaycan Respublikası Səhiyyə Nazirliyi, TƏBİB və Ümumdünya Səhiyyə Təşkilatı (ÜST) ilə əməkdaşlıq çərçivəsində aparılan tədqiqat diqqətəlayiq nəticələr göstərdi. Təlim pediatrların ünsiyyət bacarıqlarını əhəmiyyətli dərəcədə gücləndirdi, valideynlərlə daha empatik dialoqu yaxşılaşdırdı və uşaqlar arasında peyvəndləmə göstəricilərinin artımına töhfə verdi.
Tədbirdə həmçinin yeni peyvənd kommunikasiyası modulunun Tibb Universitetinin kurikulumuna inteqrasiya olunması ilə bağlı təqdimat keçirildi.
Səhiyyə işçiləri ilə ailələr arasında ünsiyyətin gücləndirilməsi peyvənd tərəddüdünü azaltmaq və immunizasiya əhatəsini yaxşılaşdırmaq üçün əsas addımlardan biri olaraq qalır. Milli tərəfdaşlarla birlikdə bu təlimin ölkə üzrə genişləndirilməsi davamlı və uzunmüddətli yanaşmalar əsasında davam etdiriləcək.
🤝 Etimadın qurulması.
🗣 Ünsiyyətin təkmilləşdirilməsi.
💉 Uşaqların sağlamlığının qorunması.

25/11/2025

🎉 Azərbaycanda Köməkçi Məhsullara Əlçatanlığın Gücləndirilməsi

Ümumdünya Səhiyyə Təşkilatının (ÜST) Azərbaycan üzrə Ölkə Ofisi, Səhiyyə Nazirliyi, TƏBİB və Əmək və Əhalinin Sosial Müdafiəsi Nazirliyi ilə əməkdaşlıq çərçivəsində, ATscale – Qlobal Köməkçi Texnologiyalar üzrə Tərəfdaşlığın dəstəyi ilə Bərdədə köməkçi məhsullar üzrə təlimlərin üçüncü silsiləsinə start verib.

Təlimlər ÜST-nin Learning on TAP rəqəmsal tədris platformasında Köməkçi Texnologiyalar Kursundan istifadə etməklə keçirilir — kurs artıq tam şəkildə Azərbaycan dilində mövcuddur 👉 https://www.gate-tap.org/course-list/assistive-technology/. Bu, Azərbaycanda səhiyyə işçiləri üçün rəqəmsal tədris platforması üzərindən keçirilən ilk təlim təşəbbüsüdür və rayon və ətrafdakı 11 kənddən 18 ilkin səhiyyə müəssisəsindən 20 həkim və tibb bacısını bir araya gətirir — o cümlədən ailə sağlamlığı mərkəzləri, kənd tibb məntəqələri və kənd həkim məntəqələri. Ümumilikdə, bu müəssisələr 157,000 nəfər əhaliyə xidmət göstərir.

Təlimlər, ilkin səhiyyə mütəxəssislərinin köməkçi məhsullar üzrə bilik və bacarıqlarını artıraraq, ehtiyacların qiymətləndirilməsi və lazım olduqda köməkçi məhsullara və ixtisaslaşmış xidmətlərə yönləndirilməsi imkanlarını gücləndirir. İlkin səhiyyə səviyyəsində bu bacarıqların inkişafı köməkçi texnologiyaların gündəlik səhiyyə xidmətlərinə inteqrasiyasına dəstək verir və ehtiyacı olan hər kəs üçün bərabər çıxışı təşviq edir.

Bu təlimlər Azərbaycanda dayanıqlı və inklüziv köməkçi texnologiya sistemlərinin qurulması istiqamətində mühüm addımdır. Tədbir səhiyyə və sosial müdafiə sahələrindəki milli tərəfdaşları beynəlxalq mütəxəssislərlə bir araya gətirərək bilik mübadiləsi və birgə öyrənmə üçün dəyərli platforma yaradıb, ölkədə həyata keçirilən rəqəmsal səhiyyə islahatlarına və inklüziv xidmətlərin genişləndirilməsinə töhfə verir.

20/11/2025

🎉 Azərbaycanda Köməkçi Məhsullara Əlçatanlığın Gücləndirilməsi

ÜST Azərbaycan, Səhiyyə Nazirliyi, TƏBİB və Azərbaycan Respublikasının Əmək və Əhalinin Sosial Müdafiəsi Nazirliyi ilə birgə, ATscale – Qlobal Köməkçi Texnologiyalar Tərəfdaşlığının dəstəyi ilə Şamaxıda köməkçi texnologiyalar üzrə ilkin səhiyyə xidmətində çalışan həkim və tibb bacıları üçün təlimlərin ikinci mərhələsini uğurla tamamlayıb.

Dörd gün davam edən təlimlərdə, 106 000 nəfərə xidmət göstərən 17 ilkin səhiyyə müəssisəsini təmsil edən 20 həkim və tibb bacısı iştirak edib. Bu müəssisələrə ailə sağlamlığı mərkəzləri, kənd həkim məntəqələri və kənd tibb məntəqələri daxildir.

Təlimlər ÜST-nin Learning on TAP rəqəmsal öyrənmə platforması vasitəsilə həyata keçirilən Köməkçi Texnologiyalar üzrə kurs (artıq tam şəkildə Azərbaycan dilində mövcuddur 👉 https://www.gate-tap.org/course-list/assistive-technology/) və sadə köməkçi məhsullarla praktiki məşğələlərdən ibarət olub.

İştirakçılar köməkçi texnologiyalara ehtiyacın müəyyənləşdirilməsi, ilkin dəstəyin göstərilməsi və uyğun məhsul və xidmətlərə yönləndirilməsi sahəsində bilik və bacarıqlarını gücləndiriblər. Bu təşəbbüs, köməkçi texnologiyalara çıxışın hər kəs üçün təmin edilməsində ilkin səhiyyə səviyyəsində atılmış mühüm addımdır.

19/11/2025

Şamaxıda Köməkçi Məhsullar üzrə Təlimlərin Üçüncü Günü: Praktiki Sessiyalar

Bu gün Learning on TAP rəqəmsal platformasından istifadə edilərək keçirilən Köməkçi Məhsullar üzrə Təlimlərin üçüncü günü tamamlandı və tamamilə praktiki məşğələlərə həsr olundu. İlk iki gün ərzində əldə edilmiş nəzəri biliklər iştirakçılar tərəfindən real situasiyalar, nümayişlər və bacarıq yönümlü tapşırıqlar vasitəsilə tətbiq edildi.

Qrup işi zamanı iştirakçılar aşağıdakı bacarıqları məşq etdilər:
✔️ İstifadəçilərin funksional ehtiyaclarının qiymətləndirilməsi
✔️ Müvafiq köməkçi məhsulların seçilməsi
✔️ Köməkçi məhsulların təhlükəsiz şəkildə tənzimlənməsi və uyğunlaşdırılması
✔️ İstifadəçilər və baxıcıları ilə effektiv ünsiyyət
✔️ İzləmə və texniki xidmət planlaması

Bu praktiki sessiyalar iştirakçıların köməkçi texnologiyalar sahəsində özünəinamını artırdı, komanda işini gücləndirdi və nəzəri bilikləri real praktikaya çevirməyə imkan verdi.

İştirakçıların yüksək motivasiyası və fəallığı təlimlərin uğurla davam etdiyini bir daha nümayiş etdirir.

18/11/2025

Şamaxıda Köməkçi Məhsullar üzrə Təlimlərin 2-ci Günü: Biliyin Praktiki Tətbiqi!

ÜST-nin Köməkçi Texnologiyalar üzrə TAP platformasından istifadə etməklə keçirilən təlimlərin ikinci günündə ilkin səhiyyə həkimləri və tibb bacıları praktiki məşğələlərə qatıldılar.

Artıq Azərbaycan dilində mövcud olan TAP platformasındakı Köməkçi Texnologiyalar kursu vasitəsilə iştirakçılar mentorların dəstəyi ilə rol oyunları zamanı hərəkətlilik vasitələrinə olan 🦽🩼🦵 ehtiyacların qiymətləndirilməsini yerinə yetirdilər.

Bu praktiki məşğələlər ehtiyacların ilkin mərhələdə vaxtında müəyyən olunmasına və insanların uyğun məhsul və xidmətlərə yönləndirilməsinə imkan yaradaraq səhiyyə xidmətlərini daha əlçatan və inklüziv edir.

Səhiyyə Nazirliyi, TƏBİB, Əmək və Əhalinin Sosial Müdafiəsi Nazirliyi və ATscale-ın dəstəyi ilə Azərbaycanda daha güclü və inklüziv köməkçi texnologiya sistemi qurulması istiqamətində növbəti addımı atırıq.

18/11/2025

Ümumdünya Səhiyyə Təşkilatının (ÜST) Azərbaycan üzrə Ölkə Ofisi, Səhiyyə Nazirliyi, TƏBİB və Əmək və Əhalinin Sosial Müdafiəsi Nazirliyi ilə əməkdaşlıq çərçivəsində, ATscale – Qlobal Köməkçi Texnologiyalar üzrə Tərəfdaşlığın dəstəyi ilə Şamaxıda köməkçi məhsullar üzrə təlimlərin ikinci silsiləsinə start verib.

Bu dəfə təlimlərə 20 nəfər ilkin səhiyyə üzrə həkim və tibb bacısı qoşulub.

Təlimlər ÜST-nin Köməkçi Məhsullar üzrə Təlim (TAP) platforması vasitəsilə həyata keçirilir. Nəzəri bilikləri praktiki tapşırıqlarla birləşdirən bu rəqəmsal öyrənmə platforması artıq tam şəkildə Azərbaycan dilində mövcuddur. TAP, ilkin səhiyyə mütəxəssislərinin köməkçi məhsullar üzrə bilik və bacarıqlarını artıraraq, ehtiyacların qiymətləndirilməsi və lazım olduqda ixtisaslaşmış xidmətlərə yönləndirilməsi imkanlarını gücləndirir. İlkin səhiyyə səviyyəsində bu bacarıqların inkişafı köməkçi texnologiyaların gündəlik səhiyyə xidmətlərinə inteqrasiyasına dəstək verir və ehtiyacı olan hər kəs üçün məhsullara bərabər çıxışı təşviq edir.

Bu təlimlər Azərbaycanda dayanıqlı və inklüziv köməkçi texnologiya sistemlərinin qurulması istiqamətində mühüm addımdır. Tədbir səhiyyə və sosial müdafiə sahələrindəki milli tərəfdaşları beynəlxalq mütəxəssislərlə bir araya gətirərək bilik mübadiləsi və birgə öyrənmə üçün dəyərli platforma yaradıb, ölkədə həyata keçirilən rəqəmsal səhiyyə islahatlarına və inklüziv xidmətlərin genişləndirilməsinə töhfə verir.

14/11/2025

Şamaxıda “Köməkçi Məhsullar üzrə Təlim” proqramı çərçivəsində təlimlər keçirilib

07/11/2025

Azərbaycan Respublikası Səhiyyə Nazirliyinin 09.07.21-ci il tarixli “Kəskin süst ifliclər üzərində epidemioloji nəzarətin davam etdirilməsi barədə” 54 nömrəli əmri ilə təsdiq edilmiş “2021-2025-ci illərdə poliomielitdən azad ərazi statusunun saxlanılması üzrə Fəaliyyət Planı”-nın icrası məqsədilə 28-31 okyabr 2025-cü il tarixlərində Tovuz və Samux rayonlarda Ümumdünyə Səhiyyə Təşkilatının dəstəyi ilə, Səhiyyə Nazirliyi Respublika Gigiyena və Epidemiologiya Mərkəzinin mütəxəssisləri tərəfindən kəskin süst ifliclər üzrə epidemioloji nəzarət və immunlaşdırma tədbirlərinin aparılmasına dair təlim və monitorinqlər keçirilib.

World Health Organization Azerbaijan

28/11/2025

27/11/2025

26/11/2025

25/11/2025

25/11/2025

25/11/2025

20/11/2025

19/11/2025

18/11/2025

18/11/2025

14/11/2025

07/11/2025

Address

Opening Hours

Telephone

Website

Alerts

Contact The Practice

Shortcuts

Share

Category

Ümumdünya Səhiyyə Təşkilatı

Monday	09:00 - 18:00
Tuesday	09:00 - 18:00
Wednesday	09:00 - 18:00
Thursday	09:00 - 18:00
Friday	09:00 - 18:00