14/04/2020
Deyirlər aprel ayının 20-dən sonra fövqəladə vəziyyət elan olunacaq.Qeyd etmək istəyirəm ki,bu vəziyyətin elan olunub-olunmaması nə Prezidentin nə də NK yanında Operativ qərərgahın istəyindən deyil,məhz toplumun, ona ünvanlanmış "Evdə qal"çağırışına necə münasibət göstərməsindən birbaşa asılıdır.Mən hələ mart ayının ortalarında paylaşdığım bir postda "həlqə daralır,dövlət rəhbərləri biri-birinin ardınca qadağaları sərtləşdirirlər"-deyə qeyd etmişdim.Bunun da səbəbkarı biz özümüzük.Ağıllı insan düşüncəsinə yönəli deyilən qabaqlayıcı tədbirlər bizim üçün keçərli olmadı.Keçərli olmadıqca da qadağalar sərtləşdirildi,bu gedişlə fövqəladə rejimin tətbiq olunması da qaçılmaz ola bilər.Demək istəyirəm ki,əgər fövqəladə vəziyyət elan olunacaqsa,deməli Dövlət rəhbərini bu addımı atmağa biz məcbur etmişik.Bu addımlar,görünməyən,təhlükəli infeksiya ilə mübarizədən daha az itki ilə çıxmağımıza hesablanıb.
Lap başından,ÜST-nın düzgün mövqe tutmadğı göz qabağndadır.Sərhədlərin bağlanması,karantin tədbirlərinin tətbiqinə dair yanlış tövsiyyələr verdilər.Halbu ki,onlar Çində, bu infeksiyanın nə qədər təhlükəli olduğunu,sürətlə yayıldığını (SARS-dan və MERS-dən fərqli olaraq),gözləri ilə görmüşdülər.Və infeksiyanın hava-damcı,kontakt yolu ilə ötürüldüyünü bilərək bu cür sərsəm tövsiyyələr verməsi bəşəriyyətə qarşı cinayət xarakteri daşıyır.Ardınca dünyanın lider dövlət rəhbərlərinin (ABŞ,Fransa,Birləşmiş Krallıq) bu tövsiyyələri əldə bayraq tutaraq karantin tədbirlərinə,sərhədlərin qapanmasına laqeyd münasibəti,bu dövlətlərdə infeksiyanın sürətlə yayılmasına və kütləvi insan tələfatına səbəb oldu.Düşünürəm ki,Belarus liderinin laqeyd münasibəti də acınacaqlı nəticələr verə bilər(Allah qorusun).Dünən yayılan xəbərlərə istinadən ÇİN dövləti,bu ölkənin ərazisində,infeksiyanın mənbəyi,yaranma vaxtı,və s barədə heç bir araşdırılma aparılmasına icazə verməyəcək.Bu qərarın arxasında nələr gizləndiyini söyləmək çətindir. Səbəbin nə olmasından asılı olmayaraq (yəni SARS COV-2 virusunun,öz sələfləri üzərində ya gen-mühəndisliyi nəticəsində süni şəraitdə yetişdirilərək,bilərəkdən və ya səhlənkarlıqdan "azadlığı"çıxması,ya da təbiətdə baş verən təbii bir mutasiya nəticəsində) fakt göz qabağındadır.Gecikmiş bir addım,virusun bizdən yülərlə addım önə qaçmasına şərait yaradır,mübarizəni daha da çətinləşdirir.Əbəs yerə deyil ki,indi Amerika,Fransa,İtaliya tibb işçiləri başlarına gəlmiş bu bəlada öz prezidentlərini sorumlu tuturlar.Artıq ÜST-ı rəhbərlərinin istefa tələbləri səslənməkdədir.İnsafən demək lazımdır ki,bizim dövlət rəhbərləri çox gecikmədən qabaqlayıcı tədbirlər planını ortaya qoydu.İndi hər şey bizim öz əlimizdədir.Bircə həqiqət var-epidemiyanın yayılma zənciri qırılmalıdır.Bu isə yalnız izolyasiya ilə mümkündür.Məcburiyyət qarşısında evlərini tərk edənlərin yoluxma təhlükəsi yüksək olduğuna görə sosial tövsiyyələrə (qoruyucu maska,ara məsafəsi,dezinfektantlar) əməl etməlidirlər.İndi hər kəs qarşısından gələnin potensial daşıyıcı olduğunu düşünməyincə infeksiyadan qurtuluş olmayacaq.Yoluxanların təxminən 80%-nin asimptomatik gedişli xəstələnməsi və ya daşıyıcı olmasını nəzərə alsaq bunun aktuallığını başa düşərik.Dünya çapında infeksiyanın sönmə tendensiyası hələ görünmür.Xəstəlik arta xətlə zirvəyə doğru gedir.Bu zirvənin hansı rəqəmlərdə bitəcəyi və vaxtı bəlli deyil.Bəlli olan bir həqiqət var-biz nə qədər səhlənkar yanaşsaq bu zirvə br o qədər yüksək,karantin və izolyasiya tədbirləri daha uzun,iqtisadiyyatın tənəzzülü daha dərin,itkilərimiz daha çox,yaşayış səviyyəmiz daha aşağı.olacaq.Tədbirlər planı,tövsiyyələr-insan şüuruna hesablanıb verilir.Düşüncəsiz insanların məsuliyyətsiz çıxışlarına aldanmayın,qonşum bayrda gəzir,mən niyə evdə oturmalıyam deyə düşünməyin.Gəlin bu bəladan birlikdə qurtulaq."GÜC BİRLİKDƏDİR".
