Quel est le site Web ?

http://www.ilaalchagaari.dkl.com/

Ilaalcha Attitude, Adama (2025)

20/08/2020

AMALOOTA NAMOOTA MO'ATOO TORBA (7)
=================================
1 # Kufaatii isaanii dhoksuuf hin dhama'an, akka
barumsa argatanitti yaadu.
2 # Abdii hin kutani. Yoo kufan ka'uu akka
danda'an beeku.
3 # Waan gaarii fi cimina ofii isaanii fi kan nama
biraa arguu danda'u. Hir'inaa isaaniirratti malee
hir'ina namaa irratti hin xiyyeeffatan. Waan
qabanii fi waan danda'anirratti xiyyeeffatu.
4 # Namoota (hiriyyoota) gaarii ta'an naannoo
isaaniitii qabaatu. Hiriyyoota kaayyoo, ergama fi
ilaalchaan waltumsuu danda'an of biraa qabu.
5 # Waa'ee doggoggora darbee deddeebi'anii
yaadanii of hin dhiphisan, garuu irraa baratu.
6 # Yeroo kaayyoof jedhanii miidhamni dhiphinni,
rakkiinni irra ga'u waan isaan miidhe caalaa
waan miidhama sana keessaa argatan yaadu.
7 # Murtoo murteessuuf dudduuba hin deebi'an.
Murtoon jireenya keessatti barbaachisaadha,
namoonni mo'atoon ni murteessu.KD
=============================
fi waan gootaniif galatoomaa!

04/12/2019

======================================
Maqaan ishee Alexandria Ocasio-Cortez: Jedhamti. Barattee Digirii tokko qabdi. Hata’u malee Har’as Mana Nyaataa Magaalaa New York Keessatti argamu Keessaa keessummeessituu (Waitres) dha. Hojii ishee kana baayyee jaallatti. Alexandria Mana Nyaataa Keessa Haa keessummeesitu malee Mul’ata guddaa tokko garuu qabdi. Innis Siyaasa Ameerikaa keessatti hirmaattee seera biyyattii dabe qajeelchuu dha. Keessumaa bulchiinsa Traampitti baayyee aarti. Naannoo Hojii isheetti waa baayyee taajjabdi. Iyummaa dhala namaa argaa oolti. Isa qabuuf isa hin qabne gidduu garaagartummaa jiru guyya guyyaan taajjabdi.
~
Alexandria Ocasio - Cortez kan jireenya ishee geggeessitu galiin ishee Maallaqa namooti barcuma gubbaatti isheef dhiisanii deeman (Tip) dha. Abbaan Ishee bara 2008 balaa obonboleettiitiin irraa du’e. Harmee ishee baayyee jaallatti. Jabina dubartummaa ishee irraa dhaalte waan ta’eef. Iyyummaa jabaan guddatte. Mana Nyaataa keessaa keessummeessuun akka galma ishee isa dhumaa hin taane ni beetti. Maaliif? Mul’ata qabdi waan ta’eef.
~
Alexandria Cortez bakka buutuu mana maree biyyattii taatee dorgomuuf yeroo murteessitu haalli isheen keessa jirtuuf turte ishee hin daangessine. Nama isheen waliin dorgomtu nama Jabaa ta’uu beetti. Yuniversitii addunyaa kanarra jiran keessaa beekamaa kan ta’e ‘Yale’ jedhamutti barate. Profeesera Yunversitiiti. Doktora. Anthony Paappas jedhama. Lama ta’anii nama Yeroo dheeraaf bakka bu’aa Koonyaa sanaa ture Joe Crowley jedhamu irraa barcuma fudhachuuf dorgomu. Isa injifatetu barcumicha argata.
~
Har’a Intalli ganna 29 kun Nama Yeroo dheeraaf Congress ture Joe Crowley injifattee bakka buutuu mana Maree Konyaa New York ta’uudhaan Mul’ata ishee dhugoomfatteetti. Isaan Demookraatotaaf injifannoo guddaa dha.

Alexandera Cortez Baatii Amajjii keessa gara D.C dhaquun Hojii ishee ifatti jalqabdi. Bor gaafa hojii jalqabdu Miindaa Doktoriin fayyaa tokko argatu haa argattuyyuu malee amma Amajjiitti garuu waan ittiin Washington D.C keessaa mana Kireeffattu waan hin qabneef yeroodhaaf akka New York turuu qabdu murteesiteetti. Kaleessa kan ishee hin beenne abbootiin qabeenyaa hedduun bakka isheen barbaadde filattee akka jiraattu Harka diriirsaafii jiru. Yeroo galmeen keessan galagalu Mootiitu gadi jedhee isinii qoomma’a.
~
Alexandria Ocasio - Cortez Seenaa Ameerikaa keessatti bakka buutuu mana maree nama umuriin xiqqaa dha. Maaliifan kaase seetan? Nama isin bira darbee milkaa’e tokkoon ‘Muu kaleessan ishee/Isa beekaam. Otuunillee hin beeku ta’ee’ hin jedhinaa! Nama sana rakkina isaa, mudannoo isaa/ishee Haala ishee/inni keessa jiru beekuu Maaltu ta’a. Garuu waan tokko hin beettan. Innis Dandeettii nama sana keessa jiru, mul’ata nama sana keessa jiru quba hin qabdan. Har’i namaa kaleessaan murtaa’uu hin qabu. Har’a Uummati New York kaleessa (Tip) doolaara ammanaa isheedhaa laanne jedhanii lafa ciraa hin jiran. Warri isheen injifattes ‘Muu waitress dhaam’ jedhanii tuffachaa hin jiran. Intala ofii guddisan, jireenya rakkinaa argitee filannoo isaaniitiin bakka mul’ata ishee geesse kana, nama amma bor hojii jalqabdutti waan mana ittiin kireeffattullee hin qabne kana akka haaraatti hammatanii wajjin suuraa ka’uun milkoomina ishee kabajaafii jiru. Har’aaf boriin kee kaleessa keen hin murtaa’u waan ta’eef Milkoomina kee har’aatti hinaafanii warra kaleessa kee si yaadachiisuun ‘Muu’ siin jechuu barbaadaniin akka isaan Mul’ata hin qabne bariitii ‘Muu’ jedhii bira darbi. Har’aaf boriin kee kaleessa isaan si yaadachiisaniin waan hin murtoofneef galagaltee hidhii itti hin ciniinin. Kolfii gara mul’ata keetti tarkaanfadhu. . . =========================================================
fi waan gootaniif galatoomaa!

01/05/2019

Namni YEROO 3 fi WAANTA 3 qaba.
======================================

SADAN:

*Yeroo Ijoollummaa.
*Yeroo Dargaggummaa
*Yeroo Dullumaa

SADAN:

*Qarshii
*Fayyaafi
*Yeroo dha.

1.Yeroo ijoollummaatti namni ga'aafi Fayyaa qaba. Qarshii hin qabu.

*Yeroo xabachuu
*Yeroo nyaachuu
*Yeroo bashannanuu
*yeroo kununfamuu
*yeroo irribaafi kkf qaba
ijoolleen qarshii waan hin qabneef akka barbaadetti, barbaadetti, barbaade bitachuu, nyaachuu, uffachuu, qabachuu hin dandahu.

2.Yeroo Dargaggummaatti ammoo Namni qaba Yeroo hin qabu.
Yeroo bashanannuu
Yeroo xabachuu
Yeroo haasaa
Yeroo kununfamuu
Yeroo akka barbaadefi bakka barbaade deemuu hin qabu.

Garuu Bakka barbaade
Akka barbaade
Waan barbaade
Gochuuf humnaafi fayyaa guutuu qaba.

3.Yeroo Dullumaa.

Yeroo dullumaatti namni fi # Yeroo Qaba Fayyaa hin qabu.

Qarshii isaa kanaan waan barbaade bitachuu hin dandahu bichisiifachuu malee. Humna isaa hin qabukaa.

Bakka barbaade deemuu hin dandahu deemsifamuu malee. Amilee isaa hin qabukaa.

Akka barbaade nyaachuu hin dandahu kuskusseen arrabaa waan jalaa du'uuf dhandhama gaarii hin dhagau.

Yeroo kanatti namni yeroon waan jiruuf mana jala minjaala irra ulee ofitti hirkasanii ta'uufi nama oliifi gadi darbu ilaaluu malee humna ittiin sochoan waan hin qabneef namni dargaggummaasaatti haalaan hin fayyadamne gaabbiidhaan hidhii xuuxee lafa xira.
Quba nyaatee mataa ofirraa cira
Ulee qabatee adeemuun lafa tuttumachaa Aha...jedhee aada
Ayi bara sana
Wayii anaa maal ta'a utuun bara sana sanafaa godheera taheetii...wayyoo....jechuun hin oolu.

Qarshiin
*Mana malee maatii hin bitu
*Siree malee irriba hin bitu
*Sa'aatii malee yeroo hin bitu
*kitaaba malee ogummaa hin bitu

Waanta kana hundumaa yerookeetti haalaan fayyadamnaan garuu ati nama guutuudha bara keettis hin gaabbitu.
Yoo dulloomteetta tahe dhaloota eebbisii gorsi
Aadaa, duudhaa fi seenaa barsiisi.
Ammayyuu carraa qabda Utuu hin du'iin seenaa hojjechuu dandeessaatii.

Dargaggeessi ammoo....Harra maal karoorfatte ?
Eessaa eenyuu wajjin oolta?
Karoora gaggaarii karoorfadhu!
Uumaa kee galateeffadhu.
Isas kadhadhu.

29/04/2019

Yaa Lammii Koo:-

Ifaa Huubboo Keessaa Hin Ta'iin!!

26/04/2019

Nan Beeka!, Nan Danda'a!
----------------------*--------------------------*------------------
Yaa lammii koo addunyaa Kana Irratti Hin Beeku waanti ati jettu akka hin jiraanne! Wa'ee Uumamaa hawwaa haa ta'uu waa'ee hawaasummaa addunyaa kanaa waanuma kamuu lafa kanarratti barattee beekuu qabda. Beekaa taatee argamuu qabda! Gaaffii "Ni dandeessaa?" jedhamtee gaafatamtu kamiifuu deebiin kee "lakkii,hin danda'u" osoo hin taane "eeyyen!, nan danda'a" ta'uu qaba. ===================================== fi waan gooteef galatoomi!

15/03/2019

Jirtuu! Gaaffii Kana Yaalaa! Eenyutu 'Smart' dha?

04/03/2019

Kaayyoon ofii qeerransa
Qeerransa eegee qabuuree?
Qaban gad gadhiisuuree
Bara baay'een qaxxise
Mee ka'eemmoo fiiguuree?
Maal abbaakoottan fiiga
Yoon fiiguu dadhabellee
Numan suksuka hin teenye
Nan joora nan jaawwara
Lafa garaa koo hin geenye.

Natti tolee gammadees
Aara galfadhee hin teenye
Yookaan garaa kutadhee
Marmaradhees hin ciisne
Bu'aa dalgaa barbaachas
Karaa sobaarra hin fiigne
Ittuma cicheen jira
Qabsoo jireenyaa hin dhiisne.

"Waan gurguddaatu jira
Kan fuuldurakoo taa'u
Of duuba gara galee
Bookeef tafkii hin lakkaa'u"
Booddeetti nan deebisu
Koshiif sokoksaan baalaa
Inni na waliin jiru waaqnikoo
Hunda caala
Waan hudumaa itti dhiiseen
Of duratti isa ilaala.

Tasumaa gad hin teenye
Numa deema miillikoo
Erga gaafa dhalatee
Utuman karaa deemuu
Narraa dhume kopheenkoo
Kaalsii isaa dabalatee
Yaa rabbi na gargaari
Dhadhaabbata naaf ta'i
An sirrattan of gate.

Gargaarsumakee abdadheen
Qeerransa eegee qabeen
Kunoo itti rarra'a
Na milkeessi yaa gooftaa
Atumti humna naaf ta'i
Situ hundumaa danda'a
Isa ani jedhu miti
Isa ati jettutu ta'a!!!!!!!!!!!!!!!
.....Jettega abdiikee waaqarra yeroo kaa'attu!

20/12/2018

Diinni koo inni guddaan ILAALCHA koodha😡
==============================

🌛ILAALchi akkaataa nuyi itti waa ilaallu ykn hiikkannudha🌜.

🔎 Ilaalchi koo isa tokko fira naaf godhee isa kaan immoo natti alagoomsa.
🔎Ilaalchi koo isa tokko eebbisi isa kaan immoo abaari na jedha.
🔎Ilaalchi koo aarii natti naqee hir’iba malee na bulcha.
🔎Ilaalchi koo dubbii micciree sammuu koo jeqee nagaa na dhowwata.
🔎Ilaalchi koo isa tokko na jaallachiisee isa kaan na immoo jibbisiisa.
🔎Ilaalchi koo mogolee na buusee abdii na kutachiisa.
🔎Ilaalchi koo of na tuulchisee na bokoksa.
🔎Ilaalchi koo gadi na xiqqeessee ati namaa gadi na jedha.
🔎Ilaalchi koo isa tokko daandii qajeelaa godhee isa kaan immoo daandii jal’aa godhee natti mul’isa.

*Ya ilaalcha koo, diina si caalu eenyuunan qabaree? Diina isa alaa hoo ilaaleen of irraa faccisa, siin isa sa’aa 24 guutuu na waliin jiru hoo akkam godhu? =========================================================
fi waan gootaniif galatoomaa!

30/09/2018

Ilaalcha Moo’ataa
=========================
Akka dhuunfaattis ta’i, akka Ummata guutuutti innifannoo galmeessisuudhaaf waan hunda dura ilaalchi kee sirraawuu qaba. Sammuun kee hin danda’u ( I can’t) ilaalcha jedhurraa gara Nan Danda’a ( I can) jedhutti jijjiiramuu qaba. Namni gaafa hin danda’u jedhe miirri isaa gutuun ni laamsha’a, hamileen isaa ni kufa, waanuma salphaas hojjachuu hin danda’u.

Gaafa Nan Danda’a jette humna argatta, hamilee keettu ol ka’a, ofitti amanamummaa keettu dabala. Gaafas wanti sitti ulfaatu tokkos hin jiraatu. Kan Ilmoon namaa dhugoomsuu danda’e kamiyyuu wanti ati dhugoomsuu hin dandeenyef hin jiru. Kanaafuu yoomuu caala ofitti amanamummaa kee cimsadhu, miira injifannoo kee jabeeffadhu. KD
=============================
fi waan gootaniif galatoomaa!

21/03/2018

. DHUGAA!? .
===========================================================
Hundumti keenya dhugaa jaalanna, dhugaa faana hiriiruus barbaadna. Garuu Dhugaan mataanshee maal inni? Wanta dhugaa jechuun maal jechuudha? Namni tokko dhugummaansaa maaliin ragga’a?

Kuni gaafii guddaadha!

Gaafii kana eenyumtuu hin deebisu. Dhugaan deebii gabaabaa hin qabdu. Dhugaan akkaataa waan tokko nuti itti ilaalurraa burqa. Kan Isa tokkoof dhugaa isa biroof dhugaa miti. Kan isa tokkotti mul’atu isa birootti hin mul’atu. Haqa hubachuuf waan hunda dura ofiin wal dhabuu barbaachisa. Yaadaf ilaalcha dur qabnu dhaabbannee madaaluu feesisa. Mallattoo gaafii of keessatti uumuu barbaachisa. Gaafas kan har’a namaaf hin ifin bor namaaf ifa. Gaafas haqa har’a arguu dadhabne boru argina. Gaafas kan har’a nama dogongoraa nutti fakkaate nama haqaa tahuu hubanna.

Eeyyen👇🏽

Dhugummaaf dharummaa waan tokkoo adda baafachuuf ifaajuun waan tokko ta’ee yaada walii kabajanii ofdura adeemuu caala bilchinni hin jiru. Al tokko tokko dhimmuma tokkorratti yaadni waliif faallaa lama dhugaa tahuu danda’u. Dubbichi ija nuti waan tokko ilaallu keessa jechuufani. Kan tokko dhara jedhee yaadu inni kan biroo immoo haqa itti fakkaachuun ni mala. Kuni akkaataa waan tokko itti ilaallu/ kallattii ilaalcha keenyaa irraa kan madduudha. Sanammoo jijjiruun salphaa miti. Wanti godhuun dandahamu inni guddaan waliif hubachuudha, eeyyen namni kuni akkaataa ilaalcha isaatiin sirrii tahuu danda’a jedhanii yaadudha. Attitude matters, perspective matters. Nothing as maturity as respecting each others perspective and moving forward! =========================================================
fi waan gootaniif galatoomaa!

21/01/2018

Yoo abbaan ofiif gatii hin kennin, yoo abbaan ani nama faayda qabeessa jedhee ofitti hin amanin, yoo abbumti mataansaa ani akka nama tokkootti wantin sirriitti hojjachuu danda’u ni jira jedhee yaadu hin danda’in namni suni hirriba cillimii keessa jira jechuudha. Nan beeka, nan beeka, nan danda’a, nan danda’a jettee daanga hin dabrin malee dandeettii waa hojjachuu kee of keessatti hin qancarsin. Osoo akka eenyumayyuu waan ol’aana hojjachuu dandeechu akka nama salphaatti of hin ilaalin.

Eeyyen!

Ati nama cimaadha. Sima barreeffama kana dubbisaa jirtunan jechaa jira. Cimina kee sana barbaadii argadhu. Barbaaddu ofuma kee waliin daqiiqaa/ saa’aa muraasa fudhadhuu walgahii taa’i, kallattii kennama keetii adda baafadhu, waan sana irratti cimii hojjadhu. Namni har’a akka Adduunyaatti sadarkaa ol’aanaarra jirra jennee yaannu kamiyyuu jalqaba akkuma keenya kanatti ani nan danda’aa laata? Waan kana godhuu danda’aa laata? Jechaa of shakkaatuma itti seene. Irratti cichee waan hojjateef milkaawe. Nutis isaanin adda hin jirru. Ofitti amanamummadhaan kennama keenyarratti cimnee yoo hojjanne ni milkoofna💐 tiin
=========================================================
fi waan gootaniif galatoomaa!

01/01/2018

Bara Waan hawwitan mara itti argittanii fi argattan Isiif Haa ta'u!🎊🎉

Ilaalcha Attitude

20/08/2020

04/12/2019

01/05/2019

29/04/2019

26/04/2019

15/03/2019

04/03/2019

20/12/2018

30/09/2018

21/03/2018

21/01/2018

01/01/2018

Adresse

Téléphone

Site Web

Notifications

Contacter La Pratique

Raccourcis

Partager

Type

Our Story