أجمل لغات الدنيا مع سمر

أجمل لغات الدنيا مع سمر صفحة لتعليم واكتساب طفلك لغته الأم ( اللغة العربية الفصحى ) بطريقة سهلة وسلسة وممتعة بإذن الله ..
(1)

04/29/2026

رسالة من القلب لكل مراهق ومراهقة .. ❤️
مو كل مشهور قدوة، ومو كل ترند يستحق المتابعة ..
السوشيال ميديا سلاح يا بينيك يا بهدمك، والقرار بإيدك .. 💪
اختاروا مين يدخل لعقولكم وأفكاركم ..
لأن دينكم، أخلاقكم، ومستقبلكم أغلى من أي شهرة زائفة ..
كونوا أوعى ولا تعطوا قيمتكم لناس ما بتستحقها ..✨
#وعي #تربية #المراهقين #القدوة

04/26/2026

كل الشكر والتقدير لصفحة وصاحبة البازار على هالدعوة الجميلة 🤍✨
تشرفت جداً بوجودي كضيفة ومتحدثة ضمن هذا الحدث الرائع اللي بيدعم المشاريع الصغيرة ويجمع مجتمع مميز 💫
كانت تجربة قريبة على قلبي، ومليانة طاقة إيجابية وحب 🌿
ممتنة لهالفرصة، وإن شاء الله دايماً نكون جزء من مبادرات بتكبر فينا وبمجتمعنا 🤍

04/25/2026

هاليوم مو بس يوم ميلادي .. هاليوم يوم حسسني قديش أنا محاطة بناس بتحبني بصدق ومن كل قلبهم ..🤍
مفاجأتكم إلي كانت أكبر من مجرد لحظة كانت شعور ما بينوصف 🥹🎂
رفقاتي أنتم نعمة بحياتي، وجودكم جنبي هو أحلى هدية .. 💕
ضحكتكم، اهتمامكم، حبكم كل تفصيلة خلت هاليوم مختلف بكل معنى الكلمة ..
بحبكم كتيرررر ..
شكراً لأنكم دائما بتخلوا أيامي أجمل بوجودكم .. 😍
وشكرا لهالمفاجأة اللي رح تضل بقلبي للأبد .. 🤍

اليوم يوم ميلادي🎂زمان كنت طفلة صغيرة بفرح بأبسط الأشياء .. بضحك من قلبي وبحلم بدون خوف وبفكر إن الحياة كلها حلوة وسهلة ....
04/24/2026

اليوم يوم ميلادي🎂
زمان كنت طفلة صغيرة بفرح بأبسط الأشياء ..
بضحك من قلبي وبحلم بدون خوف وبفكر إن الحياة كلها حلوة وسهلة ..
واليوم!! كبرت ..
كبرت مو بس بالعمر كبرت بالتجارب بالمواقف وبالأيام يلي علمتني كون أقوى .. 💪
زمان كنت محتاجة مين يمسك إيدي ..
واليوم صرت أنا يلي تمسك إيد غيري بكل حب .. 🤍
زمان كنت أستنى الهدايا .. 🎁
واليوم صرت أقدر وجود الناس يلي بحبهم حوالي كأكبر هدية ..
ما بين زمان وهلأ .. ⌛️
في قصص في دموع في ضحكات وفي لحظات صنعتني أنا ..
واليوم ما بتمنى أرجع لورا لأني فخورة بكل نسخة مني .. الصغيرة والكبيرة وكل شي بيناتهم .. 🥰
وكمان ..🤍
جزء كبير من قوتي اليوم هو أنتو ..
حبكم إلي، دعمكم، وكلامكم الحلو كان دائما سبب يخليني كمل ..
يمكن ما بعرفكم شخصيا بس صدقوني تأثيركم بحياتي حقيقي جدا ..
كبرت وأنا مو بس معي ذكرياتي ..
كبرت ومعي ناس من كل مكان عم يعطوني طاقة، حب، ودعم بدون مقابل .. 🤩
شكرا لأنكم جزء من قصتي ..
وشكرا لأنكم خليتوا رحلتي أجمل 💫
يا رب تكون أيامي الجاية أخف، أحن، وأجمل وأنجح ..
وتظل ضحكتي حقيقية مثل زمان وقلبي أقوى من أي وقت ..
يوم ميلاد سعيد إلي ولكل نسخة مني ..🎈🤍

03/21/2026

خلف كل دقيقة بتشوفوها في ساعات من الضحك والخطأ وإعادة المحاولة ..😊
هي هي العفوية اللي بتخلينا نوصل لقلوبكم أحبتي ..
حبيت أهديكم هاللحظات الحقيقية بمناسبة العيد ..🌹
كل عام وأنتم بكل خير وعيد مبارك .. 💛

03/21/2026

حبيبتي أمي ..😍
أنت التي أفنيت لأجلي عمرك ..
فلو مهما سهرت أو تعبت أو شقيت أو فعلت أي شيء لن أستطيع يوما أن أرد جزءا من جميلك ..
فأنت التي سهرت وتعبت وصبرت وتحملت وضحت لأجلي وكنتِ معي دائما ..
سامحيني إن قصرت في حقك يوما ..
أعلم أنك تريدين لي الأفضل دوما ..
أنت صديقتي وحبيبتي وأغلى ماعندي في هذه الدنيا .. 💛
أدعو الله أن تكوني بخير دائما وأن تكوني راضية عني ..
شكرا لك على كل شيء فعلته لأجلي .. ❤

أحبك كثيرا يا أمي .. 😘😘
كل عام وكل أم بكل الخير وأمهاتكم جميعا بخير ..🥰
وللأمهات المتوفيات ربي يرحمهم ويجعلهم في عليين يارب .. 🤲

03/19/2026

العيد مو بس فرحة .. 🥰
هو قوة بنزرعها بقلوبنا وبقلوب ولادنا لحتى نقدر نكفي المشوار رغم كل الوجع .. 🤕
زينوا بيوتكم فالدين الإسلامي هو دين سعادة وبهجة وفرح وإظهار هالأمل بوسط الصعاب هو أكبر دليل على إنو إيماننا برب العالمين ما بينكسر .. 🤲
لقد ​ودعنا رمضان بدمعة الغياب بس بنستقبل العيد ببسمة اليقين .. 😊
يا رب يتقبل منا ومنكم ويعيده علينا وعليكم بكل خير وفرج قريب يارب أحبتي .. 💛
عيدكم مبارك .. 🌹

03/18/2026

الوقت مو مجرد أرقام عم تمشي هو أغلى عملة منملكها وما فينا نستردها أبدًا .. ⏰️
كلنا منعيش وكأنه الأيام رح تضل ناطرتنا بس الحقيقة أن اللحظات اللي بتمر هي جزء من روحنا وعمرنا ..😰
استثمروا أوقاتكم مع الناس اللي بتحبوهم وبالأشياء اللي بتعطيكم قيمة حقيقية لأن الحياة أسرع مما بنتخيل ..⏳✨

03/17/2026

قل لي من تصاحب أقول لك من أنت .. 👍
​اختيار الصديق ليس رفاهية بل هو خط الدفاع الأول عن قيمك ومبادئك في الحياة .. 💪
في رحلتنا نقابل الكثيرين لكن القليل منهم من يستحق أن نفتح لهم أبواب حياتنا الخاصة ..💛
لأن ​القرب من الشخص الخطأ لا يلوث سمعتنا فحسب بل يغير تدريجيًا من نظرتنا للحياة ويطفئ فينا الشغف بالجمال والنقاء .. 💔

03/16/2026

تعبنا من المثالية المزيفة .. 😔
تعبنا من عالم عم يفرض علينا نكون بأبهى صورة بكل لحظة .. 😱
الأسف السوشيال ميديا خلت البعض يكره واقعه ويحس إنه مقصر ببيته أو مع ولاده أو بحق نفسه كمان لمجرد إنه عم يشوف قشور ملمعة ..
تذكروا دائمًا الكوب اللي بيبهر العين ممكن يكون طعمه مر كتير من جوا .. 🤮
لا تحكموا على حياتكم من وراء شاشة وعيشوا حقيقتكم بكل فخر لأن الصدق هو اللي بيبقى بالآخر ..🌿

03/15/2026

أحيانًا منحس بضيق وتعب بدون سبب واضح ..💔
والحقيقة إنه أرواحنا بتكون عم تعطينا "إنذار" إنها محتاجة تنشحن .. 🔌💡
الصلاة هي المكان اللي بنرمي فيه كل همومنا وبنستمد منه القوة دائما ..💪
لا تخلي قلبك يطفي خليك دائمًا موصول بمصدر النور يلي هو قربك من ربك وصلاتك ..✨🕌

03/14/2026

الكلمة أمانة إن خرجت ملكتك ..
وإن حبست ملكتها أنت ..✋️
طهر لسانك من الغيبة والنميمة .. لتسمو بروحك وتطيب ذكراك بين الناس وفي صحائف الملائكة بإذن الله ..🤲

Address

London, ON
N5V TO N6P

Website

Alerts

Be the first to know and let us send you an email when أجمل لغات الدنيا مع سمر posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to أجمل لغات الدنيا مع سمر:

Shortcuts

Share

Category