27/11/2025
🔴 Elmi adı ilə Rhus coriaria kimi tanınan sumaq, çiçəkli koldur, dəri emalı və təbii boyaqçılıqda rəng əldə etmək üçün istifadə olunan bitkidir.
Bitkinin meyvələrindən əldə edilən yaqut rənginə və turş dada malik sumaq, kulinariyada ədviyyat kimi istifadə edilməklə yanaşı, həm də sağlamlıq üçün olduqca faydalıdır.
Sumaq qurudulub üyüdülərək toz halına gətirildikdən sonra rəngi tündləşir.
Xalq təbabətində sumaq büzücü təsirinə görə babasil, ishal kimi problemlərdə istifadə edilir.
✨ Sumaq taninlər, antosiyaninlər, flavonoidlər də daxil olmaqla güclü antioksidant təsirə malik kimyəvi birləşmələrlə zəngindir. Bu səbəbdən toksinləri orqanizmdən xaric edir, orqanizmin hüceyrələrini zədələnmədən qoruyur, qaraciyər, 🫀ürək-damar, xərçəng kimi xəstəliklərin yaranma riskini azaldır.
Həmçinin prediabet və şəkərli diabetin müalicəsində faydalıdır, 🩸qanda şəkəri tənzimləyir, xolesterolu azaldır, ateroskleroz əleyhinə təsir göstərir, arterial təzyiqi normallaşdırır🩺
Oleik və linoleik kimi doymamış yağ turşuları ilə zəngin olduğundan həm ürək-qan-damar sistemi üçün faydalıdır, həm də dərinin və hüceyrə membranının qorunmasında xüsusi əhəmiyyət daşıyır💫
👌 Liflə zəngin tərkibi sayəsində həzmi yaxşılaşdırır, bağırsaq sağlamlığını qoruyur. Güclü iltihab əleyhinə, 🦠antibakterial təsir göstərir. Bu səbəbdən ağız boşluğu xəstəliklərində və boğaz ağrısında faydalıdır. Bu halda 1 x/q sumaq 1 stəkan suda dəmlənilib gündə 5-6 dəfə qarqara kimi istifadə edilə bilər.
Sumaq, həm də əzələ ağrılarını aradan qaldırır ⚡️
