Zeytun Pharma

08/12/2025

Göz təzyiqinin balansda saxlanması görmə sağlamlığını qorumağın ən vacib addımlarından biridir. Bir çox hallarda göz təzyiqi heç bir əlamət vermədən yüksələ bilər, buna görə profilaktik qayğı böyük önəm daşıyır.

Görmə sağlamlığınızı qorumaq üçün bu sadə tövsiyələrə əməl etmək kifayətdir:

• Sağlam və antioksidantlarla zəngin qidalanma
• Stressin azaldılması və kifayət qədər istirahət
• Göz əzələlərini rahatladan məşqlər
• Müntəzəm göz müayinəsi (xüsusilə 40+ yaşda)

Əgər göz təzyiqi yüksəlirsə, vaxt itirmədən oftalmoloqa müraciət etmək vacibdir. Erkən diaqnostika və düzgün müalicə görmə itkisi riskini əhəmiyyətli dərəcədə azaldır.

👁️ Gözlərinizi qoruyun — görməniz ən dəyərli sərvətinizdir.

18/11/2025

Həzm sisteminin sağlam işləməsi ümumi bədən funksiyaları üçün çox vacibdir. Bağırsaqlar zəif işlədikdə qəbizlik, şişkinlik, enerjinin azalması və narahatlıq kimi hallar yarana bilər. Sağlam bağırsaq isə güclü immunitet və balanslı həzm deməkdir. 🌿

Bağırsaq sağlamlığını qorumaq üçün bu sadə qaydaları gündəlik vərdişlərinizə əlavə edin:

🔸 Lifli qidalar (meyvə, tərəvəz, tam taxıllar, paxlalılar) yeyin.
🔸 Gündə 2–3 litr su için, maye balansını qoruyun.
🔸 Probiotik və prebiotiklərlə bağırsaq mikroflorasını gücləndirin.
🔸 Gündəlik fiziki aktivlik həzm sistemini daha aktiv edir.
🔸 Stressi azaldın və düzgün yuxu rejimi saxlayın.
🔸 Fast food və işlənmiş qidalardan uzaq durun.

Unutmayın: sağlam bağırsaq — sağlam həyatın təməlidir!
Zeytun Aptek sağlamlığınızı düşünür. 💚

17/11/2025

17 Noyabr – Milli Dirçəliş Günü

Bu gün xalqımızın azadlıq iradəsinin yenidən alovlandığı, milli şüurun gücləndiyi tarixi bir gündür.
Vətənə sevgi, birlik və dirçəliş ruhu bu gün də hər birimizin qəlbində yaşayır.

Milli Dirçəliş Gününüz mübarək! 🇦🇿✨

12/11/2025

Zeytun Pharmaceuticals komandası genişlənir!
Hazırda Tibbi Nümayəndə vakansiyası üzrə yeni əməkdaş axtarırıq.
Bu vəzifə səhiyyə sahəsində biliklərini satış və kommunikasiya bacarıqları ilə birləşdirmək, peşəkar inkişaf və sabit karyera qurmaq istəyən namizədlər üçün ideal fürsətdir.
📍 İş yeri: BEGOC Biznes Mərkəzi
🕓 İş rejimi: 5/7 (09:00–18:00)
💼 Əmək haqqı: 1000–1200 AZN (təcrübədən asılı olaraq)
🍴 Şirkət təminatı: nahar və tibbi sığorta
📩 Müraciət üçün: CV-nizi hrdepartment@zeytunpharma.az ünvanına göndərin
📌 Mövzu hissəsində “Tibbi Nümayəndə” yazın.
Zeytun Pharmaceuticals — peşəkar inkişaf və gələcək üçün etibarlı ünvan!

12/11/2025

🇦🇿 12 Noyabr – Azərbaycan Respublikasının Konstitusiya Günü

Bu gün müstəqil dövlətçiliyimizin hüquqi əsasını təşkil edən Azərbaycan Respublikasının Konstitusiyasının qəbul olunduğu gündür.
Konstitusiya — insan hüquq və azadlıqlarının, ədalətin və qanunun aliliyinin təminatıdır.

Əsas Qanunumuzun qəbulunun ildönümü münasibətilə bütün vətəndaşlarımızı təbrik edirik! 🇦🇿

08/11/2025

8 Noyabr – Zəfər Günümüz Mübarək!
Bu gün xalqımızın qəhrəmanlığı, iradəsi və birliyi ilə yazılmış tariximizin ən şanlı səhifəsidir. 🇦🇿
Zeytun Pharmaceuticals olaraq, bu Zəfərin qürurunu dərin minnətdarlıqla qeyd edirik.
Sağlam gələcək – qalib xalqla! 💚

08/11/2025

05/11/2025

🤝 Zeytun Pharmaceuticals və MSD – rəsmi əməkdaşlıq!

Səhiyyə sahəsində beynəlxalq tərəfdaşlıqlar güclənməyə davam edir.
Zeytun Pharmaceuticals, Merck Sharp & Dohme (MSD) şirkəti ilə əməkdaşlıq çərçivəsində Keytruda®️ preparatını Azərbaycanda təqdim edir.

Bu əməkdaşlıq onkologiya sahəsində müasir və innovativ müalicə imkanlarını daha da əlçatan etməyi hədəfləyir.
Elmi yanaşma, keyfiyyət və insan sağlamlığı — fəaliyyətimizin əsas prioritetləridir. 💚

📞 Qaynar xətt: 914
🌐 Rəsmi sayt: https://zeytunpharma.az/
📩 Əlaqə: info@zeytunpharma.az

#

23/10/2025

7 oktyabr 2025-ci il tarixində Badamdar Hotel & Residences-də Azərbaycan Uşaq Endokrinologiyası Cəmiyyətinin təşkilatçılığı, Səhiyyə Nazirliyi, TƏBİB və İcbari Tibbi Sığorta üzrə Dövlət Agentliyinin dəstəyi ilə 1-ci Beynəlxalq Uşaq Endokrinologiyası Konqresi baş tutub.

Tədbir “Beynəlxalq Diabet Federasiyası” və “Beynəlxalq Uşaq və Yeniyetmə Diabet Cəmiyyəti”nin iştirakı ilə keçirilib və 9 Davamlı Tibbi Təhsil krediti ilə akkreditasiya olunub.

Konqresdə şəkərli diabet, boy patologiyaları, tireoid xəstəlikləri, cinsi inkişaf pozğunluqları və endokrin xəstəliklərin psixoloji aspektləri mövzularında 6 panel müzakirəsi aparılıb.
Yerli və beynəlxalq mütəxəssislər — Prof. Dr. Alicia Jenkins, Prof. Dr. Kim Donaghue, Dos. t.e.d. Gündüz Əhmədov, Prof. Dr. Nailə Sultanova və digərləri — sahə üzrə ən son elmi yenilikləri təqdim ediblər.

Konqres, uşaq endokrinologiyası sahəsində bilik və təcrübə mübadiləsinə, beynəlxalq əməkdaşlıqların gücləndirilməsinə mühüm töhfə verib.

22/10/2025

Zeytun Pharmaceuticals “Eurasian Pharma Awards 2025” mükafatına layiq görülüb!

7–9 oktyabr tarixlərində Daşkənddə keçirilən “Eurasian Pharmaceutical Summit 2025” çərçivəsində Zeytun Pharmaceuticals şirkəti “Distributor of the Year – 2025” (İlin Distribyutoru) nominasiyasında mükafatla təltif olunub.

Tədbirdə şirkətimizi Rəşad Əliyev, Kommersiya departamentinin direktoru və Orxan Mikayılov, Biznesin inkişafı şöbəsinin müdiri təmsil ediblər.

Bu mükafat Zeytun Pharmaceuticals-ın regionda etibarlı tərəfdaşlıq siyasətinə, davamlı inkişaf strategiyasına və əczaçılıq sektorundakı peşəkar fəaliyyətinə verilmiş yüksək qiymətdir.

14/10/2025

Səhər Şişkinliyindən Qurtulmaq Üçün Sadə Addımlar
1. Axşam Ağır Yeməklərdən Uzaq Durun
Gecə yağlı, qızardılmış və işlənmiş qidalar yeməyin. Yatmazdan 2-3 saat əvvəl yeməyi dayandırın.
2. Səhər Su İçməyi Unutmayın
Oyandıqdan sonra 1-2 stəkan ilıq su için. İstəsəniz limon və ya alma sirkəsi əlavə edin.
3. Bağırsaq Sağlamlığını Qoruyun
Kefir, qatıq, banan, sarımsaq kimi probiotik və prebiotik qidalar qəbul edin.
4. Fiziki Aktiv Olun
Səhərlər 15-30 dəqiqə piyada gəzin və yüngül yoqa edin.
5. Düzgün Səhər Yeməyi Seçin
Yulaf, chia, lifli meyvələr və yaşıl çayla həzminizi dəstəkləyin.

💡 Yadda saxlayın: Axşam yüngül yeyin, səhər su için, probiotik qəbul edin və aktiv olun – beləliklə, şişkinlikdən qurtulmaq mümkündür.

08/10/2025

Sümüklər bədənimizin dayaq sistemidir və onların sağlam olması ümumi həyat keyfiyyətimizə təsir edir. Yaşlandıqca sümük sıxlığı azalır, osteoporoz riski artır və qırılmalar daha asan baş verir. Kalsium çatışmazlığı, D vitamini defisiti və düzgün olmayan həyat tərzi sümüklərin zəifləməsinə səbəb ola bilər.

Sümük sağlamlığınızı qorumaq üçün gündəlik olaraq bu 3 vacib addımı atmağınız çox önəmlidir!

1. Kifayət Qədər Kalsium və D Vitamini Qəbul Edin

 Kalsium və D Vitamini Sümüklər Üçün Niyə Vacibdir?

Kalsium sümüklərin əsas quruluş maddəsidir və onların güclü və möhkəm qalmasını təmin edir. Yetərli miqdarda kalsium qəbul etmədikdə, bədən sümük toxumasını zəiflədərək onun sıxlığını azaldır.

2. Müntəzəm Fiziki Aktivlik Edin

 Hərəkət Sümüklərinizi Gücləndirir!

Sümüklərin sağlam qalması üçün müntəzəm fiziki fəaliyyət çox vacibdir. Ağırlıq daşıyan və müqavimətli məşqlər sümük sıxlığını artırır və osteoporozun qarşısını alır.

Sümük Sağlamlığı Üçün Ən Yaxşı Fiziki Fəaliyyətlər:

Gündə 30 dəqiqə piyada gəzmək (xüsusilə açıq havada)

Qaçış və pilləkən çıxmaq (sümük sıxlığını artırır)

Ağırlıq qaldırma məşqləri (çiyin və onurğa sümüklərini gücləndirir)

Yoqa və pilates (bədən elastikliyini artırır və sümük gücünü qoruyur)

Fiziki aktivlik sümüklərinizi gücləndirməklə yanaşı, tarazlığınızı da artıraraq qocalıqda düşmə və sınma riskini azaldır.

3. Zərərli Vərdişlərdən Uzaq Durun

 Sümüklərinizi Zəiflədən Zərərli Vərdişlər

Bəzi vərdişlər sümük sağlamlığınızı ciddi şəkildə poza bilər.Osteoporozun və sümük zəifləməsinin qarşısını almaq üçün bu zərərli vərdişlərdən uzaq durmalısınız.

Sümük Sağlamlığına Ziyan Vuran Faktlar:

Siqaret çəkmək: Nikotin sümük hüceyrələrinin bərpasını ləngidir və osteoporoz riskini artırır.

Alkoqol istifadəsi: Alkoqol sümüklərdən kalsiumun yuyulmasına səbəb olur.

Şəkər və qazlı içkilər: Qazlı içkilər sümükdən kalsiumun azalmasına səbəb ola bilər.

Hərəkətsiz həyat tərzi: Hərəkətsizlik sümüklərin zəifləməsinə gətirib çıxarır.