25/02/2026
رمضان المبارک جیسے بابرکت اور مقدس مہینے میں ایک ایسا وائس میسج گردش کر رہا ہے جس میں نہ صرف انسانیت کی تذلیل کی گئی بلکہ معزز اداروں، لیڈی ریڈنگ ہسپتال اور پولیس کو بدنام کرنے کی مذموم کوشش بھی کی گئی ہے۔ یہ عمل نہایت افسوسناک اور قابلِ مذمت ہے۔
بلا تحقیق الزامات لگانا، جھوٹ پر مبنی کہانیاں گھڑنا اور عوام کے دلوں میں شکوک و شبہات پیدا کرنا کسی بھی مہذب معاشرے کا شیوہ نہیں۔ ایسے منفی ہتھکنڈے اس بات کی عکاسی کرتے ہیں کہ پیغام پھیلانے والے کا کردار، قول و فعل اور نیت مشکوک ہے۔
ہم عوام سے اپیل کرتے ہیں کہ ایسی کسی بھی ویڈیو یا وائس پیغام کو مکمل دیکھنے اور سننے سے پہلے اپنی ذمہ داری کا احساس کریں، اور خاص طور پر بچے اور کمزور دل افراد اس قسم کے مواد سے اجتناب کریں۔
آئیں اس مقدس مہینے میں سچ، صبر اور ذمہ داری کو فروغ دیں اور جھوٹ و بہتان سے خود کو اور اپنے معاشرے کو محفوظ رکھیں۔
شکریہ
