Taif Ahmed

07/04/2026

الحمدلله على جميل نعمك،
رزقني الله بمولودة أنارت حياتي،
وأسميتها ليلى 💜
5/4/2026 💜

08/01/2026

من زمان ما نزلت لكم مثل هالبوستات الي تحبونها
وهذي سعرات السوشي

طبعاً كالعادة اخبركم ان السعرات تقريبية مافي شي 💯 دقيق

وبصراحة جعت واني اسوي هالبوست 😔🍣🍤🍱🍙🥟🍜

#سعرات #سوشي #البحرين

28/12/2025

23/12/2025

كلنا نبدأ يومنا بحماس ونيّة صحية.. بس يتغير كل شيء بمجرد ما نكون 'مو نايمين كفاية'! 😴💔

ليش لما نتعب نصير ندور السكريات والوجبات السريعة؟

الموضوع مو ضعف إرادة، هي مجرد هرمونات الجوع (الجريلين) قاعدة تطلب طاقة سريعة عشان تعوض نقص النوم.

الحل؟ لا تقسي على نفسك في هذي الأيام، ركز على البروتين، اشرب ماي واجد، وتذكر: إذا خربتها بوجبة، مو لازم يخترب باقي اليوم! 🍎✨

26/11/2025

أحيانًا قرار صغير يغيّر حياة كاملة… مو لأن الطريق كان سهل، لكن لأن في أحد آمن فينا قبل ما نؤمن بنفسنا.

من خوف التكميم… لتحدّي الشورما… لقصة نجاح نفتخر فيها كل يوم.
الدعم مو رفاهية، الدعم قوة.

26/11/2025

للحين أتذكّر أوّل يوم صوّرنا فيه، وأوّل مسج من عبدالله بوحجي يوم قال لي: “ودنا تشاركين فريق حكاية… بس بنسوّي مقطع تثقيفي.” ومن هالمقطع الواحد بدأ كل شيء.

صرنا نصوّر من البيت، وما كان عندي غير مايكروفون صغنون، وبعدها قلت لعبدالله: “أبي يكون عندي بودكاست… خلّنا نسوّي بودكاست!” وهو ما قصّر، ساعدني حتى باختيار اسم البودكاست.

وجهان بوبشيت رتّبت لي الاستوديو بكل حب، وخليّناه بنفسجي مثل ما
أحب, كنت دايماً اقول لعبدالله استوديو حكاية بدون جيهان ما يكمل 💜

وخالد عبدالغفار كان دايمًا موجود في التصوير، داعم ومساند بكل لحظة.

أحب أشكر فريق حكاية كامل بدون استثناء على تعبهم، وروحهم الحلوة، وشغلهم اللي من القلب. والله يعطيكم ألف عافية… ولو أوفيكم حقّكم ما بقدر.

أتمنّى لكم كل التوفيق يا رب، وإن شاء الله أشوفكم في أعلى المناصب… وتكبرون وتكبر حكايتكم معاكم. 🤍

26/11/2025

جانب من مشاركتي في إلقاء محاضرة عن الطعام الصحي لطالبات الصف
الرابع الابتدائي في
📍مدرسة #السنابس الابتدائية للبنات

#تغذية #تغذية #البحرين

14/07/2025

احب احب احب البانكيك و دايماً كان عندي محاولات ازيد البروتين فيه بدون بروتين باودر

سويت لكم هذي الوصفة اللذيذة و الخفيفة و الي تصلح كريوق او عشا

جربوها و عطوني رايكم
كل المنتجات مرفقة و حطيت لكم من وين حصلتهم او اخذتهم.

#بانكيك

13/07/2025

مهـنة أخصائي التغذية مو سهلة أبدًا، لأنها مو بس عن أكل وسعرات، هي عن ناس عندهم مشاعر، عادات، ظروف مختلفة، وتحديات كل يوم. الأخصائي يحاول يفهم كل هالشياء عشان يساعد بطريقة واقعية وتناسب حياة الشخص فعلاً، مو مجرد خطة على ورق.

المختص يعطي من وقته وجهده عشان يچوف المراجع مرتاح، متطور، مستناس من التغيير اللي قاعد يصنعه في نفسه. وكل تحسن صغير يحققه المراجع، حتى لو كان بسيط، يكون مصدر فرحة كبيرة للأخصائي، لأنه يعرف شكثر تعب المراجع ووثق فيه.

صح، الشغل صعب، وفيه لحظات إحباط وتحديات، لكن لحظات النجاح والتأثير الإيجابي تعوّض كل التعب. مهنة مترووووسة إنسانية، وشغف، وإيمان بأن التغيير ممكن وهذا احلا ما فيها.

وفوق كل هذا، نؤمن إن الله ما يحط أحد في مكان الناس يحتاجونه فيه إلا وله حكمة وهدف. وجودك كمختص في حياة شخص يحاول يتغيّر، يتعافى، أو حتى يفهم نفسه أكثر، مو صدفة. يمكن تكون سبب في فتح باب أمل، أو طاقة تغيير ما كان يتوقعها أبدًا.

الله يسخّر الناس لبعض، وكل مراجع يقابلك هو أمانة وفرصة، وكل تعب تبذله في مساعدته هو جزء من رسالة الله عطاك اياها لحكمة أكبر. يمكن ما تچوف الأثر اليوم، بس يكفي إنك زرعت بذرة، والله يتولى الباقي.

فلا تستهين أبدًا بقيمة وجودك، ولا تتردد إنك تستمر، حتى لو الطريق صعب. لأنك في مكانك لهدف، ولأنك جزء من خير كبير قاعد يصير في حياة ناس كثير. 💜💜 الحمــــدلله

#دايتشن #البحرين

13/07/2025

جانب من تقديمي لورشة التغذية النفسية في
بمناسبة اسبوع الامام زين العابدين

كانت محاضرة مثرية و استمتعت مع الحضور ❤️

23/06/2025

اليوم مو يوم عادي، اليوم عيد ميلادي، يوم أستوعب فيه شكثر اني ممتنة حق كل لحظة، وكل سنة مرت، وكل شي شكّلني وصقلني وخذاني للمكان اللي اني فيه اليوم. سنة جديدة 🎂 أبتديها وأنا أكثر نضج، أكثر وعي، وأكثر حب للحياة… ولنفسي.

بس بهاليوم، ما أقدر أمر مرور الكرام من غير ما أقول كلمة شكر من القلب…
شكرًا حق أهلي اللي دايمًا سند، واللي بدعاهم ورضاهم الله يفتح لي أبواب الخير.
وشكرًا حق عايلتي اللي وجودهم حولي مثل ليلة دافية.

أحبكم كثر ما اني ممتنة، وكثر ما قلبي اليوم متروووس رضا.

إن شاء الله تكون هالسنة باب لفرص أحلى، لحب أعمق، ولحياة تشبهني أكثر.

سنة مضت واني أحاول أكون النسخة الأقرب من روحي، أسمع لنفسي، أحتويها، وأحبها حتى وقت الزعل والتعب. واليوم، أحتفل مو بس بعيد ميلادي، أحتفل بالشخص اللي اني عليه، بالشخص اللي قاوم، وابتسم، وحاول، ونجح، حتى لو ما حسيت دايمًا بالنتيجة.

كل سنة وأنا أقرب من السلام اللي أتمناه، من الناس اللي تحبني لذاتي، ومن الحياة اللي أطمح لها.

شكرًا ربي على كل نَفَس، على كل خطوة، وعلى كل لحظة عشتها. وإن شاء الله تكون هالسنة أحلى، أنضج، وأقرب للي أستحقه بِســـــلام💜💭🦋

#الحمدلله