Mind Voice Psychotherapy

Mind Voice Psychotherapy Contact information, map and directions, contact form, opening hours, services, ratings, photos, videos and announcements from Mind Voice Psychotherapy, Mental Health Service, 245 Fairview mall Drive, unit 504, Don Mills, ON.

📍 多倫多心理治療服務｜註冊社工及心理諮詢師
🌱 個人・伴侶・家庭治療
💬 處理：壓力 / 工作壓力 / 家庭困擾 / 育兒成長 / 成癮（網絡・酒精・藥物）/ 焦慮 / 抑鬱 / 新移民適應等
⭕️ 接受保險
📍 North York（實體 / 視像 / 電話輔導）
✨ 免費 15 分鐘諮詢｜立即預約
🌐 www.mindvoice.ca

【Mind Voice 心理教育站】打或逃模式 「Fight-or-Flight」 - 點解我會咁反應？有時你會突然好嬲、好想走開、腦袋一片空白，甚至不自覺去遷就人。你好可能會問：「我點解會咁？」但其實，呢啲反應，未必係你「有問題」。好多時...
04/30/2026

【Mind Voice 心理教育站】
打或逃模式 「Fight-or-Flight」 - 點解我會咁反應？

有時你會突然好嬲、好想走開、腦袋一片空白，甚至不自覺去遷就人。
你好可能會問：「我點解會咁？」
但其實，呢啲反應，未必係你「有問題」。好多時，係你身體同大腦喺壓力之下，自動啟動咗一套「保護機制」。

當我哋感受到威脅（唔一定係真正危險，可以係情緒壓力、人際衝突、被批評等），身體會好快進入以下幾種反應模式：
Fight（對抗／反擊）
覺得要保護自己，可能會變得易嬲、想爭取控制、頂住對方。

Flight（逃避／離開）
想即刻離開現場、轉話題、避開衝突或壓力來源。

Freeze（僵住／停頓）
腦袋突然空白、反應慢咗，好似「當機」咁，唔知點做。

Fawn（討好／迎合）
不自覺去配合對方、讓步、避免衝突，希望維持關係安全。

呢四種反應，統稱為 4F 壓力反應（Stress Responses）。

重點係：呢啲反應唔係「性格問題」，而係一種自動化嘅生存反應。
即係話你唔係特別敏感，你只係曾經學識咗用呢種方式保護自己。而你最常用嘅壓力反應模式又係咩呢？你又鍾唔鍾意呢一種反應模式？

咁大家有冇諗過點解人要有呢一種壓力反應模式呢？我哋下次又一齊探討吓😉

#心理小知識 #壓力反應
#情緒調節 #自我覺察 #心理健康 #多倫多心理治療
#心理成長

【心理小知識｜討好型人格】你係咪成日都覺得，要做得夠好，先唔會被人嫌棄？所以你會答應多過自己承受到嘅事，會顧住別人感受，多過自己。慢慢地，你開始覺得只要我再好一啲，關係就會穩一啲。但其實，你唔需要用迎合，去換取被留下。 #討好型人格 #心...
04/28/2026

【心理小知識｜討好型人格】
你係咪成日都覺得，要做得夠好，先唔會被人嫌棄？
所以你會答應多過自己承受到嘅事，會顧住別人感受，多過自己。
慢慢地，你開始覺得只要我再好一啲，關係就會穩一啲。
但其實，你唔需要用迎合，去換取被留下。

#討好型人格 #心理小知識 #自我價值 #界線感 #學識拒絕 #情緒健康 #關係課題 #取悅他人 #做返自己 #心理成長 #香港人心事 #多倫多心理治療

【MindVoice 心理教育站】 點解人要有情緒？有時我哋都會以為，如果冇情緒，生活會輕鬆好多。但其實，情緒從來都唔係多餘。佢哋一直用自己嘅方式，提醒緊你需要咩。驚，可能係想你保護自己。委屈，可能係你知道自己值得被好好對待。孤單，可能係你...
04/24/2026

【MindVoice 心理教育站】 點解人要有情緒？
有時我哋都會以為，如果冇情緒，生活會輕鬆好多。
但其實，情緒從來都唔係多餘。佢哋一直用自己嘅方式，提醒緊你需要咩。

驚，可能係想你保護自己。
委屈，可能係你知道自己值得被好好對待。
孤單，可能係你想有連結。
情緒唔一定舒服，但佢哋都係你身體同內心嘅一種語言。

下次當情緒出現，唔一定要即刻壓低佢，可以試下輕輕問一句：「其實我需要啲咩？」

#心理小知識 #情緒覺察 #情緒管理 #情緒健康 #自我了解 #自我關懷 #心理成長 #內在需要 #學識感受 #接納自己 #心理治療 #多倫多心理治療

【心理小知識｜有條件積極關懷】你有冇試過，好似一直都要「做得好」，先覺得自己值得被愛？細個嘅時候，成績好先被讚，乖先被接受，做到別人期望，先覺得安心。大個之後，呢種感覺好似仲跟住你工作要做好，關係要維持好，先覺得自己「夠好」。慢慢地，你開始...
04/21/2026

【心理小知識｜有條件積極關懷】
你有冇試過，好似一直都要「做得好」，先覺得自己值得被愛？
細個嘅時候，成績好先被讚，乖先被接受，做到別人期望，先覺得安心。
大個之後，呢種感覺好似仲跟住你工作要做好，關係要維持好，先覺得自己「夠好」。
慢慢地，你開始習慣壓低自己嘅感受，去迎合外在嘅標準。
但其實，你嘅價值，唔應該只係建立喺表現之上。

#心理小知識 #心理學
#有條件積極關懷
#自我價值 #自我接納 #自我成長
#情緒健康 #心理健康 #內在小孩
#討好型人格 #界線感

【心理小知識｜心理內耗】有時最攰嘅，唔係你做得幾多，而係你喺腦入面，反覆同自己拉鋸。明明事情已經過咗，但仲係不斷 replay，未發生嘅事，已經喺心入面預演無數次。慢慢地，你開始懷疑自己、消耗自己，連休息，都變得有壓力。其實你唔需要每一刻都...
04/14/2026

【心理小知識｜心理內耗】
有時最攰嘅，唔係你做得幾多，而係你喺腦入面，反覆同自己拉鋸。
明明事情已經過咗，但仲係不斷 replay，未發生嘅事，已經喺心入面預演無數次。
慢慢地，你開始懷疑自己、消耗自己，連休息，都變得有壓力。
其實你唔需要每一刻都諗清楚、做得完美。
有啲嘢，可以慢慢嚟；有啲答案，可以之後先出現。

#心理小知識 #心理內耗
#反芻思維
#情緒管理 #焦慮 #自我覺察
#情緒健康 #生活壓力

【兒童社交情緒專欄】如何成為孩子的情緒教練？好多家長都會問：「小朋友成日發脾氣、喊，可以點教？」其實，情緒唔係可以直接「教乖」，而係透過關係慢慢學習建立。Gottman 提出嘅「情緒教練」（Emotion Coaching），正正講緊大人點...
04/11/2026

【兒童社交情緒專欄】
如何成為孩子的情緒教練？
好多家長都會問：「小朋友成日發脾氣、喊，可以點教？」其實，情緒唔係可以直接「教乖」，而係透過關係慢慢學習建立。Gottman 提出嘅「情緒教練」（Emotion Coaching），正正講緊大人點樣幫孩子理解同調節情緒（Gottman et al., 1996）。

情緒教練可以簡單分為五個步驟：
1）覺察情緒（Emotion Awareness）
孩子未必會直接講感受，更多係用行為表達。大人可以試下由「佢做乜咁樣？」轉為「佢而家感覺緊咩？」
2）視為連結機會（Emotion as Opportunity for Connection）
情緒出現，其實係建立關係嘅時刻。唔使急住糾正，一句「我見到你好嬲」，已經可以拉近距離。
3）表達同理（Empathy）
同理唔等於認同行為，而係讓孩子感到被理解，例如：「你本身好期待，去唔成真係會失望。」
4）命名情緒（Emotion Labeling）
幫孩子用說話表達感受，例如「你而家係嬲／失望」。當情緒被講出嚟，其實已經開始被調節（Siegel & Bryson, 2011）。
5）設立界線並解難（Limit Setting & Problem Solving）
情緒可以有，但行為要有界線。「我知道你好嬲，但唔可以打人。」之後再一齊諗可以點做得更好。
成為情緒教練唔係要完美，而係喺日常互動中，讓孩子慢慢學識：情緒係可以被理解，亦可以被好好處理。當呢種經驗累積，孩子嘅情緒自然會更穩定。

參考資料:
Gottman, J. M., Katz, L. F., & Hooven, C. (1996). Journal of Family Psychology, 10(3), 243–268.

#情緒教練 #親子教養 #情緒管理 #兒童心理
#情緒教育 #正向教養
#心理學知識
#多倫多心理治療
#親子關係 #教養日常 #兒童情緒發展

04/09/2026

你有冇試過小朋友一反叛，你第一時間就係制止？
其實好多時，我哋只係回應緊「行為」，但忽略咗背後嘅需要。
反叛，未必係對抗。有時只係小朋友想多啲自主、被聽見、被尊重。
當我哋只係阻止，關係可能反而會愈來愈拉遠。
但如果我哋試下理解小朋友：「你係咪想自己做決定？」，「你係咪想我聽下你點諗？」再喺可接受嘅範圍內，俾佢多啲選擇同空間，其實反而更容易建立信任同合作。

有時，小朋友需要嘅唔係控制，而係被理解。

#親子教養 #親子關係 #育兒日常 #溫柔教養 #正向教養 #情緒教育 #兒童心理 #育兒思維 #教養反思 #理解孩子 #多倫多心理治療 #兒童心理治療

【心理小知識｜社會性懈怠】有冇試過做 group project，總係有人好忙，有人好靜？又或者喺 team 入面，明明人多，但效率反而更低。心理學叫呢種現象做社會性懈怠（Social Loafing）。當責任被分散，人就容易覺得:「少我一...
04/07/2026

【心理小知識｜社會性懈怠】

有冇試過做 group project，總係有人好忙，有人好靜？
又或者喺 team 入面，明明人多，但效率反而更低。

心理學叫呢種現象做社會性懈怠（Social Loafing）。

當責任被分散，人就容易覺得:「少我一個，應該都冇影響。」
於是慢慢地，有人開始出工唔出力，有人就越做越多。
但有時，唔一定係人懶，而係當一個人覺得自己「可有可無」，自然就冇咁投入。

當一個人知道自己嘅角色係重要，被看見、被需要，其實會更願意付出。

#心理小知識 #社會性懈怠
#團隊合作
#職場心理學 #群體心理
#工作日常 #自我覺察 #效率問題

【心理治療理論一分鐘｜CBT - 惡性循環】之前都同大家分享過，乜嘢係 CBT（認知行為治療）。今次想再同大家講多少少: 究竟呢一個治療法，係點樣實際幫助我哋改變思維，從而影響感受同行為。1）核心概念：我們的情緒、想法、行為和身體感受，其實...
04/02/2026

【心理治療理論一分鐘｜CBT - 惡性循環】

之前都同大家分享過，乜嘢係 CBT（認知行為治療）。
今次想再同大家講多少少:
究竟呢一個治療法，係點樣實際幫助我哋改變思維，從而影響感受同行為。

1）核心概念：
我們的情緒、想法、行為和身體感受，其實一直都在互相影響。一個負面想法，會帶來負面情緒，再引發不健康的行為，最終又加強最初的負面想法，形成「惡性循環」。

2）負面思維如何影響行為：
當我們抱有負面思維，例如覺得「我做乜都做唔好」或者「我永遠失敗」，腦海就會出現焦慮、害怕或者自卑的情緒。
這些情緒會影響我們的行為，令我們變得膽小、逃避，甚至不願意去嘗試新事物。而當我們因為少咗嘗試，或者出現小失誤，就更容易相信「我做唔到」。負面思維就會不斷被強化，惡性循環持續下去。

3）如何建立正向回饋，達致目標或成功：
如果我們嘗試調整思維，抱住「我未必完美，但我可以去試」的態度，大腦就會開始收集更多正面經驗。
每一次嘗試，即使未必完美，都可以帶來學習同成就感，慢慢建立自信。而這些正面經驗，又會反過來強化我們的思維模式，令我們更願意行動、更敢去試。

換句話說，當我們刻意調整思維同改變行為，
其實係可以一步一步訓練大腦，去留意自己的能力同進步，慢慢建立一個「良性循環」。

#心理治療理論分享 #認知行為治療
#惡性循環 #良性循環 #思維模式
#情緒管理 #情緒覺察 #自我覺察
#自我成長 #心理小知識 #心理學

#多倫多心理治療

【心理小知識】有時唔係你做得唔夠好，而係你對自己，太高要求。明明已經盡咗力，但因為「預期」太高，最後只剩低失望。好多時，情緒唔只係來自結果，而係來自「現實同預期之間嘅距離」。學習調整預期，唔係放低標準，而係俾自己多一點空間，去接受唔同嘅可能...
03/31/2026

【心理小知識】有時唔係你做得唔夠好，而係你對自己，太高要求。
明明已經盡咗力，但因為「預期」太高，最後只剩低失望。
好多時，情緒唔只係來自結果，而係來自「現實同預期之間嘅距離」。

學習調整預期，唔係放低標準，而係俾自己多一點空間，去接受唔同嘅可能性。

當你唔再只係期待一個「一定要咁」嘅結果，你會慢慢發現: 其實生活，冇想像中咁難過。

#心理小知識 #預期曲線 #情緒管理 #自我成長 #溫柔對自己

當 AI 擁有最強邏輯，我們該留給孩子什麼樣的競爭力？在這個隨手就能問 AI 拿答案的時代，IQ（智力商數） 已不再是成功的唯一保證。機器可以運算天文地理，但它始終無法模擬人類最珍貴的特質——「同理心（Empathy）」。身為家長，我們常擔...
03/27/2026

當 AI 擁有最強邏輯，我們該留給孩子什麼樣的競爭力？

在這個隨手就能問 AI 拿答案的時代，IQ（智力商數） 已不再是成功的唯一保證。機器可以運算天文地理，但它始終無法模擬人類最珍貴的特質——「同理心（Empathy）」。
身為家長，我們常擔心孩子書讀得不夠多，但其實 EQ（情緒商數） 可能才是決定孩子能否在未來社會建立信任、化解衝突、甚至領導團隊的關鍵。
然而，同理心不只是天生的「性格」，而更是可以培育的「能力」。

根據心理學家 Martin Hoffman 的研究，同理心的發展會隨著年齡經歷四個關鍵階段：
1️⃣ 情緒感染 (0-1歲)： 本能反應。當一個 BB 喊，另一個都會跟住喊，這是同理心的雛形。
2️⃣ 自我中心階段 (1-2歲)： 孩子開始想安慰人，但會用「自己覺得好」的方法。例如見到媽咪喊，佢會送自己最愛的公仔畀媽咪。
3️⃣ 觀點取代 (3-6歲)： 發展黃金期！ 孩子開始明白每個人感受可以唔同，學習從他人角度睇世界。
4️⃣ 社會關懷 (學齡期至青少年)： 同理心由身邊人擴散到社會弱勢或未見過的人，建立價值觀。

💡 給家長的小提醒
同理心的成熟需要時間，但如果你發現孩子在社交場合感到吃力、難以理解別人的情感訊號，或者在人際互動中經常感到挫敗，這可能是一個訊號，提醒我們孩子在某個發展階段需要額外的引導與支持。

🔗 【想了解更多？】
我們在內文中詳細分析了每個階段的引導方法，歡迎點擊連結閱讀全文。

中文版：
https://www.mindvoice.ca/zh/post/%E8%B6%85%E8%B6%8A%E8%AA%8D%E7%9F%A5%E7%9A%84%E7%AB%B6%E7%88%AD%E5%8A%9B%EF%BC%9A%E5%BE%9E%E5%BF%83%E7%90%86%E5%AD%B8%E8%A7%80%E9%BB%9E%E6%8E%A2%E8%A8%8E%E5%85%92%E7%AB%A5%E5%90%8C%E7%90%86%E5%BF%83%E4%B9%8B%E7%99%BC%E5%B1%95%E8%88%87%E5%9F%B9%E8%82%B2

英文版：
https://www.mindvoice.ca/post/beyond-cognition-a-psychological-perspective-on-developing-empathy-in-children

#同理心 #兒童發展
#情緒教育 #親子關係 #育兒日常
#兒童心理 #心理健康 #心理治療
#香港家長 #加拿大生活
#情緒管理 #親職教育 #兒童成長
#心理學知識 #家長必看

【心理小知識】有冇試過，你明明好清楚發生過某件事，但對方一再否認，甚至話你「諗多咗」？慢慢地，你開始懷疑自己：係咪我記錯？係咪我太敏感？心理學入面，呢種情況叫做煤氣燈效應（Gaslighting）。佢唔係一次兩次嘅爭拗，而係一種慢慢發生嘅過...
03/24/2026

【心理小知識】
有冇試過，你明明好清楚發生過某件事，但對方一再否認，甚至話你「諗多咗」？

慢慢地，你開始懷疑自己：係咪我記錯？係咪我太敏感？

心理學入面，呢種情況叫做煤氣燈效應（Gaslighting）。

佢唔係一次兩次嘅爭拗，而係一種慢慢發生嘅過程，令你開始唔再相信自己，反而去依賴對方點樣解釋「現實」。
有時最困難嘅，唔係對方講咗啲乜，而係你開始懷疑自己。

如果你曾經有呢種感覺，呢個唔一定代表你有問題。
真正嘅問題，係有人一直令你懷疑自己。
而你，其實唔需要活喺別人嘅版本入面。

#心理小知識 #煤氣燈效應
#心理健康 #情緒覺察 #自我懷疑
#關係界線 #情緒困擾 #心理成長
#自我保護 #多倫多心理治療

Address

245 Fairview Mall Drive, Unit 504
Don Mills, ON
M2J4T1

Opening Hours

Monday 8am - 5pm
Tuesday 8am - 5pm
Wednesday 8am - 5pm
Thursday 8am - 5pm
Friday 8am - 5pm
Saturday 8am - 5pm
Sunday 8am - 5pm

Website

Alerts

Be the first to know and let us send you an email when Mind Voice Psychotherapy posts news and promotions. Your email address will not be used for any other purpose, and you can unsubscribe at any time.

Shortcuts

Share

Category