Dr. Elviz Gasimov, Yasamal Rayonu. M. A. Şərifzadə 212, Baku (2025)

31/10/2025

Sümük sınıqlarının cərrahi yolla müalicəsi (osteosintez əməliyyatı) adətən sınığın düzgün bitişməsini və xəstənin funksional bərpasını təmin etmək məqsədi daşıyır. Lakin hər bir cərrahi müdaxilə kimi, bu əməliyyatlardan sonra da müəyyən ağırlaşmalar yarana bilər. Bu ağırlaşmalar yerli (lokal) və ümumi (sistemik) xarakter daşıya bilər.

1. İnfeksiya (iltihab prosesi)
Ən çox rast gəlinən ağırlaşmalardan biridir. Əməliyyat sahəsinə mikroorqanizmlərin düşməsi nəticəsində yaranır.
Əlamətləri: ağrı, qızartı, şişkinlik, irinli axıntı, hərarətin yüksəlməsi.
Qarşısının alınması: steril şəraitin qorunması, antibiotik profilaktikası, yaraya düzgün qulluq.

2. Sümüyün bitişməməsi (psödartroz)
Əməliyyatdan sonra sınıq hissələrinin birləşməməsi nəticəsində yaranır.
Səbəblər: qeyri-kafi fiksasiya, qan dövranının pozulması, infeksiya, erkən yüklənmə.
Müalicə: əlavə əməliyyat, sümük transplantasiyası və ya fiksasiya üsulunun dəyişdirilməsi.

3. Sümüyün səhv bitişməsi (malunion)
Sınıq hissələrinin düzgün vəziyyətdə birləşməməsi nəticəsində sümüyün forması və funksiyası pozulur.
Nəticə: ətrafın qısalması, əyrilik, hərəkət məhdudiyyəti.
Müalicə: korreksiyaedici osteotomiya (yenidən cərrahi müdaxilə).

4. Tromboembolik ağırlaşmalar
Uzunmüddətli immobilizasiya nəticəsində dərin venaların trombozu və ya ağciyər emboliyası yarana bilər.
Profilaktika: erkən hərəkətə başlama, elastik sarğılar, antikoaqulyant preparatlar.

5. Sinir və damar zədələnmələri
Əməliyyat zamanı və ya sonrasında sinir və damar strukturlarının zədələnməsi mümkündür.
Nəticə: hissiyatın azalması, əzələ zəifliyi, qan dövranı pozğunluğu.

6. Əməliyyatdan sonrakı ağrı və şişkinlik
Bu hallar qismən normal sayılır, lakin uzun müddət davam edərsə, infeksiya və ya qan dövranı pozğunluğuna işarə edə bilər.

Sümük sınıqlarının əməliyyatdan sonrakı dövrü diqqətli nəzarət və düzgün reabilitasiya tələb edir. Xəstənin həkim təlimatlarına ciddi riayət etməsi, yaraya düzgün qulluq və vaxtında müayinələr ağırlaşmaların qarşısını almaqda mühüm rol oynayır.

Məlumatlı olun, sağlam qalın❗
⚕️Dr. Elviz Qasımov
🏥Respublika Klinik Xəstəxanası
🌐www.elvizgasimov.com

28/10/2025

Bu gün həkim Elviz Qasımov bir izləyicinin sosial şəbəkə üzərindən verdiyi sual əsasında, “sümük sınıqları əməliyyatından sonra yarana biləcək ağırlaşmalar” barədə danışacaq.

Məlumatlı olun, sağlam qalın
⚕️Dr. Elviz Qasımov
Respublika Klinik Xəstəxanası
🌐www.elvizgasimov.com

18/10/2025

18 oktyabr – Müstəqilliyin bərpası günü

Bu gün xalqımızın tarixində ən önəmli səhifələrdən biridir.
1991-ci ilin 18 oktyabrında Azərbaycan Respublikasının Dövlət Müstəqilliyi haqqında Konstitusiya Aktı qəbul edilərək, ölkəmizin müstəqilliyi bərpa olundu.

Bu gün Azərbaycan dövləti güclü, suveren və beynəlxalq aləmdə söz sahibi olan ölkə kimi inkişaf yolunda inamla addımlayır.

Müstəqilliyimizi qoruyan, onu yaşadan bütün qəhrəmanlarımızı qürur və ehtiramla yad edirik! 🇦🇿

18/10/2025

İdmanla məşğul olarkən ən çox rast gəlinən travmalar müxtəlif amillərdən asılı olaraq fərqlənir.
Xüsusilə futbol və basketbol kimi idman növlərində çanaq və omba sınıqlarına rast gəlinir. Həddindən artıq yüklənmə və ya qeyri-düzgün isinmə səbəbindən əzələ gərginliyi və zədələri də baş verə bilər.

Yüksək intensivlikli məşqlər və təkrarlanan hərəkətlər nəticəsində kiçik sümük çatları meydana gələ bilər. Bu qaçış, basketbol və gimnastika idman növlərində daha çox rast gəlinir. Bu travmaların qarşısını almaq üçün idmanla məşğul olarkən düzgün isinmə, uyğun idman avadanlığı və texnika istifadə etmək vacibdir. İdmanla məşğul olmazdan əvvəl peşəkar bir məşqçi və ya fizioterapevtdən məsləhət almaq faydalıdır.

İdman travmaları ciddi zədələnmələrdir və vaxtında və düzgün müalicə edilmədikdə uzunmüddətli problemlərə səbəb ola bilər. Erkən diaqnoz və müalicə ilə bu zədələnmələrdən tam sağalmaq mümkündür və idman fəaliyyətlərinə təhlükəsiz şəkildə geri dönmək təmin edilir.
⚕Dr. Elviz Qasımov
🏥Respublika Klinik Xəstəxanası
🌐www.elvizgasimov.com

10/10/2025

Bu gün həkim Elviz Qasımov “İdman travmaları” haqqında danışacaq.

Məlumatlı olun, sağlam qalın
⚕️Dr. Elviz Qasımov
Respublika Klinik Xəstəxanası
🌐www.elvizgasimov.com

01/10/2025

Sümük inkişafı təxminən 20 yaşa qədər davam edir, lakin bədəndə sümük sıxlığı 30-35 yaşlarında ən yüksək həddə çatır.

☑️ Bir uşağın sağlam sümüklərə sahib olması üçün ən əsas element qidalanmadır. Çünki sümüklər üçün ən vacib olan kalsium və digər mineralları əldə etməyin yolu qidalanmadan keçir.

Süd kalsiumun ən böyük mənbəyidir! Ona görə də uşağa böyümə çağında süd verə bilərsiniz. Bunların xaricində pendir, qatıq, kefir kimi məhsullar da ən az süd qədər vacibdir.
Süd və süd məhsullarından başqa; Qırmızı ət, yumurta, paxlalılar, təzə meyvə və tərəvəzlər sümükləri gücləndirən qidalardandır.

☑️ Uşaqlarda sümük inkişafında kalsiumla yanaşı D vitamininin də yeri var. D vitamini kalsiumun bədəndə aktivləşməsini təmin edir. Beləliklə, D vitamini olmadan kalsium gücsüzdür.

☑️ Sümüklər istifadə olunduqca güclənir və sağlam qalır. İstifadə edilməzsə, sümük itkisi baş verə bilər. Buna görə də sümüyə tətbiq olunan qüvvə ilə edilən məşqlər uşaqların sümük inkişafı üçün faydalıdır. Sürətli yerimə, qaçış, atlama və tullanma hərəkətləri, basketbol kimi idman növləri sümük inkişafı üçün uyğundur.
⚕Dr. Elviz Qasımov
🏥Respublika Klinik Xəstəxanası
🌐www.elvizgasimov.com

27/09/2025

27 Sentyabr Anım Günüdür! 🥀

Ölkəmizin ərazi bütövlüyü yolunda canlarından keçən bütün şəhidlərimizi dərin ehtiramla anır, qazilərimizə şəfa, güc və qüvvət diləyirik.

23/09/2025

Qəza həyatın hər anında, heç gözləmədiyimiz bir anda baş verə bilər. Avtomobil qəzası, düşmə, yanıq, elektrik çarpması və ya digər qəfil hallar zamanı ilkin tibbi yardımın düzgün göstərilməsi çox vacibdir. İlkin tibbi yardım, peşəkar tibbi yardım gələnə qədər həyata keçirilən və insan həyatını xilas edə biləcək müdaxilədir.

✅İlkin tibbi yardım tədbirləri:

Qanaxma:
➖Yaraya təmiz parça və ya bintlə təzyiq göstər.
➖Lazım olarsa, turniket tətbiq edin (arteriya qanaxması zamanı, əgər yoxdursa, ən effektiv əvəzedici kəmərdir. Qanaxmanın yuxarısına, yaradan təqribən 5-7 sm yuxarıya (amma oynağın üzərinə yox) yerləşdirilməlidir.

Şüur itirmə:
➖Yaralını yan vəziyyətdə uzadın.
➖Nəfəs yollarını açıq saxlayın.

Sınıq və burxulmalar:
➖Zədələnmiş nahiyəni sabitləşdirin.
➖Hərəkət etdirməyin.
➖Yaralını sakitləşdirin və müşahidə altında saxlayın
🔺Qətiyyən yemək, su, dərman verməyin – vəziyyəti ağırlaşdıra bilər.
🔺Təcili yardım gələnə qədər müşahidə edin.
🔺Həkimlər gəldikdən sonra, mümkünsə, zərərçəkənin vəziyyətini qısaca təsvir edin.

Qəza zamanı göstərilən ilkin tibbi yardım bəzən bir insanın həyatını xilas edə bilər. Bu səbəbdən hər kəs sadə tibbi yardım biliklərinə sahib olmalı, qəza anında panikaya düşmədən düzgün davranmalıdır. Unutmayaq ki, sakitlik, bilik və vaxtında müdaxilə — həyat deməkdir.
⚕️Dr. Elviz Qasımov
🏥Respublika Klinik Xəstəxanası
🌐www.elvizgasimov.com

19/09/2025

Artrit, osteoporoz və sınıqlar, sümük və oynaqlarla bağlı problemlər və s. insanların qarşılaşdıqları ümumi problemlərdir. Əgər diqqətdən kənarda qalarsa və müalicə olunmazsa, bu problemlər ağırlaşa bilər, hətta hərəkət qabiliyyətinin itirilməsinə gətirib çıxara bilər.

Bəzən ağrılar azalır və ya bir müddət heç ağrı olmur. Sağalmaq sadəcə ağrının keçməsi deyil !

Zamanında həkimə müraciət edib, düzgün müalicə alsanız, şikayətin əsl səbəblərinin aradan qaldırılması, ağrının aradan qaldırılması ilə yanaşı gedəcəkdir.

Məlumatlı olun, vaxtında həkimə müraciət edin, sağlam qalın❗
⚕️Dr. Elviz Qasımov
🏥Respublika Klinik Xəstəxanası
🌐www.elvizgasimov.com

17/09/2025

Sağlam bir bədənin hər zaman hərəkətdə olması çox vacibdir. Fiziki hərəkətsizlik bütün bədənimizə, xüsusən də dayaq-hərəkət sisteminə, maddələr mübadiləsinə və ürək-damar sisteminə mənfi təsir göstərir.

Həftədə ən azı 5 gün, (gün ərzində 30 dəqiqə və ya daha çox) orta intensivlikdə idman etməsək, fiziki cəhətdən hərəkətsiz sayılırıq. Odur ki, fiziki hərəkətsizliyin qarşısını almaq üçün idman hərəkətlərinin önəmi həkimlər tərəfindən tövsiyə edilməlidir. İntensiv olaraq təyin olunan müntəzəm gəzinti, velosiped sürmə və üzgüçülük kimi fiziki fəaliyyətlərin sağlamlığa əhəmiyyətli dərəcədə faydası var. Bundan əlavə həftədə 2 gün bədənin müxtəlif yerlərində böyük əzələ qruplarının iştirak etdiyi güc məşqləri sümük və əzələ toxumalarının itkisinin qarşısının alınması və qorunması baxımından əhəmiyyətlidir.

Məlumatlı olun, sağlam qalın❗
⚕️Dr. Elviz Qasımov
🏥Respublika Klinik Xəstəxanası
🌐www.elvizgasimov.com

15/09/2025

Bu gün həkim Elviz Qasımov Bilik gününə özəl öz məsləhətləri barədə danışacaq.

Məlumatlı olun, sağlam qalın❗
⚕️Dr. Elviz Qasımov
🏥Respublika Klinik Xəstəxanası
🌐www.elvizgasimov.com

15/09/2025

Yeni dərs ilinin ilk zəngi ilə birlikdə məktəblərimiz yenidən canlanır, sinif otaqları uşaqların gülüşü, müəllimlərin əzmi və bilik işığı ilə dolur. Hər bir başlanğıc yeni ümidlər, yeni hədəflər və yeni fürsətlər deməkdir. Bu yeni tədris ilində də hər bir şagirdin içindəki potensialın parlayacağına, müəllimlərin öz fədakarlıqları ilə cəmiyyətimizin gələcəyini quracağına inanırıq.

Əziz şagirdlər – Unutmayın ki, məktəb yalnız qiymət almaq yeri deyil, həm də şəxsiyyətin formalaşdığı, dostluqların qurulduğu, xəyalların cücərdiyi müqəddəs bir məkandır. Hər səhifə yeni bir macəra, hər mövzu sizi gələcəyə bir addım daha yaxınlaşdıran körpüdür. Oxumaqdan qorxmayın, suallar verməkdən çəkinməyin və hər çətinliyi bir fürsət kimi dəyərləndirin.

Hörmətli müəllimlər – Sizin əlinizdə yalnız bir kitab yox, həm də gələcəyin taleyi var. Səbriniz, biliyiniz və sevgiylə yaratdığınız mühit bu millətin sabahını müəyyən edir. Hər toxunduğunuz qəlb, hər izah etdiyiniz dərs illər sonra cəmiyyətə sağlam bir təməl kimi qayıdır. Sizə bu yolda güc, ruh yüksəkliyi və sağlamlıq arzulayırıq.

Əziz valideynlər – Sizlərin dəstəyi olmadan bu yol tam olmazdı. Uşaqlarınızın təhsilinə verdiyiniz dəyər, evdə yaratdığınız öyrənmə mühiti, onların motivasiyası üçün ən böyük qaynaqdır. Gəlin birlikdə övladlarımıza həm bilik, həm də dəyər qazandıraq.

Yeni dərs ili münasibətilə hər kəsi ürəkdən təbrik edirik! Qoy bu il həm elmi, həm mənəvi baxımdan zəngin keçsin, uğurlarınız bol, yolunuz açıq olsun!

Elm, zəhmət və sevgi ilə dolu bir il diləyilə...
Yeni dərs ili uğurlu olsun!

Dr. Elviz Gasimov

31/10/2025

28/10/2025

18/10/2025

18/10/2025

10/10/2025

01/10/2025

27/09/2025

23/09/2025

19/09/2025

17/09/2025

15/09/2025

15/09/2025

Address

Telephone

Website

Alerts

Contact The Practice

Shortcuts

Share

Category