Shamakhi rmx

10/03/2026

📌 “İcbari Tibbi Sığorta ilə göstərilən radioloji xidmətlər”

🗓️ 11.03.2026 | ⏰ Saat 16:30
📺 REAL TV | 🩺 “İNSAN”

İcbari tibbi sığorta ilə hansı radioloji müayinələr edilir? MRT və KT müayinələri sığorta ilə mümkündürmü? Radioloji müayinə üçün müraciət qaydası necədir?

Qonaqlar:

Sevinc Nəsirova
TƏBİB-in İxtisaslı tibbi xidmətlər şöbəsinin böyük məsləhətçisi.

Səidə Nəzərova
İTSDA-nın Dövlət tibb müəssisələrinin ekspertizası şöbəsinin aparıcı məsləhətçisi.

📺 Canlı yayımı 11 mart saat 16:30-da izləməyi unutmayın.

10/03/2026

🌬️Yel çərşənbəsi təbiətin oyanışını və baharın gəlişini müjdələyir. Hər kəsə sağlamlıq, xoş günlər və ruzi-bərəkət arzulayırıq!

08/03/2026

07/03/2026

TƏBİB-in “Mentor klinika” layihəsi çərçivəsində 10-14 mart 2026-cı il tarixlərində Respublika Klinik Xəstəxanası-nın həkimləri
Şamaxı Rayon Mərkəzi Xəstəxanası-nda vətəndaşlar üçün pasiyent qəbulu həyata keçirəcəklər.

🏥 Qəbul icbari tibbi sığorta çərçivəsində aparılacaq.

👩‍⚕️👨‍⚕️ Qəbulda iştirak edən həkimlər:
• Pərvin Hüseynov - travmatoloq-ortoped
• Pənah Hüseynov - ümumi cərrah
• Gülşən Həsənova - neonatoloq
• Mehman Əliyev - anestezioloq-reanimatoloq
• Fərəh Səfərli - şüa diaqnostikası üzrə həkim
• Aygün İbrahimli – terapevt
• Günay Qurbanova - mama-ginekoloq
• Sevinc Ağayeva - TTTY üzrə həkim
• Gülxanım Qurbanova - endokrinoloq
• Cəmilə Nəbiyeva - nefroloq

🔍 Həkimlər tərəfindən müayinə, diaqnostika və tibbi məsləhətlər göstəriləcək.

📍 Ünvan: Şamaxı şəhəri, Qədirli küçəsi, 61
📞 Əlaqə: 020 265 70 41

06/03/2026

8 Mart – Beynəlxalq Qadınlar Günü münasibətilə Şamaxı Rayon Mərkəzi Xəstəxanasında tədbir keçirilib.

Tədbirdə çıxış edən xəstəxananın direktoru Natiq Əliyev şəhid anaları və şəhid xanımının timsalında xəstəxananın bütün xanım əməkdaşlarını bayram münasibətilə təbrik edib. O, səhiyyə sahəsində çalışan qadınların cəmiyyətdə mühüm rol oynadığını vurğulayaraq onların fədakar əməyini və insan sağlamlığının qorunmasında göstərdikləri xidmətləri yüksək qiymətləndirib.

Tədbirdə həmçinin Şamaxı Rayon Səhiyyə İşçiləri Həmkarlar İttifaqı Şurasının sədri Cahangir Şıxəliyev çıxış edərək xanım əməkdaşları bayram münasibətilə təbrik edib, onlara fəaliyyətlərində uğurlar arzulayıb.

Xəstəxananın direktor müavini, İlkin səhiyyə xidmətinin rəhbəri Məhəmməd Gözəlov çıxış edərək xanım əməkdaşların səhiyyə sahəsində göstərdikləri yorulmaz və məsuliyyətli fəaliyyətini xüsusi qeyd edib.

Qeyd olunub ki, xəstəxanada çalışan qadınların peşəkarlığı, məsuliyyəti və qayğıkeşliyi tibb müəssisəsinin fəaliyyətində mühüm yer tutur və onlar hər gün sədaqətlə çalışaraq xəstələrin sağlamlığının qorunmasına mühüm töhfə verirlər.

Sonda xanım əməkdaşlara möhkəm cansağlığı, ailə səadəti və iş fəaliyyətlərində yeni uğurlar arzulanıb.

06/03/2026

05/03/2026

Şamaxı Rayon Mərkəzi Xəstəxanasında tibbi xidmətlərin inkişafı istiqamətində daha bir mühüm addım atılıb. Belə ki, ilk dəfə olaraq xəstəyə ikitərəfli karpal tunel sindromu diaqnozu ilə sol bilək kanalının azad edilməsi (karpal tunel relizi) cərrahi əməliyyatı uğurla icra olunub.

Cərrahi müdaxilə həkim-travmatoloq-ortoped Kənan Quliyev və həkim-ümumi cərrah Cavid Fərəcli tərəfindən həyata keçirilib. Uzun müddət bilək nahiyəsində ağrı, keyimə və xüsusilə gecə saatlarında güclənən narahatlıqlar səbəbindən yuxu problemi yaşayan 70 yaşlı xəstə əməliyyatdan sonra özünü xeyli rahat və gümrah hiss etməyə başlayıb.

04/03/2026

https://azertag.az/xeber/sehiyye_ve_sosial_xidmet_qurumlari_arasinda_emekdasliq_samaxi_hekimleri_dost_evinde-4056863

DOST İnklüziv İnkişaf və Yaradıcılıq Mərkəzinin İsmayıllı “DOST Evi” filialına Şamaxı Rayon Mərkəzi Xəstəxanasının tibbi heyətinin infoturu təşkil edilib.

04/03/2026

Şamaxı Rayon Mərkəzi Xəstəxanasının tibbi heyəti İsmayıllı “DOST Evi”ndə olub.

DOST İnklüziv İnkişaf və Yaradıcılıq Mərkəzinin İsmayıllı “DOST Evi” filialına Şamaxı Rayon Mərkəzi Xəstəxanasının tibbi heyətinin infoturu təşkil edilib.

İnfotur zamanı qonaqlar filialda təlimlərə cəlb olunmuş həssas qruplara aid şəxslər üçün yaradılan şərait vəmüxtəlif istiqamətlər üzrə fəaliyyət göstərən emalatxanalarla tanış olublar.

Filialın direktoru Faiq Xudanlı müəssisənin fəaliyyət istiqamətləri, benefisiarların yaradıcılıq imkanlarının genişləndirilməsi və onların sosial adaptasiyası istiqamətində görülən işlər barədə ətraflı məlumat verib. Şamaxı Rayon Mərkəzi Xəstəxanasının direktoru Natiq Əliyev cəmiyyətin sağlam və dayanıqlı inkişafında keyfiyyətli səhiyyə xidmətləri ilə inklüziv inkişaf təşəbbüslərinin rolundan bəhs edib.

Görüşdə həssas qruplardan olan vətəndaşların cəmiyyətə effektiv şəkildə inteqrasiyası üçün tibbi xidmətlərin əlçatanlığının təmin edilməsi, habelə səhiyyə və sosial xidmət qurumları arasında qarşılıqlı əməkdaşlığın gücləndirilməsinin əhəmiyyəti vurğulanıb.

Sonda bu sahədə gələcək əməkdaşlıq perspektivləri və müştərək layihələrin həyata keçirilməsi imkanları nəzərdən keçirilib.