09/05/2025
شوفوا هرمون الكورتيزول المسؤول عن التوتر شيسوي بالانسان ببشرته بجسمه بصحته!
وتدرون احنة حياتنا بالعراق شلون دائماً توتر وقلق وتفكير وعصبية
تخيّلوا مرة من المرات واحد من المراجعين
كان يراجعني كلشي مابيه ماعنده اي مشكلة صحية
لكن هو قلق ويخاف من كلشي
يومية يفحص الضغط السكر
هو طبعاً يندرج ضمن الـocd الوسواس القهري
لكن القلق والتوتر شسوه بيه!؟
لدرجة بعدين شفته بيوم من الأيام تمرض صار عنده ضغط وسكر وهو كان اصلاً كلشي مابيه
احنة أجسامنا مامتعودة على هذا الشي
اني مرة مطلع على كتاب لعالم اعصاب يگول اجسامنا مامصممة للتوتر طويل الامد
ويگول نفسه هذا نظامنا الدفاعي وي هرمون الكورتيزول رح يتحول الى نظام مضر باجسامنا وبالتالي رح ينعكس على تركيزك ويومك وصحتك
لذلك انصح دائماً أي شخص عنده عمل او دراسة يترك يوم استراحة ع الاقل بالاسبوع يرتاح من كلشي يطلع من جو العمل والدراسة والانجاز
ويستعيد طاقته وصحته
