Uşaq nevroloqu Dr. İlhamə Allahverdiyeva

28/10/2019

Celilabad rayonundakı müayinemizden.
Bir sıra xestelerimizin müalicesin başlatdıq.
Myasthenia,Juvenil Myoclonic Epilepsy,Generalize Tik kimi düşündüyümüz xestelerimizi ise daha ireli araşdırmaq üçün izleme aldıq.
Erken diaqnoz uğurlu müalicenin teminatıdır.

22/10/2019

Bölgelerimizde uşaq nevroloquna telebatın böyük olduğunu nezere alaraq,26 Oktyabr tarixinde Celilabad rayonu Zehra Klinikasında uşaqlarda nevroloji xesteliklerin müayine ve müalicesini heyata keçireciyik.
Elaqe: 055 265 07 44,055 431 00 34
Ünvan:Celilabad r-nu,Zehra Klinikası,Babek küçesi 32.

14/11/2018

28/06/2018

Uzunsürən qıcolmalar uşağın sağlamlığı və hətta həyatı üçün təhlükəli ola bilər.
Uzunsürən qıcolmalar hər hansı nevroloji xəstəliyinin simptomu ola bilər. Bu səbəbdən belə uşağı həkim-nevroloq daha dərin müayinə etməlidir (KT və ya MRT, əmgəyi açıq olan körpələrə neyrosonoqrafiya təyin oluna bilər). Belə qıcolma epilepsiya xəstəliyinin əlaməti ola bilər. Əgər 5 yaşından yuxarı olan uşaqda yüksək hərarət fonunda qıcolma baş veribsə, bu da yaxşı əlamət sayılmır və bu halda da ciddi müayinə lazımdır.
Qıcolma zamanı ananın uşağa köməyi ondan ibarət ola bilər ki, ana uşağı düz yerə uzandırmalı və fikir verməlidir ki, uşaq özünü zədələməsin. Uşağın qollarını və ayaqlarını güclə düzəltmək, ağzına barmaq, çubuq və s. salmaq olmaz. Otağın pəncərəsini açın, hərarəti salmaq üçün uşağa hərarətsalan dərman verin. Hərarətsalan dərman şam şəklində olmalıdır. Bu vəziyyətdə olan uşağa maye və ya həb şəklində olan dərmanı vermək olmaz! Uşağın başını böyrü üstə çevirmək lazımdır ki, qusma baş verdikdə uşaq boğulmasın.

UŞAQ NEVROLOQU DR. İLHAMƏ ALLAHVERDİYEVA

📞 (051) 484-34-72/ (055) 431-00-34
📍Medikus Clinic/ Şərifzadə 55

26/06/2018

Azərbaycan Respublikası Silahlı Qüvvələr gününüz mübarək!
26 İyunda Azərbaycan Xalq Cümhuriyyəti dövründə əsası qoyulan Milli Ordumuzun yaradılmasının 💯 ili tamam olur👏

23/06/2018

Uşaqlarda müxtəlif səslərin pozulması və ya olmaması “Dislaliya” adlanır.
Bildiyimiz kimi nitq 5 yaşına kimi tam formalaşıb qurtarır, lakin, bəzi uşaqlar bu yaş həddini keçmələrinə baxmayaraq, onların səs tələffüzündə qüsurlar qalmaqda davam edir.
Dislaliya mexaniki və funksional ola bilər.
Mexaniki dislaliya artikulyasiya aparatının qüsurları nəticəsində yaranır. Funksional dislaliya artikulyasiya aparatının normal halında səslərin qüsurlu tələffüzüdür. Funksional dislaliyanın əsas səbəblərindən biri ailədə uşağın nitqinin düzgün tərbiyə olunmamasıdır. Buna misal olaraq, böyüklərin uşaqlarla “uşaq dilində” danışması, kiçik bacı-qardaşlarının yamsılanması, ailədə qüsurlu danışanın yamsılanması, kiçik yaşlarından qalan yanlış səs tələffüzünün vaxtında aradan qaldırılmaması, valideynlərin laqeydliyi və s. göstərmək olar.
Dislaliyanı ev şəraitində aradan qaldırmağın müxtəlif üsulları var:
1. Müxtəlif üsullarla dil masajı etmək (Onunla oyunlar oynayın).
2. Uşağınızın tələffüz edə bilmədiyi səsi özünüz tələffüz edərkən dilin hansı vəziyyətə gəldiyini müşahidə etdikdən sonra, ondan da dilini o şəkildə hərəkət etdirməsini tələb edin (Məsələn: “r” səsini tələffüz edərkən dilin uc hissəsi üst damağa dəyir. Əgər uşağınızda bu səs pozulubsa, dilinin uc hissəsini üst damağına dəydirməsini istəyin).
Bu göstərişlərə əməl etdiyiniz halda övladınız hələ də səsləri tələffüz edə bilmirsə mütləq mütəxəssisə müraciət edin!
UŞAQ NEVROLOQU DR. İLHAMƏ ALLAHVERDİYEVA

📞 (051) 484-34-72/ (055) 431-00-34
📍Medikus Clinic/ Şərifzadə 55

22/06/2018

İndiki dövrdə ən çox rast gəlinən problemlərdən biri də uşaqlarda nitqin düzgün inkişaf etməməsidir.
Valideynlər tez-tez övladlarının danışmamağından və ya danışarkən qüsurları olması səbəbilə müraciət edirlər.
Nitq qüsurlarının səbəbləri arasında ilk növbədə doğuş travmaları, ata-ana arasında olan qan qohumluğu, valideynlərin evdə müxtəlif dildə danışması çoxluq təşkıl edir. Ən vacib səbəb isə odur ki, uşaqlar səssiz cizgi filmlərinə baxırlar.
Ona görə də analar bir sıra məsələlərdə çox diqqətli olmalıdır:
- Əgər körpə üç aylığında başını çevirmirsə; heç bir səsə reaksiya vermirsə;
- 4-6 aylıq olarkən "b","p" kimi səsləri səsləndirmirsə;
- Körpə 7 aylıq olarkən, onu güldürəndə gülmürsə, acıqlanan zaman ağlamırsa;
- 9-10 aylığında kiçik hecaları söyləmirsə, uşaqda nitqin inkşafı ləngiyir və ya gələcəkdə qüsurlu nitq formalaşır.
Nitq qüsuru olan uşaqlarda özünə inam hissi də zəif olur. Buna görə də uşaqlarda nitq qüsurunu müşahidə etdikdə mütləq uşaq nevroloquna müraciət etmək lazımdır.
UŞAQ NEVROLOQU DR. İLHAMƏ ALLAHVERDİYEVA

📞 (051) 484-34-72/ (055) 431-00-34
📍Medikus Clinic/ Şərifzadə 55

21/06/2018

Uşaqlar qısqanclıqlarını müxtəlif yollarla göstərə bilərlər: ağlayaraq, qışqıraraq, bacı-qardaşını qucağına alaraq, aqressiv şəkildə, bəzən isə fiziki şiddət göstərərək.
Belə vəziyyətdə qısqanan, paylaşmağı sevməyən uşaqlarla necə davranmaq lazımdır?
- Uşağın qısqanc olmağını normal hal kimi qəbul etməlisiniz. Onları sərt cəzalar ilə cəzalandırmayın. Bu zaman onları sevmədiklərini düşünərlər və qısqanclıqları artar.
- Uşaqlarla sakit vəziyyətdə danışmaq, onları başa salmaq lazımdır ki, paylaşmaq gözəldir və bacı-qardaş ilə dost olmaq lazımdır.
- Ailədə hər uşağa eyni davranmalı, hər uşağa eyni qayğı göstərilməlidir. Uşaqlar arasında fərq qoymayın, onları müqayisə etməyin.
UŞAQ NEVROLOQU DR. İLHAMƏ ALLAHVERDİYEVA

📞 (051) 484-34-72/ (055) 431-00-34
📍Medikus Clinic/ Şərifzadə 55

20/06/2018

Autizm sosial və ünsiyyət qabiliyyətinin yaranmasına təsir edən ümumi inkişaf problemidir. Autizmin əlamətləri əsasən 2 yaşından sonra özünü göstərməyə başlayır. Autizmli uşaqlar əsasən öyrənmək və dərk etməkdə çətinlik çəkirlər. Bu cür uşaqlara əşyanın adını təkrar-təkrar demək lazımdır. Autik uşaqların 3/2-si əqli inkişafın geriliyindən əziyyət çəkir.
Lakin 10%-i bəzi inkişaf etmiş qabiliyyətlərə malik olurlar. Məsələn, riyazi hesablama, musiqi duyumunun güclü olması, rəsm, mozaika.
UŞAQ NEVROLOQU DR. İLHAMƏ ALLAHVERDİYEVA

📞 (051) 484-34-72/ (055) 431-00-34
📍Medikus Clinic/ Şərifzadə 55

19/06/2018

Yuxu (xüsusən gecə yuxusu) uşaq üçün çox vacib hesab olunur. Məhz gecə saatlarında uşağın immun sisteminin mükəmməlləşməsi baş verir.
Uşağın rahat yatması üçün bir neçə şeyi bilməliyik:
- Otağın temperaturu normal - 20-22 dərəcə olmalıdır.
- Uşaq tox olmalıdır.
- Uşağın yeri rahat olmalıdır.
- Uşağın əyni rahat olmalıdır.
UŞAQ NEVROLOQU DR. İLHAMƏ ALLAHVERDİYEVA

📞 (051) 484-34-72/ (055) 431-00-34
📍Medikus Clinic/ Şərifzadə 55

18/06/2018

⚠ Enurez - qeyri-iradi sidik ifrazıdır və 5 yaşa qədər uşaqlarda bu, normal hal sayılır.
⚠ Sidik ifrazı zamanı (sidiyəgetmə) sidik kanalı əzələləri boşalmalı, qarın və sidik kisəsi əzələləri isə eyni vaxtda yığılmalıdırlar. Bütün proses sinir sistemi tərəfindən avtomatik olaraq tənzimlənsə də uşağın özü tərəfindən buna nəzarət edilir.
3 yaşa qədər uşaqların sinir sistemi bu prosesə nəzarət edə biləcək səviyyədə inkişaf etmədiyi üçün bu proses avtomatik şəkildə, qeyri-iradi olaraq baş verir. Yəni, sidik kisəsi dolan kimi sidik kanalı əzələləri boşalır və uşaq sidik ifraz edir.
⚠ 3 yaşından sonra uşaqlarda sinir sistemi inkişaf edərək, artıq bu prosesə şüurlu şəkildə nəzarət etmək iqtidarında olur. Bu dövrdən etibarən sidik kisəsi dolduqda, uşaqda sidiyə getmək istəyi yaransa da, o artıq avtomatik olaraq həmin an sidiyə getmir, bunun üçün tələb olunan şəraiti gözləyərək, sidiyini saxlaya bilir. 5 yaşdan yuxarı uşaqlarda qeyri-iradi sidik ifrazı davam etmiş olarsa, həkiminizə müraciət etməyiniz vacibdir.
⚠ Enurezə səbəb olan hallardan biri müxtəlif nevrozlardır. Nevrozla bağlı enurez daimi olaraq baş vermir; sakitlik halında keçib gedir. Belə enurez, adətən, gecələr, az-az hallarda isə gündüzlər də baş verir. Nevrozlu uşaqların yuxusu səthi olur, onlar müxtəlif yuxular görürlər. Yatmış ikən qeyri-iradi olaraq sidik ifraz edən uşaqlar yuxudan oyanır və bu zaman böyük təşviş keçirirlər.
⚠ Nevrotik enurezli uşaqlar məktəbdə və ya evdə-ailədə çətin psixoloji vəziyyətə düşdükdə də onlarda qeyri-iradi sidik ifrazı - enurez qeyd edilir. Belə hallarda valideynlər uşaqlarının məktəbdəki həmyaşıdları və müəllimlərlə hansı münasibətlərdə olduğunu aydınlaşdırmalı, imkan daxilində nevrotik amillərin aradan qaldırılmasına çalışmalıdırlar.
UŞAQ NEVROLOQU DR. İLHAMƏ ALLAHVERDİYEVA

📞 (051) 484-34-72/ (055) 431-00-34
📍Medikus Clinic/ Şərifzadə 55

15/06/2018

Əziz həmvətənlər!
Dünya müsəlmanlarının əziz günü - mübarək Ramazan bayramı münasibətilə Sizləri təbrik edir, Allahdan oruc və namazlarınızın, dualarınızın qəbul olunmasını diləyirəm 🙏🕌🎉