Psixoloq Elnur Rüstəmov

31/03/2026

31 Mart – Azərbaycanlıların Soyqırımı Günü xalqımızın tarixində dərin iz buraxmış faciənin anım günüdür. Bu gün biz yalnız itkilərimizi xatırlamır, eyni zamanda milli yaddaşımızı qorumağın vacibliyini bir daha dərk edirik.

Bu faciəni unutmaq yox, xatırlamaq və gələcək nəsillərə çatdırmaq hər birimizin borcudur. Çünki gələcəyini yalnız yaddaşını qoruyan xalq güclü şəkildə qurur.

Şəhidlərimizin xatirəsini dərin ehtiramla yad edirik.

27/03/2026

Psixologiya elminin inkişafı yalnız fərdi tədqiqatlarla deyil, məhz belə güclü elmi platformalarda formalaşan fikir mübadiləsi ilə mümkün olur.

“Psixologiyada Multidisiplinar Elmi Tədqiqatlar” Beynəlxalq Elmi Konfransı bu baxımdan olduqca əhəmiyyətli təşəbbüsdür. Müxtəlif istiqamətlərdən olan alimləri, tədqiqatçıları və praktik mütəxəssisləri bir araya gətirərək psixologiyanın həm nəzəri, həm də tətbiqi sahələrində yeni yanaşmaların formalaşmasına real töhfə verəcək.

Bu konfrans yalnız elmi müzakirə mühiti deyil, eyni zamanda psixologiyanın təhsil, klinik, sosial və təşkilati sahələrdə inteqrasiyasını gücləndirən mühüm bir platformadır. Multidisiplinar yanaşma isə bu gün psixologiyanın inkişafında əsas istiqamətlərdən biri kimi çıxış edir və bu konfrans məhz bu istiqamətin sistemli şəkildə inkişafına xidmət edir.

Birgə təşkilatçılıqda iştirak etmək bizim üçün həm məsuliyyət, həm də böyük qürur mənbəyidir. Bu təşəbbüs psixologiya elminin Azərbaycanda daha strukturlaşmış, beynəlxalq standartlara uyğun və praktik yönümlü inkişafına ciddi təsir göstərəcək.

Xüsusilə qeyd etmək istəyirəm ki, Mingəçevir Dövlət Universitetinin bu prosesdə göstərdiyi təşəbbüskarlıq və akademik dəstək yüksək dəyərləndirilməlidir. Universitetin elmi mühitə verdiyi töhfə və bu cür beynəlxalq platformaların təşkilində aktiv rolu təqdirəlayiqdir.

İnanıram ki, bu konfrans yeni elmi əməkdaşlıqların yaranmasına, tədqiqat keyfiyyətinin yüksəlməsinə və psixoloji xidmətlərin daha effektiv modellərinin formalaşmasına mühüm zəmin yaradacaq.

23/03/2026

Bu gün Psixologiya Elmi Tədqiqat İnstitutunun növbəti elmi uğurunu böyük qürur hissi ilə paylaşmaq istəyirəm.

AMEA-nın müxbir üzvü, professor Bəxtiyar Əliyevin həmmüəllifliyi, institutumuzun elmi araşdırmalar üzrə baş koordinatoru Ülkər Zalova-Nuriyevanın və tədqiqat qrupunun üzvləri Leyla İsayeva, Lamiyyə Hüseynova, Nəzrinxanım Mehdiyeva, Rahilə Məmmədovanın birgə zəhməti ilə hazırlanan “Generalizə olunmuş təşviş pozuntusu şkalasının Azərbaycan dilinə adaptasiyası: onun rifah, interpersonal dəstək, depressiya və stress ilə əlaqəsi” adlı məqalə beynəlxalq elmi jurnalda dərc olunmuşdur.

Məqalənin Belarusiyada nəşr olunan “Psychiatry, Psychotherapy and Clinical Psychology” jurnalında çap olunması, jurnalın isə Scopus, EBSCO, CNKI və Ulrich’s Periodicals Directory kimi beynəlxalq bazalarda indekslənməsi bizim üçün xüsusi önəm daşıyır. Bu uğur institutumuzun elmi potensialının, komandamızın peşəkarlığının və psixologiya elminə verdiyimiz töhfənin aydın göstəricisidir.

Bu tədqiqatın ən mühüm tərəfi ondan ibarətdir ki, təşvişin qiymətləndirilməsi üçün Azərbaycan dilində etibarlı və elmi əsaslandırılmış psixometrik alət ortaya qoyulmuşdur. Bu nəticə həm psixoloqlar, həm psixiatrlar, həm də tədqiqatçılar üçün olduqca dəyərli elmi və praktik resursdur. Məqalənin nəticələri GAD-7 ilə rifah, depressiya və stress arasında əlaqələri də göstərir.

İnstitut olaraq məqsədimiz psixologiya elmini cəmiyyətə daha da yaxınlaşdırmaq, elmi nəticələri praktikaya daşımaq, milli psixometrik bazanı gücləndirmək və Azərbaycanı beynəlxalq elmi platformalarda daha güclü şəkildə təmsil etməkdir. Bu nəşr də həmin yolun uğurlu və qürurverici nəticələrindən biridir.

Bu işdə əməyi olan bütün müəlliflərə və tədqiqat qrupunun hər bir üzvünə təşəkkür edirəm. Xüsusilə AMEA-nın müxbir üzvü, professor Bəxtiyar Əliyevin elmi töhfəsi və yolgöstərən mövqeyi bu uğurun formalaşmasında mühüm rol oynayıb.

Əminəm ki, qarşıdakı dövrdə də institutumuz yeni tədqiqatlar, yeni elmi nəticələr və yeni beynəlxalq uğurlarla ölkəmizdə psixologiya elminin inkişafına daha böyük töhfələr verəcək.

Hər zaman dediyimiz kimi, yolumuz elm yoludur.

Məqalənin linkini sizinlə bölüşürəm.

https://recipe.by/wp-content/uploads/2026/03/8-17_ps_1-2026_v17.pdf

21/03/2026

Bu gün Azərbaycan psixologiya elmi və ictimai fikir mühitində özünəməxsus yeri olan, zəngin elmi fəaliyyəti, ziyalı mövqeyi və çoxşaxəli xidmətləri ilə seçilən hörmətli professor Bəxtiyar Əliyevin doğum günüdür.

Bəxtiyar müəllim uzun illərdir ki, ölkəmizdə psixologiya elminin inkişafına, elmi düşüncənin təşviqinə, gənc mütəxəssislərin formalaşmasına və cəmiyyətimizdə sağlam psixoloji mühitin möhkəmlənməsinə mühüm töhfələr verir. Onun fəaliyyəti yalnız elmi sahə ilə məhdudlaşmır, eyni zamanda ictimai məsuliyyət, vətəndaş mövqeyi və milli dəyərlərə bağlılıq nümunəsi kimi də yüksək qiymətləndirilir.

Hörmətli Bəxtiyar müəllimi doğum günü münasibətilə səmimi qəlbdən təbrik edir, ona möhkəm cansağlığı, uzun ömür, yeni elmi nailiyyətlər və ictimai fəaliyyətində davamlı uğurlar arzulayıram.

Doğum gününüz mübarək olsun, hörmətli Bəxtiyar müəllim.

Bu gün Milli Məclisin deputatı, Müasir Azərbaycan Psixoloqları İctimai Birliyinin İdarə Heyətinin sədri, Azərbaycan Milli Elmlər Akademiyasının müxbir üzvü, professor Bəxtiyar Əliyevin doğum günüdür.

Hörmətli Bəxtiyar müəllimi doğum günü münasibətilə səmimi qəlbdən təbrik edir, ona möhkəm cansağlığı, uzun ömür, elmi və ictimai fəaliyyətində yeni-yeni uğurlar arzulayırıq. Onun Azərbaycanda psixologiya elminin inkişafına, elmi düşüncənin təşviqinə və cəmiyyətdə sağlam psixoloji mühitin formalaşmasına verdiyi dəyərli töhfələr daim yüksək qiymətləndirilir.

İnanırıq ki, Bəxtiyar müəllimin zəngin elmi təcrübəsi, çoxşaxəli fəaliyyəti və ziyalı mövqeyi bundan sonra da ölkəmizin elmi və ictimai həyatına mühüm töhfələr verməyə davam edəcəkdir.

Doğum gününüz mübarək, hörmətli Bəxtiyar müəllim!

20/03/2026

I've just reached 10K followers! Thank you for continuing support. I could never have made it without each one of you. 🙏🤗🎉

20/03/2026

Əziz dostlar, dəyərli həmvətənlər!

Sizi Novruz bayramı və Ramazan bayramı münasibətilə səmimi qəlbdən təbrik edirəm.

Novruz bayramı xalqımızın əsrlərdən bəri yaşatdığı milli-mənəvi dəyərlərin, yenilənmənin, təbiətlə harmoniyanın, bərəkətin və birlik ruhunun təcəssümüdür. Bu bayram insanları bir araya gətirən, ailələri yaxınlaşdıran, ürəklərdə ümid və sevinc oyadan ən əziz mənəvi sərvətlərimizdən biridir. Ramazan bayramı isə mərhəmətin, xeyirxahlığın, paylaşmanın, mənəvi saflığın, səbir və vicdanın ali ifadəsidir. Bu müqəddəs günlər insanı həm özü ilə, həm cəmiyyətlə, həm də ən ülvi dəyərlərlə daha dərindən bağlayır.

Bu iki gözəl bayramın eyni dövrə təsadüf etməsi xüsusi mənəvi məna daşıyır. Bu, həm milli köklərimizə bağlılığımızı, həm də mənəvi dəyərlərimizə sədaqətimizi bir daha ifadə edir. Bayramlar cəmiyyətimizdə qarşılıqlı hörmətin, sosial həmrəyliyin, mənəvi bütövlüyün və humanist düşüncənin daha da güclənməsinə xidmət edir.

Arzu edirəm ki, Novruzun yeniləyici nəfəsi, Ramazanın nur və bərəkəti hər bir ocağa rahatlıq, hər bir ailəyə sevinc, hər bir qəlbə ümid gətirsin. Xalqımız daim sülh, əmin-amanlıq, birlik və rifah içində yaşasın. Uca Allah dövlətimizi qorusun, Vətənimizi daha da gücləndirsin, xalqımıza firavanlıq, ordumuza qüdrət, yurdumuza sabitlik və inkişaf nəsib etsin.

Qoy bu əziz bayram günləri milli birliyimizi daha da möhkəmləndirsin, insanlarımız arasında sevgi, şəfqət və qarşılıqlı dəstək hissini daha da artır­sın. Hər bir evdə xoş ovqat, hər bir ailədə sevinc, hər bir ürəkdə inam və gözəl sabaha ümid olsun.

Novruz bayramınız və Ramazan bayramınız mübarək olsun!

Hər birinizə möhkəm can sağlığı, ailə səadəti, ruzi-bərəkət, xoş günlər və bütün işlərinizdə davamlı uğurlar arzulayıram.

19/03/2026

Ramazan ayı insanın yalnız fiziki deyil, həm də psixoloji və mənəvi təmizlənmə prosesidir. Bu müqəddəs ay bizə səbirli olmağı, nəfsimizi idarə etməyi, daxili balansımızı qorumağı və ən əsası insanlarla münasibətlərimizdə daha anlayışlı və mərhəmətli olmağı öyrədir. Orucluq yalnız ac qalmaq deyil, bu düşüncələrin saflaşması, emosiyaların tənzimlənməsi və ruhun dərinliklərinə enərək özümüzlə yenidən bağ qurmaqdır.

Ramazan bizə göstərir ki, həqiqi güc nəzarətdədir. Hisslərimizi, davranışlarımızı və reaksiyalarımızı şüurlu şəkildə idarə etmək insanın daxili inkişafının əsas göstəricisidir. Bu ayda insan həm özünü, həm də ətrafını daha yaxşı anlamağa başlayır. Empatiya artır, paylaşma duyğusu güclənir, mənəvi rahatlıq və daxili sakitlik formalaşır.

Bu əziz Ramazan bayramı münasibətilə xalqımızı, bütün insanlarımızı səmimi qəlbdən təbrik edirəm. Arzu edirəm ki, bu müqəddəs günlər hər bir evə ruzi bərəkət, qəlblərə sevinc, ailələrə birlik və sağlamlıq gətirsin. Hər birimizin həyatında daha çox anlayış, sevgi və daxili harmoniya olsun.

Bayramınız mübarək!

Hörmətlə,
Elnur Rüstəmov, PhD
Psixologiya Elmi Tədqiqat İnstitutunun Sədri

17/03/2026

Bu gecə sadəcə tonqal qalamaq deyil, bu gecə köklərimizə qayıdışdır. Yandırdığımız alov içimizdəki yorğunluğu aparır, ürəyimizə isə yeni ümidlər gətirir.

Bu gecənin ən böyük dəyəri ailədir. Valideynlərin varlığı, onların səssiz duası, bir ocaq ətrafında toplaşmaq, bütün bunlar həyatın ən böyük xoşbəxtliyidir.

İlaxır çərşənbə bizə insanın ailəsi ilə güclü olduğunu, xalqın öz dəyərləri ilə yaşadığını və dövlətin məhz bu birlik üzərində möhkəmləndiyini bir daha xatırladır.

Qoy bu tonqalın alovu evinizə istilik, ürəyinizə rahatlıq gətirsin.
Qoy ailələrimiz möhkəm, dövlətimiz güclü, sabahlarımız işıqlı olsun.

İlaxır çərşənbəmiz mübarək!

13/03/2026

Elm yalnız bilik istehsal etmir, həm də insanları, ideyaları və gələcəyin imkanlarını bir araya gətirən ən güclü platformadır.

Bu gün Psixologiya Elmi Tədqiqat İnstitutunda Mingəçevir Dövlət Universitetinin nümayəndə heyəti ilə çox səmərəli və məhsuldar görüş keçirdik. Görüş zamanı psixologiya elminin inkişafı, elmi tədqiqatların genişləndirilməsi, universitetlərlə elmi-tədqiqat institutları arasında əməkdaşlığın gücləndirilməsi, gənc tədqiqatçıların elmi fəaliyyətə cəlb olunması və birgə layihələrin həyata keçirilməsi istiqamətində geniş müzakirələr aparıldı.

Xüsusilə 24–25 aprel tarixlərində Müasir Azərbaycan Psixoloqları Cəmiyyəti, Mingəçevir Dövlət Universiteti və Psixologiya Elmi-Tədqiqat İnstitutunun birgə təşkilatçılığı ilə keçiriləcək “Psixologiyada Multidisiplinar Elmi Tədqiqatlar” adlı beynəlxalq elmi konfrans ətrafında geniş fikir mübadiləsi aparıldı. Konfransın elmi proqramı, panel sessiyaları, müzakirə platformaları və praktik workshopların təşkili ilə bağlı məsələlər ətraflı şəkildə müzakirə edildi.

İnanırıq ki, bu konfrans ölkəmizdə psixologiya elminin inkişafına, elmi mühitin daha da güclənməsinə, alimlər, tədqiqatçılar və praktik psixoloqlar arasında əməkdaşlığın genişlənməsinə mühüm töhfə verəcək.

Psixologiya elmi insanı, cəmiyyəti və sosial münasibətləri daha dərindən anlamağa imkan verən mühüm elmi sahədir. Bu baxımdan ali təhsil müəssisələri ilə elmi-tədqiqat institutları arasında qurulan əməkdaşlıq həm elmi mühitin inkişafı, həm də cəmiyyət üçün faydalı nəticələrin əldə olunması baxımından xüsusi əhəmiyyət daşıyır.

Mingəçevir Dövlət Universitetinin rəhbərliyinə və görüşdə iştirak edən bütün həmkarlarımıza göstərdikləri diqqətə və əməkdaşlıq ruhuna görə təşəkkür edirəm. İnanıram ki, bu görüş gələcəkdə daha geniş elmi layihələrin və təşəbbüslərin başlanğıcı olacaq.

Elm yolumuz davam edir!

08/03/2026

8 Mart – Beynəlxalq Qadınlar Günü münasibətilə Psixologiya Elmi-Tədqiqat İnstitutunda institutumuzun dəyərli xanım əməkdaşları ilə səmimi görüş təşkil olundu. Bu görüş sadəcə bayram təbriki deyil, həm də qadın əməyinə, qadın zəkasına və qadın fədakarlığına olan hörmət və ehtiramın ifadəsi idi.

Qadın cəmiyyətin mənəvi dayağı, ailənin ruhu və gələcək nəsillərin formalaşmasında əsas qüvvədir. Azərbaycan qadını tarix boyu öz müdrikliyi, sədaqəti və güclü iradəsi ilə seçilib. O, həm ailə dəyərlərini qoruyan ana, həm cəmiyyətə töhfə verən ziyalı, həm də ölkənin inkişafına töhfə verən güclü bir şəxsiyyətdir.

Bu gün institutumuzda çalışan xanımlar da öz peşəkarlıqları, məsuliyyətləri və yüksək insani keyfiyyətləri ilə psixologiya elminin inkişafına mühüm töhfə verirlər. Onların elmi fəaliyyəti, maarifləndirici işi və insanlara göstərdikləri psixoloji dəstək cəmiyyətimizin sağlam gələcəyinin formalaşmasında mühüm rol oynayır.

Azərbaycan qadını ailəyə bağlılığı, milli dəyərlərə sədaqəti və eyni zamanda müasir düşüncə tərzi ilə seçilir. O, həm ana, həm müəllim, həm alim, həm də cəmiyyətin inkişafına istiqamət verən güclü bir qüvvədir. Məhz bu xüsusiyyətlər Azərbaycan qadınının cəmiyyətimizdə xüsusi yerə və hörmətə sahib olmasını təmin edir.

Bu əlamətdar gün münasibətilə bütün xanımları ürəkdən təbrik edir, onlara möhkəm cansağlığı, ailə səadəti, uğurlar və yeni nailiyyətlər arzulayıram. Qadınların dəyər gördüyü, hörmətlə qarşılandığı və öz potensialını tam reallaşdıra bildiyi bir cəmiyyət qurmaq hamımızın ortaq məsuliyyətidir.

Bayramınız mübarək olsun, dəyərli xanımlar! 🌹

06/03/2026

Psixologiya Elmi Tədqiqat İnstitutunda şöbə müdirlərinin növbəti işçi iclası keçirildi.

İclas zamanı institutun müxtəlif şöbələri tərəfindən həyata keçirilən elmi-tədqiqat və elmi-praktiki fəaliyyət istiqamətləri geniş şəkildə müzakirə olundu, görülən işlərin nəticələri təhlil edilərək qiymətləndirildi və qarşıdakı dövr üçün prioritet istiqamətlər müəyyənləşdirildi.

Son illər Psixologiya Elmi-Tədqiqat İnstitutu ölkədə psixologiya elminin inkişafı istiqamətində sistemli və məqsədyönlü fəaliyyət həyata keçirir. İnstitutda psixometrik tədqiqatlar, beynəlxalq psixoloji ölçmə alətlərinin Azərbaycan dilinə adaptasiyası, davranış və psixoloji rifahın öyrənilməsi, təhsil və təşkilati psixologiya sahələrində elmi modellərin hazırlanması, metodoloji vəsaitlərin və elmi nəşrlərin hazırlanması istiqamətində mühüm işlər görülür.

Eyni zamanda institutun mətbu orqanı olan “Psixologiya jurnalı”nda aparılan elmi tədqiqatların nəticələri mütəmadi olaraq dərc edilir və elmi ictimaiyyətə təqdim olunur.

Keçirilən iclasın əsas məqsədi şöbələrdə aparılan elmi fəaliyyətin daha sistemli və koordinasiyalı şəkildə təşkilini təmin etmək, tədqiqat mövzularının metodoloji əsaslarını dəqiqləşdirmək, həmçinin institut daxilində və ali təhsil müəssisələri ilə elmi əməkdaşlıq imkanlarını genişləndirmək idi.

Müzakirələr zamanı elmi fəaliyyət üzrə hesabatlılıq mexanizmlərinin təkmilləşdirilməsi, şöbələrarası əməkdaşlığın daha səmərəli qurulması və yeni elmi təşəbbüslərin formalaşdırılması ilə bağlı təkliflər səsləndirildi. Qarşıdakı dövr üçün bir sıra elmi layihələrin və tədqiqat istiqamətlərinin hazırlanması ilə bağlı müvafiq tapşırıqlar verildi.

Psixologiya Elmi-Tədqiqat İnstitutu ölkədə psixologiya elminin inkişafına töhfə vermək, elmi biliklərin praktik tətbiqini genişləndirmək və beynəlxalq standartlara uyğun elmi mühit formalaşdırmaq istiqamətində fəaliyyətini davam etdirir. Bu istiqamətdə dövlət və özəl qurumlar, ali təhsil müəssisələri və psixologiya sahəsində çalışan mütəxəssislərlə əməkdaşlığın genişləndirilməsi xüsusi əhəmiyyət daşıyır.

Psixologiya sahəsində çalışan bütün mütəxəssisləri və tədqiqatçıları birgə elmi fəaliyyətə və əməkdaşlığa dəvət edirik.

İnanırıq ki, cəmiyyətin sağlam inkişafının əsasında elmi bilik və psixoloji maarif dayanır.

Hər zaman dediyimiz kimi — yolumuz elm yoludur!

28/02/2026

Bu gün Psixologiya Elmi Tədqiqat İnstitutunda “Şəxsiyyət və Daxili İnkişaf” mövzusunda keçirilən Gənclərin İnkişafı Forumu bir daha göstərdi ki, gənclər yalnız məlumat deyil, məna axtarır; yalnız bilik deyil, daxili istiqamət qazanmaq istəyir.

Forum çərçivəsində aparılan çıxışlar və müzakirələr sübut etdi ki, şəxsiyyətin formalaşması təsadüfi proses deyil. Bu, elmi yanaşma, düşüncə mədəniyyəti və daxili məsuliyyət tələb edən inkişaf yoludur.

Müasir dövrdə əsas çağırış informasiya bolluğu içində özünü itirməmək, əksinə, özünü tapmaqdır. Bu baxımdan forum gənclər üçün yalnız dinləmə məkanı deyil, düşünmə və özünə baxış platforması rolunu oynadı.

Dəyərli çıxışları ilə bu platformaya məzmun qazandıran spikerlərimizə səmimi təşəkkürümü bildirirəm. Sizin təqdim etdiyiniz elmi və praktik yanaşmalar gənclərin dünyagörüşünün formalaşmasına mühüm töhfə verdi.

Eyni zamanda forumun yüksək səviyyədə təşkilində əməyi olan bütün təşkilatçı komandaya minnətdarlığımı ifadə edirəm. Bu cür təşəbbüslər yalnız tədbir deyil, gələcəyin düşünən və məsuliyyətli fərdlərinin formalaşmasına xidmət edən strateji addımlardır.

Psixologiya Elmi-Tədqiqat İnstitutu olaraq inanırıq ki, sağlam cəmiyyət düşünən şəxsiyyətlər üzərində qurulur. Və bu istiqamətdə həyata keçirilən hər bir təşəbbüs ölkəmizin psixoloji inkişaf mühitinə verilən dəyərli töhfədir.

merkez_