Qobustan Rayon Mərkəzi Xəstəxanası

25/10/2025

🎥 Ərəbşalbaş kəndində tibbi müayinə

Qobustan Rayon Mərkəzi Xəstəxanasının həkim briqadası tərəfindən Ərəbşalbaş kənd sakinlərinin səyyar tibbi müayinəsi həyata keçirilib.
50-dən çox vətəndaşa 100-dən artıq tibbi xidmət göstərilib.

Bütün xidmətlər icbari tibbi sığorta çərçivəsində təqdim olunub.
Eyni zamanda “Analar Məktəbi” layihəsi çərçivəsində hamilə qadınlarla maarifləndirici görüşlər keçirilib.

25/10/2025

25 Oktyabr Qubadlı Şəhəri Günüdür 🇦🇿

!

24/10/2025

Fəttayeva Aida Vəli qızı
1959-cu il oktyabrın 4-də Sumqayıt şəhərində anadan olub.

1979–1985-ci illərdə Azərbaycan Dövlət Tibb İnstitutunun Pediatriya fakültəsində təhsil alıb.
1985–1986-cı illərdə Sumqayıt Şəhər Mərkəzi Xəstəxanasında pediatriya ixtisası üzrə internaturanı başa vurub.

1986–1988-ci illərdə Sumqayıt Şəhər Doğum Evində həkim-neonatoloq kimi çalışıb.

1988–2008-ci illərdə Sumqayıt Şəhər 2 nömrəli Doğum Evində həkim-neonatoloq kimi çalışıb.

2008–2021-ci illərdə həmin müəssisədə yenidoğulmuşlar şöbəsinin müdiri vəzifəsində çalışıb.

2021–2025-ci ilin fevral ayınadək Yenidoğulmuşların İntensiv Terapiyası Şöbəsinin müdiri vəzifəsində çalışıb.

2025-ci ilin oktyabr ayından Qobustan Rayon Mərkəzi Xəstəxanasının Ginekologiya və Doğum şöbəsində həkim-neonatoloq vəzifəsində çalışır.

1990-cı ildə Ukraynanın Xarkov şəhərində iki aylıq təkmilləşdirmə kursunda iştirak edib.
Həmçinin Bakı şəhərində dəfələrlə ixtisasartırma kurslarında, seminar və konfranslarda iştirak edib.

24/10/2025

"Medinex" – səhiyyə sahəsində innovasiyalar və peşəkarların görüş nöqtəsidir.

Xəzər regionunun aparıcı tibb və səhiyyə tədbiri olan “Medinex”, bu il də sahənin yerli və beynəlxalq mütəxəssislərini bir araya gətirəcək.

Hər birinizi “Medinex” sərgisinə dəvət edirik.

30 oktyabr – 1 noyabr 2025 | Bakı Ekspo Mərkəzi

Sərgini ziyarət etmək üçün qeydiyyatdan keçin:

https://medinex.az/az/get-the-ticket

24/10/2025

Qobustan Rayon Mərkəzi Xəstəxanasında vərəm xəstələrinin müayinə və müalicəsi ilə bağlı iclas keçirilib

Qobustan Rayon Mərkəzi Xəstəxanasında baş həkim Xəyalə İmanovanın rəhbərliyi ilə Ağciyər Xəstəlikləri Mərkəzinin İsmayıllı Regional Xəstəxanasının baş həkimi Anar Məmmədov, Ağciyər Xəstəlikləri Mərkəzinin Qobustan Regional Xəstəxanasının baş həkimi Samir Quliyev, həmçinin digər həkim və orta tibb işçilərinin iştirakı ilə iclas keçirilib.

İclasda vərəm xəstələrinin düzgün yönləndirilməsi, müayinə və müalicə prosesinin təkmilləşdirilməsi, eləcə də dərman təminatı məsələləri müzakirə olunub.

Tədbirin məqsədi ağciyər xəstəlikləri ilə mübarizədə koordinasiyalı fəaliyyətin gücləndirilməsi və pasiyentlərin keyfiyyətli tibbi xidmətlə təmin edilməsidir.

23/10/2025

23/10/2025

Azərbaycan Respublikası Nazirlər Kabinetinin yeni qərarı ilə tibb müəssisələrində xidmət alan şəxslərin qida normaları ilə bağlı yeni qaydalar müəyyənləşdirilib.

🔗 Daha ətraflı: https://bit.ly/4o3GSjl

23/10/2025

Ərəbşalbaş kəndində sakinlərin tibbi müayinəsi həyata keçirilib
Qobustan Rayon Mərkəzi Xəstəxanasının həkim və tibb işçilərindən ibarət briqadanın iştirakı ilə Qobustan rayonu Ərəbşalbaş kənd sakinlərinin tibbi müayinəsi həyata keçirilib.

Keçirilən səyyar həkim qəbulunda infeksionist, oftalmoloq, laborant, terapevt, pediatr və ginekoloq kimi müxtəlif ixtisaslı həkimlər iştirak ediblər. Kənd sakinləri tibbi müayinələrdən keçib, aparılan yoxlamalar əsasında onlara uyğun müalicələr təyin olunub.

Tibbi müayinələr zamanı 50-dən çox vətəndaşa 100-dən çox tibbi xidmət göstərilib. Bütün xidmətlər icbari tibbi sığorta çərçivəsində təqdim olunub.

Eyni zamanda "Analar Məktəbi" layihəsi çərçivəsində Ərəbşalbaş kəndində və digər kəndlərdə hamilələrin maarifləndirilməsi tədbirləri davam etdirilir. Bu tədbirlər zamanı gələcək analara hamiləlik dövründə sağlam həyat tərzi, düzgün qidalanma, ana və uşaq sağlamlığı mövzusunda faydalı məlumatlar verilir.

Qeyd edək ki, tibbi müayinələrin əsas məqsədi ahıl və həssas qruplara daxil olan əhalinin tibbi xidmətə əlçatanlığını təmin etmək, TƏBİB-in və İcbari Tibbi Sığorta üzrə Dövlət Agentliyinin yaratdığı imkanlar çərçivəsində təqdim olunan xidmətlərlə bağlı maarifləndirmə işləri aparmaqdır.

23/10/2025

🎀 Qobustan Rayon Mərkəzi Xəstəxanasında “Süd vəzi xərçəngi: sağlamlığın üçün bir addım” adlı layihə həyata keçiriləcək

Layihənin həyata keçirilməsində məqsəd qadınlar arasında süd vəzi xərçəngi xəstəliklərinin erkən aşkarlanması, profilaktikası və müalicəsidir.

27–28 oktyabr 2025-ci il tarixlərində tibb müəssisəsində keçiriləcək müayinələr icbari tibbi sığortanın Xidmətlər Zərfi çərçivəsində baş tutacaq.

Qobustan rayonu və ətraf rayonlardan olan sakinlər ixtisaslaşmış həkimlərin müayinəsindən keçmək üçün tibb müəssisəsinə müraciət edə bilərlər👩‍⚕️

🩺 Erkən müayinə – sağlam gələcəyin açarıdır!

21/10/2025

Qan ver, həyat bəxş et!
Qobustan Rayon Mərkəzi Xəstəxanasında keçirilən qanvermə aksiyasından görüntülər.
Unutma, bir damla qan – bir insanın həyatı deməkdir.